المساعد الشخصي الرقمي

مشاهدة النسخة كاملة : انت ليه ما بتكتبشي ردوووووووووووووود؟......ثورة الانمي

magician2magici
20-10-2006, 04:57 AM
بسم الله الرحمن الرحيم

الاول احب اهني جميع الاعضاء الكرام بشهر رمضان و ليله القدر اللي احنا فيها دلوقتي باذن الله و اتمني ان الشهر الكريم يكون ساب اثر طيب في نفوس كل الناس

ايه بقي حكايه انت ما بتكتبشي ردوووووود ليه؟

انا لاحظت ان في افه عدم كتابه الردودو و لو حتي لشكر صاحب الموضوع , دايما تلاقي المنتدي فيه ناس كتير , و الناس دي اصول بتخش تتابع اي شيء هي نفسها فيه , طيب ليه بقي الردوووووووود قليله؟

الصراحه انا ما لقتشي رد مناسب , و ما اعرفشي ايه السبب , ياتري هل السبب مننا ؟ و لا السبب ان مواضيعنا تعبانه ؟ و لا ياتري ان السبب مش فينا خالص؟

ياريت يا جماعه تردوا ع الموضوع ده بالذات , الموضوع بجد مهم جدا , و انا شايف ان احنا لو عرفنا السبب هنعالجه باذن الله ,و لو العيب فينا هنصلحه باذن الله , انتم مش عارفين ايه شعور صاحب موضوع بيتعب و يجهز فيه و هو بيامل ان الناس تعبر موضوعه حتي بالسلب , يا جماعه ده ليه تاثير سلبي علينا و الله , اذا كنا بنعمل موضوع فده عشان خدمتكم , انت لو حتي عندم خدااااااااااااااااااااامين هتقولولهم كلمه شكرا ع الاقل و لا انا غلطااااااااااااااان؟

اتمني ان الناس تدخل و كل واحد يعبر عن سبب رفضه التام للرد علي المواضيع , و اتمني ان هو يقول ايه السلبيات عشان نعالجها باذن الله , و انا اتمني ان الناس كلها تدخل هنا و كلها تقول رايها , سلاااااااااااااااااااااااااااااام.

الســــــــــــــــــــــــــــــــاحر
magician2magici
20-10-2006, 05:14 AM
و اتمني نثبـــــــــــــــــــيت الموضوع لفتره.
wesam_hwary
20-10-2006, 05:36 AM
موضوع بصراحه جميل وانا من اعتقادي فعلا ان فيه ناس كتير بتخش علي المواضيع وتاخد الي عيزاها وفي الاخر متلقيش كلمه شكر واحده حته تشجع صاحب الموضوع انا عيزهم يحطوا نفسهم ماكنا لو انت عامل موضوع ولقيت الناس كلها بتخش ومفيش حد بيرد هتزعل وتحس انك عملت موضوع تافه الناس بتخش عليه وتخرج اكنك معملش حاجه فيا ريت كل الي يشوف موضوع ويستفيد منه يرد حته لو كان الرد انتقاد تشجيع شكر المهم يكون في رد يحسس صاحب الموضوع بنفسه يا ريت تكون الرساله وصلت ويا ريت مكنش طولت عليكم سلام .
ESLAM_LAM
20-10-2006, 02:17 PM
وانا كمان بضم صوتى لصوت الساحر ووسام
يعنى يا شباب لما فى واحد فينا بيعمل موضوع بيحط فية فيلم او مسلسل مثلا
اى حد بيخش ويحملة مبيتعبش ومبيخدش وقت غير فى التنزيل
انما صاحب الموضوع بيتعب جدا فى انة يرفع الحاجات دى
يعنى الحاجة اللى بتنزل فى ربع ساعة كل الناس فاكرنها بسيطة ودى اصلا بتترفع فى ساعة ويمكن اكتر
ودة مقابل اية احنا مش بناخد فلوس ولا بنستفيد حاجة بس احنا بنحب نساعد الاعضاء فى انهم يلاقوا الحاجات
اللى هما عايزنها ومش عايزين اى حاجة غير كلمة شكر من اى حد يشوف الموضوع ويعجبة
على الاقل عشان صاحب الموضوع ميحسش ان تعبة زى قلتة وراح على الفاضى
ويعنى كلمة شكر وتشجيع مش صعبة انها تتكتب من اى حد ومش هتاخد وقت
وياريت تكونوا فهمتوا انا قصدى اية سلام
ali_lover
20-10-2006, 07:50 PM
ههههههههههههههههه هيا فعلا مشكلة

وكل مشكلة وليها حل ان شـــاء الله . دا لو عرفنــــا سببها اصلا . انا بضم صوتـــى الى صوت الساحر ..

ويا ريت كل عضو يدخل ويقولنا ليـــــــــــــــــــــــــــــــــــــه ؟؟؟؟؟؟
Hatem2020
21-10-2006, 01:40 AM
و اتمني نثبـــــــــــــــــــيت الموضوع لفتره.

تم :bye10000:
magician2magici
21-10-2006, 03:01 AM
شكرا حاتم باشا علي التثبيت , سلااااااااااام.
blackeastern
21-10-2006, 01:35 PM
موضوع جميل جدا اخى العزيز
و على فكرة انا عارف ايه الاسباب وهى ان الناس بتكبر و تقول انا لسه هاكتب رد انا اخش اخد الحاجة اللى انا عايزها وامشى ودى قمة السلبية اللى فى الدنيا والسلبية دى جاية من ان اننا نشأنا فى مجتمع مش ايجابى يعلمنا الايجابية والعمل الصالح والشكر
اتمنى يكون ردى مفيد
magician2magici
21-10-2006, 02:36 PM
ردك جميل , و اتمني انها ما تكونش السلبية اللي بتقول عليها عشان لو المشكله فيها يبقي العوض علي الله, سلاااااااااااااام.
khaleeedrashad
21-10-2006, 09:35 PM
فعلا الموضوع ده مضايق ناس كتير بس نعمل ايه عارف يا ساحر احنا عايزين ايه

احنا عايزين ثوره الردود علشان الناس ترد
masryy
22-10-2006, 01:24 PM
فعلا للاسف ده بيحصل كتير جدا عموما اوعدكم بالمشاركه و بتقديم كل معلوماتي عن الانمي اللي عندي للاعضاء و شكرا
magician2magici
22-10-2006, 07:03 PM
الف شكر ليك يا مصري و ياريت بقيه الاعضاء يبقوا زيك , اكيد الشكل هيتغير للاحسن , سلاااااااااااااااااام.
بستان الورد
23-10-2006, 05:21 AM
فعلاً موضوع مفيد بس يا رب يكون بفيده
nour_moheb
23-10-2006, 04:05 PM
فعلا الموضوع جميل وشيق:icon30:
انت ليه مابتكتبش ردود ولو حتى كلمه شكر:busted_r:
ممكن تكون فى اسباب كتيرة بس كلها ماتساويش تعب الانسان العظيم :fruits_c: اللى عمل الموضوع اللى احنا بنستفيد منه:msn-wink:
على سبيل المثال انا مثلا بعشق كل حاجه فى المنتدى بس علشان النشاط الكبير:showoff0: اللى فى المنتدى مبلحقش ادخل اتفرج على اللى بيحصل فعلشان كده يمكن كنت بحاول انى الحق انزل كل حاجه :smoke100: من غير ما ارد وبعترف انى بكده كنت بظلم صاحب الموضوع.
يكفى حاله الاحباط اللى كانت بتصيبه.

بس من هنا ورايح دعوة منى لكل اللى كانوا يقومون بنفس الشىء ان نتحد سويا ونوجه شكرنا لهؤلاء الذين يستغرقون من الوقت الكثير كى يوفروا لنا كل مانحب.:msn-wink:


ومن اعماق قلبى اقول شكرا جزيلا لكم اخوانى لكل ماتبذلوه من جهد
magician2magici
23-10-2006, 05:06 PM
الف شكر ليك يا بستان و ليك يا نور , و يارب كده تكتبوا الردود عشان بجد الاحباط بيزعلنا جدا , و الناس اللي بتتعب عشان تجيبلكم الحاجه مش بتاخد فلوس , بس مستنية ع الاقل كلمه شكر , و اتمني ان الجميع يبقوا زيكم , سلااااااااااااااااااااااام.
al-dirham
25-10-2006, 02:52 PM
اولا احب اشكر الساحر على الموضوع هذا لان الصراحه في ناس بيدخلوا على الموضوع ولا يكتبوا رد

واقول بكل صراحه انا واحد منهم بس انا مشكلتي اني مافتح الكمبيوتر كثير و مابدخل على اقسام المنتدى الثانيه

لو تلاحظون ان مشاركاتي بس في منتدى الأريس لاني انا الصراحه جديد على المنتدى واذا دخلت ادخل بس مجرد خمس

او ست دقايق وبطلع و هذا الوقت مايسمحلي اني اشوف كل المواضيع او بعضها لان وبكل صراحه الموقع هذا و ما شاء

الله يعني كل يوم بحصل موا ضيع جديده وان شاء الله دوم مواضيع جديده واشياء جديده

بس اوعدكم ان شاء الله بحاول اني ارد على المواضيع الجديده

و ان شاء الله محد يزعل والى الأمام ان شاء الله واتمنى النجاح حق هذا المنتدى

وشكرا على هذا الموضوع الحلو وشكر خاص للساحر ولكل من شارك في هذا الموضوع






مع تحيات al-dirham ..........
magician2magici
25-10-2006, 05:31 PM
طب بالنسبة للي قولته و هو ان كل شوية في مواضيع جديده بتتعمل, انا بقترح نعمل موضوع مثبت اسمه المواضيع الجديده هذا الاسبوع , و نحط فيها المواضيع حسب ترتيبها و نحط لكل موضوع ترقيم من واحد لحد عشرة كمقياس للجوده , و نعمل موضوع اسمه افضل المواضيع في القسم و ده يتحط فيه احسن مواضيع القسم كلوحه شرف , ده اقتراحي بالنسبة لمشكله كتر المواضيع و قله الوقت , ايه رايكم يا جماعه؟؟؟؟؟؟؟؟؟؟؟
يونس 2008
26-10-2006, 11:59 PM
شكراااااااااااااااااااااااا انك اثرت موضوع مهم زي هذا ..................


انا اظن ان فيه عدة اسباب ذكروها الاعضاء او ما ذكروها لكن انا بعددها عليكم منها:


1-زي ما قالوا الاخوااااااااان ان الواحد بياخذ اللي عاوزه وبيمشي.

2-او ان الموضوع يكون موضوعة رائع لكن اذا دخل على الموضوع يلقاه مايستاهل ويطلع هو زعلان.

3- او ان بعض الروابط ما هي شغاله فيتعب العضو وبطلع بدون رد.



الخلاصــــــــــــــــــــــــــــــــــــــــــــ ــــــــة والمطلوب


الرد على الموضوع حتى لو كان مش ولابد لكن لابد من ((تقدير للجهود ))


واناااااا ادعواااااااااااااااااا جميع الاعضاء الى الاهتمام بهذاااا المنتدى الافضل من رااااااااائع بصراحة...... عالم الانمي

وشكراااااااااااااااا مرة ثانية للأخ الذي اثار المو ضوع
aminus
29-10-2006, 01:27 PM
حقيقة علينا بكلمة شكر على مجهود الأعضاءة و ده على الأقل عرفان على توفيرهم منتج نراه و نتمتع به.......................
reaper_ffx
30-10-2006, 12:07 AM
شكرا يا ساحر على الموضوع دة وفعلا موضوع يناقش مشكلة لكل عضو بيعمل موضوع جديد
just_now
05-11-2006, 11:30 AM
والله انا دائما بارسل ردور
بس معرفش ليه مبتتقريش
دا دايما يحصل معايا
وانا فعلا مش بخيل
لانى احب دايما احيى كل واحد على المجهود اللى بيعمله
اتمنى تقرا هذه الرساله
وسلامى اليك
magician2magici
05-11-2006, 11:49 AM
والله انا دائما بارسل ردور
بس معرفش ليه مبتتقريش
دا دايما يحصل معايا
وانا فعلا مش بخيل
لانى احب دايما احيى كل واحد على المجهود اللى بيعمله
اتمنى تقرا هذه الرساله
وسلامى اليك


الصاراحه يبقي كده انت عداك العيب , بس انا مش متخيل صاحب موضوع يعمل كده , بس ع العموم احنا - ثورة الانمي - بنحاول نفتح صفحه جديده في القسم هنا بس محتاجين طبعا تعاون اللي بيعملوا المواضيع و الاعضاء و تاكد ان رايك ده هيتناقش و هنحاول نشوفله حل , و كونك بتكتب ردود دي حاجه تفرحنا جدا عشان وجود شخص زيك ككده نشيط , و يارب بقيه الاعشاء يتعدوا منك , و متزعلشي علي اللي ما بيردوش احتمال انهم يكونوا سايبين المنتدي او القسم لفترة - و انا اعرف ناس كتير كده و بالذات في المكتبات المثبته - و ده نتيجه احباطهم من الناس اللي ما بتشكرهمشي حتي , و اتمني ان الوضع يتغير للاحسن , سلاااااااااااااااااااااام.
tarekk9
05-11-2006, 12:09 PM
بتهيألى ان فيه ناس بتبقى مستعجلة شوية علشان كده بتاخد الملف المراد وتحمله
وفيه ناس بتحب تحمل الملف الاول وبعد اما تسحبه وتجربه تبتدى تشكرا صاحب الموضوع ( وفى الغالب دول بينسوا يردوا )
وفيه ناس بتخش على اى موضوع وبترد من غير ما تعرف الموضوع بتكلم عن ايه اصلا... اه علشان يعملوا شوية نقط ليهم ماشى
وفيه ناس بترد علشان هيه بتحب تعطى لصاحب الموضوع حقه فى التعب وكمان بتبقى عاوز الموضوع ده اساسا

ومتحكش عليكم انا ساعات ببقى كل دول (:
سلامى للجميع
magician2magici
05-11-2006, 12:16 PM
بتهيألى ان فيه ناس بتبقى مستعجلة شوية علشان كده بتاخد الملف المراد وتحمله
وفيه ناس بتحب تحمل الملف الاول وبعد اما تسحبه وتجربه تبتدى تشكرا صاحب الموضوع ( وفى الغالب دول بينسوا يردوا )
وفيه ناس بتخش على اى موضوع وبترد من غير ما تعرف الموضوع بتكلم عن ايه اصلا... اه علشان يعملوا شوية نقط ليهم ماشى
وفيه ناس بترد علشان هيه بتحب تعطى لصاحب الموضوع حقه فى التعب وكمان بتبقى عاوز الموضوع ده اساسا

ومتحكش عليكم انا ساعات ببقى كل دول (:
سلامى للجميع


هههههههههههههه
ده انت واد كوكتيل بقي
هههههههههههههههههههه


ع العموم انا عاوز اسالك سؤال , هل ياتري في اي حاله من دول في عيب فينا ؟ او في اي حاجه انت شايف انها ممكن تساعد الناس اللي في الاحوال بتاعتك دي انها ترد ؟ ولا صعب شوية؟؟؟؟؟؟؟؟؟؟؟
night_shadow
05-11-2006, 01:16 PM
اقولوكوا الخلاصه اللي انا مستنتجها كل واحد بيهتم بحاجه معينه بيشارك فيها وبانتظام وبيرد وبيحاول يدي جديد من عنده فا بتبقي باقي المواضيع مش رئيسيه في اهتمامه وبعدين اللي بيخلي الناس مابتشاركش ان ساعات واحد يكون عامل موضوع زي اطلب اي حاجه واجبهالك بيبقي مواظب لكن بعد كده بينفض للناس يعني مثلا انا اشتركت في موضوع علشان كنت عايز حاجه معينه ومحدش عبرني طب انت عامل الموضوع اصلا ليه ثانيا الناس اللي مابتردش دي مالقيتش ناس برده بترد عليها يوم ماعملت مواضيع يعني اتحدي اي واحد فيكم يكون بيرد علي كل اللي موجود ماتقوليش انكوا بتردوا علي كل حاجه في حاجات انتوا برده بتحملوها وماتردوش فا دي بقي مشكله كبيره وبيتهيالي انت مش هتقدر تتحكم في الناس انها ترد او ماتردش وبعدين ارجو اني اللي يعمل حاجه وشايف ناس كتير بتدخل الموضوع خلاص يبقي هو يفيد ناس كتير لكن ياما يردوا عليه ياما مايكملش اللي بيعمله يبقي ده اصلا واحد مستني الناس تقوله كتر خيرك الللي عايز يخدم الناس مابيستناش حاجه في واحد بيذل الناس وبيقولهم لو مافيش ردود مش هكمل كمل انت شغلك علي طول كويس وهتلاقي اللي يقدرك خصوصا ان اللي عمله انت من نفسك ماحدش غصب حد انه يعمل موضوع فا مدام انت اصلا مش مستني حاجه من حد ماتستناش ردود من حد المهم انت بتخدم الناس والمشكله دي فينا كلنا وانا اولكم وماظنش ان ليها حل
mostafaarfas
05-11-2006, 09:57 PM
و الله موضوع جميل ليه مبتكتبش ردود اعتقد ان فيه اسباب كتير بس معتقدش ان العيب بيبقى من صاحب الموضوع لان الراجل عمل الى عليه و حط الموضوع العيب فى الى بياخد الموضوع و مبيردش ممكن كسل ممكن مش عارف ان ده بيشجع صاحب الموضوع انوه يكمل و يحط موضوعات جديده بس اعتقد ان دلوقتى الاغلب بيكتب ردود و بيتجاوب مع الى بيتقدم بالسلب او بالايجاب و انا اقترح ان العضو الى يمر عليه سنه و ميكنش عمل مشاركات لحد معين يتوقف فتره عن الدخول و لو كررها يتشطب خالص و كده هنضمن ان كل الاعضاء هيبقوا ايجابيين لان زى ما قلت الى بيجيب الحاجه مش بياخد فلوس عليها يبقى نضمنلوه انوه ياخد على الاقل رد من الاعضاء و شكرااااااااااااااااااااااا

الله
الاهلى
المنتدى
و جارى تحميل وطن جديد لفساد الوطن الحالى
mo_7381
05-11-2006, 10:40 PM
انت عندك حق بس انت نسيت حاجة مهمة جدا ؟
هية ان انت حاطط مواضيع جامدة جدا ومن كتر حلاوتها
الناس بتتلهي في لم الواضيع بسرعة ودة مش اسمة تقصير منكو
لا والله دة دليل علي منته التفوق عن الاخرين ودة شيء نحسدكو علية
ودي ميزة ميزة شد الانتباه .................................... ms_7381
magician2magici
05-11-2006, 11:06 PM
اقولوكوا الخلاصه اللي انا مستنتجها كل واحد بيهتم بحاجه معينه بيشارك فيها وبانتظام وبيرد وبيحاول يدي جديد من عنده فا بتبقي باقي المواضيع مش رئيسيه في اهتمامه وبعدين اللي بيخلي الناس مابتشاركش ان ساعات واحد يكون عامل موضوع زي اطلب اي حاجه واجبهالك بيبقي مواظب لكن بعد كده بينفض للناس يعني مثلا انا اشتركت في موضوع علشان كنت عايز حاجه معينه ومحدش عبرني طب انت عامل الموضوع اصلا ليه ثانيا الناس اللي مابتردش دي مالقيتش ناس برده بترد عليها يوم ماعملت مواضيع يعني اتحدي اي واحد فيكم يكون بيرد علي كل اللي موجود ماتقوليش انكوا بتردوا علي كل حاجه في حاجات انتوا برده بتحملوها وماتردوش فا دي بقي مشكله كبيره وبيتهيالي انت مش هتقدر تتحكم في الناس انها ترد او ماتردش وبعدين ارجو اني اللي يعمل حاجه وشايف ناس كتير بتدخل الموضوع خلاص يبقي هو يفيد ناس كتير لكن ياما يردوا عليه ياما مايكملش اللي بيعمله يبقي ده اصلا واحد مستني الناس تقوله كتر خيرك الللي عايز يخدم الناس مابيستناش حاجه في واحد بيذل الناس وبيقولهم لو مافيش ردود مش هكمل كمل انت شغلك علي طول كويس وهتلاقي اللي يقدرك خصوصا ان اللي عمله انت من نفسك ماحدش غصب حد انه يعمل موضوع فا مدام انت اصلا مش مستني حاجه من حد ماتستناش ردود من حد المهم انت بتخدم الناس والمشكله دي فينا كلنا وانا اولكم وماظنش ان ليها حل



بص يا باشا , اولا بالنسبه للي بيتابع موضوع معين ده نشيله فوق راسنا بس لازم يكون بيرد علي صاحب الموضوع , يا جمالي كده و انا بتايع موضوع من غير ما اشكر صاحبه يبقي احنا عملنا ايه؟؟؟؟؟؟


ثانيا بالنسبة لموضوع ان احنا مش بنرد علي اللي بيعملوا مواضيع , ماهو انا مش هادخل و اكتب شكرا للموضوع الرائع لاي موضوع و الا يبقي كده انا بخرف , بس في اتجاه في القسم هنا بدعم اي شخص يعمل موضوع جديد و ده برد معظم الناس الشغاله فيه و ده ممكن يبقي حافز , ده راي ممتاز و بيتم دراسه الموضوع ده .


و بالنسبة لرايك بان صاحب الموضوع مش لازم يستني رد يبقي كده مش عدل عشان صاحب اي موضوع بيكون تعب و عمل موضوع حلو للاعضاء عشان يستفيدوا من حاجه هو استفاد منها و عارف ان في ناس مش هتعرف تجيبها , طبعا ده يعتبر حاجه كويسه , بس كون ان احنا نحجر علي صاحب الموضوع حتي كلمه شكرا يبقي ده قله زوق مننا , و وكمان انت لو عملت موضوع و تعبت فيه صدقني مش هتقول كده , عشان انت لما تعمل موضوع تبقي عاوز تعرف هل الموضوع ده عجب الناي و لا لأ , فلو الناس شاركت و اتكلمت معاه - وده احسن بكتير من كلمه شكرا وبس - و بدات تتناقش معاه حول موضوعه هيحش ان في ناس هنا بتابع معاه , انما لو مالقاش حد خالص رد عليه حتي لو كان الناس اللي شافو موضوعه كتير هيياس و يبدا يتراخي و ينام و ده احنا مش عاوزينه , عشان كده اتجاه ان العضاءا لكويسين يبتدوا يشجعوا اي حد يعمل مواضيع اتجاه قوي , و اتمني انه يتنفذ وشكرا علي المشاركه و التفاعل , سلااااااااااااااام.
magician2magici
05-11-2006, 11:08 PM
و الله موضوع جميل ليه مبتكتبش ردود اعتقد ان فيه اسباب كتير بس معتقدش ان العيب بيبقى من صاحب الموضوع لان الراجل عمل الى عليه و حط الموضوع العيب فى الى بياخد الموضوع و مبيردش ممكن كسل ممكن مش عارف ان ده بيشجع صاحب الموضوع انوه يكمل و يحط موضوعات جديده بس اعتقد ان دلوقتى الاغلب بيكتب ردود و بيتجاوب مع الى بيتقدم بالسلب او بالايجاب و انا اقترح ان العضو الى يمر عليه سنه و ميكنش عمل مشاركات لحد معين يتوقف فتره عن الدخول و لو كررها يتشطب خالص و كده هنضمن ان كل الاعضاء هيبقوا ايجابيين لان زى ما قلت الى بيجيب الحاجه مش بياخد فلوس عليها يبقى نضمنلوه انوه ياخد على الاقل رد من الاعضاء و شكرااااااااااااااااااااااا

الله
الاهلى
المنتدى
و جارى تحميل وطن جديد لفساد الوطن الحالى




الف شكر علي رايك , بس موضوع اجبار العضو ع المشاركه يبقي هنلاقي كتيلر من كلام زي .....ألف شكر ع الموضوع الرائع , و الاعشاء دول مش عارفين اصلا هم بيشكروه ليه , و طبعا ده مش كويس , اللي انا بهدف اليه هو وصولنا الي اعضاء متفاعلين اكتر منهم مدفوعين للرد , اتمني انك تكون فهمتني , سلااااااااااام.
magician2magici
05-11-2006, 11:10 PM
انت عندك حق بس انت نسيت حاجة مهمة جدا ؟
هية ان انت حاطط مواضيع جامدة جدا ومن كتر حلاوتها
الناس بتتلهي في لم الواضيع بسرعة ودة مش اسمة تقصير منكو
لا والله دة دليل علي منته التفوق عن الاخرين ودة شيء نحسدكو علية
ودي ميزة ميزة شد الانتباه .................................... ms_7381



يا باشا انا بشتغل حاليا علي موضوع هيحل مشاكلك دي , حاجه كده زي ما تقول ملخص للموقع فيه اهم المواضيع من وجهه نظري واللي شايف ان العضو يستاهل يزورها , و طبعا العضو حر في اللي يعملوا و اللي يزوروا بس انا بقدمله حاجه زي دليل للقسم هنا , و ربنا يسهل و يخلص بدري , سلاااااااااااااام.
magician2magici
05-11-2006, 11:11 PM
و الف شكر علي المشاركه يا غالي و متنساناش بزياراتك لينا تاني
deerbeerasd
06-11-2006, 12:16 AM
فعلا الرد الجميل شئ مشجع جدا وهو اقل ما يجب تجاه انسان حب يفرح الاخرين ويشاركهم ما عنده بدون مقابل ينتظره وشكرا ليك على طرح هذا الموضوع اخوك deerbeerasd
magician2magici
06-11-2006, 02:59 AM
فعلا الرد الجميل شئ مشجع جدا وهو اقل ما يجب تجاه انسان حب يفرح الاخرين ويشاركهم ما عنده بدون مقابل ينتظره وشكرا ليك على طرح هذا الموضوع اخوك deerbeerasd

شكرا علي الرد و اتمني ان الجميع يشعروا بنفس احساسك
Sanshiro_X
06-11-2006, 03:56 AM
موضوع شيق
على فكرة ما كنت اعتقد ان الردود مهمة
ومشكورعلى الموضوع:icon30:
magician2magici
08-11-2006, 01:32 AM
موضوع شيق
على فكرة ما كنت اعتقد ان الردود مهمة
ومشكورعلى الموضوع:icon30:


يار اجل , طب دلوقتي اديك عرفت و اتمني ان اللي زيك يعرفوا ان الردود مهمه جدا جدا جدا , و شكرا علي التفاعل سلاااااااااااااااااااااااام.
hardrock_55
12-11-2006, 03:33 PM
اولا الف شكر ليك على الموضوع الجميل اللى المفروض كل المنتدى يقراه لان فعلا موضوع الردود مهم جدا لان اى عضو لما يعمل موضوع جديد بيكون مستنى الردود عليه ولما بيكون الردود قليله ده بيعمل احباط انا مثلا فاكر ان لما رفعت فيلم crank وكونت اول واحد ارفعه كان المشاهده للموضوع فوق 1000 والردود 30
magician2magici
12-11-2006, 04:38 PM
اولا الف شكر ليك على الموضوع الجميل اللى المفروض كل المنتدى يقراه لان فعلا موضوع الردود مهم جدا لان اى عضو لما يعمل موضوع جديد بيكون مستنى الردود عليه ولما بيكون الردود قليله ده بيعمل احباط انا مثلا فاكر ان لما رفعت فيلم crank وكونت اول واحد ارفعه كان المشاهده للموضوع فوق 1000 والردود 30


اه طبعا موضوع يحبط , بس ياراجل انت رفعت الفيلم ده , انا سمعت انه جامد , لو كده ياريت تديني رابط لموضوعك , و متخافش هاكتبلك رد , هههههههههه, سلام. و شكرا علي مشاركتك الجاده .
عالِم المستقبل
18-11-2006, 01:50 AM
(** بسم الله الرحمن الرحيم **)

بص يا أخ الساحر أنا ليا رأى فى الموضوع ده وهو أن كل واحد يدخل وياخد حاجة هو عايزها ويخرج من دون أن يترك رد ده بيبقى أنسان أناني يعنى الراجل اللى عامل الموضوع كان يقدر ميديش حد حاجة ويقعد يذلك عشان عنده حاجه كذا لكن الراجل طلع أيجابى وقال أنا مش حستفيد لوحدى

ولو أن برده التربية بتفرق يعنى أحنا ناشئين فى مجتمع ما يعلم بيه ألا ربنا وكلنا بلا أستثناء اتربينا على السلبية فى كل حاجة

ولكن ده مش مبرر ففى حديث شريف بيقول (أنما العلم بالتعلم والحلم بالتحلم والصبر بالتصبر) صدق رسول الله صلى الله عليه وسلم

وده بيعنى أن كل واحد لازم يغير عشان نبقى أمة نقدر نعلى بدل ماحنا تحت الأرض كده

آسف على التطويل أنما انت عامل موضوع تحفة وأنا بصراحة مبقوق من الناس دى دول جابولى الضغط والسكر وفى طريق الشلل (هههههههههههههه)

والسلام ختـــــــــــــــــــــــــــام
magician2magici
18-11-2006, 01:59 AM
هههههههههه , طب ما تتبقش منهم قوي كده احسن تبقي مبقوق , ههههههههههه

بص يا سيدي كون التربية دي شيء احنا مالناش يد فيه , بس دلوقتي احنا بقينا واعيين و يعني ان كنا اتربينا علي شيء غلط لازم نصلحه , وده ييجي بالتدريج , و الاول نبين ايه الصح , و بعدين نذكر الناس بيه كل شوية , دي طريقتي في الحياه يعني. و شكرا علي تفاعلك , سلااااااااااام.
@R@sh
24-11-2006, 03:27 AM
موضوع هايل جزاك الله خيرا
aiman hosny
30-11-2006, 11:07 AM
ان هقولوكو على حاجة الاسباب من الاخر هى دى


1: ان احيانا ان الواحد مبيبقاش فاضى (حلة) مش هتاخد اكتر من دقيقة لما تكتب كلمة شكر من قلبك بعد اما تقرا الموضوع

2:ان احيانا ان الواحد بيبقى مكسل (حلة) خلى عندك دم وقدر تعب العضو الى عمل الموضوع

3:العضو الى عامل الموضوع مبتدى (حلة) ماهو انتا لو ما شاركتش المبتدى هيبقى مبتدى على طول و هيكسل يعمل موضوع محدش بيهتم بية وعلى فكرة بقى دى كانت مشكلتى عشان كدة انا لما بلاقى خصوصا اى عضو مبتدى او حتى عضو ببدية على النشيط وخلافة لاكن طبعا بضيف رد للكل

4:واضيف رد لية انا مش اخدت الى انا عايزة(حلة) انتا ما تستهلش انك تبقى عضو ف الدى فى دى

5:يعنى الى عامل الموضوع مستنى مشاركتى ما الف واحد مشارك فكك ياعم(حلة) لا يا خويا طبعا ردك مهم حتى لو كاتب برافو عليك يا..... لاءنك هتبقى من احد المؤييدين للاموضوع ودة هيدية حماس اكتر واكتر عشان يكمل

6:واحد رخم يقول بعد كل دة برضة مش هضيف ردود (حلة) تشكر يا زوق

واتمنى انى اكون افتكو
ييييية برضة نسيت اشكر اخى الحبيب الــــــــــــــــــــــــــــــــــــــاحر بـــــــــــــــــــــــــاشــــــــــــــــــــــ ــــا

الف الف شكر على موضوعك الجمييييييييل دة واتمنى تورينا ابداعك الجديد والجميل
aiman hosny
30-11-2006, 11:15 AM
مع ان الواحد احيانا بيلاقى مشكوور حاجة كدة تحس انوا بيضربب وهو بيكتبها بس معلش على الاقل كتب
magician2magici
30-11-2006, 11:18 AM
موضوع هايل جزاك الله خيرا


ميرسي جدا علي مرورك يا غاليه.
magician2magici
30-11-2006, 11:22 AM
ان هقولوكو على حاجة الاسباب من الاخر هى دى


1: ان احيانا ان الواحد مبيبقاش فاضى (حلة) مش هتاخد اكتر من دقيقة لما تكتب كلمة شكر من قلبك بعد اما تقرا الموضوع

2:ان احيانا ان الواحد بيبقى مكسل (حلة) خلى عندك دم وقدر تعب العضو الى عمل الموضوع

3:العضو الى عامل الموضوع مبتدى (حلة) ماهو انتا لو ما شاركتش المبتدى هيبقى مبتدى على طول و هيكسل يعمل موضوع محدش بيهتم بية وعلى فكرة بقى دى كانت مشكلتى عشان كدة انا لما بلاقى خصوصا اى عضو مبتدى او حتى عضو ببدية على النشيط وخلافة لاكن طبعا بضيف رد للكل

4:واضيف رد لية انا مش اخدت الى انا عايزة(حلة) انتا ما تستهلش انك تبقى عضو ف الدى فى دى

5:يعنى الى عامل الموضوع مستنى مشاركتى ما الف واحد مشارك فكك ياعم(حلة) لا يا خويا طبعا ردك مهم حتى لو كاتب برافو عليك يا..... لاءنك هتبقى من احد المؤييدين للاموضوع ودة هيدية حماس اكتر واكتر عشان يكمل

6:واحد رخم يقول بعد كل دة برضة مش هضيف ردود (حلة) تشكر يا زوق

واتمنى انى اكون افتكو
ييييية برضة نسيت اشكر اخى الحبيب الــــــــــــــــــــــــــــــــــــــاحر بـــــــــــــــــــــــــاشــــــــــــــــــــــ ــــا

الف الف شكر على موضوعك الجمييييييييل دة واتمنى تورينا ابداعك الجديد والجميل


اولا ميرسي جدا يا غالي و انا في الخدمه

ثانيا , انت فعلا جبت اسباب كتير و ليها حلول - حلوة قوي ما يستاهلشي يبقي عضو في الدي في دي عجبتني - بس طبعا ان الكتير من الناس مش عايزة تقول اي رد , و الموضوع ده مش موجود عندنا بس , الموضوع ده في كل الاقسام و ناس كتير زهقانه منه , ده يا حبيبي في رد اغضبني شخصيا للدرجه اللي خالاني اخش علي الموضوع و ارد نيابه عن صاحب الموضوع , و الله رد اساسا يحرق الدم , ممكن ابقي اجيبلكم الرد ده عشان نعرف الاعضاء منهم ناس بجد مش تستاهل ان الواحد يتعب عشانهم , و علي فكرة الموضوع ده اللي رديت فيه زي موضوعي تمام بس في قسم تاني برضه واحد كان زهقان زيي و قال لما يكتب موضوع يسال الناس فيه ايه السبب , و اتمني ان الناس من نوعيه العضو ده تبقي فرديه مش جماعيه عشان لو بقت جماعيه يبقي البقاء لله


تحياتي ليكم جميعا.
aiman hosny
30-11-2006, 01:13 PM
دا اقل واجب اقدر اقدمة ليك
htieng2005
14-12-2006, 03:38 PM
شكرا حاتم باشا علي التثبيت , سلااااااااااام.
mr_bambino_dent
30-12-2006, 01:39 AM
ألف شكر يا باشا
وعندك حق :))))
arcgis
20-03-2007, 11:37 AM
الموضوع زي الفل تسمل ايدك