ما هو حلم حياة اي سمكاوي

[eGyMeDo]

معنى كلمة سمكاوى ف قاموس السمكاويه
هو كل من امتلك بطاقه الدخول لعالم اسماك الزينه
وهو ( حوض سمك ) طبعا
وده مش كلامى دا كلام مستر موسى

وطبعا بعد الحوض بييجى السمك والديكور وكل ده

طب وبعديييييييييييييين ؟؟؟

ايه هو حلم اي هاوى لاسماك الزينه؟

يا ترى بس زيادة عدد الاحواض ؟
زيادة عدد الاسمك؟
زيادة انواع الاسماك؟
عمل مزرعة اسماك زينه؟
امتلاك حوض ضخم للاسماك؟
طب ممكن فتح محل اسماك؟
او يمكن عمل حديقة اسماك؟
طب يمكن حلم حياته انه يعيش ف البحر وسط الاسماك :harhar10:

ولا حاجه تانيه . عايزين نعرف اللى جوا كل سمكاوى ايه ؟

[madman2002]

انا نفسى يبقى عندى أكبر مزرعه سمك فى العالم ودول جنوب شرق اسيا هى اللى تستورد منى

[kokahat]

انا احلم بامتلاك حوض لا يقل عن المترين ويكون له ديكور خاص به ورونق
شوف انا مش حطول بس كلامى علشان يتحقق عايز غير 5 او 6 الاف جنية المكان الى هحطة فيه وده اكبر مشكلة

[desprado2005]

انا نفسي اعمل مزرعة انجل ودي*** بس محتاجة طبعا فلوس بس ديه امنية حياتي في تربية السمك اه صحيح نسيت وحوض مياة مالحة هو ده اللي نفسي اعمله وبأذن الله هاعملها لان انا متمسك بالموضوع ده جدا ومشكور اخي على الموضوع الجميل ده

[edrakon]

اما انا بقي حلمي خواصة زي النيوتيلوس - بتاعة 20000 فرسخ تحت سطح الماء - و تبقي بقي البحار و الانهار و المحيطات و الترع كلها حوض كبير بتاعي و حوض من النوع الي مش محتاج فلتر غسل الحوض و تغيير المية و شرا دود و شرا اكل و سخان و هواية

[eGyMeDo]

madman2002 انا نفسى يبقى عندى أكبر مزرعه سمك فى العالم ودول جنوب شرق اسيا هى اللى تستورد منى

ان شاء الله ربنا يكرمك بس تبقى تكرمنا بقى لو اشترينا منك

kokahat انا احلم بامتلاك حوض لا يقل عن المترين ويكون له ديكور خاص به ورونق
شوف انا مش حطول بس كلامى علشان يتحقق عايز غير 5 او 6 الاف جنية المكان الى هحطة فيه وده اكبر مشكلة

بص بقى يا باشا الحلم بتاعك ده من الآخر حلمى انا كمان حوض ميقلش عن مترين وجميع انواع الاسماك اللى بحبها وديكور اجيبه من بره من اللى بنشوفهم ف المواقع الاجنبيه دى ونباتات كتير وكده بقى ويا سلام بقى لو معاه حوض زيه كمان بس مالح

desprado2005 انا نفسي اعمل مزرعة انجل ودي*** بس محتاجة طبعا فلوس بس ديه امنية حياتي في تربية السمك اه صحيح نسيت وحوض مياة مالحة هو ده اللي نفسي اعمله وبأذن الله هاعملها لان انا متمسك بالموضوع ده جدا ومشكور اخي على الموضوع الجميل ده

بالنسبه للدي*** من الآخر وانا كمان اما الانجل بصراحه مبحبوش مش عارف ليه

edrakon اما انا بقي حلمي خواصة زي النيوتيلوس - بتاعة 20000 فرسخ تحت سطح الماء - و تبقي بقي البحار و الانهار و المحيطات و الترع كلها حوض كبير بتاعي و حوض من النوع الي مش محتاج فلتر غسل الحوض و تغيير المية و شرا دود و شرا اكل و سخان و هواية

يا نهاااااااااااااااااااااار ابيض كل ده يا عم قول تبقى رئيس مصر اسهل


الف شكر يا جماعه على الردود والاحلام الجميله وفى انتظار بقيه الاعضاء :sly00000:

[edrakon]

رئيس مصر حرام عليكي مش عايززززززززززززززززززز
اقولها عالية مدوية
لن ارشح نفسي لمنصب رئيس عزبة مصر العربية لا لفترة ثانية ولا لثالثة ولا لرابعة ولا لخامسة و بالتأكيد لن ارشح نفسي لفترة رئاسية اولي
انت عايز تودين ورا الشمس
انا لو رشحت نفسي لمنصب رئيس مصر حلمي هيتحقق ها اعيش رواية 20000 فرسخ تحت الماء بس من غير غواصة
خليني في السمك احسن الله يخليك دا انا عندي عيال عايز اخلفهم

[عمار22]

السلام عليكم

نفسى فى حوض من الحيطه للحيطه
وإدعولى أعمله

[ahsh]

السلام عليكم و رحمة الله و بركاته
أولا أحيك علي فكرة الموضوع
ثانيا كان مفروض أنك أول واحد تقول حلمك مع السمك ( صح )
المهم انا حلمي بسيط جدا جدا
اي مكان أروحة يكون في سمك زينة لأني بعشق السمك جداااااااااااااااااااااااااااااا

[house_of_waxe]

فعلا موضوع جميل ومختلف

انا بقى نفسي يكون عندي مزرعة دي*** بكل الوانه الخلابة وساعتها حبدأ بانتاج الوان جديدة من الدي*** وانا مش طماع مش عايز مزرعة كبيرة اوي يعني شقة 100 متر كفاية :icon30:

ادعولي املي يتحقق

[kala]

عايز اشوف السمك بيزيد
بس سيبك توقيعك عبقرى

[eltelawy]

انا نفسى اعيش جنب السمك والسمكاويه حتى لو هعيش فى حوض سمك
هههههههههه

[roaa123]

عمل حديقة اسماك كبيره ومتنوعه

[ابن بلدي]

نفسي قي حوض كبير اوي ويبقي مجهز بكل حاجه وبعد ما انجح في تفريغ اي نوع سمك ابقي افتح محل
يا ريت تدعولي ان اي سمكه تفرغ عندي لانه مش راضي
ومشكور علي الموضوع