سرقة المحمول

[حدقه]

تمت سرقة موبيلى من عدة ايام.

سمعت انه يمكن استرجاع الموبيل عن طريق ما يسمى ال imei
او الرقم الكودي
ما حقيقة هذا الكلام ؟؟
وما نسبة احتمال عودة الموبيل؟؟
وهل يمكن تغيير هذا الرقم عن طريق السوفت وير؟؟
لقد قمت بعمل محضر فقد للموبيل في قسم الشرطة ..ماهى الخطوات التى تلى هذا؟؟
نرجو من ذوى الخبرة افادتنا فى هذا الموضوع
شكرا مقدما

[yoko89]

روح ل شركات الخطوط في بلدك زي (فودافون ومبينيل في مصر) وأدلهم الimei علشان يقفلوا الموبيل يعني مهما يتغير الشريحة الموبيل مش هيشتغل جوا البلد ولو ليك وسطة في شركة الإتصالات ممكن يحددلك مكان الموبيل من الشبكة بتاعتهم

[ARGENETINA]

أناا كل اللي اعرفه ان الرقم بيبقي مكتوب علي العلبة بس مابيتغيرش خالص

[yoko89]

ورقم الimei إستحالة يتغير

[khaled_79]

جزاك الله كل خير

[mr_chico]

السلام عليكم و رحمة الله و بركاتة.............
بص يا سيدى لو انت غلبان زى حالاتى و ملكش حد فى شركة المحمول هتعمل اية...............
اولا هتروح تعمل محضر سرقة فى مباحث الاتصالات او القسم و تاخد رقم المحضر و تاريخة
و بعدين اسبوع وترجع تانى تاخد حاجة اسمها الرقم القضائى يعنى القضية راحت على النيابة بانهى رقم
و بعدين هتطلع على النيابة او المحكمة التابع ليها تاخد اذن من وكيل النيابة اللى هيديلك جوابين لشركتى المحمول
هتودى الجوابين واحد لموبينيل و واحد لفودافون
موبينيل على الكورنيش عند مركز التجارة
فودافون فى القرية الذكية 6 اكتوبر بس دى ممكن متروحهاش و تروح شركة اسمها برو سيرفيس و تسيب عندها تصريح النيابة او تتصل بيهم يبعتولك مندوب ييجى ياخد التصريح و يجيبلك الرد فى خلال 15 يوم اما الرد بتاع موبينيل بيتعت تلقائ بالبريد على النيابة
المهم جالك الرد فى حدود 20 يوم ان شاء الله هيبقى فيهم و احد ايجابى يعنى فى حد حط شريحتة فى المو بيل و استخدمة يجيبلك اسمة و عنوانة تطلع بية على مباحث الاتصالات تانى و تديهم الرد و هما يجيبوة و لو تليفونك معاة هتاخدة و لو مش معاة هيجيبلك اللى باعهولوة يا اما هيبلس القضية
الحوار دة حصل معايا بالتفصيل من شهرين بس الحمد لله رجع التليفون و خدت تمنة كمان
لو عايز تسال على اى حاجة تانى انا تحت امرك و معلش هوة الموضوع متعب و هتلف فية كتير و هتدفع فية لان مفيش حد بيتحرك الا بالفلوس حتى فى النيابة و عشان تتابعة هتتعب فعلى حسب التلفون لو غالى امشى فية و ان شاء الله هيجيلك تانى لو مش غالى اوى استعوض ربنا و قول حسبى الله و نعم الوكيل...........
اة حاجة مهمة لازم حد يحط شريحتة فية عشان ييجى و لو تعرف حد فى شركتين المحمول ممكن يفيدك جامد
و ربنا معاك و افتكر ما ضاع حق وراءة مطالب
شكرا
السلام عليكم .............

[yoko89]

أنا بشكرك يا mr_chico على مساعدتك لأعضاء المنتدى