هل مشكلة الهاردات الساتا دى معايا لوحدى ولا مع الناس التانيه كمان؟

[حازم عوده]

الهارد الساتا بتاعى كل كام يوم يسقط تقسيم خالص
بس الكلام ده بيحصل لما بوصل معاه هارد تانى
مع العلم إن المشكله دى حصلت مع ناس أصحابى برده بس مش كتير كده زى ما حصلت معايا
بس الغريب إن تسقيط التقسيم ده مش بيحصل إلا يوم التلات
بمعنى إنى لو وصلت هارد مع هاردى يوم التلات الاقيه سقط تقسيم
لدرجة إنى بدأت أشك فى إن الموضوع له علاقة بيوم التلات ده
هاردى نوعه ويسترن 160 ساتا
ياريت لو حد عنده نفس المشكله دى أو عنده حل للمشكله دى يشاركنا آراؤه
أصل بصراحه 150 جيجا داتا يضيعوا كل كام يوم
حاجه تزعل أوى يعنى

[Ayman Xp]

أ{جوا تحديد البرنامج الذى قومت بيه و هل يعمل كا Master أو Slave مانوع البوردة هل هو Sata 1 Or Sata2

[حازم عوده]

بص ياباشمهندس
انا بقسم ب disk mangement
مع العلم إنى قسمت ب partition majic قبل كده وحصل نفس المشكله
وبصراح لغاية دلوقتى مش عارف هل هو بيشتغل master ولا slave
لأنى كل ما أوصل هارد لازم أدخل على إعدادات البورده وأخليه الهارد الساتا هو اللى يتقرى الأول بمعنى يكون هوالماستر
والبورده gigabyte865
والهارد نوعه sata 1

[hosamhassan2001]

اخي العزيز بعد التحية انا كانت بتحصل معايا نفس الي بيحصل معاك معادا انة مكنش يوم التلات المهم انا جبت برنامج ديسك مانجر من موضوع موجود في ديفي دي باسم طريقة تقسيم هارد 160 ومن ساعتها بقالة سنة شغال تمام

[Ayman Xp]

أستاذى العزيز أولا أعد تقسيمه ببرنامج Norton PartitionMagic 8.0 وطبعا بالطريقه الصحيحه و التى سوف تجدها مرفقه و مشروحه بالفديوا فى البرنامج نفسه فى حاله تكرار هذا الأمر أرجوا الرجوع إلى التوكيل فورا

[حازم عوده]

شكراً لكم على الردود
هجرب وهشوف وربنا يسهل

[Ayman Xp]

أسف للنسيان
من إعدادات البورد ومن fireit boot أجعلها دائما الساتا فى حين أن اى هارد أخر يتم توصيله يكون sconed boot

[amertx]

السلام عليكم

شكرا يا ايمن باشا علي التوضيح لان انا عانيت من المشكلة دي كتير جدا

حيث ان عندي اربع هاردات اتنين علي الجهاز

وواحد خارجي وواحد اخر الي هو بتاع النوت بوك الصغير

المشكلة اعتقد ان لها علاقة بالباور لان المشاكل كانت بتحصل معايا

خلال النسخ من الهارد الخارجي للهارد الاكسترنل لكن لو من الهارد الي علي الجهاز وبنسخ من هارد من الخارجيين

مش بتحصل اي مشكلة

فهل هذا يعتبر تفسير سليم للمشاكل التي تحدث معي ام ماذا

انا فسرت انه له علاقة بالباورسبلاي مع ان الهارد الخارجي بياخد باور لوحده من الخارج

الهاردات علي الجهاز 80 ويسترن ديجتال 120 ماكستور
الهارد الخارجي 200 ماكستور وله باور خاص بيه
الهارد الصغير 80 توشيبا وبوصله بيونت بتاخد باور من الخارج ايضا


اخوك ابو محمود

[Ayman Xp]

تأثير البور على الهارد يظهر فى صوت الهارد العالى فقط لكن لا يخفى البرتنسنات
فى حاله حضرتك أرجو التوضيح حضرتك ذكرت (خلال النسخ من الهارد الخارجي للهارد الاكسترنل ) و هى تعنى من الهارد الخارجى للهارد الخارجى لذلك أرجوا التوضيح المشكله تحدث منأين إلى أين بالضبط

[xpnet]

انا كانت عندى نفس المشكلة تغلبت عليها Partion magic 7 وطبعا تقسمة من تحت Windows XP ومتنزلش علية غيير WINDOWS XP بس فقط لاغير بلاش windows 98
واتحلت معايا المشكلة وشغال لى اكتر من 8 شهور ولا حاجة حصلت فية

[shekoto]

انا كانت عندى المشكلة دى من شهر كدا بس انا هاردى 250 ساتا ويسترن بوردة ام اس اى 865 وكان متقسم 20 و100ووالباقى ومرة واحدة البارتشن الاخير راح مرة واحدة ولاقيته فاضى وقسمته تانى بس البارتشن الاخير خليته ntfs ومن يومها معمش حاجة وزى الفل ويا ريت تخلى البرتشن ntfs ماعدا الى عليه الويندوز اوكى وارجو ان معلوماتى افادت الجميع

[sandyy]

ntfs ya gamaa hoe el hal
fat32 support only 120 gb
more than this cause failure

[hamadam2002]

انا مع الرأي اللي بيقول ان الهارد يتقسم NTSF حيث ان FAT32 لا يدعم المساحات الكبيرة
وإلا انك تخلي أكبر بارتشن لا يزيد عن 25 جيجا وأعتقد ان ده هيطير مساحات كتيرة
وكمان قسم ب Disk manager
ده على أد معلوماتي من خلال اللي شوفته يعني

[mhammam]

السلام عليكم ورحمة الله وبركاته
الرجاء التاكد من سلامة كابل الساتا الواصل بال mb لانه بيعمل مشاكل وياريت تغيره بالكابل الاصفر اللى مع البوردة ال945 لانه فيه كليبسات معدن للتثبيت
استخدم برنامجD L G 11.2 من موقع الشركة المنتجة للهارد (مكتوب على الهارد )
بلاش البرامج القديمة زى PARTITION MAGIC لانه بيعمل مشاكل مع الهارات الساتا
استخدم NTFS FORMATلانه افضل فى المساحات الكبيرة