مساعدة عاجلة فى انواع الراوتر

[lolo13]

السلام عليكم ورحمة الله وبركاته
كنت عاوز مساعدتكم لو سمحتم
انا ناوى اشترى راوتر ان شاء الله ففى معايا مشترك واحد بس غيرى فاحنا اتنين فبدل ما اشترى سويتش وروتر
قررت اشترى راوتر يكون فيه بورتات تتيح انى اوصله معايا
فياريت اللى يعرف انواع الراوترز اللى فيهم بورتات بس ياريت ميكنوش وايرلس ياريت يكتبهم
وله جزيل الشكر
والسلام عليكم ورحمة الله وبركاته

[lolo13]

شكرا ياجماعة على المساعدة
الظاهر ان مبقاش حد بيساعد على المنتدى ده ولا ايه؟

[sabahy06]

ممكن تجيب راوتر speed touch with 2 ports ويا سلام لو لقيت القديم منه يبقى حظك كويس ... وأتمنى أكون قدرت اخدمك

[shady_taha]

فيه روتر 3com ودوة فى 4 فتحات ويرلس كمان ب390 دنيه
وفيه دى لينك فيه اربع فتحات ومفيهوش ويرلس ودوة ب 300جنيه
وممكن تجيب روتر دلينك فتحة واحدة ب200 جنيه وتجيب سوتش ه فتحات ب60 جنيه يعنى 260 جنيه
وانتا والى يريحك وانا عن نفسى املك روتر 3com
والتوفيق ان شاء الله واى طلب انا فى الخدمة

[belal_h_t]

بمنتهى الصراحه يا اخى .. احسن راوتر موجود فى السوق هو 3 com حتى لو كان اغلى شويه بس بعد كده هتريح نفسك من وجع الدماغ و مشاكل الانواع التانيه .... لان 3 com هو الراوتر الوحيد اللى جميع بورتاته مفتوحه من غير مشاكل .....

[ledo1971]

كونكسنت كويس وشغال معايا ميه ميه

[سات نت]

كونكسنت كويس وشغال معايا ميه ميه

يااخى حرام عليك طب احنا اتدبسنا فى كونكسنت انماالراجل لسه عالبر


انا ليا استفسار عن راوتر 3com هل فعلا بيحدد الداونلود للايبيهات يعنى بيتحكم فى الشبكه ياريت الاخوة اللى عندهم الراوتر ده يفيدونا عشان عايز اشتريه

[frist_fighter]

انصحك بروتر zyxel
أصلا صنعته ألمانى و كويس جدا

[sniper_1980]

على فكرة احسن راوتر موجود فى مصر حاليا هو سبيد تاتش بس 510 و 510v وفية منه بورت واحد وفية منه 4 بورتات الجمال فية انه سهل الاستخدام والامكانيات بتاعتة عالية اوى

اما لو عاوز تحكم كامل فى شبكتك انصحك براوتر TOPCOM هو غريب شوية ومش معروف اوى بس مع رخص تمنة الا انه من اروع الروترات اللى شوفتها اللى بتديك تحكم كامل فى الشبكة عيبة الوحيد انه مش بيربط على كل الديسلامات الموجودة فى مصر الا على الهواوى والكاتل بس من وجهة نظرى دا روتر تحفة