انا حجيب سمكتين جولد يا جماعه و عندى كام سؤال ياريت تساعدونى

[cat_lover]

بليز يا جماعه انا قررت انى ابتدى اربى سمك و حبتدى بالجولد

عايزه اعرف بس كل حاجه عن نوع السمك ده و اكله و الاهتمام بيه وكل حاجه عنه و تغيير الميه له ياريت تقولولى بسرعه عشان انا رايحه النهارده اجيب سمكتين

ميرسى مقدما :bye10000:

[cat_lover]

اه نسيت و عايزه اعرف اذا كان بيعيش فى كريستالات ولا لأ عشان البايع قالى كده و انا عايزه اتأكد

[house_of_waxe]

اتمنى تلاقي الي بتدوري علية في الموضوع دة
http://www.dvd4arab.com/showthread.php?t=349430

[house_of_waxe]

اه نسيت و عايزه اعرف اذا كان بيعيش فى كريستالات ولا لأ عشان البايع قالى كده و انا عايزه اتأكد


عادي يعيش في الكريستالة بس لو انتي حاطة هواء في الكريستالة بكدة انتي مش محتاجة تغيري المية الا عشان النظافة اما لو مفيش هواء في المية فكدة لازم المية تتغير باستمرار وتكون مية بقالها يوم على الاقل معرضة للهواء ومتحطيهاش في زجاجة حطيها في كروانة وتبقى تغيري المية الي في الكريستالة

[medado]

اهلا بيكى معانا
ثانيا بالنسبه للجولد هو كويس وشكله حلو وكده يعنى
وبالنسبه للأكل بتاعه بياكل قشور وهتلاقيها عند الراجل بتاع الأسماك ويا ريت متكتريش الأكل علشان مايبوظش منظر الكريستاله او الحوض
بالنسبه للتربيه فى البنوره او الكريستاله هو ينفع وكل حاجه بس فى ناس كتير بتنصح بعدم التربيه فى الكريستالات دى لأنها غير صحيه للأسماك ... لو تقدرى تجيبى حوض ولو صغير يبقى كويس اوى
ولو هاتجيبى الكريستاله ممكن كمان تجيبى نوع سمك اسمه فايتر شكله جميل وسعره متوسط وبياكل نفس نوع الأكل بس فيه ميزه انه اكتر نوع يقدر يعيش فى ماء بدون ماتور اوكسجين وكمان تقدرى تغيرى المياه كل اسبوع .. بس لما تيجى تغيرى مياه الحوض لازم تكونى محضره مياه وركناها قبلها بأسبوع يعنى كل ما تغيرى المياه تملى جركن كده وتسيبيه للأسبوع اللى بعده لأن السمك ده بيحب المياه المركونه
ودى صور للسمك الفايتر
http://img382.imageshack.us/img382/1569/ggsv4.jpg (http://imageshack.us)
http://img168.imageshack.us/img168/9400/nndx0.jpg (http://imageshack.us)
http://img382.imageshack.us/img382/2497/18cov1.jpg (http://imageshack.us)
http://img338.imageshack.us/img338/1892/blacksplashmaledi4.gif (http://imageshack.us)
http://img338.imageshack.us/img338/6782/dadre6.jpg (http://imageshack.us)



وبالنسبه للجولد هاتغيرى ربع المياه اللى فى الكرستاله او نصها كل يوم وممكن تغيرى المياه كلها يوم ويوم

يا رب اكون افادتك وهاجيبلك شويه صور للفايتر علشان تشوفيه بنفسك
سلام

[cat_lover]

ميرسى اوى يا جماعه مش عارفه اقولكم ايه والله

انا لسه جايه من بره و جبت السمك و حطيته فى الكرستاله و مش عارفه احطله اكل امتى عشان حاسه انه جعان

بس شكرا تانى ليكم يا جماعه

[medado]

لا سبيه وحطيله اكل بكره الصبح
ومتكتريش فى الأكل علشان المياه ماتعكرش
وبالتوفيق

ولو فى اى استفسار احنا كلنا معاكى

[cat_lover]

شكرا يا medado

[medado]

العفو يا cat_lover
ولو فى اى استفسار قولى واحنا نجاوب

[cat_lover]

كان عندى سؤال كمان

انا جيبتلهم اكل بس مش قشور هو عباره عن كور صغيره ريحتها وحشه حطيتلهم 2 بقوا يروحوا عليها و يزقوها بس مش بياكلوا و بعد كام ساعه كده لقيت الكور نزلت تحت وعلى فكره الراجل بتاع السمك قاللى انهم متعودين عليه

مش عارفه اعمل ايه

[cat_lover]

والسمكه البنت كانت امبارح بتلعب لكن النهارده قاعده فى القعر و مش بتتحرك غير لما اخبط على الكريستاله الاقيها بتلعب ده طبيعى ولا لا

[medado]

بصى بالنسبه للأكل هى الحبوب دى مش وحشه بس هما بيفضلوا القشور والله أعلم
جربى وشوفى النتيجه بنفسك

وبالنسبه لعدم حركه السمكه مش عارف والله سببها ايه

هسأل واقولك ... وانتظرى برده أراء الخبراء فى المجال ده

[house_of_waxe]

كان عندى سؤال كمان

انا جيبتلهم اكل بس مش قشور هو عباره عن كور صغيره ريحتها وحشه حطيتلهم 2 بقوا يروحوا عليها و يزقوها بس مش بياكلوا و بعد كام ساعه كده لقيت الكور نزلت تحت وعلى فكره الراجل بتاع السمك قاللى انهم متعودين عليه

مش عارفه اعمل ايه


هههههههه اه هي ريحتها وحشة فعلا بس عادي زيها زي القشور



والسمكه البنت كانت امبارح بتلعب لكن النهارده قاعده فى القعر و مش بتتحرك غير لما اخبط على الكريستاله الاقيها بتلعب ده طبيعى ولا لا

يمكن يكون طبيعي لتغير المياة ودرجة الحرارة وخلافة وممكن تكون الكريستالة او المية مش نظيفة , بنصحك بتغيير المية باستمرار وحطي الكريستالة في مكان بعيد عن الشباك عشان الملوثات وعشان درجة حرارة المية ما تقلش , واذا لقيتي السمك على وش المية وبيفتح فمة اعرفي ان في نقص في الاكسجين ويجب تغيير المياة فورا

ومن الي فهمتة ان الراجل مديكي سمكتين ذكر وانثي لو السمكتين حجمهم صغير يبقى الراجل ضحك عليكي لانة ما ينفعش يتفرق بين الذكر والانثى الا بعد البلوغ واذا مكانش عند اول حمل

عشان انتي مبتدئه في الحوار ممكن تشتري كتاب عن اسماك الزينة حيديكي كتير من المعلومات البديهية الي لازم مربي السمك يكون على علم بيها

واتمنالك التوفيق

[shaina]

السلام عليكم ورحمة الله وبركاته

اهلا بك أختنا العزيزة cat_lover

وأنا سعيد انك بالرغم انك cat_lover الا انك بدأتى تهتمى بالأسماك .... :msn-wink:

...............

السمكتين اللى حضرتك جيبتيهم جولد .... صح ؟؟

فعلا مش ممكن نفرق بين الذكر والأنثى الا فى فترة التزاوج

أما لو كانوا فايتر فالفرق بين الذكر والأنثى واضح

بالنسبه للأكل ... فأحيانا تغير ظروف المعيشه بيعمل حاله نفسيه للسمك

فبيمتنع عن الأكل لفتره بسيطه ... وده بيحصل حتى فى الأحواض الكبيره حتى يتأقلم فما بالك باللبلوره

وبالنسبه للحركه ... فلو السمك جولد ... يبقوا محتاجين تغيير جزء من الماء يوميا او يوم ويوم بالكتيـــــر

وده سيؤدى الى عودة الحيويه لهم

أما لو كانوا فايتر ... فده طبيعى لأن حركتهم فى البلوره بتبقى قليله

لدرجة انك احيانا كتيره ستظنى انهم ماتوا

................

:fish0000: أرجوا ان اكون قد افدتك ... وياريت تصوريلنا اللبلوره الصغننه بتاعتك :fish0000:

والسلام عليكم ورحمة الله وبركاته

[cat_lover]

ومن الي فهمتة ان الراجل مديكي سمكتين ذكر وانثي لو السمكتين حجمهم صغير يبقى الراجل ضحك عليكي لانة ما ينفعش يتفرق بين الذكر والانثى الا بعد البلوغ واذا مكانش عند اول حمل
[/QUOTE]


اولا شكرا جدا على اهتمامك

ثانيا انا مش عارفه اذا كانوا ولد ولا بنت لكن فى واحده جسمها صغير و حجمها صغير وواحده اكبر منها شويه و بطنها منفوخه ولما سألته دى حامل ولا لأ قال لى لا هى بطنها كده

انا بشكرك تانى على اهتمامك انت و كل الاعضاء

:bye10000:

[cat_lover]

شكرا بجد يا جماعه على افادتكم ليا

[مسترموسى]

السمكاويه الوليده, منى

اهلا بيكى فى بيت السمكاوية وان شاء الله تكون بدايه خير وتصبحى cat & fish_lover انا شايف ان الشباب ربنا يباركلهم ماقصروش معاكى فى المعاومات.............شكرا" للجميع واى اسئله تانيه ان شاء الله برده حتلاقى الاجابات

[kokahat]

مبروك يا كات لوفر على السمك وشكر خاص لاعضاء القسم لاجاباتهم الوافية
عن نفسى قاعد ادور على ثغره اقولها لكن الاعضاء جاوبوا على كل حاجه انما لازم اتلكك شوية واقولك حطيتى مزيل كلور ولا لا ؟؟؟؟؟؟؟؟؟
بالنسبة لتغيير الماء تقدرى تغيرى كوب ماء كل يوم او يومين حسب حجم السمكة ودرجه ذعرها ودرجه الحرارة ايضا راقبى السمك جيدا وحتعرفى معاد تغير كوب الماء

[Bibomk]

انا معارض بشكل كبير لموضوع الكريستالة دي وخصوصا للجولد
مش عايز اجيبلك اكتئآب اختي بس احب اقولك ان عمر السمك في البللورة لا يتعدى الشهور المعدودة وللاسف سوف تفقدي السمك :no000000: :no000000: :no000000: :no000000: :no000000: :no000000:

انصحك بتغيير البلورة الى حوض مناسب لحجم السمك

والى االامام انشاء الله

[yasmin_mostafa8]

مبروك cat lover على السمك

[shaina]

السلام عليكم ورحمة الله وبركاته

مبروك cat lover على السمك
عقبالك انتى كمان لما تجيبى حوض صغنن بإذن الله ... :bye10000:

والسلام عليكم ورحمة الله وبركاته

[cat_lover]

باركولى يا جماعه انا جبت لسه جايبه حوض صغير بس عندى سؤالين

هو انا لازم اجيب فلتر ولا لأ

ينفع اربى جولد مع انواع تانيه ولا لأ

وكنت عايزه اعرف ايه نوع الزرع اللى ينفع مع الجولد

وشكرا ليكو بجد يا جماعه على اهتمامكم بيا

[kala]

سوال كده يا جماعه
انا شوفت صور الفايتر الرائعه فى الموضوع دلوقتى وتقريبا بقى اللى عندى مش فايتر ولا حاجه صغيرة اوى بس فيها الوان بسيطه وبتغير الوانها وبتحارب السمك التانى عشان كده حطتها لوحدها