دعونا نقيم بطولة مستر اولمبيا 2006 ولماذا فاز بها جاى كتلر

[Mr.TaToo]

بسم الله الرحمن الرحيم
.......

لكل منا وجهة نظر يقيم ويعطى بها نقاط فوز وخساره لكل بطل وطبعا ده فى حدود خبراتنا المحدوده
كتبت هذا الموضوع بناء على وجهة نظرى الشخصيه مستندا الى بعض المعلومات
ولكن احب اقول شىء هؤلاء ابطال عظام وانا
لا امتلك القليل حتى من خبراتهم حتى اعطى نفسى الحق كى اقيمهم ولكن انها وجهة نظرى المتواضعه
هناك الكثير مما يقال حول نتائج مستراولمبيا 2006 وقال المشككين كثيراعن اسباب فوز كتلر ولكن لا نلومهم فهم
بالفعل لا يتخيلون سقوط الاسطوره بعد 42 عاما قضاها فى هذه الرياضه
الا ان النتيجه جائت عكس التوقعات بعد ان ادهشنا كتلر بفرمته الرائعه هذا العام والتى امتازت بالضخامه والتقطيع والثبات والوثوق
منذ بدأ هذه المسابقه وحتى سمير بنيوت كان الفائز يحمل لقبا واحدا عام وكان ذلك عام 1982الى ان جاء لى هانى وكان بدايه لعصر
جديد حيث وجدنا الضخامه والحجم الرهيب وسمترية الجسم الرائعه عام 1984
ثم جاء بعد ذلك دوريان يتس الذى حقق نجاح كبير وظهور عهد المنشطات وكان بالفعل اسطوره ذلك الوقت وفى عام 1991 عندما فاز
دوريان على هانى كان هانى يمتاز بفرمه رائعه وتشريخ رائع كما كان وكلنا نعلم يمتاز بخصر رهيب
وصغير جدا وهذا ماكان يعطيه سمتريه ممتازه الا ان دوريان تفوق عليه فى الحجم والكتله المطلقه مع صقل العضله جيدا
وهذا كان السبب لفوزه ولو كان السبب ضخامه فقط لكان فاز بها هانى وعندها اعتزل هانى كمال الاجسام
فى سن الثنى والثلاثين نعود مره اخرى لدوريان و نشاهده وهو يفوز بالبطوله حتى عام 1997
وبعدها حدثت له الاصابه اللعينه فيتقاعد ويعتزل ويترك الساحه لرونى
ثم ياتى عام 1998 ويدخل رونى الصوره ويفوز بالبطوله وفاز بها حتى 2005
على فوز كوليمان فى عام 2000 و2002 و 2005 وكان يرون بالفعل انه لايستحق الفوز فى تلك الاعوام
ولكن السؤال الحالى هو لماذا فاز كتلر على الاسطوره كوليمان 42 سنه
رغم ان البعض كانو يرون هذا كافيا لفوزه مره اخرى وتحطيم رقم لى هانى يقول المشككون ان
جاى كتلر فاز لانه هددIFBB بالخروج منها والانضمام الى اتحاد BDI اذا خسر هذه السنه
ولكن هذا بالفعل كلام غير معقول فالاتحاد مشهود له بالمصداقيه المطلقه دوما ولم يحدث به شىء مريب يوما من الايام
كما يقول البعض ان لدى رونى فرصه فى العام المقبل للفوز مره اخرى بالبطوله ولكن اعتقد انها النهايه
دعونا الان ننظر الى بعض صور مقارنة جاى و رونى
حتى تستطيع ان تحدد انت من يستحق الفوز ومن لا وسوف اترك الصور تتحدث

http://mr-olympia-2006.ronnie.cz/callouts/img/lide/18/1.jpghttp://mr-olympia-2006.ronnie.cz/callouts/img/lide/22/1.jpg

تفوق واضخ لكتلر فى عضلات المجنص والكتف تقطيع رائع كما ايضا فى عضلات الفخدين
يتفوق كولمان على كتلر فى عضلات الصدر

http://mr-olympia-2006.ronnie.cz/callouts/img/lide/18/4.jpghttp://mr-olympia-2006.ronnie.cz/callouts/img/lide/22/4.jpg

تفوق ساحق فى هذا الوضع ملحوظ تماما فى جميع العضلات من الظهر حتى السمانه

http://mr-olympia-2006.ronnie.cz/callouts/img/lide/18/6.jpghttp://mr-olympia-2006.ronnie.cz/callouts/img/lide/22/6.jpg

اعتقد ان هذا وضع التراى ولكن لا ارى ترايسيبس كوليمان وهذا لشدة استطاله العضله الخليفه فيها ودى طبعا عيب وراثى فى كوليمان
ولكن تفوق ملحوظ للرجل الخلفيه لكوليمان ارى ان صدر كوليمان افضل ولكن ارى الاكتاف لدى كتلر افضل من كوليمان كما ان المعده لدى كتلر ممتازه
العرض نفسه ممتاز
..............
وفى النهاية احب اقول جاء جاي كتلر هذه السنه في مثالية رونى كان يستحقها
سابقا ولكن اذا نظرنا الى مستر اولمبيا 2003 حتى 2006 لوجدنا ان كتلر
بالفعل كان يستحقها هذا العام 100% وظهر هذا قبل اعلان النتيجه النهائيه
والتى ظهر فيها رونى متوتر جدا بينما ظهر كتلر كتمثال من العصور اليونانيه
بالفعل انه يوم جاى كتلر

[Mr.Eltuny]

اولا احب اشكرا ياطارق على الموضوع المهم ده المثير للجدل
ودى فورصة اننا نوضح وجهات نظرنا العلمية والشخصية لفوز جاى كوتلر ببطولة مستر اوليمبيا
اولا
من وجهه النظر العلمية
رونى كوليميان بطل تجاوز من العمر 43 عام بالطبع هو اسطورة وبطل له وزنه فى كمال الاجسام
ولاكن اصدقائى الكرام دعونا نتكلم من وحهه نظر العلم
رونى كوليمان بطل منز فترة كبييرة وهو يتعاطى المنشطات للابقاء على هذا الحجم والمنشط يعمل على عدم
افراز هرمونات الهدم فى الجسم
ولاكن كل الابحاث العلمية تأكد ان عند بلوغ سن تقدم ومع كثرة تعاطى تلك المنشطات
يتحول المنشط هو نفسة فيما بعد الى هرمون هدم :no000000:
قد يستغرب البعض منكم من هذا الكلام ولاكن صدقونى اخوتى الكرام هذه هى الحقيقة
وهذا بالفعل ماحدث لرونى فى هذا العام
وواضح جدا من خلال فرمته فى البطولة فرونى فى هذا العام مختلف تماما عن جميع الاعوام السابقة
فأنا فى اول مرة اشاهد رونى كوليمان لا يملك البروز العضلى الذى يتحلى به فى كل بطولاته
فمن الواضح فى الصور التى وضعها كابتن طارق ان الوضع الاول ( الضبل باى سيبس )
انظرو الى عضلات البطن هذا العام وعضلات البطن نفس الوضع فى العام الماضى
وكذلك عضلات الفخزين وايضا فى عضلات الظهر
فانا فى اول مرة اشاهد احد يمتلك عضلات ظهر اقوى واعرض من رونى كوليمان وهو جاى كوتلر فى هذا العام
وعلى المستوى الشخصى
لا احد يشك فى نزاهه الاتحاد الدولى فى كمال الاجسام
ومن الواضح والملحوظ للجميع ان جاى كوتلر فى العام الماضى عمل على معالجة اخطاءه
والسعى الجاد للوصول الى اعلى فورمة ممكنه حتى يصل الى مستر اوليمبيا للمرة الاولى فى حياتة
وهذا واضح جدا من خلال فيلمه one step closer
وهناك شىء لم يلاحظه الكثير فى جاى كوتلر هذا العام ومختلف عن الاعوام السابقة
التشريخ الواضح فى عضلات الهنش لدى جاى كوتلر هذا العام
لم يكن جاى يمتلك تلك التشريح والتشريخ فى الاعوام السابقة بتلك الجمال
وهذا على المستوى العلمى والرأى الشخصى
وانا اتوقع ان يحتل جاى كوتلر الساحة لمدة ليست بقصيرة
ولاكن مع وضع باعتبار انه يوجد الكثير من يمتلكون قدرات متقدمة وفى تقدم ملحوظ كل عام
انا اتوقع عهد جديد فى مستر اوليمبيا فيما بعد
تحياتى لك ياطارق ولكل اخوتى الكرام
:bye10000:

[bodygard]

شكرا يا طارق على الموضوع الجميل دة
لكن عايز اوضح شوية نقط
1- المنشطات موجودة من قديم الأزل من عصر للارى سكوت اول بطل مستر اولمبيا والى مش مصدق يراجع تاريخ المنشطات فى الألعاب الأولمبية
2- دوريان مهزمش لى هانى على المسرح لى هانى اعتزل قبليها وبرضة دوريان متهزمش على المسرح ادام كولمان اعتزل قبليها
وفعلا كتلر يستحقها

[seop]

فعلا لا يجب علينا التشكيك فى نزاهة Ifbb لكن فى نفس الوقت لا يجب ان نتغنى بها...ومن لايرى ذلك فيجب عليه مشاهدة بطولة مستر اولمبيا 2000 و 1983 و 1980 فانا شايف ان ارنولد كان الاسوأ فى 80 وان مكاوى كان افضل من بنوت فى 83 وان كيفن كان افضل من رونى فى 2000

[Mr.TaToo]

شكرا يا طارق على الموضوع الجميل دة
لكن عايز اوضح شوية نقط
1- المنشطات موجودة من قديم الأزل من عصر للارى سكوت اول بطل مستر اولمبيا والى مش مصدق يراجع تاريخ المنشطات فى الألعاب الأولمبية
2- دوريان مهزمش لى هانى على المسرح لى هانى اعتزل قبليها وبرضة دوريان متهزمش على المسرح ادام كولمان اعتزل قبليها
وفعلا كتلر يستحقها منور يابودى جارد
1- انا اقصد المنشطات الى تطورت بشكل رهيب وطبعا واضح جدا جميع الابطال قبل دوريان وبعده والحجم العضلى الهائل الى بقو او قدرو انهم يوصلو ليه اظن وجهة نظرى وضحت دلوقتى
2- فعلا دى غلطه لان هانى غلب دوريان 91 واعتزل وفاز بيها دوريان 92
3- انا مقولتش ان رونى غلب دوريان على المسرح واخد البطوله انا قولت
وهو يفوز بالبطوله حتى عام 1997
وبعدها حدثت له الاصابه اللعينه فيتقاعد ويعتزل ويترك الساحه لرونى
ثم ياتى عام 1998 ويدخل رونى الصوره ويفوز بالبطول

شكرا على مرورك

[kinglasnar]

موضوع رائع ياكابتن طارق

ود ملاحظاتى:

انا ارى ان جوتلر افضل من رونى
(فى الكتف _الزراع_ البنش_السمانة_الكوادرسيبس)
رونى افضل فى البطن والارجل الخلفية
وفى الشكل العام
جوتلر افضل من رونى (الارجل_والظهر_والسمانة)
رونى افضل فى الجزء العلوى
وفعلا ده مش جسم رونى كولمن
وجاى كوتلر فى فورمة ممتازة
وانا انا اول ماشوفته من 6 سنين
توقعت انه هيكسب مستر اوليبميا فى يوم من الايام

[popo0000]

شكرا يا كابتن طارق علي الموضوع الجميل
والصور وضحت اسباب تفوق كوتلر علي كولمان

[borio]

السلام عليكم
موضوع بحق شيق مع الاعتبار فى الاول والاخر عدم قدرتنا مهما حاولنا ان نستطيع ان نقيم احدى ابطال مستر اولمبيا او اى بطل محترف ولكن لكل واحد منا رائ شخصى كلاعب ومشاهد ومحب للعبه وهذا هو اجمل ما فى الموضوع فعلا رونى كولمان ظهر بمستوى سيىء عن السنوات السابقه وهذا هو السبب الاوحد لفوز كتلر ولو كان ظهر بنفس المستوى السابق لكانت المنافسه والتحكيم اقوى بكثير جدا وبردو ادهشنى الفورمه الاخيره لكتر بروز عضلى وتحديد قوى جدا عن السابق ولكن للاسف منطقه الخصر عند كتلر عريضه هذا طبعا عيب وراثى من الصعب تلفيه مهما حاول من زياده الكتله العضليه للافخاذ والنصف العلوى ولكن فعلا مستوى رائع لكتلر .

[Sameh_arnold77]

أولاً أنا رجل جديد فى هذا المنتدى لكننى أمارس رياضة كمال الأجسام منذ عام 1994
ولكنى لم أحصل على بطولات لأننى أمارسها لشخصى فقط وثانيا ً دعونى أدلى
برأى فى هذا الموضوع بالنسبة لـ"رونى كولمان" فلا تحكم عليه من خلال اصور
لأن هناك الكثير من الناس التى تختلف صورهم عن حقيقتهم لكن شاهد الفيديو
مثلا ً وأنا من رأى أن "رونى" كان أفضل بكثير من "جاى" فى 2005 لأننى
شاهدتها ولكن هناك أبطال جدد سيسطعون فى سماء هذه الرياضة مثل
"جونتر شريكامب" الآلمانى لأنه غير من فرمته تماما ً ونحن فى إنتظار
بطولة العام على أحر من الجمر وسـ ـ ـ ـــلام ؟؟؟؟؟؟؟؟؟

[totobaby]

اولا شكرا علي الموضوع:icon30:
ثانيا انا من محبي كوليمان:in_love0: وهو فعلا مختلف عن السنه اللي فاتت بكتيييييييييير :no000000: وكتلر يستحقها بالثلث:icon30:
لكن
ايه رايك في بقيه الترتيب اللي فعلا بالنسبه ليا شيء :crazy000: يغيظ:crazy000:
انا مستغرب فعلا من بقيت الترتيبات يا رييييييت لو تكرمت:in_love0: تضيف تقيم علي الاقل للخمسه الاوائل
وشكرررررررررررررررررررررررررررررررررا:flex0000:
:bye10000: :bye10000: :bye10000:

[ahmeddiab2025]

اولا احب اشكرك ياكابتن طارق على الموضوع العظيم ده
واحب ان اقول رائ

البطوله السنه دى كانت رائعه جدا

بس كانت وحشه جدا لان كان فيها كوسى وانت عارف طبعا معنى كلمه كوسى ليه اقولك ليه

اولا رونى كولمان عمره من ساعت مكسب مستر اولمبيا ماكان عامل فرمه وحشه خالص والسنه دى كان مترتبه ان جاى كتلر هوه اللى يكسب البطوله
رونى كان رجله وحشه كان بش عنده مش مظبوط الزراع نفس الكلام يعنى كان مترتب ان رونى ميعملش بادى حلو خالص

وانا عندى اثبات على كده تعالى نشوف السنه اللى فاتت ورنى كسب البطوله فى كل حاجه وجاى كتلر كسب من رونى نقطه واحد فى البطوله رونى كولمان انهار وانفعل وكان بيبكى

تعالى نشوف السنه دى ايه اللى حصل جاى كتلر لما كسب خلاص رونى اتنسى ومبقاش فى الصوره وكأنو مكسبش البطوله دى 8 مرات

انا عارف انى طولت بس انا مش بحب الكوسه

السلام عليكم

[moro821]

موضوع جميل جدا وشكرا على احلى اعضاء الحقيقة انا بحب رونى كولمان وجاى كاتلير له محبة خاصة عندى ولما نزلت البطولة وشافوها صحابى من ضمنهم صحبى بس كبير بطل جمهورية لوزن 75 وكام واحد برضة ممارس اللعبة قالوا رونى كولمان احلى واضخم كفاية ظهرة وعروق جسمة كان يستحقها ورجلية الضخمة بس الحقيقة صعب الواحد يفرق بينة وبين جاى كاتلير بالنسبة للجمال العضلى والضخامة والتشريح بس بجد اتمنى رونى كولمان ياخدها المرة الجاية عشان يبقى كسر رقم الاسطورة ل لى هانى

[moro_matrix]

ياجماعه انا شايف تفوق واضح لكتلر على رونى بالزات فى عضلات الظهر اللى مفيش حد بينافس رونى فيها

[basem_matrix]

فعلا دة كان متوقع وفى واحد صاحبى قاللى السنة اللى فاتت ان " جاى كتلر " هيكسب العام القادم وبإكتساح لما لا يقل عن 7 أعوام قادمة قابلة للزيادة وشكرا على تحليلك الرائع أخى .

[monsefy]

رونى السنه دى كان تعباااااااااان جدا
كتلر عمل فورمه حلوه جدا
ولكن مش هيعمل زى رونى ولى هانى
انتظروا ابطال قادمين زى
فيكتور مارتينيز و جوستافو

[mohamedmohsenah]

انا شايف ان مش جاى هو اللى جامد لأ رونى هو اللى ضعيف وبس

[ismail_2006]

الف مليون شكر يا ابو الكباتن
مجهود فوق الرائع
دايما للامام