المساعد الشخصي الرقمي

مشاهدة النسخة كاملة : الجزء الثالث من حلقات ( أحصل على الجسم المثال فى اقل وقت ممكن !!)

zikoofire
17-10-2006, 03:35 AM
dumbbells السلام عليكم ورحمة الله وبركاته dumbbells
ازيكم اخباركوا ايه... اتاخرت عليكوا ؟؟
يلا بقى نبتدى اليوم الثالث ..
ها يا وحش... عامل ايه النهارده .... طبعا اكيد التعب خف عن المرة الاولى ...عموما يا وحش برده مش خليك تكسر الصالة النهارده..
انت بتبص فين؟؟ .. يا كابتن ... خليك معايا هنا عشان خاطرى ... دول يابنى بيلعبوا من زمااان... مش احسن منك فى حاجة ... بس الفرق بينك وبينهم ... انهم ابتدوا قبل بشوية.. مش بشوية يعنى قول كام سنة كده..
المهم يا وحش النهارده ..... برده اجهزة!!!
لا لا براحة
اصبر
ادينى طيب فرصة اتكلم
النهارده انشاء الله هانكسر الاجهزة ... بص هاخليك تعمل اللى انت عاوزه فيها
يلا نبتدى مع بعض كده نسخن
بص عاوزك ماتنساش عضلات البطن والقطنية
يعنى انزل عليهم خليهم مع التسخين فى بداية التمرين
وبكرة هاتعرف فايدة كلامى
يلا بقى
انزلى على جهازالبنش
عاوزك تتقل واحدة واحدة
لحد لما توصل لاكبر وزن ممكن تجيب فيه 6 عدات
اعملى 4 ادوار
خلاص؟؟
طيب معلهش كنت بشرب ماخدتش بالى !!!:crazy000:
يلا بقى على الفراشة
وحاول تتقل الوزن اوى
يلا 4 ادوار
تماااااااااااااااااااااااااااااااااااااااام
بص يا وحش عضلة الباى عضلة رخمة شوية .. لا بينى وبينك شويتين... يمكن تكون متخيل ان اللى عندهم عضلة باى زى اللى بتشوفها ديه شالوا حتتين وقعدوا هب واحد اتنين .. قامت الباى فطت مرة واحدة !!!:showoff0:
بصراحة الناس ديه تعبت .. اللى شغال منهم طبيعى بس طبعا بتغلبه جداااااااا
واسالنى انا لانى شغال طبيعى الحمدلله ... عشان كده مش ضخم اوى زى مانت شايف :in_love0:
المهم يا وحش ... عندنا النهارده اكتر من تمرينة باى
الاولى اللى انت بتلعبها عادى خالص
وديه هانخليها للاخر انشاء الله
خلينا دلوقتى فى التانية
اقف بجنبك
ادي كتفك للجهاز
حاول تخلى كوعك مفرود
عشان تركز على الباى
ممكن حد يساعدك ويمسكك عشان الجهاز ما يشدكش
التمرين ده يا وحش بيكور اوى فى الباى
4 ادوار
اللى بعد كده تمرينتك العادية
وبعد كده ....
ندخل على الظهر
ايه
انت لحقت
لا اصبر شوية
معلهش
بعد كده كل عضلتين هايبقوا لوحدهم
يلا بقى
المرادى
على جهاز السحب العلوى ، عاوزك تتتقل شوية
وتنزل للاخر
وتتطل للخر
سبحان الله
الامامى بقى يا مان بص .. المرادى هاتمسك من القبضة الواسعة ... وتنزل على صدرك
4 ادوار هنا وهنا
السحب الارضى
هانتقل فيه بقى على قدر ما نقدر
لا
انت كده بتهرج
افرد ظهرك اوى
يعنى تنزل سنة لقدام عشان تجيب الوير لكن وانت بتشد تطلع لغاية ما ظهرك يبقى عمودى وتسيب الباقى طبعا لدراعك عشان يشد هو ولا ايه؟؟
ايوة كده برافوو
4 ادوار
جهاز المجنص بقى
4 ادوار
وكمان تجديف
يلا انشالله ماحد حوش
4 ادوار
بس تتقل يا حلو
بعد كده بقى
موت نفسك بطن لما تخلص
يلا
انامستنيك اهو
انا عارف انك جدع يلا بقى
يا عم يلا بقى ما تتعبنيش
لا ورا بعض
ايوا
بص حاول ماتاخدش فترات راحة كتير بين كل تمرينة بطن والتانية
عشان بطنك تستفيد
لانها من العضلات الرخمة شوية
لكن والله بعد كده لما تشرخ هاتبقى تحفة
هاتفرح بيها اوى وممكن تعملها فرح كمان...
انزلى على الاستناند بتاع القطنية بقى
بسسسسسسسسسسسسس
انت كده تماااام
لا امسك نفسك عشان خاطرى
ابقى نام فى بيتكم
يلا يا اخوانى
مستنى مشاركاتك
السلام عليكم ورحمة الله وبركاته
اخوكم
:showoff0: zikoofire:showoff0:
vampir11
17-10-2006, 10:36 AM
يا ابو الزيك يا جامد
تمام اوى التمرين دى والله مفيدة جدا جدا جدا جدا جدا
وبصراحة اى حد مبتدىء لازم يعمل التمارين دى بالنص كدا بصرف النظر عن الى حيقولهولة الكابتن بتاعة
هوا دة الصح انك تتمرن جنرال الاول باوزان خفيفة يومين ثلاثة وبعد كدا تبتدى تتقل شوية فى الاوزان
وبعد كدا تدخل بقى على التمارين المركزة على العضلة ودة للى عايز يبنى جسمة صح بدون مايحصلة اى اصابة لاقدر الله
وكل سنة وانتا طيب و مش عايزي الوحش بتاعك دة يتافسنا فى البطولات
وشكلك كدا بتديلة جى انش هههههههههههههههههه
zikoofire
17-10-2006, 01:35 PM
ألف شكر يا فامبير .. والله الواحد مش بيحس بالتعب ولا بالمجهود لما بيسمع كلامك ده
اتمنى لك دوام التوفيق


يلا يا رجالة ورونى مشاركاتكم ..........
zikoofire
Mr.Eltuny
17-10-2006, 04:07 PM
مية مية واللهى يازيكو يوم من التدريب المثمر والهادف

تسلم يابطل وفى انتظار كل الايام عاوزين نفضل وراه لحد منطلعو بطولة الجمهورية

تحياتى يابطل
kabreet
17-10-2006, 04:08 PM
ايه ياعم التمارين الجامده دى

انا متأكد اللى انت بتمرنه هايدخل اوليمبيا فى يوم من الايام

والف شكر ياغالى على الموضوع الجميل
zikoofire
17-10-2006, 11:35 PM
متشكر يا تونى ويا كبريت وربنا يخليكوا
تابعوامعانا
اخوكم
zikoofire
ttiittoo1
18-10-2006, 01:03 PM
جميلللللللللللللل فعلا انا عايزك تضفني عندك في الميل دة اميلي وبردو لو ممكن مشرف كمال الاجسام يضفني عندة لاني بجد حبتكم اوي من غير ما اشوفكم هههههههههه دة اميلي
ttiittoo1@hotmail.com

ttiittoo123@yahoo.com
zikoofire
18-10-2006, 02:23 PM
شكرا بجد يا تيتو على كلامك الجميل واحنا كلنا اخوة متحابين
brucelee
18-10-2006, 02:56 PM
شكرا يا زيكو يا كبير انا مكدبش عليك مقرتش الموضوع كله لكن اسلوبك واضح انو لذيذ اوى وجميل بيسهل المواضيع للمبتدئين اتمنالك كل توفقيق ومش عارف اقولك يا وحش ولا اقول للى بتمرنه ههههههههه

اخوك محمد
ttiittoo1
18-10-2006, 04:09 PM
بجد يا جماعة انتو جوماللللللللللللللل اويي وبجد حبتكم جامد
zikoofire
19-10-2006, 02:00 AM
شكرا يا بروسلى ربنا يخليك انت وتيتو
zikoofire
19-10-2006, 05:12 PM
يا جماعة .. مشاركاتكم فين ..
دا الجزء التالت
انا مش عارف
اكمل ولا ايه
رجاء ورونى مشاركاتكم وارائكم ...
حراااااااااااااااااااااااااااااااااااااااااااااااا ااااااااام !!!!
Mr.MasRawY
19-10-2006, 06:21 PM
تمام اوى يا زيكو المجموعة دى واسلوب جميل فى التمرين

جزاك الله كل خير يا غالى ومستنيين الاجزاء الباقية

تحيتى ليك يا وحش ..
zikoofire
20-10-2006, 01:27 AM
شكرا يا كابتن المصراوى بجد ربنا يخليك
ويارب بقيت الكباتن تنورنا بمشاركتها
zikoofire
20-10-2006, 01:40 AM
يا جماعة انا قررت اسمحولى يعنى انا مش هاكتب الجزء اللى بعد كده غير لما اشوف مشاركات تايدنى من فضلكوا
انا جوايا طاقة رهيبة خلونى اطلعهالكم ... فى مقابل حاجة بسيطة اوىىىى.. هى مشاركاتكم ارجوكواا
ttiittoo1
20-10-2006, 02:30 PM
كمل يا وحش كمل
zikoofire
20-10-2006, 11:34 PM
شكرا يا تيتو دايما انت اللى بتجبر بخاطرى
يا جماعة مشاركاتكم
ttiittoo1
21-10-2006, 12:11 AM
زيكوووووووووو اكتب ارجوك اكتب انا مستني اهو فين بقي ههههههههه اكتب بقي يا زيكو فيرررررررررررررر
brucelee
21-10-2006, 01:27 AM
يا زيكو اللى بيعمل حاجة بيعمل علشان يفيد بيها الناس مش علشان يستنى رودود وانا معاك ان كل واحد فينا بيحب التشجيع لكن متخلهوش يمنعك انك تحرم الناس من كلامك الحلو وانا بقولك اهوو كمللللللللللللل يا بطل وكلنا مبتكتبش لكن عنينيا متعلقه فى المواضيع بتاعتك
zikoofire
21-10-2006, 01:49 AM
متشكر اوى على مشاركتك يا بروسلى ، بس بجد لانكوا اخواتى بحب اوى اسمع تشجيعكوا لى
واتمنى ليك دوام التفوق
ttiittoo1
21-10-2006, 02:00 AM
هيييييييه هييييييييييه :clap0000: :clap0000: :clap0000: زيكو زيكو زيكو يلا يا زيكو اكتب :clap0000: :clap0000:
ههههههههههههههه يلا ياعم في اكتر من كدة تشجيع علي شان تعرف بس اننا بنحبك :icon30: :clap0000: :bye10000: :msn-wink:
علي فكرة انتة ضفتني عندك
ttiittoo1@hotmail.com
ملحوظة بروسلي و استاذ طارق واستاذ احمد توني وكل الي في قسم كمال الاجسام يمكنكم اضافتي :msn-wink:
:showoff0: :showoff0: :showoff0: :showoff0: :showoff0: :showoff0: :showoff0:
brucelee
21-10-2006, 04:26 AM
حاضر يا تيتو انت شكل لذيذ جدا وانسنا محترم وربنا يديم المعروف بينا كلنا
zikoofire
21-10-2006, 07:57 AM
ربنا يخليك يا تيتو انت وبروسلى ... وكل الناس جميلة ديه يا رب يخليكوا لى وعشان خاطركوا انشاء الله هاكمل
انتظرونى يا اخوانى ...
اخوكم
zikoofire
brucelee
21-10-2006, 02:27 PM
شكرا ليك يا زيكو لاجترامك كلامنا وتقدير الطلب متكشرين جدا وكل سنه وانت طيب يا وحش ومستنيين مواضيعك
ttiittoo1
22-10-2006, 12:45 AM
يا بروسلي انتة بتحكي في اية انا فعلا بحبكم كلكم انتة وزيكو و كبتن تاتو و مر التوني و بجد انتو لوزاز اوي حلوة (لوزاز) دي ههههههههههه ولو انا مش حاسس انكم بتحبو بعض وبتعتبرو بعضكم اخوات انا مكنتش اعتبرتكم اخواتي ودة فعلا احساس انكم اكتر من الاخوات بالنسبة ليا انا بس بزعل من مر تاتو علي شان علي طول زعلان مني ! علي بكتب اسئلتي في المكان الغلط بس في حاجة انا لما بحط سؤال في المكان المخصص لها بيترد عليا بعد يومين ثلاثة علي شان كدة انا بكتب اسئلتي برة وعلي الرغم من كدة بردو بحبكمممممممممممممممم هههههههههههههههههههه
brucelee
22-10-2006, 01:17 AM
لا متزعلش يا تيتو انا برد بالنيابه عن مستر تاتو انو ده راجل فاضل وبعدين ده مشرفنا كلنا فلازم يكون قدوة ويلتزم بالقوانيني للمنتدى متزعلش منه ده بجد لو عرفته هتحبه اكتر مننا كلنا بجد صدقنى وربانييم المعروف بينا كلنا وبعدين مستعجلش اوى على الرد انت العضله مستنيى علشان تطلع والرد موقفه اصبر شويه هههههههههههه وارجو انك متزعلش من منى انا بوضحلك بس وحبيت اهزر معاك شويه

" كل سنــــــــــه وأنت طيب وكل الناس الحلوه طيبه ان شاء الله وعيــــــ سعيد ــــــــــــــــد "
ttiittoo1
22-10-2006, 01:55 AM
يا حبي انا متشكر علي ردك الجميل دة انا مقدرش ازعل من مشرفنا الجميل وحلوة حكاية العضلة الي مستنية الرد دي هههههههههههههههههههههههههه بجد موتتني من الضحك
وتسلملي حبيبي
zikoofire
22-10-2006, 07:05 AM
شكرا اوى يا جماعة بجد انا مبسوط اوى اوى اوى اوى اوى بمشاركاتكم ديه
واتمنى دايما اننا نكون متجمعين كده ... بما اننا لوزاز يعنى هههههههههههههههههههه
معلهش ادونى مهلة يومين اكتبلكوا الموضوع عشان هو بيخصل اهو
بس انا ورايا شوية مشغوليات كده ... معلهش
اخوكم
zikoofire
دوح حبيب الروح
06-10-2007, 06:36 AM
مشكور ياكابتن على الاسلوب الجميل بصراحه في البدايه ماقدرت استوعب الموضوع لكن مع الاستمرار فهمت الحكايه .
دوح حبيب الروح
06-10-2007, 06:37 AM
مشكور ياكابتن على الاسلوب الجميل بصراحه في البدايه ماقدرت استوعب الموضوع لكن مع الاستمرار فهمت الحكايه .
دوح حبيب الروح
06-10-2007, 06:38 AM
مشكور ياكابتن على الاسلوب الجميل بصراحه في البدايه ماقدرت استوعب الموضوع لكن مع الاستمرار فهمت الحكايه .
دوح حبيب الروح
06-10-2007, 06:39 AM
مشكور ياكابتن على الاسلوب الجميل بصراحه في البدايه ماقدرت استوعب الموضوع لكن مع الاستمرار فهمت الحكايه .