كله يدخل يبارك

[DoDo_Miro]

بركولى يا جماعة

جبت 2 جوبى ذكر ونتاية

و2 جرامى بس مش عارف هما جنسهم أيه بالظبط

الجوبى واحدة صفراء والنتاية زرقاء

والجرامى برضه واحدة زرقاء والتانية صفراء



بس حصل مشكلة صغيرة

وأنا بحط السمك فى البلورة حطيت الودع فى البلورة وبعد كدة كبيت المية اللى فى الكيس فى البلورة

الجرامى الزرقاء أتحشرت تحت ودعة كبيرة وأتزنقت وأعدت أدور عليها وأول ما شوفتها طلعتها


مش عارف هى كدة ممكن تموت ولا أيه

وبعد ساعة كدة ولا ساعتين
اعدت تنزل خيط بنى كدة من تحت وكل ما يتقطع الخيط ده تنزل تانى
نزلت حوالى تلت أربع مرات وأنا مش عارف أيه ده


والجوبى الدكر عمالة تجرى ورا النتايه ومش عارف هى تقريبا بتعضها بس بالراحة
وكل لما أقرب منهم وأبوص عليهم تسيبها تعمل أى حاجة لحد ما أمشى تجرى وراها تانى


والراجل أدانى كيس أكل ليهم

هو كيس كدة مش عليه أى كلام يبين مركته

هو ورق صغير كدة ألوانه أخضر وبمبى

قالى هو فى أحسن من ده بس مش عندى دلوقتى

قولت له ممكن أخد دود قالى ممكن بس أنت معندكش ماتور هواء


وبس باركولى سلام


ولو فى أى ملاحظات ياريت تقولو لى

[desprado2005]

الف مبروك ياباشا على السمك ويارب يزيد اكتر واكتر
الجوبي لو ذكر وانثى زي ما انت بتقول يبقى ده تزاوج اما الجورامي اسئل الخبراء لان معنديش اي معلومات عنه بس ان شاء الله مفيش ضرر ومبروك ياباشا ويتربوا في عزك ان شاء الله

[momsam]

الف مبرمك
بالنسبة للجوبى كلام دسبرادو تمام
بالنسبة للجورامى ان شاء الله مايكونش حصل حاجة بس اساسا انت نزلت السمكة فى الحوض غلط
وفى الغالب اللى هى بتعمله ده عملية الاخراج الطبيعية لانها تلاقيها واكلة عند الراجل كتير وبالذات لو بيأكل دود

[DoDo_Miro]

أولا أنا متشكر جدا جدا ليكوا

وفعلا الراجل أنا متهيقلى انه بيأكل السمك دود

يعنى مقلقش من الجرامى ده (صحيح أزاى أعرف الدكر من النتايه)

ولو ده فعلا تزاوج أنا حاطت الاربعة فى بلورة

أفصل الجرامى عنهم ولا أخليهم

[eltelawy]

الف مبروك يا باشا ويتربو فى عزك

[kkll577]

اولا مبروك على الحوض وعلى السمك وبئذن الله مافيش حاجه حصلت للسمك . :clap0000:


اما بالنسبه للخيط البني ده فدى عمليه الاخراج بالنسبه للسمك ماتقلقش . :crazy000:


وان شاء الله تعمل حوض كبير ان شاء الله وما تعتمدش على البلوره لانها غير صحيه بالنسبه للسمك وسريعة الاتساخ


وزى ما بيقول مستر موسى على طول البلوره دى مرحله انتقاليه فقط فمطولش فيها يعنى ومبروك مره تانيه على
السمك . :icon30:


سلاااااااااااام :bye10000:


:bye10000: :bye10000: :bye10000:

[Generous Hany]

ماتفصلهمش ولا حاجه هم بلعبوا مع بعض كده لحد لما يقترب ميعاد الولاده فتلاقى الانثى بطنها كبيره و مش طايقه الذكر يقرب منها و ممكن تضربه كمان لو العيال كتيير

الجرامى كانت فى الحمام يا ريس عيب كده

[sbank]

ههههههههههههههههههه
مبروك الف مبروك
كلام اخواتك صحيح على ما يبدو

[medado]

الف مبروك يا باشا

[مسترموسى]

الف الف مبروك يا فنان وان شاء الله نباركلك قريب على الحوض المتر :msn-wink:

[Bibomk]

الف الف الف الف مبرووك وانشاء الله منتظرين انك تبقى سمكاوي محترف

[GoldenEagle1985]

الف الف مليون مبروك و عقبال ماتشوف ولاد ولاد ولادهم

[kokahat]

يا باشا انا قبل كده اتحشرت 5 سمكات كات فيش تحت الفلتر الارضى وما ادراك لكن الحمد لله السمك بخير متقلقش المهم ماتكونش اتجرحت
بالنسبة للخط البنى الرفيع بيكون عملية الاخراج بالنسبة للسمكة وكلما احمر لونها دل على نوع الاكل وهو الدود الحى

والف مبروك يتربوا فى عزك

[remonds55]

الف مبروك يا باشا

[DoDo_Miro]

متشكر جدا يا جماعة

وعلى فكرة أنا جبت أتنين جورامى تنين بس كبار وبرضه أصفر وأزرق

[eGyMeDo]

الف مبروك يا باشا

[capo2885]

الف مبروك وعقبال الحوض الكبير

[ابن بلدي]

يتربوا في عزك ويا رب تجيب حوض اكبر لانه بجد البلورة وحشه اوي اوي واسأل مجرب