نداء إلي عتاولة الصيانة

[midooo20022002]

أنا جبت بوردة جيجا بايت 848 وبروسيسور 3 جيجا وكل حاجة شغالة زي الفل بس لما بأجي العب أي العاب أو أشغل كارت الريسيفر الجهاز يبقعد شوية شغال وبعدين يعمل ريستارت لوحدة ويشتغل شوية كمان ويعمل ريستارت لوحدة تاني
عملت أبديت للبايوس بتاع البوردة وأبديت لتعريف كارت الشاشة وبرضو نفس المشكلة
مش عارف بأه دا عيب بوردة ولا إيه؟
ياريت حد يساعدني من عتاولة المنتدي

[edries2003]

هو اكيد عيب باور صابلاي عشان نفس المشكلة كانت عندي يا مشكلة بالماذر بورد حاجة من الاتنين جرب تغير

الباور صابلاي لو اشتغل تمام يبقي كده مفيش مشكلة لو نفس المشكلة ودي لمهندس يكشفلك عليه حتطلع في

الماذر بورد

[midooo20022002]

شكرا لردك السريع أخي العزيز

[لقمان محمد]

ودى الجهاز الضمان يا نجم

[Ayman Xp]

عادة تكون مشكله الرستارت إما من الذاكرة أو البوردة أو البور وأشهرهم الذاكرة ولأن تلك المشاكل يصعب تحددها بدون معاينه فلابد من الذهاب إلى مركز صيانه أو تجربه كلا منهما على حدة

[faca]

انا مع الاخ Ayman Xp ان المشكلة تكون في ( الباور سبلاي ) لان معني كلامك انة بيدخل علي الويندوز ثم بيعمل ريستارت
اما اذا كانت المشكلة في الرام لن يفتح الجهاز وسوف يعطيك صفارة معناها ان في خطاء بالجهاز

[Ayman Xp]

عدم عمل الجهاز وأعطائه صفارة فهذا يكوم فى حاله موت الذاكرة تماما
أو عندما تكون الذاكرة سيئه الصنع أو بيها بعض الأعطال تتيبب فى الرستارت وحسب أخر تقرير تم نشرة فى أوخر سنه 2005 فأن 65% من أعطال الأجهزة سببها الرمات

[akha666]

كلامك تمام يا أخ Ayman XP
بس ممكن كمان تكون المشكلة فى الــ VGA أو كارتة Satellite ممكن يكون فيه Conflict بينهم وبين الــ Motherboard علشان هو بيقول أول لم يجي يلعب أو يشغل كارتة الريسيفر الجهاز بيعمل Rest

[Ayman Xp]

كارت الشاشه لا يقوم بعمل إعادة تشغيل إلا فى حاله واحدة و هو عدم توافق التعريف مع نظام التشغيل ماعدا ذلك له علامات أخرى حسب العيب لا يوجد فيها إعادة التغشيل
وبخصوص عدم توافق كارت مع البوردة فالبوردة سوف تقوم بعمل إعادة تشغيل قبل إتمام تحميل نظام التشغيل و هو عكس ما يشتكى منه الشاكى

[ملاك الرومانسيه]

افضل حل انك توديه الضمان عشان مفيش حاجه تحصل للجهاز وتخرج من الضمان وديه وهما مسؤلين يصلحوه

[Ayman Xp]

البورد 848 أنتهى ضمانها من فترة لان أوقف صنعها من سنتان و ماتم بيعه فى مصر كان المخزون المتراكم فى الخارج