المساعد الشخصي الرقمي

مشاهدة النسخة كاملة : ها تحس باهميتك كشاب مصرى

the imam
11-03-2005, 05:31 PM
هذا الموضوع برق الى تفكيرى كشاب مصرى وطنى
انا لا اريد ان اتكلم فى السياسة و لا اريد ان ادعو الى احد و لا ارشح احد
لكن اريد ان اعرف راى كل شاب مصرى فى التغير الى حصل فىانتخاب الرئاسة
هل يفكر فى الذهاب و الانتخاب و له لسه حاسس ان الموضوع ما فهوش فايده
سمعونى ارائكم ده مش موضوع فيلم ولا موضوع اغنية و لا مسابقة
ده موضوع مستقبلى و مستقبلكم و مستقبل بلدنا الغالية مصر
مصر الى بعشقها رغم كل مشاكلها.
رسالة الى كل شاب مصرى (انت مش شخص و خلاص وصت77مليون شخص انت مستقبل و احلام و اهداف)
ahmed2611
11-03-2005, 05:43 PM
أنا و الله فكرت
و هعملها إن شاء الله
بيقولوا لازم تروح لإقرب إسم و تعمل البطاقة الإنتخابية هناك
و لازم تكون فوق 18 سنه
و أنا بقترح نروح في يوم كلنا عشان نعملها مع بعض
محمدالموافى
11-03-2005, 05:51 PM
والله يا شباب حاجة تحير الواحد مش عارف في أمل ولا أه بس أي فرصة لتغيير الوضع نتمسك بيها بس الأهم الأنتخابات دى هتكون حقيقة ولا مجرد فيلم هزلي
the imam
11-03-2005, 05:53 PM
مش لازم تروح القسم علشان تجيب بطاقة انتخابية علشان اتخبات الرئاسة ممكن بالبطاقة الشخصية لكن لازم تكون فوق ال18 سنة اول راى الحمد لله يشجع و يدى امل ان لسه فى ناس صاحيه
ahmed2611
11-03-2005, 06:14 PM
ميه ميه و الله مش لازم نروح القسم طيب نروح فين
هو هتكون مراكز إنتخابات و لا إيه و إمتى
عمرو سعد
11-03-2005, 06:16 PM
ان الله لا يغير ما بقوم حتى يغيروا ما بانفسهم
ان الله ينصر المؤمنين فهل نحن نستحق النصر
هل نحن نريد ان يحكمنا اي احد طلاما يحكمنا بشرع الله ام نريد ان نعيش في رخاء
لو عاوز الاخرة ستاتيك الدنيا راغمة
لو عايزالاخرة فاتبع النبي الذي عرض عليه المال و الامارة وقال له المشركون ان كنت تريد الامارة امرناك علينا
فاعرف طبيعة هذا الدين
لقد فتح الله على الصحابة بعد ان تركوا الديار والاموال والاهل والوطن في سبيل الاسلام
اياك ان تصدق ان الانتخابات هي سعي لنصر الدين
فما قام به الاعداء لهدم الاسلام خلال 1400 سنة لن يقدمونه لك على صنية من ذهب
الاسلام يحتاج لرجال يؤمنون بكل شعائره ويفخرون به ويتمسكون بكل مافيه ويطبقونه على انفسهم اولا
ولا يخجلون من العمل باي من شعائره
ولك ان تتخيل ان اسلم مثلا بوش هل ستكون بلاده بالولايات المتحدة الاسلامية
افيقوا يا مسلمون ولا تضيعوا الامكانيات المتاحه في ما لا جدوى فيه
ولا تطولوا المسافة على الدعاة
zozi485
11-03-2005, 07:17 PM
يا جماعة اخر يوم لعمل بطاقة انتخابيق تقريبا 15 مارس يعني فاضل 4 ايام بس يا ريت كل اللي ناوي يروح بقي عشان معدش في وقت و انا هروح بكره ان شاء الله
spiderabdoo
11-03-2005, 08:02 PM
الف شكر الموضوع حلو وشكرا على التنبيه ورايي ان اول فرصه نقدر فيها نروح لارم نروح ويستحسن اناهرده
spiderabdoo
11-03-2005, 08:10 PM
يا ترا ده لي وقت محدد في اليوم
ana_arabi
11-03-2005, 08:16 PM
بصوا يا جماعة انا اتحدى لو حسني مبارك تنازل عن السلطة باي طريقة صحيح انه عدل الدستور وصحيح انهم هيعملوا انتخابات((حرة ونزيهة)) لكن اتحدى اتحدى اذا مسك الحكم واحد غيره لان الجماعة اللي بييجوا بالانقلاب مبيمشوش الا بالانقلاب وده هو اللي هيحصل ولكن اذا سارت الامور بشكل طبيعي فاكيد ان جمال مبارك هو اللي هيمسك الحكم واللي هيقولوا احنا ضد التوريث هيقولهم ده مش توريث لان ساعتها جمال مبارك هيكون مسك الحكم عن طريق مهزلة انتخابية ((مزيفة)) وطبعا كده مالكوش حجة واللي مش عاجبه يخبط راسه في حيطة سجن ابو زعبل



وسلام يا عرب
the imam
11-03-2005, 11:52 PM
الغريب ان الموضوع انبثق منه موضوع تانى بيخصه برضه ده معناه انى مش انا لوحدى الى بفكر فى هذا الموضوع و ان كل الناس حسه با همية الموضوع و خطورته و يريت كل واحد يفكر اذا كان فعلاء واجب عليه انه يفكر و يتحرك و ينفذ وله ما يفعل شى و تضيع عليه الفرصة بدون حتى ان يحاول
ldn
12-03-2005, 02:22 AM
اولا مشكور يا استاذ امام على الموضوع المهم جدا اللي فتحتو. واللي عاجبني في الموضوع كلو انو الناس والشباب بالذات بدأت تتكلم براحتها اكتر على مواقع مش بس الموقع ده لكن في مواقع كتير الشباب بتتكلم فيها براحتها ومن غير اي خوف ودي حاجة مشجعة جدا لمستقبل فعلا ديمقراطي في البلد دي اللي غابت عنها الديمقراطية قترة طويلة.ومش حيرجعها الا حاجة وحدة يا جدعان بالله عليكم والنبي وبحلفكم بربي انكم بس تقراو بلاش تقراو اسمعو شوية قصص عن دينكم حتعرفو انتو عايزين ايه ولو الواحد تقرب شوية لربو حيقربلو كتير .وسعتها بس ممكن نعمل حاجة لمستقبلنا ومستقبل عيالنا.ارجوكم تبصوا للدين وتفوقو
the imam
12-03-2005, 10:57 AM
بجد ردك فرحنى ولو شويه يا ريت يا ريت كل الناس فعلاء تبدى تفكر و تتكلم
يا ريت و احد يكون عارف الموضوع با كامل يقول ليناء نروح فين و نعمل ايه علشان نبدى و نقول ان احناء لسه موجودين و عايشين
the imam
16-03-2005, 05:21 PM
فعلاء واضح ان الموضوع ما لقاش اى اهتمام الا من شوية ناس قليلة عكس المواضيع الجادة
د. عماد الدين
16-03-2005, 06:38 PM
لا يا سيدى لازم نشارك بأمر الله

علينا ان نسعى وليس علينا أن نحقق النجاح أو التغيير المهم الأيجابية
RaNeN_El_SaMt
16-03-2005, 09:38 PM
و الله أحنا لازم نشارك بس حتي لو شاركنا هيعملوا لينا أشتراك دائم في أمن الدوله .....

خلينا نربي عيالنا أحسن....

شكرا لك يا اخي علي الموضوع الجميل اللي حسسننا اننا ممكن نبقي مواطنين في بلدنا ...
xfady
14-04-2005, 10:05 AM
السلام عليكم
والله يا عم إمام الواحد مش عارف هايعمل اية؟؟
فيه حالة يأس قصدى كوم يأس و ابرة أمل
في رأيك ممكن نلاقى الابرة
احمد طاهر
14-04-2005, 11:05 AM
السلام عليكم
والله يا عم إمام الواحد مش عارف هايعمل اية؟؟
فيه حالة يأس قصدى كوم يأس و ابرة أمل
في رأيك ممكن نلاقى الابرة

السلام عليكم ورحمه الله وبركاته

اخي xfady بعد التحيه

لو احنا مغيرناش نفسنا بنفسنا مين اللي يجي
يغيرنا لازم كلنا نشوف الصح فين ونعمله ولازم نعمل
بطاقه انتخاب عشان نشوف احنا عايزين ايه وليه
aymon2222
12-05-2007, 01:01 AM
انا حاسس اني بطة فطسانة
mazagangi
12-05-2007, 06:21 AM
انا حاسس اني بطة فطسانة

ايه يا عم صباح الخير أنت جبت الموضوع ده منين ده من 2005 و الانتخبات خلصت خلاص و حسنى كسب و مصر خدت كأس افريقيا و جيمى اتجوز عقبال عندك