مشكله في برنامج MyTheatre

[MohamedYousri]

السلام عليكم ورحمه الله وبركاته

مشكله مضيقاني اوي مع برنامج MyTheatre وهي اني لما بفتح البرنامج ما يجمعش إشاره و يشغل القناه علي طول لازم افتح برنامج TwinhanDTV اللي جاي مع الكارت الاول و اشغل اي قناه بعد كده الـMyTheatre يلقط الاشاره و يشتغل او اني اشغل الريسيفر و اقف علي اي قناه ( انا واخد الوصله من LNB OUT من الريسيفر ) بعدها يلقط الاشاره و يشتغل

ياريت اللي يعرف حل للمشكله دي يعرفني لأن الـMyTheatre هو البرنامج الوحيد اللي راضي يشتغل مع الكارت بتاعي ولا الـAltDvb او ProgDVB راضيين يشتغلوا معايا

انا عندي كارت TwinhanDTV StarBox II

جزاكم الله كل خير و في إنتظار الرد

[ebrahem2521005]

الف مليون شكر

[MohamedYousri]

الف مليون شكر

سؤال و اتمني انك ترد عليه بكل صراحه

الف مليون شكر علي ايه انا كاتب موضوع بعرض فيه مشكله عندي انت داخل بقه تشكر ايه مش عارف

و الله انت لو ف منتدي اجنبي كان زمانك اتحذفت و اتمنعت انك تعمل ريجستر تاني لكن نقول ايه

[pepopiro]

معلش اخى على تاخر الرد بس فعلا مشوفتش السوال
واخى ابو ناصر عنده مشاكل فى وصله النت

بص يا سيدى
اولا انت واخد من الاوت بتاع الرسيفر
وده ممكن يعملك مشكله فى الاشاره من الرائسى والعمودى

يعنى لو شغاله قناه رائسى على الرسيفر يبقى لازم تشغل على الكارت اى قناه رائسى ومينفعش تشغل
قناه عمودى

والمشكله بتاعت انك لازم تشغل البرنامج الاصلى
ده مشكله فلاتر واخى ابو ناصر مركز عليها فى الموضوع المثبت
ومشروحه بالصور بالتفصيل فارجع للشرح فى الموضوع المثبت وحاول تظبط الفلاتر كويس

وان الكارت مبيشتغلش غير على الناى وميشتغلش على البروج ده حاجه لسه طازه من انتاج كارتك
لان البروج اكتر برنامج يدعم التونهان
قولى النسخه بتاعت الويندجوز الى انته شغال عليها اه

[MohamedYousri]

معلش اخى على تاخر الرد بس فعلا مشوفتش السوال
واخى ابو ناصر عنده مشاكل فى وصله النت

و لا يهمك و انا عارف بمشكله النت اللي موجوده عند أبو ناصر

بص يا سيدى
اولا انت واخد من الاوت بتاع الرسيفر
وده ممكن يعملك مشكله فى الاشاره من الرائسى والعمودى

يعنى لو شغاله قناه رائسى على الرسيفر يبقى لازم تشغل على الكارت اى قناه رائسى ومينفعش تشغل
قناه عمودى

دي مش مشكله و انا عارف المعلومه دي من قبل ما اخد الوصله من الريسيفر بس هنا في سؤال لو ركبت LNB بمخرجين واخدت الوصله ووصلت من الريسيفر عادي زي ما انا عامل دلوقتي المشكله دي هتتحل و لا لازم اخد من الـLNBمن فوق من الطبق ؟؟!!

والمشكله بتاعت انك لازم تشغل البرنامج الاصلى
ده مشكله فلاتر واخى ابو ناصر مركز عليها فى الموضوع المثبت
ومشروحه بالصور بالتفصيل فارجع للشرح فى الموضوع المثبت وحاول تظبط الفلاتر كويس

هفتح الموضوع و اقراه تاني بالتفصيل ممكن تكون فاتتني منه حاجه

وان الكارت مبيشتغلش غير على الناى وميشتغلش على البروج ده حاجه لسه طازه من انتاج كارتك
لان البروج اكتر برنامج يدعم التونهان
قولى النسخه بتاعت الويندجوز الى انته شغال عليها اه

انا شغال علي Windows Xp SP2 و الكارت بتاعي Star Box II

الف شكر علي اهتمامك و في انتظار ردك

جزاك الله كل خير

[ali refaat]

المهم انك كويس
كل المشاكل بعد كده
سهله
واكيد الرجاله هيظبطوك

[mahmoud aaaa]

فى اعتقادى اخي هذا البرنامج هوافشل برنامج لانة مليان مشاكل كفاية ان الواحد علشان يخلى البرنامج يجيب صورة بيطلع عينة وبردك مابتجيش
معلش اصاي مخنوق منة لاني شغلت كل البرامج الا هذا البرنامج العقيم

[MohamedYousri]

فى اعتقادى اخي هذا البرنامج هوافشل برنامج لانة مليان مشاكل كفاية ان الواحد علشان يخلى البرنامج يجيب صورة بيطلع عينة وبردك مابتجيش
معلش اصاي مخنوق منة لاني شغلت كل البرامج الا هذا البرنامج العقيم

هو البرنامج مش فاشل للدرجه دي بس هو فيه شويه مشاكل فعلا

المشكله بقه بالنسبه ليا انا ان ده البرنامج الوحيد اللي اشتغل معايا مفيش ولا برنامج تاني رضي يشتغل مع الكارت بتاعي

[MohamedYousri]

الحمد لله قمت بتركيب LNB بمخرجين علي الطبق الـ180 سم و الحمد لله اشتغلت تمام و ما فيهاش اي مشكله

لكن برضه الماي لسه بيعمل الحركه الرخمه اللي انا شارحها ف الموضوع يا تري محدش لسه قادر يدلني علي حل ليها

في انتظار الرد و جزاكم الله كل خير

[MohamedYousri]

السلام عليم اخى محمد
على فكرة انا عندى نفس الكارت بتاعك مكنش بيشغل البروج ولا الماى ثياتر
المهم انا نزلت اخر سوفتوير للكارت و نزلت نسخة اكس بى سيرفيس باك تو بس منسوخة من نسخة اصلية مش متعدلة زى اللى مالية الدنيا دلوقتى عشان برغم ان المتعدلة فيها حاجات كويسة بس بتعمل مشاكل مع بعض الهاردوير
و اشتغل معايا البروج و الماى ثياتر كويس هى فية مشكلة واحدة بس بتقابلنى و هو ان الجهاز بيعمل ريستارت مش عارف من اية
المهم انا عايزك تنزل اخر سوفتوير من هنا
http://www.twinhan.com/download_driver&software.asp
و تختار طبعا 7021(StarBox)
و طبعا تنزل نسخة ويندوز سيرفيس باك تو زى اللى قلتلك عليها مش متعدلة طبعا
و مستنى تقولى عملت اية
اخوك فى اللة ممدوح


جزاك الله كل خير انا نزلت الـTwinhanDTV الجديده اللي موجوده علي موقع توينهان و الحمد لله الكارت اشتغل مع البروج بس بقه يعمل حاجه من اتنين

يا يعمل ريستارت و هو شغال و دي عملها مره واحده بس
الحاجه التانيه بقه انه مش بيشتغل غير مره واحده بس يعني هي المره اللي بعد ما اسطبه و بعد كده شكرا ما يشتغلش تاني اول لما اشغله يهنج و الكمبيوتر يهنج و مالهاش حل غير الريستارت

بجد انا اتخنقت شكلي هرجع للماي و شغال معايا زي الفل هو تقيل سنه اه بس مش بيعمل زي البروج ما بيعمل

اللي عنده حل يا جماعه ياريت ما يبخلش علينا

[douha_wise]

السلام عليم اخى محمد
على فكرة انا عندى نفس الكارت بتاعك مكنش بيشغل البروج ولا الماى ثياتر
المهم انا نزلت اخر سوفتوير للكارت و نزلت نسخة اكس بى سيرفيس باك تو بس منسوخة من نسخة اصلية مش متعدلة زى اللى مالية الدنيا دلوقتى عشان برغم ان المتعدلة فيها حاجات كويسة بس بتعمل مشاكل مع بعض الهاردوير
و اشتغل معايا البروج و الماى ثياتر كويس هى فية مشكلة واحدة بس بتقابلنى و هو ان الجهاز بيعمل ريستارت مش عارف من اية
المهم انا عايزك تنزل اخر سوفتوير من هنا
http://www.twinhan.com/download_driver&software.asp
و تختار طبعا 7021(StarBox)
و طبعا تنزل نسخة ويندوز سيرفيس باك تو زى اللى قلتلك عليها مش متعدلة طبعا
و مستنى تقولى عملت اية
اخوك فى اللة ممدوح

[xxxxzzz]

انا سطبته ومرديش يشتغل

بيجيب اشاره ومبيجبش صوت ولا صوره

[douha_wise]

اخى محمد معلش النت كان عندى فاصل
بص اناجربتة على البروح 4.8.1.1 اللى هو اخر اصدار لية
بس زى ما قلتلك هو بيعمل ريستارت معايا برضة فمش عارف ممكن يكون دة من السزفتوير الجديد للتوينهان مش مظبوط و بيعمل مشاكل و يمكن تكون رامات انا بصراحة مش عارف و الكارت الأستار بوكس تو دة غريب جدا فى تشغيلةمع انة
المفروض يكون اسهل من كدة عشان جديد و حديث
عموما جرب اخر اصدار من البروج و يا رب يشتغل معاك كويس
و يا ريت تطمنى
اخوك ممدوح

[MohamedYousri]

اخى محمد معلش النت كان عندى فاصل
بص اناجربتة على البروح 4.8.1.1 اللى هو اخر اصدار لية
بس زى ما قلتلك هو بيعمل ريستارت معايا برضة فمش عارف ممكن يكون دة من السزفتوير الجديد للتوينهان مش مظبوط و بيعمل مشاكل و يمكن تكون رامات انا بصراحة مش عارف و الكارت الأستار بوكس تو دة غريب جدا فى تشغيلةمع انة
المفروض يكون اسهل من كدة عشان جديد و حديث
عموما جرب اخر اصدار من البروج و يا رب يشتغل معاك كويس
و يا ريت تطمنى
اخوك ممدوح

دلوقتي المشكله اللي قدامي و لسه ما حليتهاش اللي هي مشكله الريستارت

انا خلاص شغلته و لقط الاشاره و اشتغل و كله تمام التمام لكن بعد فتره من التشغيل يروح الكمبيوتر عامل ريستارت هي دي اللي انا مش عارف حل ليها