@#$%(اميتاب - شاروخان - ايشواريا جايين مصر يا رجاله)%$#@ [الأرشيف] - موقع الدي في دي العربي

المساعد الشخصي الرقمي

مشاهدة النسخة كاملة : @#$%(اميتاب - شاروخان - ايشواريا جايين مصر يا رجاله)%$#@

maimaha

30-12-2006, 07:33 AM

maimaha

30-12-2006, 07:35 AM

ازاى ردى قبل الموضوع سبحان الله
هو ليه بيحصل كده

mohamed_a_d

30-12-2006, 09:01 AM

بس تعتقد ده بجد ولا حوار ؟؟
وحتي لو بجد احنا معلش الشعب بتعانا اخر فكر ليه عن الأفلام الهندي انها فيها افيال وحاجات غريبه
يعني مش هيعرفوا غير اميتاب وشاروخان بيعرفوه بالشبه زي ما انت بتقول كده
ياعمي خليهم في الفول هههههههههههه ده هو المفيد وخلينا احنا متابعين النا س ديه (( الممثلين الهنود))
اما بالنسبه للنقطه بتاعت عرض الأفلام الهنديه في السينماءات الجميله جدا جدا بتعتنا الي انت اول ما تدخل ........

بص يا ابني - محتمل قوي يكون ده حوار فعلا ( ولأخوانا اللي مش مصريين حوار دي يعني هجص- يعني بعت - يعني كلام فاضي في الهوا زي ما بنقول)- بس الامل حلو برضه- يعني ياريت تكون فعلا هتتعرض هنا في مصر تاني حتي لو في السنيمات الحلوه اللي عارفينها بس عشان الواحد ميحسش انه غريب في وسط الناس بس .
صحيح احنا بنتابع اي فيلم بعد كام يوم علي النت بس ده مش متوافر لناس كتير و بعدين بصراحه اي فيلم في السنيما بيبقي حاجه تانيه خالص - معرفش بقي حجم الشاشه و لا المشاهده في الظلام و لا ايه معرفش بقي بس عموما التأثير بيبقي مختلف و خلاص- انا نفسي اروح فيلم هندي في السنيما - بالذات فيلم زي اومراو جان ( رغم انه يوجع القلب) او دووم 2- بس متبقاش سنيما الفانتوم و لا اللي زيها:shutup00: --و انا عارف ان الناس بتوعنا في مصر مش هيفهموا الافلام الهندي بسرعه - احنا هنا فالحين قوي و رافعين شعار( اديني في الهيافه و انا احبك) بس ارجع و اقول الامل حلو و يارب يكون الخبر بجد

و ياريت كارينا تيجى ده تنور ههههه
و انا بحب فيفيك و سيف
و ياريت طبعا يكون جد و شاروك و اميتاب يجوا هما كمان

انا عارف انك هتقول كده- عارف بتموت في كارينا و هتقول ياريت تيجي و تنور - مستني كمان عيون الملاك يقول كلمه شبه دي :in_love0: :fruits_c: :msn-wink: :msn-wink: :in_love0:

mohamed_a_d

30-12-2006, 09:23 AM

اميتاب باتشان يزور مصر في فبراير القادم للترويج لفيلمه الجديد

http://i.indiafm.com/posters/amitabh/thumb55.jpg
اخيرا ستبدأ السنيما الهنديه في العوده للأسواق المصريه!!!!!
ده خبر نشر في الملحق الفني لجريده الجمهوريه في مصر

تفاصيل الخبر بتقول ان الامبراطور اميتاب باتشان هيزور مصر في فبراير القادم و ذلك للترويج عن فيلمه الجديد و الذي سيعرض بدور العرض المصريه بالاتفاق مع شركه جودنيوز المصريه والتي تهدف لأعاده عرض السنيما الهنديه في مصر و وقف احتكار الفيلم الامريكي لدور العرض المصريه كممثل وحيد للسنيما الاجنبيه.

و سيحضر مع اميتاب ابطال الفيلم شاروق خان و اواريا راي ملكه جمال العالم السابقه( طبعا الكاتب قصده ايشواريا راي- بس انتو بقي عارفين مستوي تعليم الصحفيين في مصر )
http://i.indiafm.com/posters/shahrukh/thumb110.jpg

http://i.indiafm.com/posters/ash/thumb122.jpg

بصراحه بعد ما قريت لحد كده قلت ده فيلم ايه ده ؟؟؟؟؟؟؟؟؟؟؟؟ مش ممكن يكون موهباتين ده بقاله ست سنين

طلع فيلم ايه بقي.؟؟؟؟؟؟؟؟؟؟؟؟؟؟؟؟؟

اومكارا

يعني لا فيه اميتاب و لا شاروخان و ايشواريا - طيب لو الخبر صح- يبقي المنطقي ان اللي ييجي ابطال افيلم

اجاي ديفجان ( يا فرحتك يا زهره خان فيا)

كارينا كابور ( يا فرحتك يا راج انت وعيون الملاك فيا)

http://i.indiafm.com/posters/kareena/thumb85.jpg

فيفيك اوبروي ( ده ماشي مفيش مشاكل )

http://i.indiafm.com/posters/vivek/thumb22.jpg
سيف علي خان( يا ختي كميله)

http://i.indiafm.com/posters/saif/thumb39.jpg

عاااااااااااادي احنا قلنا ان الصحفيين في مصر اغلبهم خريجي مدارس ابتدائيه فمش هيفرقوا ابطال الفيلم عن الضيوف اللي جايين ده لو جم اساسا

بس يعني هما قالوا يجيبوا نجوم الهند اللي ممكن يكونوا معروفين شويه هنا في مصر عشان يسوقوا فيلم مش بتاعهم اساسا؟؟؟؟؟؟؟؟؟؟؟؟؟؟؟؟؟؟؟؟؟؟؟

هنا اغلب الناس اخر معرفتهم بالسنيما الهنديه هي افلام اميتاب و قليل جدا من افلام شاروخان و حتي مش عارفينه بالاسم- سيبكم منا احنا اللي بنتابع علي الفضائيات و ننزل من النت, انا بتكلم علي الناس العاديه اللي لا عندها كومبيوتر و لا دش.

انا لح دلوقت فاكر زيارتين اميتاب لمصر
الاولي سنه 1991 تقريبا ( مش متأكد قوي من التاريخ) في مهرجان القاهره السنيمائي و اللي امه لا اله الا الله كلها كانت هناك لدرجه الراجل خرج من المطار اخر بهدله و طالع من هدومه من كتر ما اتشد منها لدرجه ان الجاكت بتاعه اتاخد من عليه في الزحمه

( علي فكره اغلب اللي اتلموا حواليه كانوا بنات :msn-wink: )

و الزياره التانيه من اربع سنين تقريبا و دي اللي من بعدها قل عرض الافلام الهندي الي ان توقفت تماما و قيل في الصحافه و الجرايد ان السبب ان حضرته لما جه في شويه شباب حلو كده ركعوا له في المطار!!!
طبعا بعد كده طلع ان ده شباب من الجاليه الهنديه في مصر 0 علي فكره الهنود في مصر مش قليلين- انا حضرت سحور في رمضان في فندق و القاعه اللي جنبنا كانت فيها حفله للهنود السيخ فقط و مش عايز اقولكم العدد كان ايه - فعلا العدد في الليمون زي ما بنقول)
المهم يعني - علي طريقتنا كمصريين في ترييح الدماغ و بتر الامور لحل اي مشكله- يعني لو واحد رقبته بتوجعه بنقطعها له و خلاص ) اتبعنا نظريه البيه ده ميجيش هنا تاني ولا تتعرض له افلام .

سيبكم بقي من اميتاب و شاروخ و ايشواريا

اخواننا المصريين في المنتدي
زهره خان و راج و عيون الملاك و مرهام و طارق و حسام ... و كل اللي نسيت اساميهم معلش بقي

تفتكروا يعني الافلام الهندي هتتعرض فين في مصر؟؟؟؟؟؟؟؟؟؟؟؟؟

السنيمات في مصر يا اما حاجات حلوه كده زي الفانتوم بتاعت ميدان الجيزه اللي تدخلها بتذكره باربعه جنيه تقعد حفله خمس ساعات تعرض لك تلات افلام من ايام حرب المعيز حيث كان كل انسان يركب معزته و يجري ينطح في التاني
يا اما سنيمات المولات و الفنادق- و ما ادراك ما سنيمات المولات و الفنادق و اللي تذكرتها بتصل ل 35 جنيه عادي خالص 0 خصوصا السنيمات اللي تبع شركه جود نيوز اللي هتوزع الافلام الهنديه - كل سنيماتها غاليه ناااااااار)

هو صحيح انا نفسي جدا ان السنيما الهنديه ترجع تتعرض في مصر و نبطل بقي هيمنه السنيما الامريكيه علينا - كأنها هي السنيما الوحيده الكويسه في العالم و غيرها لا.
بس مش عارف ليه برضه حاسس ان دي بدايه غلط و المفروض الاصح يعني انا كان يبتدوا بعرض افلام هندي جديده في التليفزيون ( اقله هيبقي سعرها ارخص من العكعكه الامريكي اللي بيجيبوها وهتبقي جودتها كافلام احسن)
بحيث يتعمل جمهور للسنيما الهنديه بين المصريين تاني خصوصي جمهور اللادش و اللا كمبيوتر
و بعد كده ابتدي اعرض في السنيما

لكن كده هتبقي تجربه فاشله و العالم الموزعين بتوع جودنيوز دول هييأسوا و يريحوا دماغهم من الليله دي كلها و نرجع يا ابو زيد ما غزيت

يالا كفايه كده انا قلبته من خبر لوصله رغي مع نفسي

يالا بقي اسيبكم و اروح اقرا لي كلمتين ينفعوني قبل صلاه العيد و الدبح ( مش انا اللي هيدبح ده الخروف)

كل سنه و انتو طيبين علي العيد و علي راس السنه و اهم منهم علي موسم الامتحانات اللي خلاص ابتدي لناس كتير او هيبتدي لناس اكتر

mohamed_a_d

30-12-2006, 02:22 PM

احسن حاجه انى اول واحده ارود على الرساله دى :icon30:
و يا ريت شاروك يجى مصر بس من غير ما ينزل فيلم ولا حاجه هينور :msn-wink: :msn-wink:
عندك حق لو عرضوا افلام هندى فى السينيمات محدش هيروح غيرنا ::sly00000:
لازم يصقفوا الناس الاول
بس يا رب الناس تتقبل
و يبقى فى افلام هندى فى مصر

تنوري اي موضوع تدخليه يا مي مها
شاروخان ينور طبعا - ياريت ييجي يزورنا في البيت و انا اجوزه اي حد من اخواتي :msn-wink: :clap0000:
في واحده منهم هتموت عليه :fruits_c:
بس ياريت يعرضوا له افلام هنا بجد و انا هروح انشالله ابقي الوحيد اللي في السنيما
و يا رب زي ما انت بتقولي الناس تتقبل فعلا السنيما الهنديه تاني
بس فكري في تفاصيل الخبر بعدي عن عرض الفيلم من عدمه - لو ان ده فعلا هيحصل و اميتاب و شاروخ و ايشواريا ييجوا مصر عشان السنيما الهنديه ترجع هنا تاني .\ يعني بصي ناس بتبعت اكبر نجوم عندهم عشان يسوقوا افلام بلدهم و يفتحوا لها مجالات في كل حته في العالم
دي ناس بتعرف تفكر-- انا قريت خبر لذيذ شبهه برضه ان ابطال فيلم جورو ( ايشواريا و ابشيك و ماليكا شيروات هيروحوا افتتاحه في كندا عشان يسوقوا للسنيما الهنديه هناك)-- علي الله بس احنا منعاملهمش وحش و بعدها نغني المصريين اهمه --- و يبقي انت اكيد اكيد في مصر... علي فكره المنتدي فيه انقلاب بتلاقي الردود قبل الموضوع ده عادي و بقاله مده بيحصل

Raj_Hindustani

30-12-2006, 02:30 PM

خبر جميل جدا يا محمد

و بصراحه سواء اميتاب او اى حد من الممثلين الهنود اللى بنحبهم يجى مصر ده كفايه

و ياريت كارينا تيجى ده تنور ههههه

و انا بحب فيفيك و سيف

و ياريت طبعا يكون جد و شاروك و اميتاب يجوا هما كمان

adriano29

30-12-2006, 02:36 PM

اولا شيء السلام عليكم ورحمه الله وبركاته

كل سنه وانت طيب

مشكور علي الموضوع

بس تعتقد ده بجد ولا حوار ؟؟

وحتي لو بجد احنا معلش الشعب بتعانا اخر فكر ليه عن الأفلام الهندي انها فيها افيال وحاجات غريبه

يعني مش هيعرفوا غير اميتاب وشاروخان بيعرفوه بالشبه زي ما انت بتقول كده

ويقولك ياه ياعم ده فيلم هندي هههههههههههه بس في الحقيقه ان هما لايفهقوا اي شيء عن اي شيء

ياعمي خليهم في الفول هههههههههههه ده هو المفيد وخلينا احنا متابعين النا س ديه (( الممثلين الهنود))

اما بالنسبه للنقطه بتاعت عرض الأفلام الهنديه في السينماءات الجميله جدا جدا بتعتنا الي انت اول ما تدخل

اكنك داخل .......انت عارف طبعا

متهيقلي انه مش مهم بالنسبه ليا انا الحمد لله بتفرج علي الأفلام الهندي اول ما تنزل علي النت او في الدش

وفي النهايه احب اشكرك علي الموضوع الهايل ده

وارجو اني مكنش ازعجتك بكلامي الكتير اصلي انا رغاي عارف نفسي
ههههههههههههههههههه

وكل سنه وانت طيب

تحياتي ليك

اخوك ادريانو

رادوبيس

30-12-2006, 02:38 PM

والله خبر حلو اوي
تسلم ايدك علي علي الاخبار الحلوه دي

Q_ELMoDaMeR_Q

30-12-2006, 08:54 PM

الموضوع جميـل جـدا شكـرا

mohamed_a_d

30-12-2006, 10:45 PM

:msn-wink:
صدقت فى وصفك يفرحتك انتا وراج بزيارة كارينا لمصر:fruits_c: .......طبعا لازم افرح.........دية قمر السينما الهندية.....
.......

مش بقولكم- انا عاااااااااااااارف انك انت و راج هتقولوا كده بس راج سبقك
بس يعني قمر دي كلمه واسعه قوي عليها يا اخي يعني ممكن تكون القمر في اخر الشهر العربي كده لما بيبقي مختفي.- .. انا اسف بس انا حاولت ابص لها من كذا زاويه و مش عارف اشوف الجمال اللي بتقولوا عليه - معلش بقي اسف
بس احنا برضه اخوات يا عم احمد حتي لو اختلفنا:msn-wink:

angel_eye427

30-12-2006, 10:57 PM

:msn-wink:

مش بقولكم- انا عاااااااااااااارف انك انت و راج هتقولوا كده بس راج سبقك
بس يعني قمر دي كلمه واسعه قوي عليها يا اخي يعني ممكن تكون القمر في اخر الشهر العربي كده لما بيبقي مختفي.- .. انا اسف بس انا حاولت ابص لها من كذا زاويه و مش عارف اشوف الجمال اللي بتقولوا عليه - معلش بقي اسف
بس احنا برضه اخوات يا عم احمد حتي لو اختلفنا:msn-wink:

اية دة يا محمد....

بقى كارينا........تقول عليها كدة......اى نعم هى مش ملكة جمال....بس الى انتا قولتة دة......حرام بجد فى حقها...

http://www.arb-msn.com/up/uploads/d8e7d2f54c.jpg

بقى الجمال دة كلة مش قمر.......عموما انا بقى هغيظك:smoke100: ..واقلك هى قمرة ... وسكرةواحلى من السكر كمان

تقبل تحياتى ....اخوك احمد....

mrham

31-12-2006, 02:34 AM

محمد بجد خبر رائع وتستاهل عليه ....حجات كتير
تعرف لو الخبر ده صحيح فعلا يا سلام اميتاب وحبيب قلبى شاروخان
هنا فى مصر
سيبك من اشوريا انا عرفه انك بتحبها بس انا مش بحبها اوى ماشى احنا نفرح بوجود
الاسطوره اميتاب والملك شاروخ خان بس المهم لو ده حصل انشاء الله
متزعلش نفسك وتروح السينما لوحدك تتفرج على الافلام انا هاجى معاك
وبعدين ايه هتجوز شاروخ خان لوحده من اخواتك
مش انا قلتلك انى حجزتو
على العموم احنا اخوات واكيد كنت تقصدنى مش كده؟

شكرا يا محمد على الاخبار الجميله الى زيك دى وتسلملنا ايدك ياقمر

angel_eye427

31-12-2006, 03:37 AM

حبيب قلبى محمد....ازيك يمحمد...((كل سنة وانتا طيب يا جميل)).....مش عارف ارد وأوصف سعادتى....بالاخبار الجميلة دية:clap0000:

صدقت فى وصفك يفرحتك انتا وراج بزيارة كارينا لمصر:fruits_c: .......طبعا لازم افرح.........دية قمر السينما الهندية.....

تحيــــــــــــــــاتى ليك.....يا محمد......ربنا يوفقك ....ويسعدك.......

mohamed_a_d

31-12-2006, 03:39 AM

وبعدين ايه هتجوز شاروخ خان لوحده من اخواتك
مش انا قلتلك انى حجزتو
على العموم احنا اخوات واكيد كنت تقصدنى مش كده؟

بصي احنا نقسمها بينا- انت طبعا اختي خلاص انت تتجوزي شاروخان و لو معندكيش مانع هخلي اختي اللي عندي في البيت دي تبقي الزوجه التانيه او التالته بقي لو لسه هيحتفظ بمراته الاولانيه
كده فاضل مكان واحد- هل من مزايد يا بنات.عموما لو شاروخان مرضيش بأختي- يبقي خلاص اجوزها لأميتاب حتي تكسب فيه ثواب في اخر ايامه كده و اهه اميتاب من شاروخان مفرقتش كلهم اساطير السنيما الهنديه
بس غريبه ناس كتير قوي بتحبه- بس الغريبه لسه محدش اتقدم له يتجوزه اهه:sly00000:
و هنطلب كارينا تيجي عشان معجبينها كتير هنا و هنسيب راج و عيون الملاك يتخانقوا علي كارينا كابور براحتهم و مش هنتدخل
و من اولها بقي انا حاجز ايشواريا و مش عايز الاقي اي اعتراض من اي حد :shutup00:

mohamed_a_d

31-12-2006, 03:52 AM

mrham

31-12-2006, 07:52 PM

بصي احنا نقسمها بينا- انت طبعا اختي خلاص انت تتجوزي شاروخان و لو معندكيش مانع هخلي اختي اللي عندي في البيت دي تبقي الزوجه التانيه او التالته بقي لو لسه هيحتفظ بمراته الاولانيه
كده فاضل مكان واحد- هل من مزايد يا بنات.عموما لو شاروخان مرضيش بأختي- يبقي خلاص اجوزها لأميتاب حتي تكسب فيه ثواب في اخر ايامه كده و اهه اميتاب من شاروخان مفرقتش كلهم اساطير السنيما الهنديه
بس غريبه ناس كتير قوي بتحبه- بس الغريبه لسه محدش اتقدم له يتجوزه اهه:sly00000:
و هنطلب كارينا تيجي عشان معجبينها كتير هنا و هنسيب راج و عيون الملاك يتخانقوا علي كارينا كابور براحتهم و مش هنتدخل
و من اولها بقي انا حاجز ايشواريا و مش عايز الاقي اي اعتراض من اي حد :shutup00:

يا سلام يا محمد انا بردو قلت انك مش ممكن تفكر تجوز شاروخ خان حد غيرى :clap0000:
وبص علشان مشعرك الرقيقه والصادقه دى انا عندى استعداد انى اروح معاك اخطبلك اشوريا رغم انى شيفه انك تستاهل احسن منها:icon30: :icon30:
وهى لما تلاقيك قدمها هتنسى ابيشك تمام هى هتلاقى زيك فين يعنى

ها ايه رئيك شفت انا بعزك ازى :smoke100:

اشواق الخرج

31-12-2006, 11:30 PM

صراحه اسلوبك يا سيد محمد دايما يشدني ادخل مواضيعك اسلوبك عفوي وصريحه وخالي من اي تنمق وزخرفه

اما مواضيعك دايم جديده وروعه مش مجامله والله لاني صريحه تماما
اما عن جيت اميتاب او شاروخ فوالله ما عندي علم بالافلام الهنديه في مصر اول مره اعرف ان مصر ما تعرض افلام هنديه
واستغرب التجاهل الفن المصري لبوليود مو ماليه عينها ابدا ليش ما ادري مش بس مصر حتى العالم العربي الا من رحم ربي
وشكرا على الموضوع

neeha

01-01-2007, 01:43 AM

السلام عليكم اولا و كل سنه و انتم كلكم طيبين
ثانيا عن نفسى مااتمنى ابدا ان شاروخ ييجى مصر دلوقتى خالص لانه بجد هايصدم من التجاهل اللى هايلاقيه فى مصر
للاسف الناس فى مصر علاقتها بالسينما الهنديه انتهت من زمان و اتبرمجوا على السينما الامريكانى و لو قلت لحد انك بتابع الافلام الهندى يتريق عليك لانه فاكرها االفيل صديقى و طائر الرخ اللى ينقذ البطل فى اخر لحظه من التمساح المفترس و البطل اللى بيسبق القطر علشان السينما الهنديه ترجع زى الاول فى مصر لازم الاول ينتهى الجاهل ده للسينما الهنديه و يبتدوا يعرضوا افلام فى القنوات المصريه علشان الناس تعرف ان فيه جيل تانى خالص غير اميتاب ابدع و صال و جال فى جميع انحاء العالم و بعد كده يبقوا يفكروا يدعوا الناس دى بلاش كسوف

mohamed_a_d

01-01-2007, 05:15 PM

اما عن جيت اميتاب او شاروخ فوالله ما عندي علم بالافلام الهنديه في مصر اول مره اعرف ان مصر ما تعرض افلام هنديه
واستغرب التجاهل الفن المصري لبوليود مو ماليه عينها ابدا ليش ما ادري مش بس مصر حتى العالم العربي الا من رحم ربي

يا اشواق هنا في مصر بطلنا نعرض افلام هندي من حوالي سبع او تمان سنين كده و حتي قبلها كنا فضلنا فتره طوييييييييله قوي هما تلات اربع افلام اللي بيجوا في التليفزيون في الاعياد و الف شكر علي كده مفيش غيرهم
بس انا معتقدش يعني ان بقيه العرب عندهم التجاهل الفظيع ده للفن الهندي بالعكس- و الدليل ان كل الفضائيات العربيه غير المصريه بتعرض افلام هندي مش زينا

ثانيا عن نفسى مااتمنى ابدا ان شاروخ ييجى مصر دلوقتى خالص لانه بجد هايصدم من التجاهل اللى هايلاقيه فى مصر
للاسف الناس فى مصر علاقتها بالسينما الهنديه انتهت من زمان و اتبرمجوا على السينما الامريكانى و لو قلت لحد انك بتابع الافلام الهندى يتريق عليك لانه فاكرها االفيل صديقى و طائر الرخ اللى ينقذ البطل فى اخر لحظه من التمساح المفترس و البطل اللى بيسبق القطر -علشان السينما الهنديه ترجع زى الاول فى مصر لازم الاول ينتهى التجاهل ده للسينما الهنديه و يبتدوا يعرضوا افلام فى القنوات المصريه علشان الناس تعرف ان فيه جيل تانى خالص غير اميتاب ابدع و صال و جال فى جميع انحاء العالم و بعد كده يبقوا يفكروا يدعوا الناس دى بلاش كسوف

100% يا نيها - انت جبت كل اللي انا عمال ارغي فيه من الصبح- بس ارجع و اقول اهه خطوه علي الطريق و ربنا يسهل بس و ميبقاش فيه يأس مبكر من الموزعين هنا- جملتك بالفيل صديقي فكرتني باللي بيتقال لي لما اقول اني بتفرج علي الهندي- الكل بيقول لي يعني بتشوف اميتاب و بترقص مع الفيل- تقوليش الفيل ده حاجه كده زي موتوسيكل بيركنوها تحت البيت- بس عموما انا عتقد ان شاروخان عنده فكره مسبقه انه مالوش اي شهره هنا- يعني هو صور سنه 2000 اغنيه عند الهرم في كابي كوتشي كابي جام - فاكيد شاف و حس انه مش معروف هنا - هي اللي هتبقي غريبه عليها طبعا ايشواريا ( ده لو جت ) انها مش معروفه تماما - اما بقي اميتاب - ربنا معاه بجد انه بعد ما كان بيجي الناس بتصوت و تصرخ - هييجي دلوقت ممكن يلاقي تجاهل و استخفاف

Zaara Khan

02-01-2007, 12:22 AM

اخبار حلوة جدا يا محمد بس ياريت تبقى بجد سواء بالنسبة لزيارتهم فعلا او بالنسبة لعرض الأفلام الهندية فى مصر

وعلى فكرة فى ناس كتير فى مصر تعرف شاروخان وشهرته بسبب فيلم Koyla اللى اتعرض اكتر من مرة فى التليفزيون المصرى وكليب Say shava من فيلم Kabhi Khushi Kabhi Gham اللى منتشر عند ناس كتير حتى مش من هواة الهندى

وبعدين كويس ان فيلم اوماكرا هوا اللى هيتعرض عشان ما شفتوش :harhar10:

شكرا على موضوعك مرة تانية

زهرة

princess_y

03-01-2007, 11:42 AM

akhbar 7elwa gedan ya gama3a ,begad el wa7ed nfso yshofhoom
3ala fekra arjun rampal haigi masr kaman bas lwa7do fi january
:ana 7awelt akalm el sefara 3shan a3raf haygo emta we feen bel zabt bas bsra7a kano ghelseen awi

princess_y

05-01-2007, 12:18 AM

fi shahrukh ykafina kolna:clap0000: :
homa gayeen yom 17 /2 isa
lw 7ad 3aref 7aga zyada ya reet y2ool:in_love0: :

shade_of.light

05-01-2007, 12:30 AM

طيب ممكن لو هتقسموا شاروخان اخد منه حته و انا كمان اتجوزه معاكم ياريت برضه لو هييجوا نعرف الميعاد بس عشان اروح اتنطط له في المطار شويه بس حاسبوا لا الارض تقع بيا

nemr23

08-01-2007, 07:21 AM

اميتاب له جمهور مصرى كبير جدا وانا راى ان افلام اميتاب الجديدة لا يوجد بها العيوب التى كانت تؤخذ على بعض افلامه القديمة وعلى الاقل جمهور اميتاب القديم فى مصر لا يمكن ان ينساه وانا متاكد ان افلام اميتاب الجديدة سوف تنجح فى مصر اكثر من افلامه القديمة لكن يجب ان تكون دعاية الافلام جيدة واتمنى ان يعرض فيلم بلاك وكاكى فى الاول

aloa83

08-01-2007, 10:20 AM

الف شكر على الخبر الرائع ده

mido_fathy

09-01-2007, 08:10 AM

متشكرين يا ريس على الخبر الجامد دة والأكتر من دة خفة دمك اللى مفيش زيها فى المنتدى والله مفيش موضوع أقرأة ليك إلا لازم أضحك جدا .

تسلم على الخبر دة يا جميل.

Q_ELMoDaMeR_Q

13-01-2007, 05:52 PM

الموضــوع هايــل تسلــم ايديــك :clap0000:

fire_of_win

15-01-2007, 12:13 AM

شكرا علي الموضوع وياريت hrithik rochan يجيي

mohamed_a_d

15-01-2007, 10:17 AM

شكرا علي الموضوع وياريت hrithik rochan يجيي

ايه يا ابني حكايتك مع هرتيك روشان؟؟؟؟؟؟؟

عموما مع الاسف مش جاي
المره الجايه بقي و عليك خير