شرح طريقة تنزيل آخر Driver لكارت الشاشة ...

[GENNI]

فيه ألعاب كتير جدا ممكن تشتغل بطيئة ... أو تشتغل بصورة بايظة ... أو حتى ماتشتغلش خالص ... و ساعتها بنشك في الجهاز و الكارت و الويندوز و اللعبة ... لكن طبعا مابيجيش على بالنا أن ممكن تعريف كارت الشاشة هو اللي يكون المشكلة ... و لعلمكم تعريف كارت الشاشة (VGA Driver) بيأثر على 80% من أداء اللعبة ...


هانحاول في الموضوع ده شرح إزاي تتأكد إنك منزل آخر تعريف لكارت الشاشة ...

[GENNI]

من Windows XP :

اضغط على My Computer بالزرار اليمين ... اختار properties ...
في الشاشة اللي هاتظهرلك ... اختار Hardware و بعدين دوس على Device Manager ...
في الشاشة اللي هاتظهرلك ... اضغط بالزرار الشمال مرتين على Display Adapters ... هاتلاقي ظهر تحتيها نوع كارت الشاشة اللي عندك و الموديل بتاعه ...
اضغط بالزرار الشمال مرتين على اسم كارت الشاشة ...
في الشاشة اللي هاتتفتحلك ... اختار drivers ...
إصدار تعريف كارت الشاشة (VGA Driver Version) اللي عندك هاتلاقيه مكتوب قدام كلمة Driver Version ... و هو بيبقى رقم معين ...
:new_smili:new_smili:new_smili



من أي Windows قبل XP :

اضغط على My Computer بالزرار اليمين ... اختار properties ...
في الشاشة اللي هاتظهرلك ... Device Manager ...
في الشاشة اللي هاتظهرلك ... اضغط بالزرار الشمال مرتين على Display Adapters ... هاتلاقي ظهر تحتيها نوع كارت الشاشة اللي عندك و الموديل بتاعه ...
اضغط بالزرار الشمال مرتين على اسم كارت الشاشة ...
في الشاشة اللي هاتتفتحلك ... اختار drivers ...
إصدار تعريف كارت الشاشة (VGA Driver Version) اللي عندك هاتلاقيه مكتوب قدام كلمة Driver Version ... و هو بيبقى رقم معين ...

[gazoline]

تصدق موضوع هايل ... فى ناس كتيرة مبتخدش بالها من الموضوع ده خالص ..... بس أهم حاجة توضحلنا ازاى نعرف ان التعريف عامل مشكلة ..... وهل أخر اصدار أحسن أم به بعض المميزات والعيوب ... حاجات كتيرة الواحد ميعرفهاش ياريت تقولنا عليها

[amr@epc]

حلو اوى الموضوع لان كثيرون يجهلون هذه المعلومات و لا يعرفون ان تعريف الكارتة يؤثر على أداء اللعبة و بالذات اللعب الحديثة مثل fifa 2005

[GENNI]

فيه طريقتين ...

1. من موقع Nvidia (http://www.nvidia.com/page/home.html) نفسه ... بيبقى نازل فيه الإصدار بعد ما يتجرب و MicroSoft تصدّق عليه ... و في الحالة دي بيدوا له لقب (WHQL) ... العيب في الموقع ده إنهم بيشيلوا الإصدارات القديمة و بيحطوا آخر إصدار فقط ...

ادخل على صفحة التعريفات (http://www.nvidia.com/content/drivers/drivers.asp) ... هاتلاقي 3 خانات ...
من الخانة اللي على الشمال ... اختار "Graphics Driver" ...
من الخانة اللي في النُص ... اختار نوع الكارت اللي عندك ... (طبعا معظمنا عنده GeForce يبقى هانختار GeForce and TNT2) ...
من الخانة اللي في اليمين ... اختار الـ operating system اللي انت عايز التعريف ليه ...
اضغط على Go ...
في الصفحة اللي هاتتفتح ... هاتلاقي معلومات عن الإصدار (أهمها رقم الإصدار ... و بالمناسبة الإصدار الموجود دلوقتي هو 66.93 و أنا مانصحش أي واحد أنه ينزله عشان هو زي الزفت) ... اختار Primary Download Site تحت اللغة اللي انت عايز تنزل بيها (U.S. English ده انجليزي فقط و انا أنصحكم بيه ... أما International ففيه لغات كتير منها العربي لكني مانصحكوش بيه) ...
المفروض إن الملف يبتدي ينزل ... لكن لو انت بتستخدم الـ DAP هاتلاقي رسالة ظهرت اختار منها Open Browser ... و دوس Accept و هاتلاقي التنزيل ابتدا عادي خالص ...
افتح الملف اللي نزل ... و هو هايقوم بإزالة الإصدار اللي عندك و ينزل نفسه ...
في وسط الـ setup هاتلاقيه طول قوي (حوال دقيقة كاملة مابيعملش حاجة) ماتقلقش ... و بعد ما الـ setup يخلص اعمل restart ...


:new_smili:new_smili:new_smili:new_smili:new_smili


2. من موقع Guru3D (http://downloads.guru3d.com/) : بينزل فيها كل الإصدارات اللي نزلت من Nvidia مع الاحتفاظ بالإصدارات القديمة ... عيبه أنه بيبقى فيه إصدارات تحت التجربة (beta Vresions) و ممكن طبعا تعمل مشاكل ... ممكن نتلافى الموضوع ده بإننا ماننزلش الإصدارات دي ... أو نخلينا في السليم و ننزل الإصدارات اللي مكتوب جنبها WHQL ...

ادخل على الصفحة دي (http://downloads.guru3d.com/) ... و اختار Graphics Card Drivers - NVIDIA ForceWare ...
في الصفحة اللي هاتظهر ... هاتلاقي قايمة بكل الإصدارات اللي نزلت أو موجودة أو لسه هاتنزل من Nvidia ... اختار اللي انت عايزه ... أنا عن نفسي شغال بـ 71.20 و مريحني جدا و كمان حل لي مشاكل كتيرة (منها مشكلة الشرائح الأفقية اللي بتظهر في FIFA 2005) ...
في الصفحة اللي هاتتفتح ... انزل تحت خالص ... و اختار الـ mirror اللي انت عايز تنزل منه (اختار أي واحد ... مش فارقة) ...
في الصفحة اللي هاتتفتح ... اضغط على I Agree ... هايبتدي التحميل ...
بعد ما الملف ينزل ... بيبقى مضغوط ... افتحه و فكه ...
في الملفات اللي بينزلها هاتلاقي ملف اسمه setup.exe ... افتحه ... و هو هايقوم بإزالة الإصدار اللي عندك و ينزل نفسه ...
في وسط الـ setup هاتلاقيه طول قوي (حوال دقيقة كاملة مابيعملش حاجة) ماتقلقش ... و بعد ما الـ setup يخلص اعمل restart ...

[حسام محمد]

ايه ده موسوعه
كاتبها خبير الماني يخربيت عقلك
وزي مابيقول ابن خالتي يخربيتينيتك

[GENNI]

تصدق موضوع هايل ... فى ناس كتيرة مبتخدش بالها من الموضوع ده خالص ..... بس أهم حاجة توضحلنا ازاى نعرف ان التعريف عامل مشكلة ..... وهل أخر اصدار أحسن أم به بعض المميزات والعيوب ... حاجات كتيرة الواحد ميعرفهاش ياريت تقولنا عليهامتشكر يا باشا على مرورك الكريم ... بس للأسف أنا خبرتي في الـ GeForce بس ... ياريت بقى نشوف مشاركات من أصحاب الـ ATI ...

:new_smili:new_smili:new_smili:new_smili:new_smili

حلو اوى الموضوع لان كثيرون يجهلون هذه المعلومات و لا يعرفون ان تعريف الكارتة يؤثر على أداء اللعبة و بالذات اللعب الحديثة مثل fifa 2005أشكرك على مشاركتك ... فعلا الموضوع ده بيفرق كتير مع الألعاب الجديدة ...

:new_smili:new_smili:new_smili:new_smili:new_smili

ايه ده موسوعه ... كاتبها خبير الماني يخربيت عقلك ... وزي مابيقول ابن خالتي يخربيتينيتكهاهاهاهاها http://smilies.sofrayt.com/%5E/r/giggles.gif ... مش قوي كده يعني ... بس حلوة يخربيتينيتك دي ...

[Thantos]

موضوع جامد جدا يا جيني باشا وفعلا هيحل مشاكل كتير كانت بتحصل مع ناس اكتر
بس كان ليا استفسار انا كارتي بتاع الفيجا نوعه MSI MS -StarForce GeForce FX 5700 (NVIDIA GeForce FX 5700 وهو 256 ومش عامل معايا اي مشاكل لحد الان وده اخر تعريف ليه 5.2.1.4 تنصحني باني انزل اي تعريف جديد ولا ممكن يخرب الدنيا وبالذات ان الموضوع عندي كويس ومفيش العاب مبترضاش تشتغل ايه رأيك

[GENNI]

موضوع جامد جدا يا جيني باشا وفعلا هيحل مشاكل كتير كانت بتحصل مع ناس اكتر
بس كان ليا استفسار انا كارتي بتاع الفيجا نوعه MSI MS -StarForce GeForce FX 5700 (NVIDIA GeForce FX 5700 وهو 256 ومش عامل معايا اي مشاكل لحد الان وده اخر تعريف ليه 5.2.1.4 تنصحني باني انزل اي تعريف جديد ولا ممكن يخرب الدنيا وبالذات ان الموضوع عندي كويس ومفيش العاب مبترضاش تشتغل ايه رأيك إزيك يا معلم ... شكرا على مرورك الكريم و مشاركتك الغالية ...

ايه الصدف السعيدة دي http://smilies.sofrayt.com/fsc/smile2.gif ... الكارت ده هو اللي عندي بالضبط ...

التعريف ده نازل من على الـ CD اللي جاي معاها ... صح؟

بص يا سيدي ... التعريفات اللي جاية مع الكروت بتبقى تشغل كل حاجة لكن مش هاتديك كل امكانيات الكارت ... أنصحك بـ 71.20 لأنه شغال معايا كويس قوي ...

[Thantos]

فعلا صدفه سعيده يتشرف كرتي ان يكون ليه اخ توءم عند الاستاذ الكبير والعالم الجليل الاستاذ جيني
وفعلا التعريف ده من على السي دي بتاع الكارت بس ممكن اترازل واطلب منك الصفحه اللي اقدر انزل منها التعريف اللي انتا بتقول عليه علشان انا مش لاقيها

[Thantos]

سؤال غبي شويه معلش استحملني هو مش اخر تعريف نازل هو 66.93 يبقى ازاي انتا عندك الاصدار 71.20 انا عارف ان الاجابه هتبين اني غبي بس مش مهم

[GENNI]

هاهاهاهاها ... يا باشا إلعفو إلعفو ...

بالنسبة لموضوع آخر تعريف ... زي ماقلتلك ... موقع Nvidia بيصمم التعريفات و بعدين يجربها و بعدين يبعتها لـ microsoft و بعدين microsoft يجربوها و بعدين يبعتولهم الرد و بعدين Nvidia تفكر تنزلها :p ... طبعا العملية دي بتاخد كتير قوي ...

أما بالنسبة لـ guru3d ... فهو بياخد التعريفات بمجرد ما Nvidia تصممها ... و على فكرة آخر تعريف نزل هو 75.90 بس لسه beta ...

بالنسبة للصفحة ... هاتلاقيها في المشاركة اللي أنا باعتها (المشاركة رقم 5) في الطريقة التانية ... أنا متأكد إنك ما أخدتش بالك منها http://smilies.sofrayt.com/fsc/sunglasses2.gif ...

[محمود زايد]

متشكر ياعم على الرد بس شكلك نسيت تحت تعريفات لكروت الشاشه من نوع ATi مع ان هذه الكروت من افضل الانواع الموجوده حت الان www.ATI.com

[Star Car]

بيبقى نازل فيه الإصدار بعد ما يتجرب و MicroSoft تصدّق عليه ... و في الحالة دي بيدوا له لقب (WHQL) ... العيب في الموقع ده إنهم بيشيلوا الإصدارات القديمة و بيحطوا آخر إصدار فقط ...



دة موقع التعريفات كلها (القديمة و الجديدة) الخاصة بـ ويندوز xp او 2000

http://www.nvidia.com/object/winxp-2k_archive.html

ودة موقع التعريفات كلها (القديمة و الجديدة) الخاصة بـ ويندوز 9x

http://www.nvidia.com/object/win9x_archive.html

[TheSmallPharoh]

الف شكر يا GENNI على الموضوع الجميل دة ودايما منور كدة بمواضيعك القوية ديةواكتر حاجة عجبتنى ولفتت نظرى فعلا هى تنظيمك للموضوع من حيث الكتابة (اللهم لا حسد يعنى ;) )

[GENNI]

ألف شكر يا شباب على كلماتكم الحلوة http://smilies.sofrayt.com/fsc/bye.gif ...

بالنسبة لكروت ATI ... طريقة تعريفها (سواء من موقع ATI أو من guru3d) تشبه تماما طريقة الـ GeForce ...كل المشكلة إني ما أعرفش إيه التعريفات الكويسة ... مستنيين معلومات من أصحاب الـ ATI ...

ألف شكر يا Star Car على المواقع ...

ألف شكر يا فرعون يا صغير على كلماتك الرقيقة جدا ... و بالنسبة للتنظيم ... ماخادش مني غير 5 ساعات و 5 دقايق و 5 ثواني بس :p ...

[حسام محمد]

جيني انا كارتي fx 5200 msi
كنت الاول معرفه تعريف السي دي بتاعه
ونزلت بعد كده اصدار 6177
وكان كويس
لحد ما قبت انزل اصدار 6681
اشتغل كويس جدا
بس وجدت الشرائح اياها في فيفا 2005
ففتحت موضوعك ونزلت اصدار 6693
الدنيا باظت علي رأيك
فمش عارف اعمل ايه هل المشكله في msi
بالذات ان ليها اب ديت مختص بيها ببرنامج علي السي دي
اعمل ايه

[حسام محمد]

اي اصدار الاصلح لكارتي
fx 5200 msi

[GENNI]

يا حسام انت الظاهر ما أخدتش بالك من اللي أنا كتبته http://smilies.sofrayt.com/fsc/write%20a%20letter.gif ...
بالمناسبة الإصدار الموجود دلوقتي هو 66.93 و أنا مانصحش أي واحد أنه ينزله عشان هو زي الزفتنزل التعريف 71.20 من guru3d و كل حاجة هاتشتغل تمام http://smilies.sofrayt.com/fsc/thumbs-up.gif ...

بالمناسبة ... فيه معلومة مش كل الناس عارفاها ... بالنسبة لكروت Nvidia ... التعريف اللي بينزل بيكون لكل الـ GeForce مش لموديل معين ... يعني التعريف لـ 5200 هو هو لـ 5700 ...

[حسام محمد]

اوك بس الموجود مش مكتوب whqاللي انته قولت عليها مجربه
اللي موجود 7120 بس مش مكتوب عليها اي حاجه

[حسام محمد]

اوك بس الموجود مش مكتوب whqاللي انته قولت عليها مجربه
اللي موجود 7120 بس مش مكتوب عليها اي حاجه
وياريت تفتح ايميلك

[أيمـن]

أنا معاك يا جنّي ان التعريف 6639 ده زي الزفت وخلّي بالك انت المسئول عن التعريف اللي بتقول عليه انه تمام!
انا عندي كارت Nvidia Gforce FX 5200
هاشوف التعريف الجديد على ضمانتك ولاّايه رأيك!

[GENNI]

إلى حسام محمد ...
يا حسام جربه و انت هاتلاقيه تمام ... http://smilies.sofrayt.com/fsc/thumbs-up.gif

إلى Ayman_has ...
و أنا مالي يا عمhttp://smilies.sofrayt.com/^/aiw/tease.gif... أنا ماليش دعوة لو حاجة حصلت http://smilies.sofrayt.com/^/aiw/tomato.gif...
لا بجد جربه و هاتلاقيه كدهhttp://smilies.sofrayt.com/^/aiw/ok.gif...

[أيمـن]

آسف على التأخر في الرد
لا طبعا لو حصلت حاجة لا قدر الله يبقى ليك دعوة ونص
والدعوة لو حصلت حاجة كويسة تبقى ربنا يخليك لينا!!!!!!!!!!!!!
ولو لاقدر الله غير كدة...............؟؟؟؟؟؟؟
تبقى دعوة للاجابة وحل المشكلة لا قدر الله

[ايمن الصاوى]

vary good man genny

[GENNI]

إلى Ayman_has
هاهاهاهاهاهاهاها ... لا بإذن الله تكون الدعوة ليّ مش عليّ ...
و طبعا منتظر منك أي استفسار في أي حاجة ...

:new_smili:new_smili:new_smili
إلى ايمن الصاوى
thanks a lot man ... u'r welcome anytime

[gazoline]

أخى العزيز ... سؤال واحد محيرنى .... أنا مكنتش مقتنع بالـGefroce بس عايز أعرف مين الأحسن

GeForce NX 6600 GT (256) E or ATI 9800 pro (256)

وهل AGP أفضل أم PCI Express ...... ؟؟؟؟؟

[GENNI]

أخي العزيز جازولين ...

زي ماقلتلك ... أنا متعقد من ATI من زمان ...

بالنسبة لموضوع الـ AGP و الـ PCI Express ... فأنا اعتقد أن الـ PCI Express أحسن ... بس هاتأكدلك من أصحابي ...

[GENNI]

إلى كل من قرأ الموضوع و استفاد منه
ادخل و صوت هنا (http://www.dvd4arab.com/forums/showthread.php?p=324275)

[jeeto_sf]

يا جماعة انا عايز مساعدة لو سمحت
انا عندي كارت ati radeon 7000
بس لما بيتعرف لوحده على الxp بيشتغل زي الفل
بس لما بعرف الكارت من الاسطوانة الالعاب بتشتغل ابطا من الاول
والمفروض العكس مش كده
حد يفهمني لو سمحت

[™ KiiNgZooN PeS]

هو التعريف 71.90 كويس؟

[حسام محمد]

جيني ممكن اسئلك سؤال
ايه هيه خاصيه open GL
وما هو البرنامج المتوافر لتشغيل الخاصيه
وهل هي متوافره في G- FORC FX 5200
ولا زي ما سمعت انها في ATI بس

[GENNI]

إلى أخي العزيز jeeto_sf ...
فينك يا راجل ... ماحدش شايفك ليه؟
بص يا سيدي ... دلوقتي إحنا عندنا 3 أنواع من التعريفات ...

تعريف الويندوز: و ده بيبقى تعريف تافه ... لأن كل غرضه هو تشغيل الكارت ... لكن مابيعرفش الحاجات الإضافية في الكارت ... و بالتالي ممكن ألعاب كتيرة ماتشتغلش ... و ده أنا مانصحش بيه إطلاقا ...
التعريف اللي جاي مع الكارت : و ده بيبقى تعريف الكارت اللي كانت الشركة نزلته أيام ما الكارت نزل ... و ده طبعا بيبقى قديم خالص و ممكن يعمل مشاكل كتير ... و لا ينصح باستخدامه لكن الافضل تحديثه ...
التعريف الجديد (updated) : و ده بيبقى تعريف الكارت اللي الشركة منزلاه دلوقتي ... و ده بيمتاز عن النوع السابق في انه بيحل مشاكل كتير كانت فيه ... و هو ده اللي أنصحك بتنزيله ...
:new_smili:new_smili:new_smili

إلى أخي abdozoon ...
بص يا باشا ... أنا ماجربتش غير 71.20 ... و شغال معايا زي الفل ... بس انت ممكن تخش على الـ forum بتاع nvidia (مش هاقدر أحط رابط عشان قوانين المنتدى) و تشوف الناس بتقول ايه ... بس أنا ماشي على قاعدة حلوة ... و هي انك ماتغيرش التعريف إلا لو كان عامل لك مشاكل ...

:new_smili:new_smili:new_smili

إلى أخي العزيز حسام محمد ... (بس على فكرة أنا رديت على الراجل خلاص ;)) ...
بص يا باشا ... الموضوع كبير جدا ... بس لو انت مهتم ... بص هنا (http://www.opengl.org/about/overview.html)...
و لكن باختصار ... هي الإمكانية (feature) اللي في كارت الشاشة اللي قايم عليها فكرة معالجة الصور الـ 2D و الـ 3D ... و أكيد باين إنها حاجة أساسية في تشغيل الألعاب ...

و ده محتاج تعريف كارت الشاشة بس عشان تشتغل ... و كويس ان انت فكرتني ... بالمناسبة يا fymo ... حصل قبل كده مرة مع واحد صاحبي إن الـ openGL ماكانش نازل مع تعريف الويندوز و فضلنا دايخين عقبال ما عرفنا العيب منين ...

و بالنسبة للكروت ... لأ طبعا متوفرة في GeForce و في كل أنواع كروت الشاشة الحديثة نسبيا ... و طبعا موجود في الـ 5200 ...

[حسام محمد]

ربنا يكرمك وينورلك طريقك

[GENNI]

قادر يا كريم ... :p

[meshary83]

مشكوووووووووووووووووور


معلومات قيمه ومفيده ويعطيك ألف عافيه والله

[GENNI]

الله يخليك يا باشا ...

[gandy1986]

والله الموضوع ممتاز بس لو تقدر تشرح الطريقه بتاعت ال Ati يبقي عداك العيب وقزح اوكي ياباشا انا عارف انك قولت انك متعرفش الطريقه بس والنبي شوف حد يعرف الطريقه ويقولها

[casper2004]

هو ممكن التحديث يشتغل علي كارت geforce mx 4000

[GENNI]

أخي العزيز gandy1986 ...
زي ما قلت قبل كده ... طريقة تنزيل التعريف هي هي لكل الكروت ... لكن المشكلة إني مش عارف أنهي نسخة من التعريف هي الكويسة ...

:new_smili:new_smili:new_smili

أخي العزيز casper2004 ...
زي ما قلت ... التعريف بتاع Nvidia FX يمشي على كل الموديلات ...

[_DOUF_]

اضافة واحدة بس لكلامك موقع nVIDIA يحتفظ بالتعريفات القديمة كلها بس في مكان مش واضح
اليك كل التعريفات لويندوز XP/2000
http://www.nvidia.com/object/winxp-2k_archive.html
وتعريفات 98 و ME
http://www.nvidia.com/object/win9x_archive.html
وشكرا على النصيحة

[حسام محمد]

هااااااااااااااااااااااااااااايل اننا نكمل بعض يا جماعه شكرا يا دوف عالمعلومه

[casper2004]

شكرت علي الشرح الجميل ده

[GENNI]

ألف شكر يا دوف على المشاركة ...
و أيوة كده يا باشا مفتقدين مشاركاتك و موضوعاتك المتميزة من زمان ...

[klio]

الف شكر يا باشا

[kareems]

انا الكلرت بتاعى tnt2 riva ده تعريفه بردو نفس الحوار ولا ايه نظامه

[amr_2200]

أنا كرتى نوعه sis 650 وهوة كارت 32 بس انا عاوز اعرف بس هوة بنزل تعريفة عادى ذى ماقلتم فى الطريقة
يعنى الاصدار دة بيمشى على كلة وانا عاوز اعرف بس الى عندة حل لى فى فيفا 2005 مبتشتغلش على الويندوز xp وشكرا

[_DOUF_]

الكارت SIS ميجا 32 صعب جدا يشغل FIFA 2005 كما انة من انتاج شركة SIS
اما التعريفات المذكورة من انتاج شركتي ATI و nVIDIA اما تعريفات ال SIS
هتلاقية في اللينك التالي
http://www.softwarepatch.com/utilities/sis650.html

[GENNI]

ألف شكر يا دوف على المشاركة الجميلة ... و حسك معانا كده دايما ... :)

[™MαFiα]

ashta eaba
eah el halawa deh
anta 7aklak 7ayz bosa

[3alaa]

الف شكر على الموضوع

[donmido]

الف شكر لكل من ساهم في الموضوع الجميل ده ... وشكر خاص لجيني ودوف لمشاركتهم المفيده دايما .... واتمنى لهم دوام التميز :)

[Mohammed Lotfy]

موضوع ممتاز يا Genni و مهم جدا فعلا علشان ده هايحل مشتكل كتير عند الناس
ألف شكر يا باشا على الموضوع و على الشرح الرائع

[bluestinger]

موضوع هايل والله الف شكر يا باشا

[phantom]

موضوع جميل و أنا شخصيا أستفدت منه جدا , ألف شكر

[FaReSALandloS]

ايه يا جني المواضيع الجامده دي
لا موضوع حلو اوي
فعلا
مشكووووووووووووووووووووووووووور
علي المعلومات

[falasteenymasry]

مشكور يا باشا على الموضوع الرائع دة بس انا عندي استفسار ويا ريت تجاوبني عليه باسرع وقت ازا سمحت انا عندي كارت شاشة nvidia geforce 4 MX 440 هل ينفع اني اعمله update زي الكرت اللي عندك والكروت الحديثة دي ؟ ويا ريت توضحلي الموضوع بالضبط مع الشكر الجزيل مرة تانية..

[_DOUF_]

ايوة يا falasteen ينفع

[GENNI]

شكرا جزيلا يا _DOUF_ على الرد ...

فعلا يا falasteenymasry ... كل كروت GeForce تعريفها واحد ...
و أنا ذكرت كده في الشرح ...

[falasteenymasry]

ماشي يا باشا شكرا الك وانا فعلا نزلت البرنامج اللي انت منزله بس في حاجة حصلت مش عارف ليه هي انه الجهاز لما خلص dounlawd للبرنامج دة اتفاجئت ان الجهاز عمل ريستارت لوحده ودي حاجة غريبة يا ريت اعرف من خلال خبرتك يا جني باشا ايه السبب والك جزيل الشكر ..

[falasteenymasry]

وكمان على فكرة انا نسيت اقولك ان الويندوز عندي xp sp2 هل موضوع الupdate ما بيفعش على الويندوز دي؟ واسف على ائلتي الكتيرة بس عشين الواحد يطمن ومشكور مرة تانية ..

[Mohammed Lotfy]

ماشي يا باشا شكرا الك وانا فعلا نزلت البرنامج اللي انت منزله بس في حاجة حصلت مش عارف ليه هي انه الجهاز لما خلص dounlawd للبرنامج دة اتفاجئت ان الجهاز عمل ريستارت لوحده ودي حاجة غريبة يا ريت اعرف من خلال خبرتك يا جني باشا ايه السبب والك جزيل الشكر ..
يا باشا ده وضع طبيعى ولازم يحدث بعد تنزيل الUpgrade علشان يعمل التعديلات على الويندوز
يا عنى يا باشا ما فيش أى حاجة غريبة فى الموضوع يعنى ماتقلقش

وكمان على فكرة انا نسيت اقولك ان الويندوز عندي xp sp2 هل موضوع الupdate ما بيفعش على الويندوز دي؟ واسف على ائلتي الكتيرة بس عشين الواحد يطمن ومشكور مرة تانية ..
يا باشا التحديث بيشتغل مع أى ويندوز عادى خالص

[tee7]

مشكـــــــــــــــــــــــــورا عـــــــــزيـــــزى علــــــــــــى هـــــــــــــــــذا المجهـــــــــــــــــــــــود الـــــــــــرائـــــــــــــــــــع

[Mohammed Lotfy]

مشكـــــــــــــــــــــــــورا عـــــــــزيـــــزى علــــــــــــى هـــــــــــــــــذا المجهـــــــــــــــــــــــود الـــــــــــرائـــــــــــــــــــع
إيه الحكاية يا عم tee7 أنت بقالك يومين عمال تكتب نفس الرسالة ده فى أى موضوع حتى لو كانت مشكلة
أرجوا منك أن لا تكتب أى رد غير لما تعرف الموضوع بيتكلم على إيه
و ما شاء الله بقالك يومين فى المنتدى و بقيت عضو نشيط ما شاء الله

[abonaser]

مشككككوووووووررررررررررررررر

[mahmoudgazzar]

والله العظيم يا بنى انتا معلم

[Mohammed Lotfy]

قصدك على مين باصبط يا محمود باشا

[JASTEN BATRSN]

مشكـــور اخوي

معلومات قيمة الله يعطيك العافية

[MMS-AMMMK]

مشكوووووووووووووووووووووووووووووووووووور يا ريس
على الموضوع الرائع ده
واحب اضيف كمان ان بعض الكروت بتجنن الواحد علشان ال Driver بتاعها
وان انت عندك حق ىف حكاية ان حكاية Driver القديم ممكن يبقى احسن من الجديد
لانى انا جربت بعض الdrivers على كروت وكمان جاية معاها فى الcd الاصلية وموش شغالة زى Fx5200 Radeon 9200se
اكن الحمد لله هما شغالين عندى زى الفل بس بعد ماطلع عينى فى تجريب ال Drivers وال Windows تقع وwindowsتيجى
لغاية ما ظبطت معايا العملية
وانا يا شباب مستعد ارفع لكم ال Driver اللى خنقة اى حد وخصوصا فى الكروت اللى انا قلت عليها
وبنا يخليك يا ريس مرة تانية على الموضوع الشيق والمفيد

[Mr.TaToo]

الف شكر ياريس على الموضوع الجامد دة

[ahmed1980]

open gl programe please

[night-rider]

مساهمة رائعة جدا ومفيدة ولكن هل انا اطمع انا قليل الخبرة بمجال الالعاب اني اريد ان اعرف حل المشكلة اللي عندي
انا ماليش علاقة بعالم الالعاب الاقليلا واخيرا لاقيت لعبة كانت عاجباني وكان من فترة عندي demo بتاعها واسمها medal of honer وانا دلوقتي حصلت علي الاصدار الكامل ولكن مش عارف اشغلها عندي بيقولي open gl مش موجود عندي ومش راضي يشغل اللعبة بعد ما بيحملها كلها وبيوكون خالص هاتبتدي وانا مش عارف اعمل اية ولكن انا الكمبيوتر بتاعي pntim 3 -512 mb ram -vega ati 32 mb هل من الممكن اشغل اللعبة علية اة البروسسور 800 الكاش بتاعتة 256 ومعلومات درايف كارت الشاشة كالاتي عندي
driver date 7/3/2001 حاجة قديمة قوي مع ان الويندوز دا xp +sp2 وانا ماعنديش غيرة علي الجهاز اما
driver vertion هو 6.13.10.5019 ياريت الاقي حد يساعدني في تحديث الدريف اكون شاكر جدا انا نفسي العب اللعبة دي جدا
انا منتظر مد يد المساعدة من الخبراء وهل تحديث درايف كارت الشاشة بة اي نوع من انوع الضرر علي الكارت او الكمبيوتر بوجة عام
وللجميع جزيل الشكر واشكركم علي احتمالكم لكلماتي الكثيرة تلك

[Mr.TaToo]

geforce4 mx 440 with agp8 ya ret tegebly el ta3ref dah 2na el3andy 5.3

[memo20]

شكرا ياكبير وتسلم ايدك

[samak_graphics]

مشكور على هذه المعلومات
=============
بس يا ريت لو حد يقولى انزل تحديث للكارت ati منين
وشكراااااااااااااااا

[ambiely0]

بالنسبة للكارت ال geforce6200 انزله تعريف ايه ؟

[xfady]

مشكور أخى على الموضوع القيم
الفكرة دي فعلا كانت غايبة على الواحد :)

[rewsh]

اخى حسام انا معى كارت شاشه نفس الكلام زى بتاعك بلظبط بصراحه الكارت جامد جدا جدا وانا معايا اخر تحديث ليه بس الكارت ممتاز

[abo_elnor_2]

ممكن حد يكتبلى انا اعمل ايةو علشان احدث كارت الشاشة دا
nivdia Riva Tnt2 model 64

[abo_elnor_2]

بس على فكرة انا ويندوز xp و98

[superfiles]

thanks so much

[إبراهيم صالح]

الف الف شكر يا باشا على الشرح الجميل ده

[إبراهيم صالح]

يا باشا انا نزلت التعريف الجديد من على الموقع بس في مشكله
لما جيت اشغل فيلم من الافلام لقيت الصوره فاتحه جدا ياريت ترد عليا لاني مش عارف اتفرج على حاجه

[mostafasafaa]

بارك اللة فيك

[GENNI]

آسف على تأخر الردود ...

أخي العزيز falasteenymasry
أظن أن رد الأخ العزيز محمد لطفي قد حل المشكلة ...

أخي العزيز ahmed1980
جرب تحدث تعريف كارت الشاشة ... و لو الكارت نفسه بيـ support الـ OpenGL هاينزل مع التعريف ...

أخي العزيز night-rider
فعلا اللعبة دي محتاجة OpenGL ... نزل التعريف الجديد و يمكن يحل المشكلة ...
و يا ريت تقول لي نوع كارت الشاشة (الموديل بالضبط) و أنا أدور لك على التعريف ...
و بالنسبة لاستفسارك ... لا طبعا التعريف مابيضرش بالكمبيوتر أبدا ... لكن فيه بعض التعريفات بيبقى فيها bugs (مشاكل يعني) و دي بتختفي أول ما تنززل التعريف الجديد ...

أخي العزيز samak_graphics
من www.ati.com (http://www.ati.com) ... و باتباع خطوات مشابهة ...

أخي العزيز abo_elnor_2

ادخل على http://www.nvidia.com/ (http://www.nvidia.com/) ... و استنى لغاية لما الصفحة تتحمل كلها ...
اضغط على Download Drivers ... و اختار من القايمة اللي هاتتفتح Download Drivers ...
في الصفحة الجديدة ... من أول خانة على الشمال اختار Graphics Driver ... و في تاني خانة اختار GeForce and TNT2 ... و في الخانة الي بعدها اختار نوع الويندوز (هاتحتاج تنزل Driver لـ XP و Driver لـ 98) ... و بعدين اضغط Go ...
في الصفحة اللي هاتتفتح ... اضغط على Primary Download Site ...
و على فكرة ... ده تفصيل للخطوات المشروحة في أول الموضوع ...

أخواي العزيزان tarek5731761 و ambiely0
زي ما قلتلكم في الموضوع يا رجالة ... تعريف الـ GeForce كله حاجة واحدة ...
اتبعوا الخطوات اللي في الموضوع ...

أخي العزيز إبراهيم صالح
أنت نوع الكارت بتاعك ايه ؟؟؟
و هل جربت برنامج تشغيل أفلام تاني ؟؟

أخي العزيز جدا Mohammed Lotfy
ألف شكر يا باشا على المشاركة الجميلة ... و حسك معانا دايما كده ...

أخي العزيز MMS-AMMMK
ألف شكر على الإضافة الجميلة ...
و شكرا على زيارتك للموضوع و كلامك الجميل ...

الأخوة الأعزاء tee7 و abonaser و mahmoudgazzar و JASTEN BATRSN و tarek5731761 و memo20 و xfady و superfiles و mostafasafaa
العفو يا شباب ... لا شكر على واجب ... و ده أقل واجب تجاه المنتدى ...
و شكرا على كلامكم الجميل و تشريفكم الموضوع ...

غالبا كده أنا رديت على كل الاستفسارات ...
و لو فيه حاجة نسيتها يا ريت تنبهوني ليها ...

[hassan_smart11]

السلام عليكم اريد ان اعرف احسن driver ل ati 9250

[GENNI]

أخي العزيز hassan_smart11 ...

للأسف ... أنا لم أجرب تعاريف الـ ATI ... و لذلك لا أريد أن أفتي حتى لا أضر بك ...

و بانتظار المشاركة من أي عضو له خبرة في تعريفات الـ ATI ...

[dr_amir85]

شكرااااا ليك ياأخ جيني انا نزلت تعريف جديد للكارت بس مش حاسس اي تقدم

[ahdhozien]

جزاك الله كل خير على المعلومات الجميله دى

[لوبيز هلال]

11111111111111111100000000000000000000000000999999 999999 شكراااااااااااااااااااااااااااااااااااااا

[nawaf809]

ازيك ياجيني عامل ايه

الف شكر بصراحه على الموضوع الهايل ده والى الامام دوما بمواضيعك الجميله

حبيت اسألك على عدد من النقاط واللي طبعا من فضلك عاوزك تشرحلي هيه بالتفصيل الممل

أولا :- لما اجي اعمل تحديث لتعريف كرت الشاشه ازاي اعرف ان اصدار التحديث مش

رايح يخربلي الدنيا

ثانيا :- هل اي تعريف مصدق من مايكروسوفت (whql) بيكون امن
يعني لما اجي انزله مهما كانت رقم اصدارته مش رايح يضرني

ثالثا :- هل اخر رقم اصدار لتحديث التعريف والموجوده في موقع نيفادا كويس

وشكرا ياباشا على مجهودك الملحوظ

[™ The Rock]

انا نزلت اخر تعريف من نفديا وبعد ما نزلته لقيت فيه حاجات غريبه الافلام الي عندي بقا لونها باهت
تاني حاجه ودي هي الاهم ان درجه حراره الكارت زادت بصوره كبيره ولما بعت رساله الي المتخصصين في شركه نيفديا قالولي ان فيه مشاكل في التعريف لان التعريف الي موجود مصمم علي الكارت الجديد الي هو gforce 7 ولما سالتهم علي اضرارالتعريف دا بالنسبه لينا قالولي انها ممكن توصل لحرق الكارت وسالتهم علي ان فيه اي تعديل نازل قالو انهم بيعملوا شويه تعديلان علي تعريف جديد يشيلوا بيها اضرار القديم
وشكرا

[nawaf809]

شكرا ياzizoor 22 على التنويه وبصراحه انتا :thumbsup:

ياأخ جيني انا عاوز اتناقش معاك في كم حاجه

أولا:-

انته بتقول افتح ملف التحديث وفي عمليه التنصيب حيقوم بازالة الاصدار اللي عندك وينزل نفسه

وانا اعتقد انه من الامن والأصح اني اعمل Uninstall للتعريف القديم وبعدين اعمل install للتعريف الجديد وحتى الموقع الرسمي لشركه نيفادا بيوصي بكده

ثانيا :-
انته قلت كمان التعريف اللي بينزل بيكون لكل الـ GeForce مش لموديل معين ... يعني التعريف لـ 5200 هو هو لـ 5700 والأخ zizoor 22 بينفي الكلام ده
يعني ممكن تعريفات بتحرق كرت الشاشه مما يعني انه في تعريفات مصنوعه لاأجيال معينه

وانا عندي طلب لإدارة المنتدى انه يجمعوا المشاركات كلها اللي فيها كلمات شكر ويحطوها في موضوع واحد
يعني يكون هناك مربع شكرا بجوار إضافة رد الواحد بيضغط عليه بيجي اسمه في موضوع اللي شكروا صاحب الموضوع تلقائيا
لانه حرام الصفحات بتكثر بس على الفاضي
.................................................. .............................
ياشباب والله الموضوع مهم وعاوزين نستفيد منه اقصى استفاده

[hassan_smart11]

شكرا يا باشا ولا يهمك

[™ The Rock]

الاخوه فهموني غلط
التريف الي بينزل بينزل لكل الكروت لكن الشركه بتهتم بالجيل الاحدث يعني التعريف الجديد فهو مغطي الكارت الجديد gforce 7 لكن بياثر علي الكروت القديمه

[nawaf809]

أنا فاهمك والله من الاول بس ازاي التعريف بيكون لكل الكروت وانتا بتقول انه في كروت ممكن تتحرق
والله حاجه غريبه

[elfaham]

أولا مشكور والله على الموضوع الرائع ده بس انا عايز اعرف هل كل التعريفات الموجودة فى الموقع دهhttp://downloads.guru3d.com/ تناسب كل الكروت فى وقت واحد بمعنى ان انا مثلا عندى كرت ATI , RADEON9200 , 128MB لما احدثه من هذا الموقع فلا اجد قسم محدد لهذه النوعية اجد تحديثات كثيرة فكيف اختار منها التحديث الذى يناسب نوع الكرت ده اى كيف اعرف التحديث الخاص بنوع الكرت بتاعى أرجو الرد وشكرا

[™ The Rock]

يا باشا برده مش فاهمني
الشركه لما بتنزل اي تعريف بتنزله لكل انواع الكروت
بس احيانا بيحصل خطا في تركيبه الدريفر نفسه ودا الي حاصل في التعريف الجديد الدريفر الجديد اهتموا بملائمته مع الكارت الجديد من حيت السرعه الرهيبه الي بتادي الي ارتفاع درجه الحراره وطبعا االكروت الجديده مصممه بتقليل درجه الحراره بعكس الكروت القديمه بس طبعا الموضوع ده حيتحل
ان شاء الله
بس فيه حاجه غريبه انا لما نزلت التريف بتاع الكارت علي نسخه xp عاديه عمل المشاكل ديه
ولما نزلت وندز media center 2005 ونزلت التعريف المخصص لهذا الوزندز اشتغل معايا زي الفل من غير سخونيه كارت ولا الوان بهته
حاجه غريبه

[hassan_smart11]

يا باشا انا عندي كارت ati radeon 9250 يا ريت حد يعرف الحل

[MOSTAFA_@HMED]

السلام عليكم ورحمة الله وبركاته انا نوع الكارت بتاعى geforce 2 mx400 بس الويندوز متعرف عليه على ان هوsis 315 ولما اتبعت الخطوات ونزلت تعريف جديد واخد معايا ساعتان عبال ما نزل وانا بسطبه جاتلى الرسالة دى :(the nvidia setup program could not lacate any drivers that are compatible with your current hardware.setup will now exit فارجوك شوفلى حل للموضوع ده لانى جبت سان اندريس ومش شغالة

[bassemnagy]

بعد الدخول على الموقع تختار software and drivers وبعيدن تدور على radeon يعنى هو تعريف 1 لكل أنواع كارت radeon هو ده التعريف فقط

[أيمـن]

بالنسبة للألوان الباهتة دي مشكلة التعريف الجديد فعلا
انا استغنيت عن التعريف الجديد دة للأبد

[dr_amir85]

شكراااا علي الموضوع الجميل

[hwd]

نجم يا ابنى بجد من احلى مواضيع المنتدى

[wael_nassar2005]

شكرا يا اخى على الموضوع الجميل ده

[wael_nassar2005]

موضوع جميل جدا ومهم جدا وشكرا عليه

[HarDest_HearT]

لو سمحت يا اخ جني انا الكارت عندي sis661FX وعايز اعرف اجيب التحديث بتاعه ازاي فلو تعرف يا ريت تساعدني وشكرا

[hanymoslem]

شكرا ليك يا رامى على الموضوع القيم ده ويا ريت تكلمونا شوية على ال ati

[samaa97]

يا جماعة الذي يساعد لا يجب ان يقال له الا جزاك الله خيرا حتي لو وقع دون قصد في نسيان او خطأ مع الشكر للجميع وكفاية عنف في الردود

[فارس الامل]

متشكرين جدا على الموضوع المهم ده يا GENNI باشا

بس ممكن تقلى : انا عندى الكارت FX 5200 256mb
ولقيت فى الموقع الاولانى الى انت حاطو .. وطبعا موضوعك صارلو فترة كبيرة جدا
لقيت احدث تعريف 77.79 ... وانا متردد فى تسطيبه .. ( انا الحمد لله اشتغلت معى كل الالعاب عال العال
الا فى لعبة جتا سان اندرياس باشوف الاجسام مكسرة فى بعض الاوقات ! )

وطبعا كان عندى sp1 قبل فترة وشغلت عليه NFS UG 2 كان الجرافيكس ميت ولا فيه لمعان بالشوارع والاسفلت وكرهنى باللعبة .. لكن لما ركبت media center صارت اللعبة روعة روعة بالجرافيكس واللمعان صار فيها فى شوارعها وكلو تمام يعنى .. للعلم كلو على تعريف الويندوز نفسو حتى مش من السى دى !

من الاخر يا ريت تقلى تنصحنى بهالتعريف 77.79 ولا شو رايك ؟؟؟

[foxking_369]

شكرا يا غالى

[ahmed_dkk]

يااخوان ممكن مساعدة مع النوع ادناه

مع جزيل الامتنان

http://up.dvd4arab.com/up/files/screenshot.JPG

[khaled only]

تسلم ايديك وعينيك يا كبير

[qubeed]

شكرا يامعلم

[thedizershow]

شكرا يا حبى على المعلومات الجامده ده

[zoro nasr]

شكرا يا باشا علي الموضوع الجامد ده

[mondi15]

لو تسمحوا اي اصدار اصلح مع كرتي radeon9200es 128mb من شركة ati انا الحين انزل درافر 5.12 هل زين ولا تعبان

[mixology_hibhob]

]يا جماعه لعبه prince of persia the two thrones شغاله زى الزفت على كارت 64 Ati حد يقاى ايه اخر تعريف ليه [I]

[agh]

شكرا على الموضوع الرائع

[smallpirate]

شكرا يا مان علي الموضوع الجامد و الشرح الي اجمد

[ahmed diab]

متشكر جدا علي المعلومات القيمة لكن انا عندي مشكلة بسيطة وهي اني حصلت علي كارت شاشة نوعه ati radeon9200 ولما اعرفه علي الويندوز فوجت بالويندوز يقول انه لا يدعم هذا الكارت وسال اذا كانت اريد اكمل تعريف الكارت وتنصيبة علي الويندوز ام لا وعندما اجبت بنعم اشتغل الكارت لكن في لعب بطيئه جدا ولعب مبتشغلش خالص ولعبة زي الفيفا 2005 بيشغل وضع الكارير بس اما في حالة المطش الواحد فيقوم طالع علي سطح المكتب ارجوا المساعده

[MADA3]

فين تعريفات انتل كروت شاشه انتل ياريت ترد بسرعه لاني مش عارف اجيبها وشكرا علي المجهود

[body3_2003]

الف شكر علي الموضوع الجامد جداً
وانا عندي ati radeon x300 se pci express
وعايز اعرف ايه احسن اب ديت ليها

[body3_2003]

اه هيا 265mb
معلش انا نسيت

[peroghost2]

thank youuuuuuuuuuuuuuuuuuuuuu for that

[العميل x]

انا مش عارف اشكرك ازاى انت خدمتنى خدمه العمر

[cracker]

إيه الجمال دا
فينك يا معلم من زمان فعلاً موضوع رائع ومنمق ومفيد لكتير من المشاكل الحالية عن معظم الناس
بس انت ميه ميه يا باشا وكنت حارمنا منك ليه
تسلم ايدك

[wegaaa]

متشكر بجد على الموضوع الهايل اللى فادنى كتير قوى
جزاك اخى كل خير
انا عند كرت الشاشة nvidia riva tnt2 model64
وانا قريت موضوعك كلة ودخلت على موقع nvidia
ومش عارف اجيب التعريف
ارجو المساعدة وارسال التعريف
وشكرا اخى

[FaReSALandloS]

مشكور يا رامي باشا

[mero314]

الف الف شكر يا باشا انا كنت دايخ علي الطريقه دي فعلا انت منمبدعين المنتدي

[gohst rider 5]

شكرا على اهتمامك
وانا وجدت عندي ان نوع الكارت
Intel(R) 946GZ Express Chipset family
فاي تحديث اقوم بتحميله؟

[GENNI]

شكرا على اهتمامك
وانا وجدت عندي ان نوع الكارت
Intel(R) 946GZ Express Chipset family
فاي تحديث اقوم بتحميله؟
اتفضل يا باشا ...
http://tc.versiontracker.com/product/redir/lid/1052619/sp35432.exesp35432.exe (http://tc.versiontracker.com/product/redir/lid/1052619/sp35432.exesp35432.exe)

لو ظهر عندك Bar في الـ Internet Explorer اضغط على Download File ...
و طمنّي وحياتك لعد ما تنزله و تسطبه ...

[gohst rider 5]

اتفضل يا باشا ...
http://tc.versiontracker.com/product/redir/lid/1052619/sp35432.exesp35432.exe (http://tc.versiontracker.com/product/redir/lid/1052619/sp35432.exesp35432.exe)

لو ظهر عندك Bar في الـ Internet Explorer اضغط على Download File ...
و طمنّي وحياتك لعد ما تنزله و تسطبه ...انا مش عارف اشكرك ازاي فعلا الالعاب كلها اتحسنت بشكل كبير ودلوقتي بلعب الفيفا على High details ومفيش اي مشكلة الف شكر يا فنااااان وموفق دائما

[GENNI]

انا مش عارف اشكرك ازاي فعلا الالعاب كلها اتحسنت بشكل كبير ودلوقتي بلعب الفيفا على High details ومفيش اي مشكلة الف شكر يا فنااااان وموفق دائما
لولولولولوليييييييييييييييييييييييييي

ألف مبروك يا معلم ... صدقني فرحت لك جدا ...
و تحت أمرك أي وقت ...

[sub_zero2100]

الف شكر ليك

[maged_t]

انا عاندى 7300 le كنت عايز التعريف بتاعة ضرورى

[MR BEBO]

يا جماعة الموضوع ده مفروض يتثبت

لانه مفيد جدا جدا ...... ولا ايه ؟؟؟

[GENNI]

يا جماعة الموضوع ده مفروض يتثبت

لانه مفيد جدا جدا ...... ولا ايه ؟؟؟
كما تحبون أخواني ... و لكني أعتقد أن الموضوع قديم جدا ...

و أمر الموضوع متروك للأخ العزيز ShakShak مشرف القسم ...

[lilo7lilo7]

[SIZE="5"]السلام عليكم و رحمة الله
موضوعك - ما شاء الله عليك - جميل؛ لكن انا عشان استفيد منه محتاج مساعدتك ؛ انا الفيجا بتاعتي gforce 4 mx 440 se 64mb
شغالة كويس في كل الالعاب ماعدا pro evolution soccer 5
بتعمل حاجة غريبة بتيجي في نص الماتش و تخلي الجهاز كله يقفل
و على فكرة مش عيب اى هاردوير تاني لان اللعبة بتعمل كدة لما بتشتغل بالفيجا دي بس ؛ لكن لما باشتغل بالفيجا البيلت إن اللي في الماذر بورد بتشتغل عادي و لو انها بتكون تقيلة بس مش بتقفل الجهاز ؛ و طالما بتشتغل كويس بالفيجا البيلت إن يبقى العيب مش في نسخة اللعبة
مش ح اطول عليك
هل انت شايف ان المشكلة مشكلة تعريف؟؟؟؟؟
لوالمشكلة مشكلة تعريف بالله عليك تجيب لي وصلة انسب تعريف للموديل ده.





[U]ملحوظة

انا دخلت على صفحة التعريفات ما لقيتش حاجة خاصة بالموديل دة بالذات؛ خدت 3 تعريفات ال3 بيدعموا الموديل لكن ولا واحد فيهم حل المشكلة

[GENNI]

[size="5"]السلام عليكم و رحمة الله
موضوعك - ما شاء الله عليك - جميل؛ لكن انا عشان استفيد منه محتاج مساعدتك ؛ انا الفيجا بتاعتي gforce 4 mx 440 se 64mb
شغالة كويس في كل الالعاب ماعدا pro evolution soccer 5
بتعمل حاجة غريبة بتيجي في نص الماتش و تخلي الجهاز كله يقفل
و على فكرة مش عيب اى هاردوير تاني لان اللعبة بتعمل كدة لما بتشتغل بالفيجا دي بس ؛ لكن لما باشتغل بالفيجا البيلت إن اللي في الماذر بورد بتشتغل عادي و لو انها بتكون تقيلة بس مش بتقفل الجهاز ؛ و طالما بتشتغل كويس بالفيجا البيلت إن يبقى العيب مش في نسخة اللعبة
مش ح اطول عليك
هل انت شايف ان المشكلة مشكلة تعريف؟؟؟؟؟
لوالمشكلة مشكلة تعريف بالله عليك تجيب لي وصلة انسب تعريف للموديل ده.





[u]ملحوظة

انا دخلت على صفحة التعريفات ما لقيتش حاجة خاصة بالموديل دة بالذات؛ خدت 3 تعريفات ال3 بيدعموا الموديل لكن ولا واحد فيهم حل المشكلة
أخي العزيز ...

المشكلة في الكارت نفسه ... لأن الكارت ده ضعيف جدا ...
نصيحتي ليك هو إنك تشتري كارت جديد لو ميزانيتك تسمح ... و ده هايساعدك في تشغيل الألعاب الجديدة ...

[lilo7lilo7]

أخي العزيز ...

المشكلة في الكارت نفسه ... لأن الكارت ده ضعيف جدا ...
نصيحتي ليك هو إنك تشتري كارت جديد لو ميزانيتك تسمح ... و ده هايساعدك في تشغيل الألعاب الجديدة ...

شكرا على اهتمامك و سرعة الرد ؛ لكن عايز الفت نظرك لحاجة انا قولتها بس انت مش واخد بالك منها وهي ان اللعبة بتشتغل بالفيجا البيلت إن و مش بتفصل و في حاجة تاتية انا ماقولتهاش بس ح تفرق معاك وهي ان الفيجا الخارجية اللي انا عايز اشتغل بيها بس بتقفل الجهاز هي كمان كانت شغالة لكن لما غيرت الويندوز بقت تعمل كدة


كل اللي انا عايزه هو تعريف للفيجا دي بالذات و اكرر لك اني عاجز عن الشكر حتى لو ما عرفناش نشغلها كفاية ذوقك واهتمامك شكرا

[lilo7lilo7]

لاحظ ان الفيجا البيلت إن 64 ميجا يعني زي الخارجية و اضعف كمان

[GENNI]

لاحظ ان الفيجا البيلت إن 64 ميجا يعني زي الخارجية و اضعف كمانأخي العزيز ...

حجم الذاكرة الموجودة على الكارت أحد العوامل التي تؤثر على أدائه ... و ليست هي العامل الوحيد و لا حتى أهم عامل ...

توجد عوامل أخرى كثيرة مثل نوع المعالج المستخدم على الكارت ... أنصحك بتطلع مواضيع قسم الهاردوير بتعرف أكثر في هذا المجال ...

الكارت Geforce 4 MX من أضعف الكروت التي أصدرتها nVidia لأنه يعتمد على تكنولوجيا Gefoce 2 التي ظهرت منذ حوالي 7 أو 8 سنوات !!

بالنسبة لتحديث التعريف ... للأسف الكارت قديم جدا و بالتالي لم تعد الشركة تقدم له دعما فنيا ... و بالتالي سيصبح البحث عن التعريف صعبا ...
أرجو منك أن تذكر لي إصدار التعريف الموجود لديك ... و في حالة أنه ليس آخر تعريف سأحاول البحث لك ...

تحياتي ...

[lilo7lilo7]

أخي العزيز ...

حجم الذاكرة الموجودة على الكارت أحد العوامل التي تؤثر على أدائه ... و ليست هي العامل الوحيد و لا حتى أهم عامل ...

توجد عوامل أخرى كثيرة مثل نوع المعالج المستخدم على الكارت ... أنصحك بتطلع مواضيع قسم الهاردوير بتعرف أكثر في هذا المجال ...

الكارت Geforce 4 MX من أضعف الكروت التي أصدرتها nVidia لأنه يعتمد على تكنولوجيا Gefoce 2 التي ظهرت منذ حوالي 7 أو 8 سنوات !!

بالنسبة لتحديث التعريف ... للأسف الكارت قديم جدا و بالتالي لم تعد الشركة تقدم له دعما فنيا ... و بالتالي سيصبح البحث عن التعريف صعبا ...
أرجو منك أن تذكر لي إصدار التعريف الموجود لديك ... و في حالة أنه ليس آخر تعريف سأحاول البحث لك ...

تحياتي ...

في تعريفات كتير بتشغل الكارت لكن مش بتحل المشكلة فكرك يكون الكارت نفسه هو اللي بايظ بس اصله كان شغال عادي لحد ما غيرت ويندوز و على فكرة البيلت إن هو كمان كان مشغل اللعبة بسرعة كويسة لكن لما غيرت الويندوز بقت اللعبة بتشتغل بالكارت البيلت إن بطيئة جدا فكرك ايه الحل؟.

[lilo7lilo7]

لو عندك حل يخلي الفيجا البيلت ان تشغل اللعبة بسرعة زي الاول ارجوك الحقني بيه

[GENNI]

الكارت ماباظش ولا حاجة ...

قول لي نوع و موديل الكارت الـ Built-In ...

جرب تنزل آخر إصدار من DirectX ...

و لو المشكلة استمرت ممكن يكون العيب من نسخة الويندوز ...

[حبيب 2005]

فيه طريقتين ...

1. من موقع Nvidia (http://www.nvidia.com/page/home.html) نفسه ... بيبقى نازل فيه الإصدار بعد ما يتجرب و MicroSoft تصدّق عليه ... و في الحالة دي بيدوا له لقب (WHQL) ... العيب في الموقع ده إنهم بيشيلوا الإصدارات القديمة و بيحطوا آخر إصدار فقط ...

ادخل على صفحة التعريفات (http://www.nvidia.com/content/drivers/drivers.asp) ... هاتلاقي 3 خانات ...
من الخانة اللي على الشمال ... اختار "Graphics Driver" ...
من الخانة اللي في النُص ... اختار نوع الكارت اللي عندك ... (طبعا معظمنا عنده GeForce يبقى هانختار GeForce and TNT2) ...
من الخانة اللي في اليمين ... اختار الـ operating system اللي انت عايز التعريف ليه ...
اضغط على Go ...
في الصفحة اللي هاتتفتح ... هاتلاقي معلومات عن الإصدار (أهمها رقم الإصدار ... و بالمناسبة الإصدار الموجود دلوقتي هو 66.93 و أنا مانصحش أي واحد أنه ينزله عشان هو زي الزفت) ... اختار Primary Download Site تحت اللغة اللي انت عايز تنزل بيها (U.S. English ده انجليزي فقط و انا أنصحكم بيه ... أما International ففيه لغات كتير منها العربي لكني مانصحكوش بيه) ...
المفروض إن الملف يبتدي ينزل ... لكن لو انت بتستخدم الـ DAP هاتلاقي رسالة ظهرت اختار منها Open Browser ... و دوس Accept و هاتلاقي التنزيل ابتدا عادي خالص ...
افتح الملف اللي نزل ... و هو هايقوم بإزالة الإصدار اللي عندك و ينزل نفسه ...
في وسط الـ setup هاتلاقيه طول قوي (حوال دقيقة كاملة مابيعملش حاجة) ماتقلقش ... و بعد ما الـ setup يخلص اعمل restart ...


:new_smili:new_smili:new_smili:new_smili:new_smili


2. من موقع Guru3D (http://downloads.guru3d.com/) : بينزل فيها كل الإصدارات اللي نزلت من Nvidia مع الاحتفاظ بالإصدارات القديمة ... عيبه أنه بيبقى فيه إصدارات تحت التجربة (beta Vresions) و ممكن طبعا تعمل مشاكل ... ممكن نتلافى الموضوع ده بإننا ماننزلش الإصدارات دي ... أو نخلينا في السليم و ننزل الإصدارات اللي مكتوب جنبها WHQL ...

ادخل على الصفحة دي (http://downloads.guru3d.com/) ... و اختار Graphics Card Drivers - NVIDIA ForceWare ...
في الصفحة اللي هاتظهر ... هاتلاقي قايمة بكل الإصدارات اللي نزلت أو موجودة أو لسه هاتنزل من Nvidia ... اختار اللي انت عايزه ... أنا عن نفسي شغال بـ 71.20 و مريحني جدا و كمان حل لي مشاكل كتيرة (منها مشكلة الشرائح الأفقية اللي بتظهر في FIFA 2005) ...
في الصفحة اللي هاتتفتح ... انزل تحت خالص ... و اختار الـ mirror اللي انت عايز تنزل منه (اختار أي واحد ... مش فارقة) ...
في الصفحة اللي هاتتفتح ... اضغط على I Agree ... هايبتدي التحميل ...
بعد ما الملف ينزل ... بيبقى مضغوط ... افتحه و فكه ...
في الملفات اللي بينزلها هاتلاقي ملف اسمه setup.exe ... افتحه ... و هو هايقوم بإزالة الإصدار اللي عندك و ينزل نفسه ...
في وسط الـ setup هاتلاقيه طول قوي (حوال دقيقة كاملة مابيعملش حاجة) ماتقلقش ... و بعد ما الـ setup يخلص اعمل restart ...



طالما ان الكارت نيفيديا فقط وليس كارت مثلا msi او chaintec تصلح هذه الطريقة اما لو كان الكارت مثلا msi يفضل تحميل اخر تعريف له من الموقع الرسمي ولذلك لان بعض التعريفات قد لا تتوافق مع الهاردوير الخاص بالشركة .
هذه الكلام اقوله بعد تجربه مع كارت chaintec 7300gt حيث قمت بتحميل اخر تعريف له من نيفيديا ولكن التعريف لم يعمل جيدا مع الكارت حيث زادت الاضاءه بشكل زائد عن الحد وبعد الرجوع الي موقع الشركة اتضح ان اخر اصدار للتعريف والذي يتناسب مع الكارت غير اخر اصدار هلي الموقع الرسمي لل chipset.
ارجو ان المعلومة المقصوده تكون اتضحت .
حبيب 2005

[bakar_show]

تنصحنى بتعريف اية انا عندى geforce 7200gsونزلت اخر تعريف وحاسس ان الالعاب بقت بطيئة

[gohst rider 5]

[COLOR="Blue"]اخي العزيز هل تتذكرني لقد قمت بتحميل الابديت وكله تمام كما كان في ردي لكني احضرت لعبة lord of the ringsفعند فتح اللعبة يقول ليcould not find any compatible Direct3D devices with the required[ capabilities.Make sure you have current drivers for your video card فهل ذلك له علاقة بكارته الفيجا ام ماذا علشان انا قلقت من حكاية 3Dواعذرني على الاطالة/COLOR]

[konvict1986]

الف شكر بس انا عندي كارت nvidia geforce 6150SEٍُ بس built in, فهل ممكن الاقيله تحديث على موقع nvidia ولا الموقع بيوفر تحديثات لكروت الشاشة الخارجية فقط؟