هل انت فعلا تعلم لماذا تمارس رياضة كمال الاجسام ؟؟؟

[popo0000]

انا عن نفسي بمارس رياضه كمال الا جسام لان جسمي نحيف وطبعا عايز اتخن واكتشفت ان رياضه كمال الاجسام مفيده جدا في الحكايه دي
dumbbells :showoff0: dumbbells :showoff0:

[zikoofire]

زملائى فى منتدى كمال الاجسام بموقع دى فى دى فور اراب
كثيرا منا قد يفعل شيئا لمجرد التجربة
والاخر لمجرد انه شاهد اصدقائه يفعلونه او والده او ....
المهم ... هل سأل نفسه لماذا يفعل هذا الشىء؟؟
الحقيقة نحن نحتاج لنسأل أنفسنا ؟؟ لماذا نمارس رياضة كمال الاجسام؟؟؟
هل لبناء جسم قوى ؟
حسنا .. لماذا نبنى جسم قوى؟؟
هل الغرض هو الاشارة بالبنان الى لاعب كمال الاجسام ؟؟
ام الحصول على جاذبية الجنس اللطيف؟
حسنا دعونا نثير مناقشة عن .....
لماذا تمارس رياضة كمال الاجسام


:showoff0: ارجو المشاركة:showoff0:

[zikoofire]

شكرا بوبو على المشاركة... واعتقد ان الحصول على جسم مثالى ... شىء رائع ودائما تكمن المشكلة فى البداية..الكل يسأل ( من أين نبدأ )
دائما تكون البداية صعبة ... خاصة عند استعجال النتائج.. واتمنى أن تحصل دوما على ما تتمناه من خلال رياضتنا الرائعة التى صرنا نعشقها



ايه يا جماعة فين المشاركات بتاعت أعضائنا... اتمنى المشاركة ..

[Mr.TaToo]

موضوع رائع اخى زيكو فاير
وسؤال مهم ممكن نكون حتى مش بنسأله لنفسنا الاسباب كتيره زى ماانت قولت ولكن اممكن ادخل اللعبه وهدفى شىء ثم مع الوقت يتغير هدفى ويكون هدف اكبر واحسن مثلا ممكن اكون دخلت علشان جسمى يكون حلو والبس بادى وطبعا مفيش لاعب مفكرش فى كده وانا واحد منهم ولكن مع الوقت الرياضه بتجرى فى دمك وبتكون اشبه بالادمان ولكن الادمان المفيد الممتع الى ديما بيبعدك عن اى شىء وحش وبيخلى ليك مكانه رائعه وسط كل الناس الى حواليك انك انسان رياضى بخصوص هدفى او مادخلت انا كنت تخين وكان كل هدفى هو انى اخس وطبعا مع الوقت اصبحت رياضتى من اكبر اهتمامتى على الاطلاق ثم اتطورت الى هوايه ثم الى مهنه وربنا وحده اعلم ممكن توصلنى لفين وانا اتمنى من الله ان يديم عليا الصحه حتى استطيع ممارستها على الدوام

[zikoofire]

انا مبسوط جدا يا كابتن طارق ان لسة فيه شباب عندهم هدف واضح...
تعرفوا يا جماعة الكاتب لويس كارول فى كتابه " اليس فى كتاب العجائب قال جملة هايلة جدا وهى:
"اذا لم تكن تعرف الى أين أنت ذاهب ، فليس من الضرورى أن تصل الى هناك "
ياااه... جملة معبرة اوى ... معناها انك لو مش عارف مثلا انت بتلعب كمال أجسام ليه ؟؟؟
اكيد ده هاياثر على مواظبتك على التمارين وعلى استمرارك فى اللعبة
يعنى شوفوا معايا مثلا لو واحد دخل اللعبة عشان فقط صاحب بيروح الصالة وهى حب يكون زيه
او أنه عاوز الناس تقول عليه شوف الشاب ده ماشاء الله عليه جسمه جاامد..
او اى سبب تانى .. أحب اقولكم ان اكيد اللاعب مش لرياضة كمال الاجسام بس ... لا اى رياضة... هاتقابله عقبات كتير.. منها على سبيل المثال الدراسة والشغل بعد التخرج .. وظروف المعيشة... ولو هدفه مش قوى فعلا وقادر على تثبيت اللاعب على عزيمته.. صدقونى ... مش هايتسمر فى التمارين ..
ويارب دايما نكون كلنا عزيمتنا أوتاد ونواظب على تمارينا ويدوم علينا وعليكم الصحة والعافية ..

اخوكم zikoofire

اتمنى يا جماعة انى اسمع مشاركاتكم اللى بتفيدنى كتير‘‘‘

[zikoofire]

شكر لمشاركتك يا جيجا
تعرف .. فعلا لازم الرياضة تغير من شخصيتنا .. عارف ليه.. لانها قوة... وكرامة ... وعقل.... وتركيز ... وحاجات كتير اوى ناس مش واخدة بالها منها..
هاقولك على حاجة... لى واحد صاحبى طلب منى انه ييجى معايا الجيم يتمرن ( بالمناسبة انا بفرح اووووووى لما حد من صحابى بيطلب ييجى يتمرن ) .
المهم اتمرن عشر دقائق وقالى مش قادر .. رغم انه كل اللى عمله شوية سويدى ... واجهزة ... قالى مش قادر يا حمد عاوز اروح... بصراحة هو حكالى انه مش بيعمل اى نوع من الرياضة ... طبعا انا حمسته وعرفته اننا كلنا كنا كده فى البداية ...
لكن وقتها حمدت ربنا جدااا.. وقولت يارب دمها علينا نعمة وامنعها من الزوال واجعلنا نواظب على رياضتنا معشوقتنا
ااامين
"واعدوا لهم ما استطعتم من قوة ومن رباط الخيل ترهبون به عدو الله وعدوكم " صدق الله العظيم
" المؤمن القوى خير واحب عند الله من المؤمن الضعيف " "حديث شريف "

[gega50]

موضوعك مهم جداااااا بس انا عن نفسى مش عارف اية الى دخلنى الرياضة دة طقت فى دماغى مرة واحدة وبعد اما دخلتها حبيتها جدااااااا وبقيت اواظب على التمارين لدرجة انها غيرت من شخصيتى

[zikoofire]

ايه يا رجالة فين المشاركات بتاعتكوا... ياريت نكون متجاوبين اكتر من كده .... رايك يهمنا
اخوكم
zikoofire

[samehnabil2005]

شكرا ياباشا
انا بصراحه في الاول لعبت علشان يبقي جسمي حلو واجذب الجنس اللطيف
لكن بعد كده حبيت اللعبه دي اوي وان شاء الله هستمر فيها
وربنا يديم علينا نعمه الصحه

[samehnabil2005]

شكرا ياباشا
انا بصراحه في الاول لعبت علشان يبقي جسمي حلو واجذب الجنس اللطيف
لكن بعد كده حبيت اللعبه دي اوي وان شاء الله هستمر فيها
وربنا يديم علينا نعمه الصحه

[zikoofire]

ربنا يوفقك وينولك هدفك

[x_tacy911]

ya rab edeena else7a 3alshan ne3mel 7aga e7na begad ben7ebha
ana kont bal3ab keteer awi ledaraget sob7 we leil kol yom kan fee mara wa7ed alee enta dakhel botoula wala eh elmohem galee maz2e fee dahree we re2abtee men sa3tha wana mesh 3aref al3ab tani wana nefsi al3ab 7ad ya gama3a ye3raf a7san taree2a le3elag elmaz2
we rabena yeb3ed 3ankom elmaz2 da 7aga teganen
elle3ba 7elwa we fe3lan bet3'ayar el wa7ed
lela7san tab3an
take care all
hany

[zikoofire]

اسال الله العظيم رب العرش العظيم ان يشفيك
اسال الله العظيم رب العرش العظيم ان يشفيك
اسال الله العظيم رب العرش العظيم ان يشفيك
شفالك الهل وعافاك يا اخى ياهانى ... انت فعلا واضح انك تقلت العيار شويتين فى اللعب
خد بالك .... انشاء الله هاتلاقى حل وترجع تانى للعبة اللى انت حبتها
وقلوبنا معاك ... على فكرة ... لو كنت جديد هنا .. احب اقولك
ان احنا فعلا كلنا هنا اخوااات بجددد .. بنحب لبعض الخير فى الله
مش شعارات والله ولا مشاركات عالفاضى... وبكرة تشوف

اخوك:
zikoofire

[Sir_Hissam2007]

أنا لعبت اللعبه ديه علشان أعرف أنها بتدى power جامد جدآ

[Wesmosis]

1- لكي أزيد في الوزن - أنا كنت نحيف
2- بما انني دوكتور و انصح مرضاي بالرياضة فكان واجب علي أن اقوم بالفعل نفسه
3- الحصول علي قوام متناسق

[zikoofire]

صحيح يادكتور كلامك مظبوط الرياضة حاجة مهمة جدااا
واختيارك مظبوط مية فى المية
وانشاء الله هاتحب رياضتنا جداااا
معشوقة الجماهير
اخوك فى الله
zikoofire

[kabreet]

طبعا موضوع متميز جدا

وانا عن نفسى بمارس لعبه كمال الاجسام

لانى فى البدايه كنت نحيف جدا والحمد لله دلوقتى

اقدرت اتغلب على النحافه من خلال التمرين المنتظم

وبجد انا بحب جدا الرياضه لانها بتحافظ على شكل

الجسم وبتعلمك حاجات كتير منها الصبر لانك لازم تصبر

شويه علشان تحقق اللى انت عايزه

وفى النهايه اتمنى التوفيق للجميع

[zikoofire]

الله عليك يا كبريت كلامك هايل بيدل على اقتناع تام الرياضة
احييك وارفعلك القبعة واحيى كمان كل من يعشق الرياضة
اخوك فى الله
zikoofire

[ttiittoo1]

انا بلعب الرياضة دي علي شان جسمي يتخن شوية كدة وابقي مربرب بس مع الوقت اكتشفت ان الرياضة دي بتدي بور جااامد وكملت فيها وحبتها قوييييييييي

[zikoofire]

مشكور يا تيتو ويارب تحقق اهدافك

[zikoofire]

يا جمااااعة مشاركاتكم فييين؟
عاوز اعمل تقييم شامل ونفيد بعض
يلا افيدونى افادكم الله !!!!!

[zikoofire]

يا جماعة عندى رجاء ان الناس تشارك عشان نستفيد كلنا
صدقونى لو نص اللى شاهدوا الموضوع كتبوا مشاركاتهم صدقونى هانستفيد كلنا
اخوكم
zikoofire

[basem_matrix]

طبعا الجواب ل 90 % من الشباب هو : عشان أعرضها :flex0000:

للأسف :no000000: :no000000:

[zikoofire]

هههههههههههههههههههه
صحيح يا باسم ممكن والله
مشكور على مشاركتك

[zikoofire]

يااااااااااارب بقيت الشباب تشارك
مش ممكن .... بجد انا مش مصدق ان كل الشباب الجميلة ديه والمشاركات قليلة كده
يارب الناس تكون ايجابية اكتر من كده
اخوكم
zikoofire

[khaled2080]

ممارسة الرياضة بصفة عامة ليها اثارها الطيبة علي حالتنا الجسمانية والنفسية وميزة رياضة كمال الاجسام انها متاحة لمعظم الشباب كل واحد حسب امكانياتة بعكس معظم الرياضات الاخري كالسباحة مثلا فهي رياضة مفيدة جدا جدا ولكن يتعذر علي البعض ممارستها بانتظام
والف شكر علي الموضوع الجميل دة

[zikoofire]

العفو يا خالد واهلا بيك على منتدانا يارب تستمتع وتستفيد
ماتنساش الدعا لينا اثابك الله
اخوك
zikoofire

[bepo]

موضوع رائع ياكابتن فكر الواحد بهدفه من اللعبة لحسن كنت قربت انسي

[zikoofire]

شكرا يا بوبو على مشاركتك ويا رب نكون استفدنا كلنا
اخوك
zikoofire

[almoniry1]

تقريبا كلنا عندنا نفس الهدف الحصول على جسم رائع له شكل مميز عن اى حد

وده طبعا بيتحقق بالصبر والمواظبه على التمرين والحمد لله الواحد بيحاول انه يعمل كده مع مشاغل الحياة الكتيرة

واللعبة دى الحمد لله اصبحت بتجرى فى دمى

وادعوا الله ان يدم علينا الصحة والعافية

ااااااااااااااااااااااااااااااااامين

[zikoofire]

امين يا رب
وربنا يوفقك يا مونيرى
اخوك
zikoofire

[xmaxing]

انا بصراحه دخلت علشان انا نحيف وطبيعه شغلي بعد التخرج ان شاء الله مجهده وعلشان الجسم المتناسق برضوه

[zikoofire]

كلامك مظبوط وياريت كل الشباب يفكر زيك
ربنا يوفقك
اخوك
zikoofire

[shero_blood]

انا باردو لااعب كمال اجسام وحصلت على بطولات ولكن هذا العبه تحدى لكى يصبح جسمك كاءبطال الاقويائ وبدون منشطات

[shero_blood]

وشكرا على الموضوع اخى العزيز

[zikoofire]

ألعفو يا شيرو
ويارب تكون استفدت