عايز اعرف اسعار الdsl في مصر

[DAK]

الاسعار كام
واحسن شركه اي هي؟

في القاهره طبعا

[walid_kh151]

انا هساعدك بالنسبة للشركة اللى انا مشترك فيها وهية لينك دوت نت
بالنسبة للاسعار انا هقولك على الاسعار اللى اخر مرة شفتها
256kb بسعر 150 جنية
512kb بسعر 250 جنية
1024kb بسعر 425 جنية
بس خلى بالك ممكن يكون فى تعديل حصل فى الاسعار لان اللى بيشتركو جديد بيتعاقدو على الاسعار الجديدة غير المشتركين من الاول فبيتعاملو بالاسعار القديمة انا مثلا بتعامل بالاسعار دية
وخلى بالك برضو من حاجة انهم بيعرضو عليك انك تشترى المودم ولا تاجرة لو بتشترية بتدفع على الاشتراك 40 جنية كل شهر اما لو هتاجرة بتدفع 29 جنية لو بورت واحد او 37 جنية لو 4 بورت

اتمنى انى اكون افدتك بشىء

[RaNaS]

انا شخصيا
مع شركة Tdata
والاسعار نفس اللي فوق لما اشتركت
بس مرتاح معاهم جدا
ويفرق ان اجار المودم dsl (جهاز واحد ) 15جنيه شهريا
راوتر 4 اجهزة 25 جنيه شهريا
والشركة بصراحة معاي ممتازة

[dodo1]

TeData عاملة أعرض إشترك شهرين بسعر شهر ، و 4 بسعر 2، و6 بسعر 3 ، أما عن مستوى الخدمة فالله أعلم

[amr@epc]

انا بافضل شركة tedata و اللينك بتاعها اهه
http://www.tedata.net/TE_RegisterNewDSL.asp

[World Of Art]

احــــــــــــــــــــــــــــــــــــــــــــذر شركة لينك دوت نيت لانها غير صالحة ان تنتج لعب اطفال مش dsl و نصيحة تروى و تروى و تروى لانه الموضوع صار عملية نصب من قبل محترفين اخر اهتماهم هو الزبون واولها!!!!!!!!!! الفلوس طبعاً

انا معك فى كل كلمة

و احذر اى شخص من التعامل مع شركة لينك

انا عندى اشتراك 512Kb و سرعة التحميل لا تتجاوز 30K على اى موقع او برنامج sharing

و لم يتم حل المشكلة معهم ... و انتهى الامر بانهاء التعاقد و اخدت فلوسى منهم !!!!!

اعتقد من كلام الناس ان افضل الشركات حاليا TE DATA

http://www.tedata.net/contact.asp

[walid_kh151]

انا معاكم ياجماعة انة فى شركات دلوقتى افضل من لينك علشان شركة لينك فى مشاكل كتير فيها اليومين دول وانا عرفتها لdak وقولتلو قبل ميشترك يسال الاول عن المشاكل دية وانا عن نفسى كنت فى شركة لينك امبارح وعرفت ان المشاكل اللى فيها وهية السرعة طبعا هتستمر شوية فانصحك انك تتعاقد مع شركة Te Data انا فعلا سمعت انها شركة ممتازة واصحابى مشتركين فيها ومفيش اى مشاكل عندهم

[dodo1]

طب سؤال فرعي ، النت بيدخل في حوالي أد إيه؟ يعني بياخد وقت أد إيه على ما يوصل البيت؟

[World Of Art]

طب سؤال فرعي ، النت بيدخل في حوالي أد إيه؟ يعني بياخد وقت أد إيه على ما يوصل البيت؟

الخدمة فى شركة لينك اخدت معايا 5 ايام فقط .... دفعت يوم الخميس .. دخلتلى الخدمة يوم الاثنين

و لكنها شركة تتعامل بنظام نصب على مستوى عالى .. فى اول الامر يبدو انها شركة محترمة .. و ما ان يمر اسبوع و ترى مهازل من قبل خدمة العملاء و مهازل خدمة ما بعد البيع

المفروض يسموها شركة لينك دوت نصب

LINK.dot.NASB

[kamello2003]

wala hy 3ala r2yak link fel awel baharetna bel customer support laken el technical support 3alam zay el zeft

[gadelhebry]

انا كنت مشترك فى لينك وبصراحة مشفتش اللى انا بسمعة ده كانت معايا فى منتها الامانة وكانت السرعة كويسة جدا بس انا قطعت الاشتراك من حوالى 4 شهور ومعرفش الخدمة ايه الان بس انا الان مشترك مع رايه والخدمة كويسة جدا وعلى فكرة انا واخد خط 512 وانا وزملائى حوالى 20 زميل والسرعو كويسة اما الشركات اللى فى القاهرة ممكن تتصل بـ 19357 وهما هيفدوك جدا

[amorty]

انا مشترك فى شركه nile on line وهى شركه اكتر من ممتازه وبصراحه ناس محترمه والحمد لله سرعه التحميل تمام والنت متصل ومستقر لحد كبير وبالنسبه للاسعار واحده فى كل الشركات لكن اللى بيفرق المعامله من المندوبين وسرعه التوصيل وايضا السنترال اللى انت هتبقى تبعه

[rasmy2000]

[B]بصراحه يا جماعة انا مشترك مع tedata وهي في القاهرة فعلا افضل شركة وسرعة ال 256 عندي بتعمل دونلود 20-30 ك في الثانية مع العلم انا عامل شبكة فيها 7 اجهزة والسرعه كلنا مبسوطين منها ده بالاضافه لانهم عندهم مرونة اوي وذوق جدا في التعامل مش بس كده خدمة العملاء عندهم قوية جدا اي نعم احيانا كتيرة بيكون الانتظار طويل لحد ما يرد عليا حد بس مش كتير اوي وبعدين الناس هناك بتفهم كويس وعندهم صبر اوووووي ومش بيسيبك الا و المشكلة محلولة...............دي تجربتي الشخصية معاهم ................وشكرا

[saidaly_2000]

هى فعلا مشكلة TE Data الوحيدة انشغال خطوط خدمة العملاء لفترة طويلة
بس هى شركة ممتازة