لو أنت جدع فك الحبل

[ostora]

يوجد شخصان أحدهما مربوط من معصميه بحبل طووووويل والآخر قام بتمرير الحبل الآخر الذي سيربط نفسه به من بين الحبل الأول وجسم الشخص الأول ثم ربط معصميه بهذا الحبل الطويل فنريد أن نفك الشخصان من هذه الورطة بدون أن نفك أي حبل من المعصم
والحبلان على فكرة أشبه بحلقتان في سلسلة
:5bouncy: :5bouncy: :5bouncy: :5bouncy: :5bouncy:

[abdo_eldesokey]

الحل أعتقد ..... أنه قد قام بتمرير الحبل فقط ولم يقم بربطه

[ostora]

الحل أعتقد ..... أنه قد قام بتمرير الحبل فقط ولم يقم بربطه
بعد تمرير الحبل قم بربطه في معصميه عذراً أخ عبدو
حاول مرة أخرى :5bouncy: :5bouncy: :5bouncy: :5bouncy: :5bouncy:

[zozi485]

طبعا بدون قطع الحبل ؟
وغير كده في اجابه فعلا ولا تلاعب الفاظ ولا اجابه من الاجابات الي تحرق الدم وانا لا اقصد اي اهانه بس عايز اتاكد قبل ما افكر

[ostora]

من غير لا حرق دم ولا حاجه الفزورة صحيحه ولها حل اريدك ان تفكر فيه ولكن اعمل كوب شاى ومخمخ فيها على مهلك

[zozi485]

اوك يا باشا

[zozi485]

ممكن يكون اي حبل من التنين فيه قطع ومربوط القطع دا فا ممكن يفكوه ويبقي كده متفكتش العقده الي عند المعصم

[majic]

صعبة قوي دي يا ostora مش شايفلها حل الصراحة :)

[quietness]

انا شايف يا باشا ان الشخص الاولانى يبعد ايديه عن جسمه و يدخل الشخص الاخر من تحت و بعدين التانى ينط من فوق ايديه و كده العقده انفكت و الله اعلم.

[ostora]

انا شايف يا باشا ان الشخص الاولانى يبعد ايديه عن جسمه و يدخل الشخص الاخر من تحت و بعدين التانى ينط من فوق ايديه و كده العقده انفكت و الله اعلم.

هل جربتها وانفكت
مساعدة الخيط الذي يربط به المعصم غير ملامس لليد بالكلية (مثلاُ أستيك الساعة) ولكنه بينه وبين الجلد مسافة مثل (الأسورة الحريمي)
وعذراً للتآخير

[ostora]

على فكرة لا ينفلت الخيط من اليد ولكنه بينه وبين اليد مسافة بسيطة ويفضل جداً أن تستخدم هذه الفكرة بواسطة خيط مع صديق لأنه فكرة محببة في الرحلات

[-=kimo=-]

الحل الوحيد
اننا نقطع احد الحبلين او نقطع دراع واحد منهم
لوكان ليها حل تاني ابعتهولي فرساله خاصه وانا والله مش حقوله
ولو اني معتقدش ان فبه حل غيره
والا الجنزير يبقى اختراع فاشل

[Eng-darsh]

الحل على ما اعتقد
ان الشخص رقم " 2 " ربط ايدة في الحبل الطويل اللى هو رابط الشخص رقم " 1 "
وان الحبل رقم 2 ليس له اي قيمة
لان الشخصان مربوطان في نفس الحبل اللى هو رقم 1

7
7
7
7


""""( ثم ربط معصميه بهذا الحبل الطويل )"""""

[Eng-darsh]

وفي الحالة دية نقدر نفك الحبل رقم 2
من غير ما نفك الحبل رقم 1 اللى هو مربوط فية الشخصان


وشكر

[ahm212121]

بما ان الخيط الذي يربط به المعصم غير ملامس لليد بالكلية (مثلاُ أستيك الساعة) ولكنه بينه وبين الجلد مسافة مثل (الأسورة الحريمي) فان صاحب الخيط الطويل يأخذ خيطه و يمرره من تلك المسافة التي بين المعصم و الخيط ثم يمرر جسده كاملا من هذا الخيط الذي سيشبه الدائرة ,,,, و بهذا تنفك العقدة ,,,, أرجو أن أكون وفقت في الحل

[Eng-darsh]

يوجد شخصان أحدهما مربوط من معصميه بحبل طووووويل والآخر قام بتمرير الحبل الآخر الذي سيربط نفسه به من بين الحبل الأول وجسم الشخص الأول ثم ربط معصميه بهذا الحبل الطويل فنريد أن نفك الشخصان من هذه الورطة بدون أن نفك أي حبل من المعصم
والحبلان على فكرة أشبه بحلقتان في سلسلة
:5bouncy: :5bouncy: :5bouncy: :5bouncy: :5bouncy:


الاخ اسطورة ماجوبش على السؤال ولا قال ان كان اخر حلين صح ولا غلط

وشكرا

[-=kimo=-]

انا زهقت ايه الحل بقى

[محمد الزفتاوى]

اولا ازاى هيقيد الاخر نفسة ومعصمية الاتنين طبعا مينفعش
وثانيا ازاى هيعدى الحبل التانى من الاو ومن جسم الشخص الحل فى طريقة الكتابة

ارجو الرد

[Eng-darsh]

يوجد شخصان أحدهما مربوط من معصميه بحبل طووووويل والآخر قام بتمرير الحبل الآخر الذي سيربط نفسه به من بين الحبل الأول وجسم الشخص الأول ثم ربط معصميه بهذا الحبل الطويل فنريد أن نفك الشخصان من هذه الورطة بدون أن نفك أي حبل من المعصم
والحبلان على فكرة أشبه بحلقتان في سلسلة
:5bouncy: :5bouncy: :5bouncy: :5bouncy: :5bouncy:


يا اخ اسطورة الناس زهقت

[al_khudary]

الحل اللي عندي ان الاول يمرر الحبل الطويل بين معصم الثاني والحبل.
ثم يمرره بكل سهولة الى نهايته.

[ahm212121]

اتمنى ان يكون سبب تأخر اسطورة علينا خير ان شاء الله

[ahm212121]

محدش شاف اسطورة؟؟؟

و النبي اللي يشوفه يقول له راسي وجعتني من الخبط على الحيطة و الحبل وجع اديا >> لسه رابط ايديه

رايحنا بقى وخلينا نفك الحبل و نخلص بقى :5bomb:

[محمد الزفتاوى]

هو فين اسطورة واضع السؤال

[mgsaber]

على الثانى ان يمرر الحبل الخاص به من خلال المسافه التى حول معصم الأول ثم يمرر يد الأول من خلال الحبل حبث يعود لسحب الحبل الخاص به مرة اخرى
وبذلك بكون الحبل الخاص بالثانى قد عبر كف يد الأول واصبح كلا منهما حرا بمفرده
ارجو ان يكون كلامى مفهوما

[friend4rent]

my friends i think el 7al el maghol momken ykon kal2aty
kol 7ab fel donya mokawan men 3edet 7bal beda5elow{ya3ny magdol} low e7na 2ata3na el a7bal el sa3'era elmokawena lel7abl el asasy teba3an
ya3ny n2ta3 wa7ed fehom soma ne3adeah soma norboto
soma ne2ta3 el tany soma ne3ady soma nerboto
........................
wa hakza ykon el etnan etfakow men 3'er ma ne2ta3 el 7abl
el dalel en sa7ebna ely 7a ne2ta3 7ablow keda bel tabo3
mesh momken belnesbalow fy ay wa2t (2abl , ba3d , asna2)
el 2at3 wel wasl enow ye5alas edow men el 7abl ya3ny yeb3ed edah 3an ba3daha atwal men tol el 7abl nafsow
:eek:

[prok_ahly]

الحل ان يعدى الشخص الثانى من بين الحبل الاول مانتا ما قولتش اليدين مربوطين فى ناخية واحدة من الحبل ولا لا
صح

[aaaa42bbbb]

نحن في إنتظار رد ostora و الذي يبدو انه متغيب لظروف خارجه عن إرادته

[ahmdmosa135]

وفقا لكلامك الحلقتان في السالسه مستحيل يخرجو من بعض الا بعد انفصالهم اي قطع الحبل لذلك الحل مش انهم يتفكو الحل كالتي

قكره الحل ان انت هتفصل الحبلين عن بعض فقط مش هتفك الشخصين نفسهم من بعض

بمعنى ايه ؟

ان لو الاول يمر داخل الحلقه الثانيه بمعنى انه يمر من تحت الحبل الثاني فيكون كده هو كله داخل الحلقه الولى و بعدين يلف فيكون وجه الاول في وجه الثاني و كلا الحبلين في اتجاهين مختلفين حلقه الاول ورا التاني و حلقه التاني ورا الاول و مش معقودين مع بعض

و ده الحل يا جميل

[ahmed_ra_6]

والله اعلم بما انه مرر الحبل الطويل من معصمى الاول وكذلك جسمه اذن المفروض ان كل اللى يعمله انه يرخى الحبل بتاع التانى وبعد كده يفك الاولا بسهوله

[otta5]

شوف يا سيدي كل اللي انت هتعمله هتمرر الحبل من تحت العقدة اللي في معصم التاني و تمررها من يده و بذلك تفك
العقدة ويكون كل حبل حر

[ماءالحب]

ممكن صورة شخصين المربوطين

[medoplus]

اعتقد ان احدهما يمرر الحبل من الفراغ الموجود تحت يد الاخر .....ثم يلفه على يده و بذلك يخرج الحبل

[t_bone]

السلام عليكم ورحمة الله وبركاتة
بص يا اخى اللعبى دى انا عارفها بس صعب اوى انى اعرف اكتبهالك هحاول على قد ماقدر مثلا الطرف رقم ١ والطرف رقم ٢ شخص من الاثنين ولنفترض رقم ١ يمسك الحبل بتاع رقم ٢ هيدخل الحبل من تحت الربطة اللى فى ايدة ويعدى الحبل لغاية صوابعة وهتتحل وشكرا الفظورة دى

[barni]

يريت لو تقدر ترسم رسمة مبسطة لها عشان نفهم أكثر

[super-man]

بصراحة اول مرة اشارك في منتدى الالغاز و دخلت على الموضوع على اعتبار ان اللغز غير محلول و فوجئت بوجود كثير من الاجابات الصحيحة و هي تمرير الحبل من تحت عقدة يد الشخص الاخر و لف الحبل حول الكف و بذلك يصبح الحبلان منفصلين و طبعا هذا الحل اكيد لاني جربته بنفسي
بس للاسف الاخ اسطورة طرح اللغز و ما تابع الاجابات