magician2magici
13-10-2006, 06:13 PM
بسم الله الرحمن الرحيم
في البداية احب اقول اني فخور جدا باللي عمله الاعضاء لما شاركوا في الاستفتاء عن احسن انمي لكل واحد فيهم , و بكده ساعدوني اني اصل للحظة دي ,لحظة ميلاد اندية الانمي , و دي لحظه تاريخية و تحولية في تاريخ القسم هنا , ع العموم الكل هيعرف ليه انا بقول كده يعد ما الموضوع يكبر و الاندية تشتغل , و يلا خلونا نخش في المهم
مقدمه عامه:
ايه هي الاندية دي؟
الاندية عبارة عن تجمع لكل عضو محب لانمي معين , و التجمع ده بيكون في صورة رابطه - زي نقابه كده - الاعضاء كلهم بيتجمعوا عشان كل اللي عنده معلومه عن الانمي يقولها و اللي عاوز اي حاجه يطلبها
طب ايه هي الفايده ؟ ما احنا عندنا قسم التحميل و قسم الاستفسارات ؟
هاقولك , انت لو دخلت القسم و دورت عن اي انمي انت بتحبه هتقعد قد ايه ؟ ع الاقل نص ساعه , طب و لو انت ما لقتوش هتعمل ايه ؟ هتزعل طبعا و هتزمزق , طب لو لقيته و لقيت الروابط مش شغاله , هتقول لصاحب الموضوع اللي هو عنده اصلا طلبات تانية و ممكن يتاخر عليك , طب لو قلت انا هاكتبه في قسم الاستفسارات و الطلب , هاقولك ان مش كل رد هنلاقيله اجابه - و انا عضو من ثورة الانمي - عشان احنا بشر و مش واحد فينا ممتاز في الانميهات كلها , و في انميهات روابطها سهله و انميهات روابطها معقربة , فالعملية صعبة شوية
طب لو فيه انديه ؟ اولا الكل في الانديه هيكون عارف بعضه , يعني انت هتعرفني هتعرف حسين هتعرف محمدين , علشان الاندية مجتمع صغير , انت هتدخل و تقول انك عاوز الحاجه الفلانية , هتلاقي الف مين يساعدك , و لو عاوز طلب هتلاقي اللي يجاوبك , عشان اللي في النادي بيحب الانمي بتاعك و بيموت فيه , يعني هتلاقي اللي عاوز يساعدك بجد و يلبي طلبك بسرعه
طب ايه الاصول في التعامل في الاندية دي؟
اولا الاندية بداية للتعارف , يعني الكل في الاندية لازم يعرف بعضه , يعني مش معقول واحد ييجي و يدخل و يطلب طلب كده و يمشي , لا لازم يكتب اسمه و ايميله و سنه و منين , عشان الناس اللي في النادي يعرفوه و هو كمان يمشي علي اعضاء النادي و يقرا اساميهم عشان يتصاحب عليهم , دي اصول و لياقه الطلب و الاشتراك بالنادي و اتمني ان الكل يكون موافقني عليها
طب ازاي اشترك ؟
لكل نادي موضوع مثبت رئيسي يعتبر بوابه النادي , و هو موضع باسم النادي , و اي حد عاوز يشترك هيكتب اسمه و انه موافق علي قوانين اندية الانمي , و اسماء افضل انميهات عنده.
طيب ايه بقي القواعد؟
القواعد الرئيسية:
هي القواعد اللي لا يجوز مخالفتها باي حال من الاحوال
1- العضو الذي يكتب انه موافق علي شروط و قواعد الاندية يعتبر عضوا في النادي رسميا
2-النادي لازم يكون ليه موضوع رئيسي-مركز الاشتراك الرسمي- و هو موضوع اللي عاوز يشترك فيه يكتب طلبه في الموضوع ده
3- لابد و ان يكون للنادي رئيس و نائب, و ده هيتم بالاختيار
4- هيكون هناك مراقب للنادي ,و ده احد اعضاء ثورة الانمي و فيه هيراقب نشاطات النادي و جدية الاعضاء
5- لازم يكون للنادي موضوع في قسم التحميل و موضوع في قسم الصور و موضوع في قسم طلبات الاعضاء متعلقين بالانمي
6- اي طلبات محتجها النادي رئيس النادي هيكلم المراقب و احنا تحت امركم
7- للنادي موقع رئيسي يتم فيه اعلان الاخبار الجديده و الاقتراحات و اي شيء اخر
8-للنادي لابد و ان يكون له صورة رمزية بها رابط للموضوع المخصص للاشتراك , و الصورة دي لابد و ان تكون في توقيع كل عضو من الاعضاء
9- للنادي موضوع مثبت يكون فيه قائمه باسماء الاعضاء اللي في النادي
القواعد الثانوية :
و هي قواعد لا يتحتم الالتزام بها , و لكن يمكن ان يتم العمل بها و ذلك من اجل النادي و القسم
1- عمل موضوع مناقشه باسم النادي ,و فيه اي واحد ممكن يقول اي شيء متعلق بالانمي و يتكلم فيه اعضاء النادي , يعني مثلا حاجه متعلقه بشخصية , او حاجه متعلقه بحدث او كده يعني
2- موضوع تعارف يحمل اسم النادي , و ده هيتعرف فيه الاعضاء علي بعضهم و منين و كده يعني
3- موضوع اعمال فتية , وفيه لو في اي عضو عنده لمسه فنية ممكن يرسم لنا اي لوحه , او يرسم شخصية , او يتخيل حدث باسلوبه او قصه من ابطال الانمي بتاعه و تكون لذيذه او مضحكه , و كده يعني
4- موضوع ثابت للمانجا بتاعه البانمي - ده لو كانت لسه بتصدر - او لو موجوده و خلص اصدارها برضه ممكن نجبها
5- تقرير عن الانمي ذات نفسه
6-موضوع اسمه - شخصيتك المفضله - و فيه كل واحد هيختار شخصية مفضله من الانمي و يتكلم ليه هو اختارها و ما اخترشي غيرها و كده
7- موضوع اسمه - ماذا كنت تفعل لو انك .......- و فيه رئيس النادي او النائب بتاعه او اي عضو هيكتب سؤال , ماذا كنت تفعل لو انك , و يكمله باسم اي شخصية من الانمي و يحدد الموقف اللي هو قصده عليه , وبعدين هنسيب الردود لخيالات الاعضاء عشان يسرحوا في الموقف و ايه اللي هيعملوه
8- موضوع مسابقات اساله متعلقه بالانمي
9-مواضيع اخري متنوعه متروكه للاعضاء , يعني مثلا موضوع نفسي , موضوع اخباري , اوي اي حاجه تانية
10- موضوع لاغاني الانمي
طب لو مافيش نادي عمل المفروض يتعمل؟ ايه اللي هيحصل؟
لو النادي ما عملشي المفروض يتعمل من قواعد و مواضيع , هابعت رساله انا او اي عضو من اعضاء الثورة , هنبعت رسايل شخصية الي كل عضو من النادي , و هنكتب في الموضوع العام رساله تحذير , لو مافيش رد او اي عذر مقبول خلال اسبوع هيلغي النادي من القسم , و لن يعاد افتتاحه الا اذا اختاره اعضاء غير اللي كانوا فيه , و دي قاعده مهمه
طب ايه اللي هيحصل للانديه النشيطه؟
طبعا الاندية مش كلها هتكون شغاله , و عشان ما نبقاش ظالمين , الانديه هتخش في سباق , و السباق ينتهي كل شهر وو النادي اللي هيفوز بالسباق هيحصل علي صورة رمزية و لقب - النادي المثالي في منتدي الدي في دي قسم الانمي - و دي صورة رمزة تتحط في توقيع الاعضاء بتوع النادي طول الشهر , و تتشال اخر يوم من الشهر , و هكذا.
طب دلوقتي هنعمل ايه؟
انا هابعت دلوقتي رسايل لكل واحد رد علي موضوعي, في ناس انميهاتها فازت باندية , ناس تانية لا , الناس اللي فازت هابعتلها رساله و رابط هنا , عشان الكل يقرا القواعد و يعرفها كويس ,و انا هاعمل موضوع رسمي لكل نادي من الاندية دي بنفسي , العضو اللي هيخلص القواعد و يوافق عليها , هيروح للنادي بتاعه - و انا هاحط روابط لكل نادي هنا - و يسجل اسمه بالعبارة دي:
أنا ...الاسم .... أوافق علي قواعد نادي ..اسم الانمي ... و اوافق علي ان اكون عضو فيه
و بكده يبقي عضو رسمي
ممنوع اي رسايل شكر هنا او في مواضيع الاشتراك
شكركم ليا هو اشتراككم معايا
طب في سؤال , مين اللي هيعمل المواضيع بتاعه الاندية؟
طبعا الموضوع الرئيسي بتاع الاشتراك انا هاعمله
بس المواضيع التانية علي الاعضاء طبعا
وانا هاعلن عن افتتاح النادي رسميا عندما يكتمل النصاب القانوني للاعضاء , واقل عدد للاعضاء هو 6 أعضاء يعلنوا اشتراكهم في موضوع النادي
طب انا مشترك في كذا نادي ينفع؟
عادي, وايه المانع يعني , انت بتحب كذا انمي و طلع ان فيه ناس بتموت في الانميهات دي برضه و ايه المانع
طب انا هابقي شغال فين و لا فين؟
بص , انت مش لازم تعمل مواضيع كل يوم عشان تبقي شغال , لأ , الموضوع مش كده خالص, انت لو عملت موضوع تمام في كل انمي يبقي واد تمام
طب انا لازم اعمل موضوع في قسم التحميل يعني؟
لأ , مين قال كده , انت ممكن تعمل موضوع صور تكسر بيه الدنيا , او موضع اغاني للانمي يبقي جبار و حلو قوي و مش مهم فين المهم تبقي مشارك , وممكن لا كده و لا كده و تبقي بترد علي طلبات الاعضاء يقي واد ميه ميه
طب هيبقي فيه مسابقات للاندية , طب و الاعضاء؟
هيبقي برضخ فيه مسابقاتللاهضاء , مسابقه العضو البارز في القسم , لقب مش سهل , برضه هيبقي كل شهر , و هيكون علي هيئه صورة تتحط في التوقيع و هتكون بمثابه شهاده فخرية و حاجه تفتخر انك حصلت عليها في يوم من الايام
طب يا عم انت عمال تقول مسابقات مسابقات , مين اللي هيحكم في ده بقي؟
الحكم هيكون من اعضاء ثورة الانمي هنا , و انا عضو منهم , و هم هيتابعوا كل الشغل بتاعكم , و ده طبعا غير الممثل بتاعنا عند كل انمي , يعني اقصد المراقب , و كده هيكون فيه عداله
طب افرض اني انا عندي سؤال او اقتراح بالنسبة للانديه اعمل ايه؟
بص , انا هاعمل موضوع مخصص لكده , الموضوع ده اسمه هيكون - اقتراحات لاندية الانمي - الموضوع ده هيكون مفتوح للاعضاء , اللي عاوز يقول حاجه يقول , و اللي عاوز يشكر يشكر ,و اللي عاوز ينقد ينقد و الموضوع ده ليكوا , و انا هاحط لينك ليه تحت في رد ليا.[/SIZE]
انا كده قولت اللي عندي , ده من خيالي و حبي للانمي , ياتري فين بقي خيالكم؟ فين افكاركم؟ فين شغلكم؟اتمني ان الكل يشترك , و اتمني ان الكل يشتغل , سلااااااااااام.
الســـــــــــــــــاحر.
في البداية احب اقول اني فخور جدا باللي عمله الاعضاء لما شاركوا في الاستفتاء عن احسن انمي لكل واحد فيهم , و بكده ساعدوني اني اصل للحظة دي ,لحظة ميلاد اندية الانمي , و دي لحظه تاريخية و تحولية في تاريخ القسم هنا , ع العموم الكل هيعرف ليه انا بقول كده يعد ما الموضوع يكبر و الاندية تشتغل , و يلا خلونا نخش في المهم
مقدمه عامه:
ايه هي الاندية دي؟
الاندية عبارة عن تجمع لكل عضو محب لانمي معين , و التجمع ده بيكون في صورة رابطه - زي نقابه كده - الاعضاء كلهم بيتجمعوا عشان كل اللي عنده معلومه عن الانمي يقولها و اللي عاوز اي حاجه يطلبها
طب ايه هي الفايده ؟ ما احنا عندنا قسم التحميل و قسم الاستفسارات ؟
هاقولك , انت لو دخلت القسم و دورت عن اي انمي انت بتحبه هتقعد قد ايه ؟ ع الاقل نص ساعه , طب و لو انت ما لقتوش هتعمل ايه ؟ هتزعل طبعا و هتزمزق , طب لو لقيته و لقيت الروابط مش شغاله , هتقول لصاحب الموضوع اللي هو عنده اصلا طلبات تانية و ممكن يتاخر عليك , طب لو قلت انا هاكتبه في قسم الاستفسارات و الطلب , هاقولك ان مش كل رد هنلاقيله اجابه - و انا عضو من ثورة الانمي - عشان احنا بشر و مش واحد فينا ممتاز في الانميهات كلها , و في انميهات روابطها سهله و انميهات روابطها معقربة , فالعملية صعبة شوية
طب لو فيه انديه ؟ اولا الكل في الانديه هيكون عارف بعضه , يعني انت هتعرفني هتعرف حسين هتعرف محمدين , علشان الاندية مجتمع صغير , انت هتدخل و تقول انك عاوز الحاجه الفلانية , هتلاقي الف مين يساعدك , و لو عاوز طلب هتلاقي اللي يجاوبك , عشان اللي في النادي بيحب الانمي بتاعك و بيموت فيه , يعني هتلاقي اللي عاوز يساعدك بجد و يلبي طلبك بسرعه
طب ايه الاصول في التعامل في الاندية دي؟
اولا الاندية بداية للتعارف , يعني الكل في الاندية لازم يعرف بعضه , يعني مش معقول واحد ييجي و يدخل و يطلب طلب كده و يمشي , لا لازم يكتب اسمه و ايميله و سنه و منين , عشان الناس اللي في النادي يعرفوه و هو كمان يمشي علي اعضاء النادي و يقرا اساميهم عشان يتصاحب عليهم , دي اصول و لياقه الطلب و الاشتراك بالنادي و اتمني ان الكل يكون موافقني عليها
طب ازاي اشترك ؟
لكل نادي موضوع مثبت رئيسي يعتبر بوابه النادي , و هو موضع باسم النادي , و اي حد عاوز يشترك هيكتب اسمه و انه موافق علي قوانين اندية الانمي , و اسماء افضل انميهات عنده.
طيب ايه بقي القواعد؟
القواعد الرئيسية:
هي القواعد اللي لا يجوز مخالفتها باي حال من الاحوال
1- العضو الذي يكتب انه موافق علي شروط و قواعد الاندية يعتبر عضوا في النادي رسميا
2-النادي لازم يكون ليه موضوع رئيسي-مركز الاشتراك الرسمي- و هو موضوع اللي عاوز يشترك فيه يكتب طلبه في الموضوع ده
3- لابد و ان يكون للنادي رئيس و نائب, و ده هيتم بالاختيار
4- هيكون هناك مراقب للنادي ,و ده احد اعضاء ثورة الانمي و فيه هيراقب نشاطات النادي و جدية الاعضاء
5- لازم يكون للنادي موضوع في قسم التحميل و موضوع في قسم الصور و موضوع في قسم طلبات الاعضاء متعلقين بالانمي
6- اي طلبات محتجها النادي رئيس النادي هيكلم المراقب و احنا تحت امركم
7- للنادي موقع رئيسي يتم فيه اعلان الاخبار الجديده و الاقتراحات و اي شيء اخر
8-للنادي لابد و ان يكون له صورة رمزية بها رابط للموضوع المخصص للاشتراك , و الصورة دي لابد و ان تكون في توقيع كل عضو من الاعضاء
9- للنادي موضوع مثبت يكون فيه قائمه باسماء الاعضاء اللي في النادي
القواعد الثانوية :
و هي قواعد لا يتحتم الالتزام بها , و لكن يمكن ان يتم العمل بها و ذلك من اجل النادي و القسم
1- عمل موضوع مناقشه باسم النادي ,و فيه اي واحد ممكن يقول اي شيء متعلق بالانمي و يتكلم فيه اعضاء النادي , يعني مثلا حاجه متعلقه بشخصية , او حاجه متعلقه بحدث او كده يعني
2- موضوع تعارف يحمل اسم النادي , و ده هيتعرف فيه الاعضاء علي بعضهم و منين و كده يعني
3- موضوع اعمال فتية , وفيه لو في اي عضو عنده لمسه فنية ممكن يرسم لنا اي لوحه , او يرسم شخصية , او يتخيل حدث باسلوبه او قصه من ابطال الانمي بتاعه و تكون لذيذه او مضحكه , و كده يعني
4- موضوع ثابت للمانجا بتاعه البانمي - ده لو كانت لسه بتصدر - او لو موجوده و خلص اصدارها برضه ممكن نجبها
5- تقرير عن الانمي ذات نفسه
6-موضوع اسمه - شخصيتك المفضله - و فيه كل واحد هيختار شخصية مفضله من الانمي و يتكلم ليه هو اختارها و ما اخترشي غيرها و كده
7- موضوع اسمه - ماذا كنت تفعل لو انك .......- و فيه رئيس النادي او النائب بتاعه او اي عضو هيكتب سؤال , ماذا كنت تفعل لو انك , و يكمله باسم اي شخصية من الانمي و يحدد الموقف اللي هو قصده عليه , وبعدين هنسيب الردود لخيالات الاعضاء عشان يسرحوا في الموقف و ايه اللي هيعملوه
8- موضوع مسابقات اساله متعلقه بالانمي
9-مواضيع اخري متنوعه متروكه للاعضاء , يعني مثلا موضوع نفسي , موضوع اخباري , اوي اي حاجه تانية
10- موضوع لاغاني الانمي
طب لو مافيش نادي عمل المفروض يتعمل؟ ايه اللي هيحصل؟
لو النادي ما عملشي المفروض يتعمل من قواعد و مواضيع , هابعت رساله انا او اي عضو من اعضاء الثورة , هنبعت رسايل شخصية الي كل عضو من النادي , و هنكتب في الموضوع العام رساله تحذير , لو مافيش رد او اي عذر مقبول خلال اسبوع هيلغي النادي من القسم , و لن يعاد افتتاحه الا اذا اختاره اعضاء غير اللي كانوا فيه , و دي قاعده مهمه
طب ايه اللي هيحصل للانديه النشيطه؟
طبعا الاندية مش كلها هتكون شغاله , و عشان ما نبقاش ظالمين , الانديه هتخش في سباق , و السباق ينتهي كل شهر وو النادي اللي هيفوز بالسباق هيحصل علي صورة رمزية و لقب - النادي المثالي في منتدي الدي في دي قسم الانمي - و دي صورة رمزة تتحط في توقيع الاعضاء بتوع النادي طول الشهر , و تتشال اخر يوم من الشهر , و هكذا.
طب دلوقتي هنعمل ايه؟
انا هابعت دلوقتي رسايل لكل واحد رد علي موضوعي, في ناس انميهاتها فازت باندية , ناس تانية لا , الناس اللي فازت هابعتلها رساله و رابط هنا , عشان الكل يقرا القواعد و يعرفها كويس ,و انا هاعمل موضوع رسمي لكل نادي من الاندية دي بنفسي , العضو اللي هيخلص القواعد و يوافق عليها , هيروح للنادي بتاعه - و انا هاحط روابط لكل نادي هنا - و يسجل اسمه بالعبارة دي:
أنا ...الاسم .... أوافق علي قواعد نادي ..اسم الانمي ... و اوافق علي ان اكون عضو فيه
و بكده يبقي عضو رسمي
ممنوع اي رسايل شكر هنا او في مواضيع الاشتراك
شكركم ليا هو اشتراككم معايا
طب في سؤال , مين اللي هيعمل المواضيع بتاعه الاندية؟
طبعا الموضوع الرئيسي بتاع الاشتراك انا هاعمله
بس المواضيع التانية علي الاعضاء طبعا
وانا هاعلن عن افتتاح النادي رسميا عندما يكتمل النصاب القانوني للاعضاء , واقل عدد للاعضاء هو 6 أعضاء يعلنوا اشتراكهم في موضوع النادي
طب انا مشترك في كذا نادي ينفع؟
عادي, وايه المانع يعني , انت بتحب كذا انمي و طلع ان فيه ناس بتموت في الانميهات دي برضه و ايه المانع
طب انا هابقي شغال فين و لا فين؟
بص , انت مش لازم تعمل مواضيع كل يوم عشان تبقي شغال , لأ , الموضوع مش كده خالص, انت لو عملت موضوع تمام في كل انمي يبقي واد تمام
طب انا لازم اعمل موضوع في قسم التحميل يعني؟
لأ , مين قال كده , انت ممكن تعمل موضوع صور تكسر بيه الدنيا , او موضع اغاني للانمي يبقي جبار و حلو قوي و مش مهم فين المهم تبقي مشارك , وممكن لا كده و لا كده و تبقي بترد علي طلبات الاعضاء يقي واد ميه ميه
طب هيبقي فيه مسابقات للاندية , طب و الاعضاء؟
هيبقي برضخ فيه مسابقاتللاهضاء , مسابقه العضو البارز في القسم , لقب مش سهل , برضه هيبقي كل شهر , و هيكون علي هيئه صورة تتحط في التوقيع و هتكون بمثابه شهاده فخرية و حاجه تفتخر انك حصلت عليها في يوم من الايام
طب يا عم انت عمال تقول مسابقات مسابقات , مين اللي هيحكم في ده بقي؟
الحكم هيكون من اعضاء ثورة الانمي هنا , و انا عضو منهم , و هم هيتابعوا كل الشغل بتاعكم , و ده طبعا غير الممثل بتاعنا عند كل انمي , يعني اقصد المراقب , و كده هيكون فيه عداله
طب افرض اني انا عندي سؤال او اقتراح بالنسبة للانديه اعمل ايه؟
بص , انا هاعمل موضوع مخصص لكده , الموضوع ده اسمه هيكون - اقتراحات لاندية الانمي - الموضوع ده هيكون مفتوح للاعضاء , اللي عاوز يقول حاجه يقول , و اللي عاوز يشكر يشكر ,و اللي عاوز ينقد ينقد و الموضوع ده ليكوا , و انا هاحط لينك ليه تحت في رد ليا.[/SIZE]
انا كده قولت اللي عندي , ده من خيالي و حبي للانمي , ياتري فين بقي خيالكم؟ فين افكاركم؟ فين شغلكم؟اتمني ان الكل يشترك , و اتمني ان الكل يشتغل , سلااااااااااام.
الســـــــــــــــــاحر.