خاص بالعلميين وخريجى علوم فقط **تثبيت**

[msamh81]

السلام عليكم
الزملاء الاعزاء اول حاجه اسيبكم مع هذا الرابط لتتعرفوا على المشكله
http://www.essp-egypt.com/articles.nqaba.htm (http://www.essp-egypt.com/articles.nqaba.htm)

المشكله اللى ممكن الكتير منك لا يعرفها او غير مدرك لها وهى المستقبل
هنعمل ايه فى المستقبل مع زياده العدد وقله الموارد
شوف والدك او الناس اللى حوليك لما طلعوا على المعاش بيصرفوا منيين
نقابه المحامين سمعت ان معاشها 1000 حنيه شهريا مقارنه بالعمليين 47.5

كل المطلوب منكم وضع تصورات وحلول للموضوع ننقاشها مع بعض ونتوصل للافضل
وبعدين نعرضها على كل المعنيين من كليات وطلبه واعضاء نقابه (استفتاء عام )
واللى نتوصله ان شاء الله هيقرر


وانا هبدا بنفسى فى الاقترحات :

1- زياده الاشتركات من 50 جنيه الى 100 جنيه فى السنه او دفع مبلغ فى بدايه التقدم ( لا افضلها بسبب حديثى التخرج)
2- وضع رسوم اودمغه على طلبه الكليات مع المصاريف 1 جنيه وكذلك طلبه الدرسات العليا
3-انشاء مشاريع وانشطه بمصاريف مدعمه مثل وضع اعلانات بالمجله العلميه او وضع اعلانات وظائف

وغيره
نتظر المشاركات وخصوصا زملاء الاقاليم طلبه وخريجيين
لان صوتهم صعب يوصل

[msamh81]

24مشاهده ولا مشاركه واحده
كل اللى اقدر اقوله ان انتوا شباب سلبى
شباب يخاف يتكلم فيعرفوا انه ليس لديه المقدره للتكلم والمناقشه
شباب عايز كل حاجه على الجاهز
فى فرق لما كنتوا صغيريين كان معلش الحاجه بتتعمل ليكوا وبيقولى دول عيال
انما دلوقتى اللى بيسيب حقه لن يبحث عنه احد غيره


خلى البذاذه تنفعكوا

[Epsilon]

صباح الفل انت زعلان ليه

[hego_2012]

الاقتراح الثانى هايل شكرااااااااااااااااااااااااااااااااااااااااااااااا اا

[hanyhikel78]

السلام عليكم اولا فعلا احنا سلبين ومحدش بيكلم علشان كدة حقنا مهدور وما حدش هايخد حقنا غيرنا وان فضلنا كدة هنفضل كدة ماحدش يقدرنا ولا يعرف قيمتنا زى البلاد المتقدمة وان الله لا يغير ما بقوم حتى يغيروا ما با نفسهم ثانيا اقتراحتك رائعة وياريت تتنفذ اما اقتراحتى بجانب اقتراحتك ان يبقى فى حملة توعية عن طريق البرامج والمسلسلات التى توصل رسالة بقيمة العلماء وازاى هما ممكن لو استغلوا استغلال جيد هيقدموا البلد دى وهتبقى من البلاد المتقدمة ثالثا ان حد من رجال الاعمال الكويسين يستغل طاقة الشباب ويتبنى مشاريعهم رابعا بعث بعثات لهؤلاء العلماء للخارج ولاستفادة من خبرة العلماء الامريكان خامسا ان الدكتور احمد زويل يهتم بينا ما احنا كان زينا ولكن اتيحت له الفرصة ليه مايفدش شباب مصر ويهتم بتطوير كلية العلوم سادسا ان البحث العلمى يهتم بهؤلاء الخريجين ويشغلهم ويبقى ليهم شغل ثابت زى طلبة الطب والصيدلة ما ليهم تكليفهم احنا برده يبقى لينا تكليف وفرص للعمل مناسبة لتخصصنا وبعد هندفع للنقابة بس لما نبقى نلاقى شغل!!!!!!!!!!!!!!!!!

[dr zezo]

اولا الاشتراك 65 جنيه مش 50 جنيه
ثانيا هى النقابة اصلا ايه الانشطة اللى بتقدمها او ايه اللى يخلى الخريجين يشتركو فيها .. .. .. . . . انا واحد من الناس قرفت ادخل النقابة اصلا علشان اشترك فيها ............................ "rockstuff"

[medo_giboba]

حقيقي البلد دي مش بتاعة خريجين علوم عموما
لانها بلد مالهاش في العلم الا مكانش دة حالها
و محدش عارف بتاع علوم دة المفروض يعمل اية حتي خريجين علوم نفسهم

تلاقيهم في مجالات البيولوجي بيتمحكوا في خريجين طب و صيدلة
و في مجال الكيميا و الفيزيا بيتمحكوا في بتوع هندسة

و في اي مجال مالهمش حاجة خاصة بيهم كدة محددة
علشان هية علوم علي بعضها


فالنقابة مرتبطة بكدة يعني
انت اصلا مالكش شغل اصلا خاص بيك
فاهم يعني اية
مالكش اصلا حاجة محددة ليك تعملك اهمية في مجتمع بالشكل دة
فطبيعي انة نقابتك تبقي بتعكس اللي انت فية
فالحل مش في النقابة الحل في وضع العميين اصلا اللي هو صعب جدا لانة مرتبط اصا بحال البلد ككل اللي من اسوأ لاسوأ

المفروض اصلا اللي في الكتب يعني ... ان شغلتهم الابحاث و طبعا دة كلام وهم في مصر
لكن الاصل ان الشغل هو الابحاث و كدة و المفروض لو فية كدة موجود و صح يبقي خريج علوم رقم واحد في المجال دة و محدش بيشاركة فية

و طبعا البحوث دي لو موجودة صح في بلد هتبقي كل شركة و مصنع و شركة في كل المجتالات الحيوية و كدة عندها نظام R & D محترم و كدة و دة اللي مخلي شغل علوم برة موجود و كتير قوي (بس طبعا للي من البلد او اللي معترفين بشهادتهم اصلا)

مع ان ودي حقيقة و انا شفتها بنفسي ان خريجين علوم برة ليهم وضعهم و شغلهم جامد اوي و مية الف شغلاننة و الطلب اكتر من الموجودة كتير
و مستحيل حد خريج صيدلة مثلا يشتغل شغلة خريج علوم تخصصات معينة لانهم هناك احسن

دي بلد اي كلام .... علشان نسبة الدخل اللي مصروفة علي البحث العلمي كام اصلا من الدخل القومي
البلاد التانية النسبة دي بتبقي ارقام مهولة كفاية انها تشغل كل خريجي علوم اللي في البلد 10 سنين قدام

و بما ان موضوع الابحاث و التطور دة مش مطروح اصلا في مصر حاليا
فانا معتقدتش انة ممكن يبقي فية تطور لمستوي الخريجين ابدا

احسن لهم يقفلوا الكلية دي اصلا و يعترفوا انه مافيش فايدة انة مصر تتطور ....

علي فكرة كلمة بحقيقي ...
مستوي البلد عموما مرتبط بمستوي خريجين علوم
يعني طول ما خريجين علوم كدة اعرف انة البلد دي عمرها ما هتتطور و تبقي بلد عدلة ابدا و العكس صحيح

[msamh81]

علي فكرة كلمة بحقيقي ...
مستوي البلد عموما مرتبط بمستوي خريجين علوم
يعني طول ما خريجين علوم كدة اعرف انة البلد دي عمرها ما هتتطور و تبقي بلد عدلة ابدا و العكس صحيح



طبعا الجزء ده الصح واللى قبل كده غلط
من ناحيه دفن راسك فى الرمل والاستسلام للواقع
ياباشا انا معاك ان البلد دى مفيش منها فايده ولا حتى بعد خمسين سنه
بس الفكره ان مش هيعدل وضعنا احنا غيرنا احنا
يعنى لو كنا معا بعض فى كل كبيره وصغيره وكان لينا كبير بيدخل وياخد حقنا هيكون لينا وضع احسن
يعنى عندك نقابه الصيادله
شوف عملت ايه لما قالوا هنعمل تفتيش على الصيدليات قالوا هنقفل ونعد فى البيت
وكمان ايه
كل الجامعات الخاصه والاجنبيه الى فى مصر اللى فتحت مؤخرا كانت بتطلب فى الاول اعضاء هيئه تدريس من علوم لانه المفروض متتخصصين وبالذات الجامعات الاجنبيه (guc)

ولكن ماذا حدث ؟

تدخلت ايادى خفيه لتغيير الخطه واصبحت للصيادله فقط ( وقالت نقابه الصيادله اللى يدرس للصيادله لازم يكون صيدلى )
وطبعا احنا واكليين داتوره ولا اكلمنا ولا حاجه ونفس الحال للنقابه


احنا مشكلتنا مشكله ثقه بالنفس مش اكتر فكروا كده شويه وشوفوا بره وضعنا عامل ازى

[made_man_12]

انا حزين حزين
لا شيء يقال بعد هذا الكلام إلا ....................................

[™HYDRO]

والله هي المشكله مش مشكله الفلوس هي مشكله وضعنا في البلد لأن الناس ماتعرفش اهميتنا وان اللي زينا في البلاد الاخرى وضعهم عامل ازاي

[mostafa samir a]

ياجماعه ايه رايكوا لو حصل تغيير فى سياسه النقابه بمعنى
تم رفع الاشتراكات وتم فرض رسوم على كل شئ تود ن تفعله من تقديم اوراق مثل دمغه 5 جنيه تحصل منك اثناء دفع المصاريف لو انت طالب
وكمان نعمل استطلاع للراى يشمل كل الطبه والخرجيين والدكاتره عن ارائهم وافاكارهم للتغير ويكون على النت لمده اسبوع
بس لازم ناخد موافقه النقابه علشان يكون بصوره شرعيه


كلمه اخيره اللى عنده كلام محبط يخليه لنفسه علشان الواحد مش ناقص احباط

[bikosikodiko]

i thinkkkkkkkk the problem is not us and not the goverment also i guess the air or water

[adelzkr]

ممكن حد يقولي ماهى فرص عمل خريجي فيزياء-كيمياء ؟؟؟
انا لسه فى 2 فيزياء-كيمياء جامعة عين شمس

[mostafa samir a]

الحل الوحيد للتغيير ان الطلبه والاسر والاتحادات تضغط على الدكاتره للتعبير عن رغبتهم فى تغيير سياسه النقابه
العقيمه
لان اى محاوله فرديه ستقابل بالصد من اعضاء اداره النقابه (مؤسسه مصريه)
او اخونا البعدا :shutup00:

[physiagy]

المشكلة دى سياسية عليا جدا اكثر من اكاديمية
لما نغير نظام البلد كل حاجة هتتصلح
الاسلام هو الحل

[reddimond]

المشكلة دى سياسية عليا جدا اكثر من اكاديمية
لما نغير نظام البلد كل حاجة هتتصلح
الاسلام هو الحل

تانى ياعم شريف ما علينا ندخل فى الموضوع


طبعا المشكله دى جامده وفى كل المجالات وفى كل التخصصات يعنى من الممكن انك تلاقى خريجى كليات تانيه ومش لاقين شغل يعنى احنا الواحد فينا لما دخل كليه علوم دخل مجال بيحبه وكل همه انه ينجح فى اللى بيحبه بس المشكله اتضحت بعد كده انه مش هيلاقى شغل ولما يتخرج ملوش مجال انه يشتغل فى التخصص بتاعه (مثلا فيزياء)وطبعا هيشتغل حاجه تانى غير تخصصه اللى هو بيحبه
بس انا راى ان الحاجات دى كلها حاجات ملهاش لازمه ان احنا نتكلم فيها فى المرحله الدراسيه انا راى ان كل واحد يعمل اللى عليه فى الدراسه وبدوس على كلمه يعمل اللى عليه عشان المشكله ان مفيش حد بقى عارف يعمل حاجه صح وبعد كده ربنا هيديه على قد ماهو عمل

[mostafa samir a]

ياباشا انا لما كنت طالب مكنتش اعرف كل المشاكل اللى فى الانتظار
كنت فاكر ان الواحد لما يتخرج هيلاقى شغل بسهوله وكمان هيكون شخص ليه وضعه ومادام عنده طموح هيوصل لاعلى المناصب
وكانت المصيبه بعد التخرج مباشره
لاجد ان غير الواسطه والكوسه اللى منتشره فى البلد ان الكميائى ليس له قيمه ويعامل معامله الفنى فى معظم الهيئات الحكوميه وحتى اسمه الراجل الكمياوى
وتلاقى العنصريه اللى ممكن اكتب عنها صفحات وصفحات
كنت اسمع زمان ان العنصريه والتمييز بين الاجناس فى اللون ممكن او بين الاديان ممكن
بس تكون بين كل التخصصات والمراكز اكيد مش ممكن
بس هو ده الواقع الكل بيحارب فيك سواء زملاء المجال من شهادات اخرى او من اصحاب التعليم المتوسط اللى بيشغلوا الادارات المختلفه
العيب فين مش عارف
المشكله فين الله اعلم
واخيرا تأكدت ان الحل فى اليأس والامبالاه

[mostafa_em]

شوفو يا شباب انا مقتنع بحاجه ان اللى بيتكلم و زعلان اوى ان معاش النقابة 46 جنية و معاش نقابة تانية الف جنية ده هيفضل طول عمرة مكانة بقى يا راجل و انت لسة شاب بتفكر في هتاخد كام معاش انا اسف لكن يا رجالة شغلو مخكم مثلا الكلية فيها قسم جيولوجيا و جيوفيزيا و فيزيا و دي حاجات مطلوبة جدا جدا في مجال البترول و انا معاكم ان بعض شركات البترول بتحتاج واسطة لكن فى شركات كتير مش بتحتاج واسطة بس محتاجة واحد هو نفسة يكون متميز انا بشتغل مهندس فى اكبر شركة خدمات بترولية فى العالم و انا شايف ان الموضوع اولا لازم انت تفكر صح و تتميز علشان متبقاش السيد عادى ابن عادى العادى و فى الحالة دى مش هتستنى ال 46 جنية لكن هيكون ليك طموح تانى و نظرة موضوعية اقيم و اوسع و اسف انا عارف ان انا مش بكتب عربي كويس بس انا حبيت ادى امل و يا رجالة فى شركات محترمة جدا بتروح الكلية قدمو الابليكاشن و و الله العظيم فى امل كبير جدا م غير واسطة

[__n]

الحل فى اعطاء نفسنا فرصه لايجاد الحل او التفكير حتى اننا نحل ,, وننسى او نتناسى على الاقل الكلام عن الحضاره والتاريخ والوهم والباذنجان .

والله المستعان
تحياتى
:((

[الكميائى]

علشان متبقاش السيد عادى ابن عادى العادى
طيب لو حضرتك بتقول ان فى فرصه كبيره من غير واسطه قول الحل
الاعلان اللى نازل فى الكليه جامعه القاهره
عن شركه فارما داينمك
ده عايزين واحد بتاع تجميع داتا ومرتبه 200 جنيه
ونبى مش عيب على الكليه لما تعلق اعلان ذى ده
ليه ميكنش فى مكان بيجمعنا ونستفيد كلنا من بعض
وده الحل الوحيد فى النقابه عام 2080
شكرا

[titoo12_22]

اعلان ايه ده وكام المرتب ؟؟؟؟؟؟؟؟؟؟؟
ههههههههههههههه هى وصلت لكده

[m_shabana28]

ايه رأيكم يا جماعة في علوم أسيوط ؟؟؟؟؟؟؟؟

[الكميائى]

الناس اللى بتشكك فى قدرات الكميائين معلومات على الماشى
واحد صاحبى كويتى قالى ان خريج علوم فى الكويت يقدر يفتح مش معمل لا
صيدليه والصيدلى نفسه محتاج حاجات كتير علشان يفتح صيدليه
وبيقول ان علوم اقوى من صيدليه هناك بكتير

واخر زياره لى لكليه صيدله القاهره لاحظت التى ان الكليه كليه عاديه جدا
اى نعم كلها موزز بس عادى يعنى
بس اللى لفت نظرى انهم عندهم دعم من شركات الادويه داخل لكليه هى اللى مجدده كام مبنى
وده طبعا مش موجود فى اى كليه لعلوم
فى مقوله انا مؤمن بيها جدا
ماضاع حق ورائه مطالب

واحد صاحبى شغال فى شركه النصر للبترول قالى انا تعينى وقف كام يوم علشان طلبوا منى كارنيه النقابه
وكمان بيخصمو ا من المرتب دعم شهرى للنقابه
قلتله ياريت كل حاجه احنا بنشتغل فيها تعمل كده

كلمه اخيره للاخوه المحبطين اللى بالذات بيكلموا ويجروا بلاش كلام الاحباط ده علشان ربنا هيحاسبكوا عليه

[الكميائى]

الو الو الو
هل تسمعنى
فييييييين التوقيع مش باين ليه
على العموم
لا للتعديلات الدستوريه

:shutup00: :shutup00: :no000000: :harhar10:

[bhnsy428]

هو صحيح ان خريجى علوم فرصهم فى العمل قليلة
طب و كيمياء ايه فراصهم

[bhnsy428]

صحيح ان فرص خيريجى علوم فى العمل ضعيفة
طب كيمياء

[الكميائى]

الاخ اللى سأل اكيد مش علوم لانه لو كان علوم كان عرف ان علوم يعنى كمياء
والمشكله الاكبر ان الاقاليم غير ان فى دراسه بالعربى فى الاول
لا وكمان ترى تخصصات غريبه
او بالعربى متأكلش عيش

وطيب ايه رايكوا ان زعيم كتله الاخوان فى مجلس الشعب هو الدكتور محمد سعد الكتنانتى
وده دكتور فى نبات بجامعه المنيا
وعلشان انا كده عرفت ليه الحكومه خنقنا ومشدده علينا طبعا قصدى على النقابه
فاكرين ان العلميين كلهم اخوان

[zakzook55]

ايه يا جماعة كلام الاحباط الزيادة عن اللزوم ده
اولا كفاية انك خريج علوم دي تخليك تنور بين الخريجين
انا كخريج قسم علم الحيوان بعرف اتكلم مع البيطري و المهندس و البشري و الصيدلي و كل التخصصات العلمية المتواجدة و لو على العمل موجود بس مش بكترة التخصصات التانية و في تميز تاني في خريج علوم انه لما يطلب للشغل مش بيطلبو منه الخرة خالص
مشكلة النقابة ان اشتراكها قليل بس يعني لو يزيد شوية اكيد هنحس بيها و يمكن عن طريقها نعرف نوفر مجالات العمل زي نقابة المهندسين
و اخيرا يكفي انك خريج علوم

[neveenosman]

[السلام عليكم ورحمه الله وباركاته
انا نيفيين عثمان
علوم عين شمس دفعه 2003 حيوان كيمياء
لازم نتحد ونحاول الرتقاء بمستوىالنقابه
واظن ان الاقتراحات المقدمه اعلاه تستحق دراساتها من جانب اعضاء النقابه والوصل لافضل النتائج وتطبيقه
ارجو ان يوصل صوتنا لهم
والسلام عليك

[الكميائى]

الاخت نفين
للاسف حاولت ووصلت لشخصيات هامه ورحت النقابه
بس الصراحه لقيت ان مفيش فايده فيهم

الحل الوحيد فى مؤسسه جديده بعيده عنهم تقوم بل مانريد
وطبعا ده فى المشمش

[zakzook55]

في حاجة مهمة عايز اقولها و اكيد كل الخريجين متفقين عليها
مفيش حد من العليين اشتغل الا اذا كان دخله كويس لان المجال العلمي دخله كويس سواء في المراكز البحثية او المحميات او الكيماويات بكل اشكالها او البترول او مراقبة الجودة او الدعاية الدوائية و التحاليل الطبية
عشان كده انا باقترح زيادة الاشتراك السنوي
ده لو 200 جنيع في السنة لكل الف علمي يجيبوا للنقابة 200000 جنيه و ده مبلغ زهيد بالنسبة لنقابات اخرى بس ممكن تكون البداية

[him_aziz]

تفتكروا لما نزود الاشتراك النقابة مش هتوافق بالعكس دة ما احب ما عليها اهى فلوس زيادة وبتيجى انا متخرج من الكلية من4سنين ولم ادخل فى النقابة ما لهاش لازمة