نادي yu-gi-oh/نقاش حول النادي

[bilelkha]

["]السلام عليكم


هذا الموضوع خاص لنناقش في النادي الاول في المنتدى نادي yu-gi-oh:icon30: :icon30:

اذا لم تكن عضوا في النادي فمن المستحسن تنضم من هذا الرابط و تضع ردا تقول فيه اسمك و انك موافق على الشروط الانضمام

انضم الى النادي من هنا (http://www.dvd4arab.com/showthread.php?p=4272893)

[magician2magici]

ههههههههههههههههههه, و الله عفارم عليكم , ده الشغل و لا بلاش , طيب بس هتتناقشوا في ايه ؟ انا اقترح - كبدايه بس - ان كل واحد منكم يقول ايه الكارت اللي هو بيحبه موت ,و ايه الشخصية اللي هو معجب بيها , وياريت كمان كل واحد يختارله لقب من اسماء الشخصيات دي , و كمان ايه الحلقه اللي هو شايف انها اجمد حلقه ع الاطلاق في المسلسل , و حاجات زي كده , بعدين ابقوا اقعدوا ارغوا ليه انت بتحب الحلقه دي مش الحلقه الفلانية ؟ و ليه بتحب الكارت ده بالرغم من انه مش جامد قوي , و ليه و ليه و ايه خططك في اللعب . بتحب الوحوش الاليه و لا التنانين و لا البشر ولا و لا , و كده يعني , و ربنا يوفقكم يا ناس , سلاااااااااااااااام.

[RedHawk]

فيه إيه النادي ده ؟؟

[bilelkha]

فيه إيه النادي ده ؟؟

السلام عليكم اخي
انا ساقتبس بعضا من كلام استاذنا الكريم الاخ الساحر لكي افهمك ماهية النوادي

ايه هي الاندية دي؟

الاندية عبارة عن تجمع لكل عضو محب لانمي معين , و التجمع ده بيكون في صورة رابطه - زي نقابه كده - الاعضاء كلهم بيتجمعوا عشان كل اللي عنده معلومه عن الانمي يقولها و اللي عاوز اي حاجه يطلبها


طب ايه هي الفايده ؟ ما احنا عندنا قسم التحميل و قسم الاستفسارات ؟

هاقولك , انت لو دخلت القسم و دورت عن اي انمي انت بتحبه هتقعد قد ايه ؟ ع الاقل نص ساعه , طب و لو انت ما لقتوش هتعمل ايه ؟ هتزعل طبعا و هتزمزق , طب لو لقيته و لقيت الروابط مش شغاله , هتقول لصاحب الموضوع اللي هو عنده اصلا طلبات تانية و ممكن يتاخر عليك , طب لو قلت انا هاكتبه في قسم الاستفسارات و الطلب , هاقولك ان مش كل رد هنلاقيله اجابه - و انا عضو من ثورة الانمي - عشان احنا بشر و مش واحد فينا ممتاز في الانميهات كلها , و في انميهات روابطها سهله و انميهات روابطها معقربة , فالعملية صعبة شوية
طب لو فيه انديه ؟ اولا الكل في الانديه هيكون عارف بعضه , يعني انت هتعرفني هتعرف حسين هتعرف محمدين , علشان الاندية مجتمع صغير , انت هتدخل و تقول انك عاوز الحاجه الفلانية , هتلاقي الف مين يساعدك , و لو عاوز طلب هتلاقي اللي يجاوبك , عشان اللي في النادي بيحب الانمي بتاعك و بيموت فيه , يعني هتلاقي اللي عاوز يساعدك بجد و يلبي طلبك بسرعه

و اذا اردت معلومات افضل عليك بالذهاب الى هذا الموضوع (http://www.dvd4arab.com/showthread.php?t=342267)


اخي الساحر حسب رايي فلنتنرك هذا الموضوع كمقر رايسي للنادي و هذا الموضوع نناقش فيه التصاميم .الانتخابات . لاننا الان مركزون بالتوقيع

عندي مشكلة اخي بما انك قلت بان كل نادي يلزمه موضوع خاص به اسماء النادي لكن احنا معندناش الصلاحية اننا نعدل مشاركاتنا لذالك يلزمنا مشرف او-انت اذا لديك الصلاحية انك تعدل و تغلق الموضوع - لكي يتابع معنا الاعضاء و يضع اسماء الاعضاء

[bilelkha]

بخصوص التوقيع انا لست مصمما لذا قمت بالبحث لكم عن خلفيات تصلح للتوقيع

1

http://www.dltk-kids.com/anime/fanart/images/fav-yugioh.JPG



2

http://sneakstore.nl/images/bco009_yugioh_2005.jpeg



و مازال البحث جاريا

[RedHawk]

يا جماعة أنا ممكن أعمل لكم التوقيع اللي إنتوا عايزينه إن شاء الله

[reaper_ffx]

يا جماعة انا عايزين نخلى واحد هو الرئيس ونائب

[ali_lover]

اتزيكم يا شباب النادى
كلمكم مستعجلين على الرئيس والنائب استنو شوية معلش لازم موضوع يتعمل الاول للتعارف على الاعضاء
يعنى علشان الى هيدخل يرشح هيرشح على اساس اية تمام وصلت المعلومة
وانا بعمل الموضوع دا اهوا وهحط الينك بتاعة فى المقر الرئيسى للنادى وطبعا المقر ( اضغط هنــــا ) (http://www.dvd4arab.com/showthread.php?t=344731)
فمعلش استنو شوية ..
وعاوز اشوف النتائج بتاعت التصميم يلا بلاش كسل دا المهم دلوقتى ..
تحياتى .

[ali_lover]

تم التنفيذ بنجاح ان شاء الله يا شباب الموضوع الاهم فى النادى وهو التعارف على الاعضاء النادى

دا من وجهة نظرى ان احنا هنا علشان نبقى اصدقاء ونتعرف على بعض ودا هيسهل علينا حاجات كتير قادمة ان شاء الله

وعلى فكرة الموضوع تم ادراجة فى المقر الرئيس

ســـلام ...

[khaleeedrashad]

الف مبروك يا رجاله على النادى بتاعكم

[ali_lover]

الف مبروك يا رجاله على النادى بتاعكم


الله يبارك فيك يا خالد باشا واتمنالك التوفيق فى النادى بتاعك ويلا شيدو حيلكو شوية عاوزين المنافسة تبدا بين النوادى


تحياتى

[ali_lover]

اتزيكم يا شباب

فى حاجات عاوز اقولهلكم واكيد فى كتييير منكم عارفنها بس بردة فى ناس متعرفهااش

مواضيع النادى لحد الان 4 مواضيع اساسية

1- موضوع الخاص بالاشترك :

ودا عبارة عن اى حد فى المنتدى نفسة يشترك معانا فى النادى يدخل يسجل نفسة واهلا وسهلا بيه معانا .
2- موضوع الخاص بالتعارف بين اعضاء النادى :

ودا المفروض ان كل واحد فى النداى يدخل ويعرفنا عن نفسة ويعرف هوا كمان مين الى معاه فى النادى لان هدفنا الاول هو تكوين صداقات بين اعضاء النادى ونتعرف على بعض اكتر واكتر . مش الاسم انه مشترك فى النادى وخلاص ولا يعرف حاجة عن حد ولا لية دعوة بحد فى النادى اظن ان كلنا فاهمين النقطة دى

3- موضوع النقاش الخاص بالنادى :

ودا المفروض يعمل فية زى منا بعمل كدة يعنى توضيح للشباب النادى حاجة مش فاهمنا اقتراح الافكار والمواضيع التى يرغبون فى تقديمها للنادى ويلزم طبعا موافقة الاعضاء وموافقة رئيس النادى ومناقشة ذلك معهم بس دوا طبعا بعد ميتم اختيار الرئيس والنائب ... المهم ان الموضوع دا اصلا علشان الكل يدخل يتكلم فية ويقول الى هو عايزة ونفسة فى اية واية اقتراحاتة وافكارة وكدة يعنى وبقيت اعضاء النادى يردو علية ويتم التوصل الى الهدف المرجو ...

3- موضوع المقر الرئيسى :

ودا موضوع خاص باى شىء فى النادى من معلومات وتقارير وروابط لكل المواضيع بالنادى واى موضوع جديد لازم يتحط رابط فى المقر الرئيسى وبعدين انا هتعامل معاه بصفتى من رجال الثورة واعملة فى اول مشاركة واظبط شكل الموضوع كل فترة باستمرار(بالتنظيم مع المشرفين) محدش يقلق من الموضوع دا ..


اتمنى ان فكرة الرئيسية للمواضيع الاربعة تكون وصلت وفهمتوها ان شـــاء الله ...

وبعد ميصبح النادى 100/100 وجاهز على احسن وجه سيتم فتح باب الترشيح يعنى الى نفسه يرشح نفسة يرشح ونعمل الانتخابات وطبعا الى هيصوت فى هذة الانتخابات الاعضاء النادى فقط واى حد تانى مش هيتاخد صوتة فى الاعتبار
وكل فترة هيقوم رجال الثورة ويشوفووالرئيس ونوابة عملو اية وشغالين ولا لا وكدة يعنى بصفتهم المراقبين على النادى ودا موضوع مفروغ منة ..


وبعد كدة ان شـــاء الله يتم تقسيم العمل بين اعضاء النادى كل واحد يشتغل فى الى بيحبة والى يقدر علية وزى ما الساحر قال
فى الموضوع الرسمى بتاعة لقواعد الاندية .

وكل شىء سيتم تنفيذة فى الوقت المناسب لية "ان شاء الله" انا حبيت بس اعرفكم معلومات مبسطة علشان تبقو فاهمين احنا هنعمل اية وان شاء الله سيتم شرح كل شىء بالتفصيل الممل فى ميعادة وكل شىء باوان متستعجلووش على حاجة .


ســــلام ...

[ali_lover]

http://img375.imageshack.us/img375/6079/12128iw.gif


احبـــائــى اعضـــاء النادى سيتم فتح بـــاب الترشيح لرئاســـة النادى وتحديد النائـــــب قريبــــــا


كل من يرغــــب فى ان يكــــون رئيس النادى او النائب برجـــــاء ارسال رسالة خاصة لى (ali_lover) على المنتدى


يوضح فيها رغبتة بترشيح نفســــة , اخر موعد لتلقى الرسائل يوم الاثنين القادم (النهاردة الخميس لســة)

تحيـــاتــــــى

[hero88]

مبروك النادى شباب واتمنى يكون احسن نادى بين النوادى كلها بس عايزين شغل مش هزار

[hero88]

مشكورررررررررررررر جدااااااااااااااااااااااااااااااali_lover
عاى المجهود الرائع عشان النادىواتمنى المزيد منك

[reaper_ffx]

الله الله يا على باشا والله موضوع الترشيح دة جة فى وقتة ههههههههههههههههههههه

[@R@sh]

كل الكلام اللى اتقال حلو بس كنا عاوزين نعرف اية المواصفات المطلوبة فى الرئيس او النواب القدم ولا الخبرة شروط معينة موضوعات معينة كل دة محتاجين نعرفة

[ali_lover]

كل الكلام اللى اتقال حلو بس كنا عاوزين نعرف اية المواصفات المطلوبة فى الرئيس او النواب القدم ولا الخبرة شروط معينة موضوعات معينة كل دة محتاجين نعرفة



http://img219.imageshack.us/img219/9967/089af.gif



شكرا والله العظيم على متابعتك وسؤالك الى مشفتش حد من الاعضاء اهتم ولا سأل , المهم .

المواصفات المطلوبه مواصفات بسيطة جدا ومعظمها متوفرة فى كل الاعضــاء النادى :

1- ان يكون يحب يوجى ويكون ضمن قائمة الانيمى المفضل لـــه

2- ان يكون متفرغ بوقت كافى (مش كبير قوى يعنى ) لمتابعة النادى ونشاطاتة

4- المفروض ان احنا نكون عارفينة يعنى يدخل قسم التعارف ويعرفنا بنفسة ( لو مش عاوز براحتة بس مفيش حد هيرشح حد ميعرفهوش )

3- ان تكون عندة خبرة جيدة ومش لازم احتراف ولا حاجة هو كدة كدة مع الوقت وبمساعدتنا (اضاء الثورة) مش هيبقى محتاج حاجة , ان شاء الله .

بس كدة ...

الباقى بقى بعد مينجح هيمشى معانا (اعضاء الثورة) واحنا هنعرفة على كل شىء ونقدم له المساعدة والمعرفة الى هيحتاجها

المهم دلوقتى ان اى حد عاوز يرشح نفسة من اعضاء النادى فقط يقوم بارسال رسالة خاصة لي ويوضح فيها برغبتة فى ترشيح نفسة الى الانتخابات ..

تحياتـــى

[RedHawk]

زي ما قلت قبل كده أنا ممكن أعملكوا التوقيع المشترك يا جماعة

[RedHawk]

إن شاء الله