حصريا ومتجدد باستمرار يوميا يوميات جحا

[aloly]

http://www.ara.org/awards/images/large_oscar.gif
هذه القصة فائزة بالاوسكار كاحسن قصة كوميدية



الان سوف نتابع بكل يوم قصة ان شاء الله من قصص ويوميات جحا المعروف لدي الجميع وارجو ان يحوذ الموضوع اعجابكم وتستمتعو بالقصص التي سوف تسرد تباعا في هذا الموضوع
القصة الاولي (جحا والملك)
كان يا مكان ياسعد يا اكرام وما يحلي الكلام الا بذكر النبي علية الصلاة والسلام :
كان في يوم جحا طالع الصبحية علشان يمارس شغلة الي هو تقطيع الاشجار وبيع الحطب
وراح واخد الفاس بتاعة وبيضرب الشجرة علشان تقع راح واحد طالعلة من الشجرة وقالة انت مين واية بيجيبك كل يوم هنا تكسر الشجر وتموت ولادي وانا سايبك لكن لحد كدة وكفاية
ام قالة جحا اموت ولادك مين ولادك دول
فاجاب الرجل وقالة ولادي العفاريت الي عايشين في الشجر كل يوم تيجي انت بسلامتك وتكسر الشجر وتموتهم
فاجاب جحا طب وانا اعمل اية ياعم العفريت اكل منين واشرب منين واعيش انا وولادي وعائلتي منين
فقالة العفريت انت عندك بنات
قالة جحا ايوة تلاتة
فقالة العفريت طب روح هات واحدة منهم اجوزها لواحد من ولادي وانا هديك حلة تقولها ياحلة امنا وابونا اعمللنا كذا (محشي رز بطاطس لحمة اي حاجة) هتفتح الغطا هتلاقيها علي طول
وفعلا جحا راح مروح وخد واحدة من بناتة ووداها للعفريت وسلمة العفريت الحلة وقالة مش عاوز اشوف وشك هنا تاني بتقطع الشجر
وراح جحا واخد الحلة وجري روح لمراتة وقول ما فتحتلة الباب ولقي الموشح
قالتلة مراتة اية يامنيل رجعك بدري وفين البت وددتها فين
فقالها جحا اخرسي ياولية انا جايبلك حتة مفاجاة
قالتلة مفاجاة انت يجي من وراك غير النكد
فقالها اخرسي بقة وتعالي نجربها واخرج جحا الحلة من الشوال الي كان حاططها فية
واذا بمراتة بتقولة اية دة يامنيل جايبلي حلة يامجاب الغراب لامة
وراح جحا متجاهلها وراح قايل للحلة ياحلة امنا وابونا اعمللنا محشي كرنب
(في اللحظة دية كانت مراتة بتقول في عقلها يا خبر الراجل باين علية اتهبل )
وفتح جحا غطا الحلة واذا بيها فيها محشي فعلا
استغربت مراتة بس كلت طبعا الاول المحشي وبعدين سالت انت عاوز تتضحك عليا اكيد الحلة كان فيها محشي
راح جحا مغطيها تاني وقالها ياحلة امنا وابونا هاتلنا لحمة
وفعلا فتح الغطا لقي اللحمة وبكدة نسيت مراتة امر بنتها وبس انشغلت بالاكل وفضل جحا علي دية الحالة شهور وطبعا مفيش حاجة بتستخبا
وصل للملك خبر جحا وحلتة العجيبة طبعا الملك مصدقش ولكن مع اسرار الواشين انة جحا عندة حلة غريبة راح الملك مفكر في خدعة يضحك بيها علي صاحبنا
وفعلا بعت الملك في طلب جحا وقالة احنا عندنا عزومة كبيرة وطبعا يشرفنا انك تكون موجود بس تجيب معاك الحلة بتاعتك علشان تاخد فيها الاكل وانت مروح لولادك وعلشان ضيوفنا يتفرجو عليها ويمكن تترقي وتبقي وزير الطعام
وطبعا جحا زي الدهل صدق كلام الملك وراح رايح يوم الحفلة بالحلة وراح قايلها ياحلة امنا وابونا اعمللنا كنافة وفعلا فتح الغطا لقي كنافة في وسط ذهول الجميع
راح الملك متدارك نفسة علي طول وراح مصفق وقايل برافو عليك ياجحا انت كدة اصبحت من عظماء الدولة هات الحلة نغسلهالك مطرح الكنافة ونرجعهالك علي طول طبعا جحا بغابوتة وافق وراح الملك غاسلها وادهالة تاني
وروح جحا وطلب من الحلة محشي وبيفتح الغطا لقي فعلا المحشي وعاش علي كدة يومين تاني قبل ميبعت الملك في طلبة تاني وعمل حفلة تاني واخد الحلة يغسلها تاني بس المرة دية كان محضر حلة اختها بالظبط نفس الشكل والمقاس وطبعا اداها لجحا وخدها جحا زي المغفل وروح وقال للحلة يا حلة امنا وابونا هاتلنا كفتة وفتح الغطا ملقاش حاجة
ظل علي الحالة دية طول اليل بدون فايدة خلاص الحلة اتبدلت وجة الصبح وقامت مراتة رجعت لعادتها الاديمة وقالتلة قوم يامنيل بدل متقعد ادام الحلة اشتغل وهاتلنا اكل نفطر بية ونزل جحا تاني يقطع الشجر وطلعلة تاني العفريت وقالة اية الي رجعك تاني
قالة جحا الحلة مبقتش بتجيب اكل ام قالة خلاص هات بنتك التانية وتعالي هديك ديك تشد ديلة كل يوم الصبح ينزلك بيضة دهب وراح جحا جاب بنتة التانية
وادالة العفريت الديك وروح جحا وقابلتة مراتة بالموشح هو هو وشد جحا ديل الديك ونزلت اول بيضة دهب وظل جحا علي دة الحال يشد ديل الديك وياخد البيضة الدهب لغاية ماغتني ووصل صيتة للملك مرة تانية ودعاة الملك وقالة عاوزين نشوف ديكك العجيب الي بيدن يصحي جميع النيام وطبعا جة جحا بالديك ورجع بواحد تاني بعد ما الملك بدلة
وقعد جحا طول النهار يشد ديل الديك ولا حاجة بتحصل يشد ديل الديك ولا حاجة لحد منتف جحا للديك ريشة ريشة ريشة وفي الصباح التالي خرج جحا بعد موشح مراتة علشان يقطع الشجر تاني وطلعلة العفريت تاني
وقالة اية رجعك تاني يا جحا قالة اعمل اية الديك معدش بيجيب بيض
راح قايلة العفريت دية اخر فرصة ليك هاتلي اخر بنت عندك التالتة والاخير وانا هديك حاجة مفاجاة لما تيجي
وراح جحا البيت جاب بنتة التالتة وراح للعفريت
راح العفريت قايلة خد العصاية دية قولها يا عصاية امنا وابونا ادبي فلان هتنزل علية ضرب لحد متعلمة الادب
راح جحا قايل للعفريت طب وانا هستفيد منها اية
ام العفريت قايلة فكر بدماغك الحلة والديك راحو فين وانت هتعرف تستخدم العصاية
وروح جحا طول السكة يفكر بس مفيش جواب اية الكلام بتاع العفريت العجيب دة الحلة والديك عندي في البيت بس مفعولهم خلص بس ازاي دة بقولي شوفهم راحو فين ولسة هيقول لقي نفسة ادام البيت ومراتة كابسة علية زي كل يوم وهو يقولها اسكتي يا ولية اسكتي سبيني افكر في الحل تقولة جايبلنا عصاية يا منيل يا مهكع نعمل بيها اية وراح جحا قايل للعصاية يا عصاية امنا وابونا ادبي مراتي وراحت العصاية نزلة علي مراتة ضرب لحد مقالت حقي برقبتي وتاني يوم راح جحا للملك قالة انا عندي اكتشاف تاني مهم اوي عاوز اوريهولك في حفلة زي الاول وبالفعل عمل الملك حفلة علي طول وراح جحا ماسك عصايتة وقال للملك انة لكل ظالم يوم والمهم مين يضحك في النهاية وراح قايل يا عصاية امنا وابونا ادبي الملك والحاشية بتاعتة ونزلت العصاية ضرب علي الملك والحاشية لحد ما اعترفو وجاب لجحا الديك والحلة وبكدة
قال جحا في النهاية مش جحا الي ينضحك علية وضحك ضحكتة المشهورة ورجع من عظماء القوم
(بس يا تري تفتكرو دة صح الي جحا عملة باع بناتة للعفريت علشان يقدر يلاقي فلوس واكل ولا هو فعلا الي ضحك في الاخر )
فكرو وقولولي في الردود وانتظرو اليومية القادمة من مغامرات جحا واتمني انكم تكونو استمتعتم

[aloly]

اية هو محدش بيحب جحا ولا اية

[aloly]

اليومية الثانية(جحا والحمار)
ذهب جحا وابنة لشراء حمار وبالفعل اشترو الحمار من السوق
وبعدها رجع جحا وابنة بالحمار يجرونة بالجام فسمع جحا الناس يقولون
شوفو جحا شاري الحمار علشان يجرة ههههههههههه
فركب جحا وابنة علي الحمار وفي الطريق سمع الناس يقولون
شوفو جحا الظالم المفتري راكب هو وابنة علي ظهر الحمار بالذمة دة مش حرام
فنزل جحا من علي الحمار وترك ابنة وفي الطريق سمع الناس يقولون
شوفو جحا العبيط مركب ابنة علي الحمار وماشي هو هههههههه
فركب جحا علي الحمار ونزل ابنة وفي الطريق
سمع الناس يقولون
شوفو جحا الي معندوش قلب ولا شفقة سايب ابنة ماشي علي رجلية وراكب هو علي الحمار
فنز ل جحا من علي الحمار وشال جحا وابنة الحمار علي كتفهم
وفي الطريق سمع الناس يقولون
شوفو جحا العبيط وابنة شايلين الحمار جايبين الحمار علشان يشيلوة هههههههههه
فانزل جحا وابنة الحمار وقتلة ومشي هو وابنة وساعتها سمع الناس بتقول
دة جزات الي يمشي ورا كلام الناس ويتبعهم
اقرو القصة وقولو استفدتو اية منها

[aloly]

اليومية التالتة(مسمار جحا)
في يوم من الايام انزنق جحا في الفلوس وكان عاوز يسدد ديونة من اي طريق وباي طريقة
فلجا جحا انة يعلن عن بيع منزلة وبالفعل تقدم لشراءة احد التجار
وعرض التاجر علي جحا 10000 دينار لشراء المنزل ولكن
جحا رفض وقال للتاجر انا هبيعهولك ب 8000 دينار فقط بس بشرط انا ليا في البيت دة مسمار بتاعي وقت محب اسلم عليةاو اشوفة هاجي اطمن علية
ووافق التاجر بالفعل واشتري البيت
وسدد جحا ديونة وفي الفجر
وجد التاجر باب البيت يدق فقام من نومة مفزوعا وخرج ليري من بالباب واذا به جحا ويقول لة عاوز اشوف المسمار بتاعي واطمن علية
فاضطرب التاجر وقل لجحا بصوت ينتابة الغضب اتفضل وخلص في الدور
وبالفعل دخل جحا واطمئن علي مسمارة العزيز
وفي اليوم التالي وفي نفس الميعاد وجد التاجر الباب يدق فخرج ليفتح واذا بة جحا يقول اريد الاطمئنان علي مسماري
وفي كل يوم كان جحا يدق الباب في اليل في اوقات مختلفة ويزعج التاجر حتي
وجد التاجر نفسة وقع في خية نصبها لة جحا ولم يجد مفر من الضيق والزهق حتي استرد جحا بيتة ولكن بابخس الاتمان
حيث ان التاجر قل لجحا خد بيتك وخد عليه فلوس وسبني في حالي ههههه
اية رايكو بقة في الي عملة جحا

[ronan_tin_tin]

الله عليك يابني ...فنان والله.


اكتر واحدة ضحكتني بتاعة جحا والمسمار..

كمل وهاتلنا بقية يومياته

[aloly]

اليومية الرابعة (جحا والسحابة)
دق باب بيت جحا في ساعة الظهرية وكان الطارق شيخ عجوز
ففتح لة جحا وادخلة منزلة واكرمة بحسن الضيافة وعندها قال الشيخ العجوز
يا جحا اني اريد ان احتفظ عندك بامانة بعض المال لحين ان ارجع من السفر
فاجاب جحا امانتك عند رجل امين اتركها واذهب وانت مطمئن
وبالفعل ترك الرجل امانتة عند جحا وسافر
وعندها جلس جحا وامامة المال وقال كيف اخفية عن الانظار فهناك العديد من اللصوص يحاولون سرقتي وهذا المال امانة عندي وعندها جاءتة فكرة ان يخفية خارج الدار
وبالفعل خرج جحا واخفا المال تحت الارض وعلم المكان بعلامة ورجع الي بيتة وهو مطمئن انة سوف يحافظ علي امانة الشيخ العجوز وبعد فترة من الزمن جاء الشيخ العجوز وطلب من جحا امانتة ليستردها
وبالفعل اخذ جحا الشيخ وذهب بة الي المكان الذي دفن فية المال واخذ يحفر ويحفر ثم ينظر الي السماء ويقوم ويذهب الي مكان مجاور ويحفر ويحفر بدون نتيجة ثم ينظر الي السماء ويذهب الي مكان اخر ويحفر ويحفر دون نتيجة وعندها سالة الشيخ ماذا تفعل يا جحا الا تعلم مكان المال واين اخفيتة الم تترك للمكان علامة
فاجاب جحا بل فعلت
فقال الشيخ واين العلامة
قال جحا انظر فوقك لقد علمت المكان الذي دفنت فية المال بانة فوقة سحابة وها انا ابحث تحت المكان الذي بة السحابة
ولكنها تتحرك وكلما ذهبت في مكان اديني بحفر فية بس الي انا مستغربلة انة السحابة الاولنية مكنتش بتتحرك باينها كانت واخدة تعسيلة نوم
وعندها عرف الشيخ ان مالة قد ضاع ولكنة ضحك علي انة ترك المال عند رجل امين ولكن ليس بامين
ثم ترك الرجل جحا ورجع الي منزلة وترك جحا مستمر في البحث خلف السحابة

[aloly]

اتمني ان تحوز القصص علي اعجابكم واتمني ان تعجب القصة الرابعة الاخ تن تن

[ronan_tin_tin]

الله يابني حلوة بجد..

كمل كمل خلينا نضحك..

[.SAS.]

شكراً على نقلك القصص الشهيرة التي هي بلا شك قمّة العبرة فهو الأشهر بعالم الضحك

و سوف أرشحها للأوسكار بإذن الله

[mahmoudsabbah]

تسلم ايدك فعلا قصص جحا جميلة جدا بالتوفيق ان شاء الله

[Spider_man2556]

قصص جميلة فعلاً شكراً ومستنين يوميات جديدة في الدي في دي مع جحا

[eslamabass]

cooooooooooooooooooooool





thx alot

[semsembaby]

احنا بنحب جحا وكمان بنحبك............بحيكودايما بالتوفيق.......من ركن الصور واللقطات المضحكة

[aloly]

اليومية الخامسة (جحا والتعريفة )
استيقظ جحا ذات يوم وهو يفكر في الزواج
وقام من علي سريرة زي المجنون بيفكر اتجوز مين مين تنفعني
ووسط دة كلة قابل الي شدت قلبة بنت الجيران عزيزة الي ساكنة تحت منة
وبالفعل تقدم وخطبها واصبحت حياتة سعيدة
الا انة كان بيدفع كتير لما بيكلمها في التليفون
ففكر في طريقة يوفر بيها حق المكالمة لانة بخيل طبعا زي ماحنا عارفين
وفعلا توصل للحل
وقال لعزيزة يا عزيزة بدل ما اتصل بيكي وندفع فلوس كتيرة في المكالمة احنا اولي بيها في الجواز
انا هرميلك تعريفة في البلكونة بتاعتكو اول مترن وتسمعيها
هنزل استناكي علي الناصية بعد ربع ساعة
فوافقت عزيزة علي الفور كان هذا الحل كانت تريد ان تقولة هي
وبالفعل القي جحا التعريفة في اليوم التالي في بلكونة عزيزة ورنت
وبعد ربع ساعة نزل استناها علي الناصية
واستني ساعة ساعتين تالت ساعات مفيش فايدة ومفيش عزيزة
وهب بعد اربع ساعات جاية عزيزة من بعيد راحلها جحا وقالها
اية ياعزيزة كل دة ربع ساعة
فقالتلة اعذرني جحا كنت بدور علي التعريفة
فاجاب جحا لية شايفاني عبيط
انا كنت رابطها بفتلة وشدتها تاني
ارجو ان تكونو استمتعتم بهذة القصة فهي من حكايات جحا المودرن قلت انوع بدل ما اسردهم قديم ثم جديد (وتعريفة هي عملة مصرية قديمة انتهي استخدامها وهي اقل بكثير من الشلن

[SaD-BirD]

قصص رائعه...وبجد تموت من الضحك.....شكرا لمجهودك....

[عمرو2005]

هههههههههههههههههه يوميات عشرة على عشرة يا معلم

[aloly]

اليومية السادسة (جحا والطمع وارض الملك)
كان جحا يعيش ميسور الحال في قرية يحكمها ملك حكيم
كان هذا الملك يكرة كل طماع ويعاقب كل محتال وينصب الافخاخ لكل من يري نفسة اذكي منة
ومن ضمن هؤلاء جحا الذي ظن انة اذكي من الجميع
ووصل خبر جحا الي الملك الذي قرر نصب شباكة هذة المرة علي صاحبنا جحا
وفي نفس اليوم الذي استيقظ فية جحا مبكرا ليخرج من بيتة ليري اعلان مكتوب في جميع الاماكن
عن قيام مسابقة بارض الملك وعلي من يرغب في الاشتراك ان يتقدم بسرعة
وبالفعل تقدم جحا الذي رست علية المسابقة بالفعل لانة هو المطلوب
وقد جاء ميعاد مقابلتة مع الملك
وبالفعل قابل الملك الذي قال لة هذة ارضي خذ منها ما شئت
فكل متر تخطي علية قدميك فهو ملكك وترك جحا ليجري في الارض
وكلما نظر خلفة قال يجب ان ازيد من ملكي لاصبح اغني من الملك
وهذا كلة من طمعة وجشعة وبالفعل ظل جحا يجري في ارض الملك ويجري
حتي خر مغشيا علية من التعب
وعندما استيقظ وتبينت عيناة ملامح حجرتة التي طالما استيقظ تفقد جدرانها بعينية
قام مفزوعا فلقد كان في ارض الملك وخرج من باب منزلة ليري اعلانات المسابقة
ولكنة بالطبع لم يري شيء
توجة الي قصر الملك ليري ملكة الجديد ولكن الحراس لم يسمحو لة بالدخول
اخذ يسال اهل القرية عن المسابقة فيقولون اي مسابقة لم يكن هناك مسابقة
فتبين جحا انة كان يحلم بهذة القصة فقط لا غير وان الطمع قد سيطر علية
فقال لن اطمع بعد اليوم في اي شيء ليس ملكي وارضي بقليلي
ووصل نبا جحا الي الملك الذي ابتسم وقال الحمد لله الذي هدي جحا
ورجع جحا الي بيتة وعملة بدون طمع

[M@RM@R]

الله جميله بجد حلوه كلالقصص دى حلوه اوى ياريت
تكمل

[aloly]

شكرا لردك وانتظروني في كل يوم يومية جديدة من يوميات جحا

[aloly]

اليومية السابعة (جحا ان شاء الله)
استيقظ جحا في صباح يوم جديد كعادتة
واخذ مالة وانصرف ناحية السوق
وفي الطريق قابلة رجل عجوز فقال لة
الي اين انت ذاهب يا جحا
فاجاب جحا اني ذاهب الي السوق
فسالة الرجل ولماذا ذاهب الي السوق يا جحا
فاجاب جحا هشتري حمار
فقال الرجل لا يا جحا
قل ان شاء الله هشتري حمار
فقال جحا علي اية الفلوس في جيبي والحمار في السوق
ثم انصرف ناحية السوق
وفي الطريق قابل رجل اخر
وسالة نفس السؤال
واجاب جحا نفس الاجابة
الفلوس في جيبي والحمار في السوق علي اية اقول ان شاء الله
واستمر في طريقة ناحية السوق
وفي الطريق وجد جحا خناقة كبيرة بين الناس فاخترق جحا الزحام بدون حتي ميفكر في مساعدتهم
او انة يفك الخناقة واستمر في المشي حتي وصل الي السوق
وذهب الي التاجر لكي يشتري الحمار
وبالفعل اتفق علي السعر
واخذ جحا يخرج الفلوس من جيبة ولكن لا يجدهم
اخذ يبحث في جميع جيوبة بدون فائدة
خلع عباءتة التي يرتديها ولكن هيهات لا يوجد مال
وعندها رجع جحا الي بيتة يجر اذيال الخيبة
وفي الطريق قابل جحا الرجل العجوز
فسال الرجل جحا اين الحمار لماذا لم تشترية
فاجاب جحا علي الرجل
ان شاء الله الفلوس اتسرقت
واستمر في المشي
واخذ الرجل في الضحك واخذ يقول حقا مهما كان التاكد
يجب ان نقول ان شاء الله
ورجع جحا الي بيتة بدون حمار ولا مال

[aloly]

اية القصة مش حلوة ولا اية فين الردود

[joe987]

يوميات رائعة والاوسكار هيكون اقل واجب ان شاء الله

[aloly]

اليومية الثامنة(جحا والعاجز وجزيرة الموت)
كان جحا يعيش في قريتة ولكن كان يعمل مهنة ليست بلائقة لة ولمبادئة
فقد كان يعمل صانع خمر لمدة طويلة
حتي رجع الي عقلة واخذ يفكر كيف سيقابل ربة وهو هكذا فقرر الابتعاد عن هذا الطريق
بل والابتعاد عن القرية باكملها وبالفعل اشتري سفينة بالمال الذي كان قد كسبة من هذا الطريق
وخرج بها الي قلب البحر والي ظلامة وغدرة
لم يكن يعلم جحا ماذا ستفعل بة الايام ماذا سيصير بة الحال
وهو وسط كل تلك الافكار واذا بعاصفة تهب لا بل ليست بعاصفة انة اعصار شديد يلتهم ما يقف بطريقة
ومن ضمن ما وقف سفينة جحا التي تحطمت ولم يبق منها شيء
وعندما شقشق النهار وخرجت الشمس من مشرقها لتلقي باضوائها علي وجة جحا الذي كان متعلق بلوح من الخشب
هذا اللوح الذي تبقي فقط من حطام السفينة ليستيقظ جحا ويري نفسة في وسط البحر تحيط بة المياة من جميع الجهات
فاخذ يضرب الماء بيدة ويضرب ويضرب حتي تبينت لة جزيرة من بعيد اتجة نحوها ليجدها جزيرة الاحلام
نزل بها فقد وجد بها كل ماتمناة من فاكهة وخضروات وطعام فكان الشجر بمنظرة الجميل وفروعة العالية يتساقط منة الثمر الذي استوي وطاب علية وجحا ياكل وياكل معتقدا انها جزيرتة وحدة جزيرة احلامة
وهو وسط كل هذا حتي وجد ما اوقفة عن الطعام وتغير وجهة من السعادة الي مزيج من الحزن والرعب
فقد وجد امامة مجموعة من الجماجم والهياكل العظمية تراجع بخطوات تنم عن خوفة الشديد الي الخلف ليسمع صوتا زاد من رعبة وخوفه يقول
هؤلاء ماتبقي من طاقم سفينتي التي تحطمت علي شواطيء هذة الجزيرة وانا وحدي من تبقي منهم
التفت جحا الي مصدر الصوت بحركة لا ارادية ليجدة رجل عاجز بدون ارجل فقط فخدية حتي ركبتية
تعرف علية ليصبحا اصحاب وياكلا من طيبات الجزيرة
وفي يوم من الايام قال هذا الرجل العاجز
احنا هنفضل لحد امتي ناكل الفتات المتساقط من علي الشجر
احنا عاوزين الفاكهة طازة
شيلني ياجحا علي كتفك علشان اطول اقطف الفاكهة من علي الشجر
وبالفعل شالة جحا علي كتفة وبمجرد وصولة لكتف جحا
حتي اطبق فخدية علي رقبة جحا وقال
دلوقتي بس انت بقيت خدامي تعمل الي انا اقولك علية وهتفضل كدة لحد متموت
فقال جحا ازاي دة احنا اصحاب
فقال هو اي حد تعرفة يبقي صاحبك دة جزاتك
وبالفعل اصبح جحا عبدا لهذا العاجز الظالم واصبح علي هذا الحال ايام وشهور حتي خارت قواة واصبح مريضا
ولكن هذا الرجل لم يرحمة كان يضغط علي رقبتة حتي يقوم من نومة ليتمشي بة بين الاشجار
وفي يوم من الايام خطرت لجحا فكرة عجيبة وهو ان يمارس مهنتة القديمة صناعة الخمر
وبالفعل اخبر جحا هذا العاجز بانة يريد ان يصنع لة شرابا جهنميا كما كان يصنعة في حياتة العادية
وبالفعل صنع جحا الخمر وتذوقة الرجل العاجز واعجبة طعمة
واخذ يشرب ويشرب ويشرب
حتي تمكن منة السكر وانزلة جحا من علي كتفة وقام بقتلة حتي لا يقع احد اخر في هذا العذاب يوما
وقال جحا مقولتة
لقد تحطمت سفينتي لانها من مال حرام عندما كنت اسقي الناس الخمر
واخذت جزائي وعشت في عذاب العاجز شهور طويلة
واكرمني ربي بفكرة الخمر اسقية للرجل حتي انجو
فسبحان الله سوف اكون صالح من اليوم
وفي يوم من الايام لاحظ جحا سفينة تمر من امام الجزيرة لتاخذة معها في النهاية الي قريتة مرة اخري ليعيش حكاية اخري
لم يكن ليعيشها لو لم ينجو

[eslamabass]

جميله جدا جدا جدا




ان شاء الله تكمل

[aloly]

جميله جدا جدا جدا




ان شاء الله تكمل
شكرا لمرورك اخي واتمني انها تمتع دائما

[Dr Amr]

فعلا جحا دة ملك زمانه
اكيد جحا دة عامل دماغ ... ودماغ عالية كمان
وشكرا على الموضوع الشديد

[aloly]

فعلا جحا دة ملك زمانه
اكيد جحا دة عامل دماغ ... ودماغ عالية كمان
وشكرا على الموضوع الشديد
شكلة كدة صحيح بس دماغ كبيرة وعقلية فذة شكرا لمرورك وردك

[aloly]

معلش ياجماعة اعذروني للغياب ولكن لظروف امتحانات وانتظروني مع حكاية العيد جحا الكسلان وغيرها بمناسبة العيد

[aloly]

بحب اشكر كل المشرفين والادرارة علي تثبيت القصة

وارجو اني اكون عند حسن ظنكم وشكرا جزيلا جدا جدا والان مع حكاية جديدة من حكايات جحا

[dr-korn]

بحب اشكر كل المشرفين والادرارة علي تثبيت القصة

وارجو اني اكون عند حسن ظنكم وشكرا جزيلا جدا جدا والان مع حكاية جديدة من حكايات جحا

ده اقل واجب علينا

وانا حطيت تعديل بسيط فى اول مشاركة ليك يارب تكون عجبتك بردك

ولو مش عجباك قولى وانا اشيلهالك وانا تحت امر كل الاعضاء

وكل عام وانتم بخير

على فكرة قصتك بجد تستحق انها تكسب جميلة اوى

وظريفة جدا

[aloly]

اليومية التاسعة (جحا الكسلان)

استيقظ جحا في الصباح علي صراخ زوجتة كما كانت تفعل دائما

وهي تقول لة اصحي يا منيل يا كسلان شوف اكل عيشك وهاتلنا حاجة ناكلها ولا هتقوملي المغرب زي كل يوم

وقام جحا مضطر علي غير عادتة لكي يتفادي صراخ زوجتة التي يعلم تماما انها لن تدعة ينام مطلقا

وخرج جحا يتمشي في المدينة لا يعلم وجهتة حتي تذكر الرجل الحكيم الذي يسكن في اخر القرية

وتذكر ايضا عندما قابلة منذ يومين واخبرة بان ياتي في هذا اليوم وبالفعل ذهب جحا الي الحكيم وفي طريقة

قابل جحا نمرا مفترسا ماسكا بطنة فسالة جحا ما بك فقال النمر عندي الم شديد في معدتي ولكن اين انت ذاهب يا جحا

فقال جحا الي حكيم القرية فقال النمر اذن فاسالة ما علاجي

وتقدم جحا وفي طريقة وهو يمر من علي جسر نهر القرية اذا بسمكة تقول لة الي اين ذاهب يا جحا

فقال لها الي حكيم القرية فقالت لة اذن فاسالة اني فمي يؤلمني كلما اكلت واحس بشيء يقف في حلقي

وتقدم جحا وفي طريقة وقبل بيت الحكيم بدقائق قابل شجرة وقالت لة اين انت ذاهب يا جحا

فقال الي حكيم القرية

فقالت اذن فسالة ان الماء لا يصل الي اغصاني وورقي اصبح اصفر من قلة الماء فما علاجي

وبالفعل عندما وصل جحا الي الحكيم والقي علية السلام

فسالة عن ما قابل في الطريق وبالفعل اجابة وقال لة ما يفعل

وفي طريق العودة قابل جحا الشجرة وسالتة عن ما قال الحكيم

فاجاب جحا انة يوجد كنز تحت جذورك يمنع عنكي الماء فطلبت منة الشجرة ان يستخرجة حتي يصل الماء اليها

وبالفعل استخرجة جحا لها ومضي في طريقة وقابل السمكة وسالتة عما قال الحكيم وعن هذا الصندوق الذي يحملة فحكا لها جحا قصة الصندوق والشجرة وقال انة

يوجد في حلقها خاتم هو ما يضايقها عندما تبلع فسالتة السمكة ان يستخرجة لها

وبالفعل مد جحا يدة الي فمها واستخرجة لها وفي طريقة قابل جحا النمر وسالة عما قال الحكيم لة وما هذا الصندوق والخاتم فحكا جحا للنمر قصة الصندوق والخاتم وقال لة ان علاجة

ان ياكل رجل كسلان

فاجاب النمر اذن اليوم نجوت يا جحا

[L U P I N]

ياااااااه...انت فكرتنا بايام زمان يا شيخ.....ايام الحضانة وابلة نجوى...
شكرا يا ابلة نجو....آآاقصد يا ريس على القصص.

[tatotatotato]

هههههههههههههههههههههههههههههههههههههههههههههههه

[REDAHMED]

جامده أوي اليوميات ديه يا مان

[aloly]

شكرا لردودكم وانتظروني في عودتي باجمل واروع يوميات لجحا

[arousi4]

ههههههههههههههههههههه شكرا ييك اوى يا باشا على القصص دى

[aloly]

انتظروني قريبا ان شاء الله في يوميات جحاقاضي القضاه
ترقبو مزيد من الضحك والعبر والحكم في يوميات مثيرة
ترقبو وانتظروني قريبا ان شاء الله

[dr_sameh_nour]

اية الحلاوة والجمال والابداع دة تسلم ايدك

[aloly]

شكرا وانتظر المزيد