مشكله بسيطه في قائمه تولز (صور)

[doggz world]

بسم الله الرحمن الرحيم
و السلام عليكم ورحمه الله و بركاته

المشكله عندي تتمثل في ان قايمه التولز مش موجوده و موجود مكانها ده
http://img132.imageshack.us/img132/3481/fffffffffffffffffffffffja7.jpg
انا مش فاهم ده ايه والله
و مش عارف اخش علي علي اي حاجه
و مش عارف افتح الهيدين
و متضايق قوي

فلو في حد يعرف العيب منين
اكون شاكر جدا
دمتم بخير

[khaled only]

اه والله وانا كمان عندي نفس المشكلة

[akha666]

السلام عليكم
أقولك على الحل ..... طب تدفع كام الأول :msn-wink:
بس ياباشا المشكله ده بتبقي جوه الريجستري بتاع الويندوز يا حد لعب فى الجهاز بتاعك يا اما سببها الرئيسي Spyware
أقولك ليه ؟
لو نزل عندك Spyware على الجهاز ممكن بيضرب ملفات مخفيه فا الفيروس بيلعب لعبته الدنيئه وبيضيف قيمة جوه الريحستري علشان انت ماتقدرش توصل وتفتح الملفات المخفية عن طريق Folder Options
ومعايا كدا خطوه بخطوه وان شاء الله المشكله هاتتحل
افتح قائمة Strart وأختار منها RUN وأكتب فيها regedit ودوس على Enter أو اختار تنفيذ الأمر OK
افتح معايا المسار ده
[HKEY_CURRENT_USER\Software\Microsoft\Windows\Curre ntVersion\Policies\Explorer]
شوف لو فيه قيمة موجوده فى الصفحه اليمين اسمها NoFolderOptions لو لائيتها أعمل Right Click عليها وشلها Delete

نفس الكلام هانعمله فى مسار تاني
[HKEY_LOCAL_MACHINE\Software\Microsoft\Windows\Curr entVersion\Policies\Explorer]

وان شاء الله المشكه هاتتحل معاك وابقى ساعتها أدعيلي
ولو قابلتك مشكلة the registry editing has been disabled by your System Administrator وانت بتفتح الريجستري اعمل ساعتها Restart وادخل على الــ Safe Mode وأدخل بالـــ Administrator واعمل الخطوات اللى فوق
وحاول تعمل Scan على جهاز علشان كل اللى بيحصل ده سببه الــ Spyware
ومستني ردك . وبأذن فى حلول تانية هاقولك عليها لو مانفعش الحل ده

[doggz world]

الف شكر علي الشرح يا اخي
والمشكله فعلا في الريجستري
علشان من فتره كان في اخ هنا
حاطت ملف ريجستري علشان تقدر تسطب اكسبلورر 7 و ميديا بلاير 11
بعد ما دخلت الريجستري كي
الجهاز مبقاش يخش علي الويندوز
و بيقولي ان معلومات الترخيص غلط

نزلت ويندوز جديد
الموضوع ده حصل

و انا عملت اللي انت قلت عليه
و فعلا طلعتلي الرساله

و عملت ريستارت
بس مش عارف اخش علي السيف مود ازاي
معلش
انا عارف اني تاعبك
بس ان شاء الله ربنا يجعله في ميزان حسناتك
و انت دلوقتي بعمل سكان علي الاسباي وير ببرنامج Ad-aware 5.62

[akha666]

تمام
بص ياسيدي ، بعد ما تعمل Restart أضغط على F8 بإستمرار قبل ماتوصل لشاشة الــ Boot Screen هتلائي إختيارات كتيره
أختار منها أول إختيار Safe Mode ولما يحمل معاك الويندوز فى وضع الــ Safe Mode إختار المستخدم المتحكم Administrator وجرب الطريقه ورد عليا
في حاجه ناسيت أقولك عليها ولسه مجربها دلوقتي وخفيت الــ Folder Options من عندي ورجعتها تاني
وهى أنك تعمل Restart بعد تنفيذ الخطوات
أصلي انا جربتها بعد ما كتبتلك الموضوع ولاقيت ان الوضع كما هو فاجربت الطريقه وعملت Restart وفعلاً أشتغلت معايا
وبما انك على الــ Safe Mode فا اكيد هاتحتاج أنك تعمل Restart بس بعد تنفيذ الخطوات اللى قلنا عليها
وبالتوفيق ان شاء الله ومستني ردك

[doggz world]

شكرا يا جميل علي اهتمامك

انا هجرب الكلام ده

طب اذا منفعش
هنزل نسخه جديده
ياتري هتفضل الحكايه دي موجوده بعد ما اغير الويندوز
ولا لأ؟

[akha666]

شكرا يا جميل علي اهتمامك

انا هجرب الكلام ده

طب اذا منفعش
هنزل نسخه جديده
ياتري هتفضل الحكايه دي موجوده بعد ما اغير الويندوز
ولا لأ؟

سيدي الفاضل ...
هل المشكله حصلت معاك من أول لما نزلت ويندوز ؟ ولا مع كعبلة البرامج وال Software ظهرت المشكله ؟؟
وان شاء الله هانحلها من غير ماتنزل ويندوز , دا إذا كان الويندوز سليم ....
هو الأفضل انك تنزل ويندوز على نظافه بس فيه شوية نصايح عاوز أقولك عليها علشان تتجنب حدوث المشلكة تاني
وساعتها هتلاقى نفسك اتنفخت بعد ماتعبت ونزلت الويندوز ولسه المشكلة موجوده
إلا إذا كان حاجة من الأتنين
يا إيما النسخة اللى بتنزل منها فيها مشكله (ومافيش أكتر من نسخ الــ XP فى بلدك)
يا إيما بعد مابتنزله ودا انا حاسس بيه انك بتدخل على الهارد عندك علشان تنزل البرامج
شوف ورد عليا وسيبك من قصة الويندوز وان شاء الله هانحل المشكله

[doggz world]

عملت كل حاجه
و المسار الاول لاقيته مافيهوش حاجه غلط
و ادي الصوره اهي
http://img175.imageshack.us/img175/189/1di2.jpg

المسار التاني بقي
دخلت
مافهوش اكسبلورر اساسا
http://img176.imageshack.us/img176/8408/2kb7.jpg

انا حطيتلك الصور اهو يمكن تعرف تحللي المشكله دي

بس علي فكره في السيف مود
لاقيت الفولدر اوبشن
و عملت ريستول ديفولتس

قلت افتي شويه
##########
و متشكر جدا لتعبك معايا

و بالنسبه للويندوز
انا غيرته
و لسه العيب موجود

[akha666]

حل تاني
1 - نزل البرنامج ده Download (http://www.dougknox.com/xp/utils/xp_secconsole.zip)
2 - وبعد ما تنزله أدخل على Windows Explorer فى الشمال
3 - هايديك أختيارت فى اليمين
http://www.dougknox.com/images/secconsole8.png
4 - علم على تاني إختيار Disable Folder Options
5 - وأعمل Apply
6 - أعمل Restart
7 - أدخل على نفس البرنامج وأعكس الخطوة رقم 4 ، أو شيل الإختيار اللى علمت عليه
8 - Apply
9 - أعمل Restart وشوف هل الحل ده نجح معاك ولا لأ
وبعدين انت قلت انو من ساعة لما نزلت الويندوز والمشكله موجود
طب هل النسخه نزلتها عند حد تعرفه وعملت نفس القصه ؟؟؟؟؟؟؟؟؟
هل أول لما نزلت الويندوز وهو لسه طاظه بخلفيته اللى مافيهاش حد (أرض خضرا وبس) Bliss انك تشوف هل Folder Option موجوده ولا لأ ؟؟؟؟؟؟؟؟؟؟؟؟؟؟
أذا كان كده كبر دماغك من النسخه اللى معاك وهات نسخه من حد تكون واثق فيه ومجربها قبل كده
رد عليا وقولي عملت ايه
علشان فيه كام خطوه عاوز أقولك عليها قبل نزول الويندوز

[doggz world]

باشا
تسلم ايدك يا جميل

فتحت البرنامج لاقيتها مقفوله
فتحتها
الفولدر اوبشن ظهرت
مش عارف اقولك ايه بصراحه
بجد مش لاقي كلام اقولهولك
استاذ
قليله عليك
باشا
قليله عليك
باشمهندس
بارضوا قليله عليك

تسلم ايدك حبيبي
و جزاك الله كل خير

[akha666]

باشا
تسلم ايدك يا جميل

فتحت البرنامج لاقيتها مقفوله
فتحتها
الفولدر اوبشن ظهرت
مش عارف اقولك ايه بصراحه
بجد مش لاقي كلام اقولهولك
استاذ
قليله عليك
باشا
قليله عليك
باشمهندس
بارضوا قليله عليك

تسلم ايدك حبيبي
و جزاك الله كل خير

ايه ده كله , ايه ده كله
يا عم انا مقادرش على كل اللى انت بتقوله ده
تكفيني اوي منك دعوى صغير أو كلمة الله يباركلك
وكان فى عضو تاني عنده مشكله (khaled only)
ماردش علينا . وهل تابع الحل وعملها هو كمان ولا ايه
على العموم الحمد لله انت تقريباً رابع فى الاسبوع ده يكون عندة مشكله وبحلهاله بأمر الله
************************************************** *******************************
اللهم زدني من نورك وعلمك بحق حبيبك محمد

[doggz world]

ربنا يخليك حبيبي
و يزيدك من نوره كمان و كمان

[akha666]

ربنا يخليك حبيبي
و يزيدك من نوره كمان و كمان

شكراً يا مان وما اتشرفتش بأسمك ؟
انا اسمي احمد من Alex
بس انت كده شاكلك رابيب وبتحب الراب والنيجرز
صح ؟
بص يا مان لو حبيت تعرف معومات زياده عن الريجستري ادخل على الموضوع اللى انا عامله فى توقيعي
ومتنساش لو الموضوع عجبك تبقي تدى رأيك فى الإستطلاع
ولك جزيل الشكر

[doggz world]

عاشت الاسامي يابوحميد
بصره
انا كمان اسمي احمد
وكل العك اللي عندي
من ملف ريجستري
واحد في المنتدي حاطت ريجستري كي
هو فعلا اشتغل كويس علي سيرفس باك 2
بس لما غيرت الويندوز و حطيت النسخه العاديه
بهدلي الدنيا

يلا حصل خير

و بما انك بقيت باشمهندس المنتدي بالنسبه لي
خد المشكله دي
انت كمان شويه ممكن اخليك تصلحلي البورده
ههههههههه
المشكله ان
الافلام عليها حمايه
وبعد مجهودالتنزيل بسرعه السلحفه
يجي و مايشتغلوش
http://img168.imageshack.us/img168/908/1op4.jpg
http://img158.imageshack.us/img158/7981/2uk8.jpg
و الموضوع اتكرر كذا مره
و خصوصا في النسخ النضيفه
انا خلاص والله
قربت اولع فيا و في الجهاز
فشوف كده ياحمد
لو عندك حل قولهولي

[akha666]

الف الف شكرا يا مان على رأيك وإستطلاعك فى الموضوع
وبعدين وحده وحده عليا يا مان مش كده :msn-wink: :msn-wink: :msn-wink:

انا حلتلك المشكله اللى انت عرضتها فى موضوع الريجستري بتاعي

وحبيت أوضح الحل فى الموضوع علشان يستفيد منه أى عضو هايقابل نفس المشكلة وده أكيد هايحصل

وحكاية الأفلام ديه هاقولك على حلها بعدين وأعذرني لأني بجد تعبان وكنت كاتب موضوع وبأمانه مش قادر أقعد على الكمبيوتر ولا أركز فى حاجه

ماتئلئش وحط فى بطنك شمامه صيفي وان شاء الله هاحللك المشكلة
سلاااااااااااااااااااااااااااااااام

[doggz world]

ياحمد انت كده خلاص
انت لو جيت اشتريت الجهاز يبقي احسن
و كمان انا مبحبش الشمام
مينفعش احط البطيخه؟
ههههه

ربنا يعينك يا جميل علي مساعده الغلابه اللي زي حالاتي
و تظبطلهم كمبيوتراتهم كمان و كمان
و انت بجد والله مش مجامله
انسان رائع
و انا اتشرفت بمعرفتك

[akha666]

الله يخليك يا مان
بس ماقلتليش عملت مشكلة الــ administrator ولا لأ ؟

[doggz world]

لسه موجوده
الرساله بتطلع
و محصلش اي تغير
بس مش مهم سيبك
خلينا في الحمايه

[akha666]

أبوحميد

عامل ايه يا مان ؟؟؟؟
انا اسف على تأخيري

بص ياباشا انا دورت على مشكلة الأفلام
هو متداد الملف اللى انت منزله ايه ؟ وايه نوع الــ Codecs اللى انت منزلها على الجهاز ؟؟؟

فيه ناس كانت عندها نفس المشكلة وكان حلها انها نزلت الــ Real PLayer نزله من على النت نسخة مجانية
لانه تقريباً أمتداد الملف اللى عندك rmvb
ومشكلة الــ Administrator بتطلعلك امتى أو لما يتعمل ايه ؟؟


ورد عليا
**********************************************

[doggz world]

ولا يهمك يا ريس
النسختين اللي عندي
avi

و الكودك بتاعي
klmcodec158

و حتي برامج الضغط و التحويل مش راضين يقرو الافلام اساسا
و سطبت الريل بلاير
و بارضوا مافيش حاجه اشتغلت
و التسجيل
المشكله عندي في الويندوز
هو حاصل فيه لعبكه اساسا
بس انا هفرمت و اسطب سيرفس باك 2

بس قدام شويه علشان فيه حاجات عايزها
هي النسخه شكلها زباله اساسا
فانا لما هفضاله هغيرها

[akha666]

شكلك بتعاني من الويندوز اللى عندك وجبت من الاخر
عاوزك تعمل Security صح على الجهاز وهابعتلك كرارك يخلي الويندوز يعمل Update علشان بعد الــ SP2 فيه بتاع 56 تحديث وده مهم جداً
بس قولى قبلها علشان هاقولك على كام حاجة تلعملها مهمين جداً جداً
هو انت مستني ليه علشان فيه Download وعاوز تكمله ؟؟؟؟؟
قولي على برامج التحميل وانا هاقولك ازاي تنقل الــ Download وتكمله بعد الويندوز الجديد , انا على طول بعمل كده وده مع جميع برامج التحميل

[doggz world]

لا مش حكايه كده
نقل البرامج ده عادي
و بعمله كتير
بس الحكايه
ان انا مسطب جيمز جديد بترمي ملفات في السي
و رميت السورس بتاعها
و مينفعش انقل مكانها
ازم لو الويندوز اتغير اسطبها من جديد
و انا رميت السورس و مستحرم انزلهم تاني
واحده 7 جيجا
و واحده 5 جيجا
فقلت استني لغايه ما اخلصهم
و بعدين انزل ويندوز جديد
و لما اجي انزل الويندوز هبقي ابعتلك علي الخاص

و ايه اخبار الافلام
مافيش حل ؟
لو مافيش
ابقي قولي علشان واخدين مساحه علي الفاضي
و شكرا يابوحميد علي اهتمامك الكبير
تسلم ايدك حبيب قلبي