معضلة اخميدو (2)

[ahmed_akhmedoo]

يا جماعة انا حياتى معقدة بسبب المعضلات اللى انا مش لاقيلها حل خالص و دى معضلة جديدة ممكن تتحل فى نظرى
المطلوب ترسم الشكل ده بدون رفع القلم من على الورقة و بدون تكرار المشى على اى خط و اللى يحل المعضلة دى لازم يرسم بأسهم توضح ابتدى منين و راح فين






http://i20.photobucket.com/albums/b246/almaeihm/DVD4Arabs/Unsolved/Akhmedo2.jpg

[T.Conan]

لا ده معضله ومش باين على المسنجر ليه يابو المعاضل انا حنزل الفلم دلوقتي

[mohammadhelmyyy]

بص .. انت متأكد انها ليها حل أصلا ؟؟؟

[DoniaX]

أنا بحاول فى الحل لما أوصل ..هقولك عليه

[كي دي دي]

أخي الكريم هذا الرسم قديم

وأنا حاولت من سنوات مضت أن أحل هذا الرسم

ولكن للأسف لا حل له أبدا

[ahmed_akhmedoo]

هاهاهها علشان كده انا مسميها معضلة بس انا متأكد ان ليها حل

[zero0co0l]

بتهيالي ان انا حليت المعضله بتاعة سيادتك
الحل طبعا انا اول ماهقوله وانا متاكد منه ان صح لكن مش هاقدر اشرح بالرسم
احنا هنستخدم ثني الاوراق وبالتالي لايمكن ان نمشي علي احد الخطوط مره اخري ولا هنرفع سن القلم
ولعلمكم انا متاكد من الحل
لاني جربته اكتر من مره
واللي مش مصدق ان الحل صح
لو ساكن في بولاق الدكرور يجيلي واوريله
والفكره تعتمد علي ثني الاوراق
يعني نثلا لو جين عند خط لابد من المشي عليه بالقلم مره اخري اقوم بثني او وضع احد الاوراق وامشي عليها بالقلم وبذلك تتحقق الشروط

[ahmed_akhmedoo]

ههاه الف مبروك يا سيدى لو لاحظت انا قولت ان الفزورة دى اتحلت قبل كده قدامى لو عاوز تورينا الحل اشرح بالأسهم ابتديت منين و ماشى ازاى

[zero0co0l]

يعني هيصح كده؟؟
بس انا قولت مش هاقد اشرح بالرسم
لان انا قاعد في نت كافيه

[ahmed_akhmedoo]

طب و بعدين ...........

[almaeihm]

السلام عليكم

بصراحة لقيت نفسي فاضي فقلت أجرب أحل المعضلة دي... و بعد شوية محاولات للرسم يأست و بدأت أفكر فيها بطريقة منطقية... و لقيت انها لا يمكن تتحل عن طريق خط متصل أبدا... زي ما قال الأخ كي دي دي... و لكن أنا هأضيف على رده التفسير المنطقي التالي:

الشكل يوجد فيه 5 نقاط تقاطع... أربعة منها يلتقي فيها خمس خطوط... و النقطة الأخيرة (المركز) يلتقي فيها أربع خطوط... ده واضح في الشكل و كلنا متفقين على كده...

انت لما تمر بنقطة تقاطع (دون توقف عند النقطة) يبقى هتستخدم خطين اثنين من الخطوط اللي بتتلاقى في النقطة دي.. ده شيء بديهي...

طيب احنا عندنا اربع نقاط في كل واحد بيلتقي خمس خطوط... و إعتمادا على النظرية اللي لسه قايلينها فوق يبقى ضروري هيفضل عند كل نقطة خط واحد وحيد... و ده معناه بأنك لما هتستخدم أي خط من الخطوط الوحيدة دي يبقى قطعا لازم تكون النقطة اللي منها يطلع الخط هي النقطة اللي بتبدأ منها رسمتك أو بتنتهي عندها من رسمتك... لازم يا جماعة.. ما فيش أي احتمالات أخرى إطلاقا...

و بكده احنا بقى عندنا أربع نقاط لازم رسمتنا تبدأ من عندنا أو تنتهي عندها... طيب فين المشكلة؟!!... أنا أقولكم عليها... المشكلة ان أي خط متصل في الدنيا ما لوش غير نهايتين بس... واحدة يبدأ منها و الثانية ينتهي عندها... يبقى لازم يفضل عندي نقطتين من النقاط الأربعة "خارج" الخط المتصل... و بالتالي هذا الرسم يستحيل رسمه بخط متصل مهما حاولنا...

طبعا الطريقة اللي قال عليها الأخ zero0co0l لا أعتقد انها تحقق المطلوب في السؤال لأن المطلوب المنطقي انك تعمل الرسمة في "مستوى" واحد بسيط و ليس مستوى مركب...

و لكن اللي متعجب منه أن الأخ أخميدو بيقول انها اتحلت قبل كده قدامه... مع اني متأكد بل و أجزم ان مالهاش حل أبدا... يا ريت أسمع تعليق الأخ أخميدو على النقطة دي...

تحياتي

[tigerhelwan]

على فكره البتاعه دى ملهاش حل خالص

[unknownin2020]

تعليق المشرف:

أخي العزيز unknownin2020... لغز النقاط التسع اللي وضعته سبق وضعه أكثر من مرة في المنتدى... و يمكنك مراجعة الروابط التالية...

http://www.dvd4arab.com/forums/showthread.php?t=40913
http://www.dvd4arab.com/forums/showthread.php?t=100444

ثم ان اللغز اللي وضعته انت لا يمت بصلة لمعضلة أخميدو هذه... و لا أعتقد ان هناك داعي لتشعيب الموضوع... أشكر لك تفهمك...

<<تم تعديل الرد بواسطة almaeihm>>

[alfaifi]

يا شباب...ترونها سهلة جدا جدا جدا


ما توقعت القى لغز سهل كذا بدون حل


الحل مرفق وقد حاولت وضع رقم كل ضلع بحيث يصبح الرسم كاملا

آسف لعدم ضبط الترقيم بشكل منسق ولكن العجلة تسبب أكثر :)

[noor_409]

يا شباب...ترونها سهلة جدا جدا جدا


ما توقعت القى لغز سهل كذا بدون حل


الحل مرفق وقد حاولت وضع رقم كل ضلع بحيث يصبح الرسم كاملا

آسف لعدم ضبط الترقيم بشكل منسق ولكن العجلة تسبب أكثر :)
مرحباً بك مرة أخرى عزيزي alfaifi...

أين رقم الضلع المشار إليه في الصورة المرفقة؟ :)

[usama ahmed]

انا برضه حاولت احلها زمان بس طبعا ما عرفتش..لان غالبا يعنى..او شبه متأكد ان ملهاش حل ..
بس فى فكرة عبيطه جات لى ولا تتعارض مع الشروط..
انا ماشى مع حل الاخ alfaifi
بس عندى زياده بسيطه..
انا دلوقتى فى نهايه الضلع التاسع..من غير ما اشيل القلم اعمل خط منحنى(شبه نص دايره) بره الرسمه ..
وبعد كده ارسم الضلع العاشر..اللى ناقص..
طبعا صعب يكون ده الحل المقصود.. بس منطقيا انا شايف انها ما تنفعش غير بطريقه زى كده ...

[usama ahmed]

لا انا اسف مش ده قصدى..
ثوانى واحط الحل اللى قصدى عليه..

[usama ahmed]

هو ده قصدى..

[almaeihm]

يا جماعة السؤال لا يحتاج إلى احتيال... المطلوب واضح و صريح... أن ترسم الشكل بدون ما ترفع القلم...

بالنسبة للأخ alfaifi... بالطبع اللغز سيكون سهل جدا جدا جدا إذا احنا طنشنا واحد من الأضلاع زي ما حضرتك عملت... و صدقني لو كانت بالبساطة دي لكان من المحال أن تجدها بدون حل ;)...

و الأخ نور وضحلك في رده المشكلة اللي موجودة في رسمتك... شكرا له :)...

بالنسبة للأخ usama ahmed... فزي ما قلت... اللغز مش محتاج أي نوع من التحايل... يا تقدر.. يا ما تقدرش... و حلك غير منطقي إطلاقا يا أسامة... يعني بذمتك انت شايف الشكل اللي انت رسمته هو نفسه الشكل اللي في السؤال الأصلي؟ :)...

هناك نوع من الأسئلة المطلوب فيه اثبات صحة ما هو معطى في السؤال أو إثبات عكسه... و هذا اللغز يندرج تحت هذه الفئة من الأسئلة... ببساطة إذا لم تستطع عمل الرسمة فيجب إعطاء التفسير اللازم و الأسباب المنطقية اللي بتمنعك من التنفيذ...

اللي لاحظته ان أعضاء كثير قالوا بثقة في ردودهم بأن المطلوب في اللغز صعب التحقيق... و لكن للأسف فهم لم يعززوا إجاباتهم بتحليل و تفسير منطقي... و لذلك فقد وضعت التفسير الذي توصلت إليه في المشاركة رقم 11... و أعتقد انه تفسير منطقي بما فيه الكفاية لإثبات استحالة عمل هذه الرسمة بخط متصل...

تحياتي

[alfaifi]

خخخخخخخخخخخخخخخخخخخخخخخخخ

معليش يا جماعة

انا ما انتبهت اني خليت ضلع كامل بحاله برى البلد :)


حلو تعليقك يا almaeihm :)...بس ان شاءالله بأحلها

[ahmdmosa135]

حلها سهل جدا زي كده في المرفقات

[SuPeRGeNiUs]

بص يجدعان الحل موجود بس فى حالة واحدة فى نظرى وهى انك تقفل كل مثلث معاه مثلث مقابل وبكده تقدر تقفل الرسمة حسب الشروط ولكن ازاى!!! هذا هو اللغز

[ahmed_ra_6]

مش صعبه شويه

[الرعد2022]

اسف قم بالرد ولكن بعد التدقيق اتضح ان الجواب خطأ اسف جدا
والسلام عليكم ورحمة الله وبركاته

[ashreedeh]

أتمنى أن يؤكد من جديد صاحب الموضوع أن لهذا اللغز حل
وأن يكون متأكد منه
لأني رح أحط اللغز ببالي حتى أجد حله
بس مستني تأكيده بالأول

[ashreedeh]

يا جماعة السؤال لا يحتاج إلى احتيال... المطلوب واضح و صريح... أن ترسم الشكل بدون ما ترفع القلم...

بالنسبة للأخ alfaifi... بالطبع اللغز سيكون سهل جدا جدا جدا إذا احنا طنشنا واحد من الأضلاع زي ما حضرتك عملت... و صدقني لو كانت بالبساطة دي لكان من المحال أن تجدها بدون حل ;)...

و الأخ نور وضحلك في رده المشكلة اللي موجودة في رسمتك... شكرا له :)...

بالنسبة للأخ usama ahmed... فزي ما قلت... اللغز مش محتاج أي نوع من التحايل... يا تقدر.. يا ما تقدرش... و حلك غير منطقي إطلاقا يا أسامة... يعني بذمتك انت شايف الشكل اللي انت رسمته هو نفسه الشكل اللي في السؤال الأصلي؟ :)...

هناك نوع من الأسئلة المطلوب فيه اثبات صحة ما هو معطى في السؤال أو إثبات عكسه... و هذا اللغز يندرج تحت هذه الفئة من الأسئلة... ببساطة إذا لم تستطع عمل الرسمة فيجب إعطاء التفسير اللازم و الأسباب المنطقية اللي بتمنعك من التنفيذ...

اللي لاحظته ان أعضاء كثير قالوا بثقة في ردودهم بأن المطلوب في اللغز صعب التحقيق... و لكن للأسف فهم لم يعززوا إجاباتهم بتحليل و تفسير منطقي... و لذلك فقد وضعت التفسير الذي توصلت إليه في المشاركة رقم 11... و أعتقد انه تفسير منطقي بما فيه الكفاية لإثبات استحالة عمل هذه الرسمة بخط متصل...

تحياتي




تحياتي لك أخي
وأنا مع رأيك الموجود بمشاركة سابقة
بس بصراحة رح أزعل كتير لو ما كان لهذا اللغز حل منطقي
خصوصا أنني قرأت أنه من قوانين المنتدى عدم طرح اشياء لا حل لها أو أمور مستعصية
ولكن قد جذبني للموضوع تأكيد صاحبه أن للغز حل وأتمنى أن يكون متأكد من كلامه
وأنتظر رده على مشاركتي
والسلام عليكم

[evillive05]

مرحبا ياا جماعه

كييف الحااال

والله أنا مااا حلييتها لسه بس بحااول أني أخدمكم شويه
وهي أني راح أخلي الرسمي ديه على شكل متاهه عل وعسى حد يحلها
وهااااهي المتاهه:


http://img10.picsplace.to/5/02_026.jpg


ولو ميلنا الرسمه تصبح هكذا لنه ممكن تكون سههله وياارب حد يحلها

http://img10.picsplace.to/5/45465465.jpg

[zaek]

سبحان الله
و الحمد لله ولا اله الا الله
والله اكبر

[manichi]

للاسف انا معرفتش احلها

[جمال123]

حلها صعب جدا
اخي almaeihmهل انت اكيد ان لها حل

[awtar4arab]

سؤال جميل :icon30:

الحل بسيط جداً, أهم شيء أنك تحط القاعدة التاليه عند حلك أي لغز: Think out the box

الحل,أنكم تفهمو القاعدة :bye10000:

http://www.ps4arab.com/Anss.JPG

فأنا لم أخل بالقاعدة, فالمطلوب هو:

ترسم الشكل بدون رفع القلم من على الورقة و بدون تكرار المشى على اى خط :clap0000:

[.:GOGO:.]

بس ده مش الشكل المطلوب يا أخ awtar4arab :showoff0:

هي تقريبا ملهاش حل .... و إحنا دخنا عشان نعملها معرفناش .. :question:

[merocool]

Very easy but i dnt know how to upload any image which show the answer to the site

[merocool]

Sry i was wrong i can draw it easy but i need to remove 1 side only

[orkando]

يا جماعه الطريقه لو باستخدام ثني الورقه هتبقي سهله
لو من غير , هتبقي مستحيله زي ما قال al maeihm

[ahmed alaswad]

السلام عليكم اولا احب الشكر صاحب الموضوع على الموضوع الجميل ده بس انا عاوز اقولك انى قدرت احلها من تالت محاولة فيها بس للاسف انا مش هعرف اابعتلك الرسمه عشان انا قاعد فى سيبر بس بجد والله انا حلتها وعلى فكرا دى بسيطة جدا وشكرا

[magedessam]

الحل موجود فى المرفقات
النقطه السوده هى نقطه البدايه وكل ضلع مكتوب عليه ترتيبه فى الرسم و اتجاهه
شكرا على اللغز

[egmixer]

المرفقات مش ظاهرة !!

[سيف الإخوان]

thanks man

[احمد نهاد]

اللغز دة اعرفة من ثانوي وحتي الان مش عارف احل اللغز

[m_abo_seaf]

سكرا على الموضوع الجيد

[مستر تيتو]

مشككككككككككككككككككككككككككووووووووووووووور

[waddaa_mohamed]

فكرة ثني الورقة فكرة عبقرية من صاحبها و أنا أشوفها الحل الوحيد للمعضلة دي

[alolo]

ممكن اعرف الحل يا شباااااااااااااااااااااااااااااااااااااااااااااااا اااااااااااااااااب؟

[mahmoudaboushad]

هوه فين اللغز يا رجاله

[vita]

مالهاش حل
شكرااااااااا

[ahmedmeza]

عايز الحل ابحث عن eular path & eular circuit in math
خدتها الترم الأولاني وببساطه هقولك اللي انا فاكره
اول حاجه تشوف كل نقطه في الرسم موجوده على كام خط ... مثلا النقطه اللي على طرف اي مثلث بتبقى درجتها 2 عشان موصوله بخطين بس .. تمام

بعد كده تشوف حاجه تانيه ودي اللي هتحدد .. لو درجات كل النقط زوجيه يبقى فيه eular circuit او بمعنى تاني انك تقدر ترسم من غير ماترفع القلم ولا تعدي على نفس الخط
لو عندك نقطتين بالظبط تقديرهم فردي يبقى عندك eular path او بمعني تاني ان فيه طريق يعدي على كل الخطوط مره واحده لكن ماتقدرش ترجع للنقطه اللي انت بادئ منها
لو الكلام غير كده يبقى مفيش حاجه تنفع
اتمنى اني اكون افدتك عن الطريقه الصعبه واللي بتتضمن وقوع الشعر
وللعلم فيه حاجه تانيه برضه اسمها hamiltonian ودي بتهتم بالنقط مش بالخطوط

[المكوجي]

هي الان لم تعد معضلة
بعد عدد من المحاولات استخدمت فيها المنطق وجدت الحل بدون رفع القلم من على الورقة و بدون تكرار المشى على اى خط

[ahmedovtch]

الساعة 4 بالليل
منكم لله !!!
خلتوني احس اني غبي
انا رايح انام

[ahmedovtch]

هي الان لم تعد معضلة
بعد عدد من المحاولات استخدمت فيها المنطق وجدت الحل بدون رفع القلم من على الورقة و بدون تكرار المشى على اى خط

ازاي بس
ده انا اتحولت

[LOAI IBRAHIM]

الاخ احمد دفوتش لوسمحت قولنا الحل

[LOAI IBRAHIM]

البشمهندس احمد اخميدو بقالك 3سنين مدوخ الناس على الحل بعد انك ممكن تحلها ولا نستنى كمان سنتين ولا هي اساسا ملهاش حل ارجو الرد

[eng_dody_do]

هههههههههههههههههههههههههه حرام عليك يا أحمد
عقدتنا معااااااااااااااك

[dr.tough]

شكرا على اللغز

[med_mazouze]

اخي الكريم حتي ولو كنت اين اشتاين فلن تسطيع حل هاذا اللغز الانني امضيت سنتين وانا احاول ولم اجد حلا لانه الابد لك من ان ترفع القلم

[K.Nedved]

هههههههههههههههههههه
يا جماعة دى مسألة سهلة اوى
الموضوع مش عاوز تعقيد ولا حاجة
الحل فى منتهى البسايطة


نستعمل قلم بسوستة لما نحب نمشى على
اى خط دوس علية يخش سن القلم جوه
وكده يبقا سن القلم مشيش على خط مرتين
و القلم متشلش من على الورقى

ههههههههههههههههههههههههههههههه

بدون حل

[بدرخفاجه]

بعد مساء الخير الحل سهل جدا بس انا اول مره اشارك ومعرفش كيفيية المشاركه عموما الحل ارسم ظرف جواب الاول واخر نقطه فى الظرف ارسم كل مثلث على حا وشكرا

[علاء رسلان]

لا يوجد حل لهذه المعضلة اساسا ... ثم ما العائد منها بمعنى ما هى الفائدة ان استطعنا حل المعضلة هنبنى هرم مثلا ... ان الجهل بمعضلة أخميدو لن يسبب لنا اى مشاكل ارى من العقل ان نتجاهلها بدلا من ان ندور فى دائرة مفرغة