انا جبت كل شئ ومش عارف اعمل ايه

[zota_ezzat]

انا جبت حوض 60*40*30 وجبت معاه 8 فانتيل وسط و2 فانتيل كبير و10كات فيش صغير لكن المشكله انى مشعارف هل الكات فيش يتوافق مع الفانتيل ولا لا وهل الحوض يساع حتى كام سمكه
والمشكله الثانيه هى انى اشتريت فلتر داخلى قوى جدا الا انه بيعمل تيارات جمده فى المياه
وعموما انا لا ينقصنى غير النبات لكن البعض نصحنى بعدم وضع نبات والاكتفاء بالجرش
واذاكان احد عنده معلومات عن الانواع الى عندى فارجو انه يساعدنى
واخيرا انا شفت واحد لون المياه عنده لونها ازرق فهل هناك الوان لمياه الحوض واذاكانت توجد فهل تناسبنى وعموما انا اسف على الاطاله وشكرا

[edrakon]

بصراحة مدام حطيت فانتيلات - رأي - بلاش زرع طبيعي خالص علشان الفانتيلات عندي بوظت لي الزرع بتقطع من ورق الزرع حته تمصها و تتفها تاني بتبوظ الزرع و تبوظ الحوض و اذا كان الزرع ضروري نقي زرع يكون ورقه سميك
امازون مثلا
بالنسبه للكات فيش مافيش مشكله مع الفانتيلات المشكله لو الفانتيلات كبيرةوالكات فيش حجمها صغير ممكن تتبلع
بالنسبه لالوان المية ممكن يكون حاطط دوا او كلوروفورم ادي لون للميه
او اللون نتيجة اضاءة و خلفيه و دية سهلة
لو دوا ما تحطتش الا و انت فعلا محتاج

[house_of_waxe]

انا جبت حوض 60*40*30 وجبت معاه 8 فانتيل وسط و2 فانتيل كبير و10كات فيش صغير لكن المشكله انى مشعارف هل الكات فيش يتوافق مع الفانتيل ولا لا وهل الحوض يساع حتى كام سمكه
والمشكله الثانيه هى انى اشتريت فلتر داخلى قوى جدا الا انه بيعمل تيارات جمده فى المياه
وعموما انا لا ينقصنى غير النبات لكن البعض نصحنى بعدم وضع نبات والاكتفاء بالجرش
واذاكان احد عنده معلومات عن الانواع الى عندى فارجو انه يساعدنى
واخيرا انا شفت واحد لون المياه عنده لونها ازرق فهل هناك الوان لمياه الحوض واذاكانت توجد فهل تناسبنى وعموما انا اسف على الاطاله وشكرا


مبروك على الحوض الجديد

بالنسبة للكات فيش عادي يمشي في اي حوض واما بالنسبة للفلتر شوف يمكن يكون له سرعات يعني توطية وتعلية واذا مكانش يبقى يمكن يكون الفلتر قوي على الحوض , بس ما علينا انت ممكن تشغلة شوية وتطفية شوية , اما عن النبات انا عن نفسي محبش النباتات في الحوض بتاعي لان سمك زي الفانتيل الي عندك محتاج كل يوم تصحى تغرس الزرع تاني , بس الالوان دي مسمعتش عنها قبل كدة , ممكن تكون الاضاءة بس انت مش واخد بالك؟

[zota_ezzat]

ياجماعه انا متشكر جدا على الردود لكن انا اسف انا عندى استفسار ثانى وهو كام ساعه يشتغل المتور فى اليوم

[godzella89]

الف الف مبروك عالحوض


انصحك بزيارة الارشيف


الارشيف (http://www.dvd4arab.com/showthread.php?t=275021)

[golden_knight_1]

السلام عليكم اخى الفاضل

مبروك عليك الحوض

بالنسبه لسمكه الكات فيش مفيش منها مشاكل مع الفانتيل

و فعلا بلاش نباتات عشان الفانتيل هيقطعه و يبوظه

طبعا لا يوجد الوان مياه للاحواض

و غالبا الحوض اللى انت شوفته كان موضوع فيه

دواء الانتى هوايت سبوت

لانه ازرق غامق جدا و يقلب لون الميه ازرق

و فعلا غلط انك تحط دواء بدون مرض الاسماك لمجرد الزينه فاحذر

بالنسبه للموتور يفضل شغال 24 ساعه

و متفصلوش خالص خالص

بالنسبه بقى لعدد السمك اللى يكفى الحوض

60*40*30= 72000

يبقى انت الحوض عندك بياخد حوالى 72 لتر ماء

نشيل عشره لتر بتوع خمس سم من فوق بدون ماء

يبقى 62 لتر

62/2 = 31سم

يبقى اطوال السمك عندك متزيدش مجموعها عن 31 سم

يعنى مثلا ممكن تحط فى الحوض 31 سمكه طول كل منها 1 سم

و ممكن تحط فى الحوض 5 سمكات طول كل منها 6 سم

و اى استفسار تانى احنا فى الخدمه

[golden_knight_1]

نسيت اقولك

طبعا بالنسبه للفلتر

عشان قوى دة شىء جميل

بس مش مع الفانتيل

عشان كده

لازم يتم توجيه فوهه الفلتر لاقرب جدار زجاجى له

عشان ميبقاش فى وجه السمك

ممكن يدوخه و يكون سبب فى موته

[MOSTAFA ELIAN]

اخى العزيز مادام عندك فانتيل يبقى ماتطفيش موتور الهواء الا وقت الاكل فقط لان الفانتيل مش بيقدر يستغنى عن الهواء لمده كبيره اما عن الفلتر لو قوى شويه ممكن تضعف قوته بطرق كتير هى انك توصل لخرج المياه اى ماسوره و توديها لاخر الحوض يعنى الفلتر يسحب و يرمى فى اخر الحوض كد يبقى سرعة الفلتر ضعفت
اما بالنسبة للنبات بلاش نبات مع الفانتيل لانه فعلا بيبوظه خالص
و الكات فش ينفع مع اى نوع سمك الا السمك الشرس زى السيكلد و الاوسكار

[MOSTAFA ELIAN]

و على فكره بانسبة للون الازرق ده دواء ازرق مخفف
و انا جربته بيعمل لون للمياه جميل و يعتبر وقائى من الامراض لسلامة الاسماك بس ده كل كام يوم مش على طول
بس خلى بالك لو الدواء مركز او انت كترت شويه ممكن تتسبب فى موت السمك
بس لو عرفت تظبط النسبه هايخلى شكل المياه و السمك تحفه

[zota_ezzat]

والله ياجماعه انا مش عارف اقول ايه انتم فعلا ممتازين ومنتداكم فعلا متميز وانا بشكر كل الى رد ابتداء من الاستاذ edrakon وhouse_of_waxe وgodzella89 و mostafa elian الى العبقرى golden_knight_1 وانا اسف على الطاله وشكرا ليكم جميعا