طلعت قماش (فرخت ولله الحمد)

[DoDo_Miro]

أنا يا جماعة الحمد لله الجوبى النتاية اللى عندى ولدت ( 11 ) وأنا لما أشتريتها اخترت الحامل وحطيتها فى برطمان زى بتاع المربى بس كبير شوية

المهم جيت ابوص عليها لقيتها جابت ستة وومنن أمبارح وهما 11 ياترى أنقل النتاية ولا أسيبها معاهم شوية

البرطمان مفيهوش جرش ولا موتور وهواء ولا فلتر ولا أى حاجة

أحط جرش ولا لأ

وأنا عندى 3 جوبى تنين لوحدهم عايشين من غير موتور هواء

المهم دلوقتى انا عايز أحافظ على الولدة دى عشان دى اول مرة ليا خالص والبيت كله فرحان بيهم أوى

قولو لى أكلهم أيه وأعمل معاهم أيه عشان أحافظ على اكبر عدد ممكن وأنقلهم امتى عشان كدة البطمان ممكن يكون ضيثق عليهم

هو لحد دلوقتى مش مشكلة

وأخر حاجة النتاية من قبل ما تولد فى عند بوقها كدة زى كيس برتقالى منتفخ حبتين

ده عادى ولا أيه

[sbank]

اولا الام الجوبى بمجرد ولدتها للسمك بتاكلو على طول اذاى سايبها معاهم وفى مكان ضيق كمان يعنى بتسهل عليها اكلهم

دية واكلة نصهم وتلاقيها كلتهم كلهم دلؤت
والانتفاخ البرتقانى دا مش عارفة بس مرة طلع عن ذكر فايتر عندى ةوراح لوحدو

[house_of_waxe]

الف مبروك على الولدة وعلى سلامة الام هههههههههههه

لعلمك الجوبي بتجيب حوالي 30 او 40 ولدة يعني السمكاية الي عندك كلت لما قالت بس انت كان احسن تسيبها تولد في الحوض الكبير كان بقى عندك 20 ولدة

دلوقتي الولدة دول عايزين هوا , ومينفعش تحط حجر هواء في البرطمان يبقى لازم تشوفلهم حاجةكبيرة شوية تحطهم فيها زي كروانة مثلا او تشتري بنورة وتحط حجر الهواء كام ساعة في اليوم او لو عندك زيادة حطة على طول

بص يا سيدي الولدة الي عندك دول اول حاجة جيب برطمان واملاه مية وحطة في الشمس لمدة 3 ايام بس حاليا حطة يومين بس وبعدين كب المية دي مع مية الولدة وبعديها المفروض تجيب بيض جمبري بس العملية مش مستاهلة , خش على الدود على طول
وعلى فكرة الولدة دي لسة حيموت منها سمك

[نمر الاسلام]

الف مبروك يا اخى و يا تلحقهم او متلحقهمش


انقذهم بسرعة

[capo2885]

هو الجوبى يعنى من صغره انا عندى لما بيفرخ كنت باكله بابى فود
ولا كنت بحضر طحالب ولا بكتريا ولااى حاجه وبيعيش وزى الفل
وربنا يوفق ويباركلك فيهم

[medado]

ع البركه يا باشا .. بس انا من رأيى انك تنقلهم فى الحوض الكبير كلهم زى ما انا عملت انا سيبتها ولدت فى الحوض الكبير والسمك الولده لما بيحس بالخطر بيهرب ويتصرف ماتقلقش عليه ... وبالنسسبه للأكل انا من ساعه ما هما اتولدوا بأكلهم الورق العادى بتاعهم بس بطحنه على الأخر .... وبالتوفيق .

[DoDo_Miro]

أنا متشكر جدا ليكوا يا جماعة


وعلى فكرة الام بقالها معاهم اكتر من يومين فى نفس البرطمان وهما زى ما هما ( 11 )


وأنا شوفت عند الراجل الى جبت منه كان عنده حوض جوبى كانو ولدين فى نفس الحوض عادى

أنا أمبارح نقلت الام فى الحوض الكبير بس اخاف أنقل الولد عشان فى واحدة جورامى كبيرة ممكن تاكلهم على بق واحد

وانا هحاول اطحن الورق واديهم وعلى الله واحدة تقول لأ

[medado]

بالتوفيق يا باشا .. بس خد بالك من حكايه الأكسجين علشان السمك يعيش

[gladnaior]

ربنا يوفقك ويعينك على تربية الاولاد دول ؟؟؟

[ابن بلدي]

الاول الف مبروك علي الولده دي
ثانيا انا مش عارف افرخ اي نوع انا بربي سمك بقالي 1 او زياده وعمري مشفت اي ولده لاي نوع اعععععععععععععععععععععععععععععععععععععععععع