المساعد الشخصي الرقمي

مشاهدة النسخة كاملة : ~*¤ô§ô¤*~رابطه محبى عصام الحضرى~*¤ô§ô¤*~

الصفحات : 1 [2]
mossad_1112000
15-05-2008, 05:48 AM
يجماعة اعزروه اصله مبيعرفش يقرا

حلوة قوى يا باشا
yanetya
15-05-2008, 09:59 AM
للعلم مثال بسيط : فريديريك كانوتي -وهو مسلم- رفض أرتداء قميص أشبيلية وهو يضع أعلان لشركة خمور مشابه..وأضطروا ان يحضروا له قميص أخر بدون أعلان هذة الشركة
وإن لم يكن يعلم الحضري أن هذة شركة خمور فمن حق الحضري قانوناًَ رفض أرتداء هذة الفانلة بهذا الأعلان.

وفى كل الأحوال الحضري مخطئ بأرتداء هذة الفانلة بهذا الأعلان من الأساس.

رأيك ده يا محمد أحترمه جدا لأنك كنت من أشد المدافعين عن الحضرى فى الفترة الأخيرة ...

بس يا محمد ...بجد موضوع فريدريك كانوتى ده حقيقى ...لو بجد والله يبقى الراجل ده محترم جدا وكل يوم بيزيد اعجابى به ...زي ما اشترى المسجد فى اشبليا الى كان هيهدوا هناك ..

تحياتى لك
حسام 1992
15-05-2008, 12:55 PM
أنا أعتقد إن الحضري قرب يعتزل

بعد الضغوطات اللي عليه دي كلها

بس المشكلة

مين الحارس اللي في مصر اللي يقدر يسد مكانه

محدش يقولي عبد المنصف و لا عبد الواحد و لا أمير و لا صبحي

دوول ما يجوش نصه

يمكن عبد المنصف فوقهم شوية بسرعة رد فعله

لكن برضه الحضري فوق الجميع

أما حكاية الخمور دي

فهو أكيد حيكلم الفريق و هم حيشيلوهاله

لإنه شايلهم اليومين دوول

لكن يا ريت الناس تأيده لو عمل كده
hisham amer
15-05-2008, 04:44 PM
للعلم مثال بسيط : فريديريك كانوتي -وهو مسلم- رفض أرتداء قميص أشبيلية وهو يضع أعلان لشركة خمور مشابه..وأضطروا ان يحضروا له قميص أخر بدون أعلان هذة الشركة
وإن لم يكن يعلم الحضري أن هذة شركة خمور فمن حق الحضري قانوناًَ رفض أرتداء هذة الفانلة بهذا الأعلان.

وفى كل الأحوال الحضري مخطئ بأرتداء هذة الفانلة بهذا الأعلان من الأساس.



موقفك رائع جدا يا محمد
دافعت عن الحضري كلاعب و لم تدافع عنه عندما اخطا

فيه فرق كبير بين فريدريك كانوتيه و الحضري بتاع سيفون

فريدريك كانوتيه رفض ارتداء التيشرت الخاص بفريقه بعد وضع اعلان خمور عليه
و بالفعل و افقت النادي علي حذف الاعلان من علي التيشرت بتاعته احتراما لرغبته
و لانه لاعب ممتاز و مفيد لفريقه و يصعب الاستغناء عنه

فريديك كانوتيه اشتري احد المساجد في اسبانيا و كان معرضا للهدم
رغم انه كان حريص علي السريه في هذا الموضوع
الا ان المسئولون عند المسجد نشروا اسمه ليعرف الناس هذا الشخص المحترم

فريديك كانوتيه راعي لكثير من الانشطه الرياضيه و الخيريه ببلده مالي
و غير متكبر علي زملائه علي الرغم انه الاشهر
Mr dragon
15-05-2008, 04:45 PM
أنا أطالب بأهدار دمه الى بشوف الحضرى يقتله ويبقى يورينا هيرقص أذاى
m7md7star
15-05-2008, 08:14 PM
هل هذا هو رد الجميل للنادى ؟
.....
cutemanhema
15-05-2008, 08:48 PM
ايه يا جماعة ده ؟؟
ازاي جه الرد قبل ردي ... مع اني انا اللي كاتب الموضوع
وكمان المشاركة دي من امبارح15/5 .. وانا كاتب الموضوع النهاردة 16/5

طيب ازاي ؟؟

ياريت حد من المشرفين يشوف لنا اللخبطة دي
eazymozo
15-05-2008, 11:08 PM
الحضري
http://images.filbalad.com/filgoal/NewsPics/Medium/pic_14293.jpg
أعلن الجهاز الفني لمنتخب مصر أسماء سبعة لاعبين محترفين للانضمام لمعسكر المنتخب يوم 22 مايو الجاري استعدادا لخوض مباريات تصفيات كأس العالم 2010 والتي ستنطلق بلقاء الكونغو الديمقراطية في القاهرة يوم 30 مايو.

http://images.filbalad.com/filgoal/NewsPics/Medium/3602370.jpg
وشهدت الأسماء وجود عصام الحضري حارس مرمى سيون السويسري، وحسام غالي لاعب ديربي كاونتي الإنجليزي، وأمير عزمي مدافع أنورثيس فاماجستا بطل الدوري القبرصي بعد فترة غياب طويلة.

كما شملت القائمة أسماء أحمد حسن لاعب أندرلخت البلجيكي ومحمد زيدان مهاجم هامبورج الألماني، بالإضافة للثنائي وائل جمعة وحسن مصطفى المعارين لأندية السيلية القطري والوحدة السعودي على الترتيب.


عزمي

واستبعد الجهاز الفني لمنتخب مصر لاعب ميدلسبره محمد شوقي بسبب الإصابة، وإبراهيم سعيد وسيد معوض المحترفين في تركيا بسبب غيابهما عن المشاركة مع فريقيهما أنقرة جودجو وطرابزون سبور على الترتيب.

ويخوض منتخب مصر أربع مباريات متتالية في تصفيات كأس العالم تبدأ بلقاء الكونغو الديمقراطية، ثم لقاء جيبوتي على ملعبها يوم 7 يونيو، ثم لقاء مالاوي على ملعبها يوم 15 يونيو، قبل أن يلتقي مع مالاوي مجددا في القاهرة يوم 22 يونيو

اية رايكو فى ضم الحضرى فى المنتخب ؟؟؟

وفية زى الحضرى فى مصر علشان يحافظ على مرمى المنتخب من مدافع اغلى لاعيبة العالم فى تصفيات كاس العالم المؤهلة

.
cutemanhema
16-05-2008, 04:07 AM
ههههههههههههههههههههه
حلو السؤال الاخير ده ..

ده لان اجابته واحدة .. وهو اكيد يكون في صفوف المنتخب

بصرف النظر عن اي مشاكل ..
احنا بنتكلم عن عصام الحضري حارس المنتخب اللي شرفنا في غانا
وهو انسب واحد يحرس عرين المنتخب

عموما انا بتمني ان شاء الله ان كتيبة حسن شحاته زي ما شرفتنا في مصر وغانا ... تشرفنا برضه بالصعود الي جنوب افريقيا
عايزين بقي نوصل لكاس العالم
hisham amer
16-05-2008, 10:04 AM
جاء ذلك بعد أن ارتدى عصام الحضري قميصَ فريقه الجديد وعليه إعلانٌ للترويج للخمور، مما دفع بعض جماهير الأهلي للذهاب إلى لجنة الفتوى بالأزهر الشريف، وعادت ومعها فتوى تفيد بأن الحضري فاسقٌ وآثمٌ بحكم النصوص التي تمنع اقتراب المسلم من التعامل مع الخمور بأي شكلٍ، وفي هذه الحالة تصبح أموال الحضري حرام شرعًا.

هههههههههه
دي ناس هايفه
قاعدين للحضري علي الواحده
يعني من كم المشاكل اللي عندنا
هي دي اللي حتفرق معانا
الحضري بصراحه جاهل باللغه الانجليزيه والفرنسيه اللغات الرسميه في سويسرا
و ميعرفش ايه اللي علي قميصه
ممكن يكون بيحسبها اعلان سمنه بلدي او عصير قصب
cutemanhema
16-05-2008, 11:38 AM
السلام عليكم ورحمة الله وبركاته

اهلا بيكم


انا بس عندي سؤال واحد بس محتاج لاجابة عليه
لانه الامر ده زاد عن حده



اولا انا مش حنبش في القبور .. ولا حدافع عن حد وحتهجم علي احد
بس لانه سؤال احداثه بتحصل دلوقتي ولا تزال مستمرة




سؤالي :
لو فرضنا ان ادارة النادي الاهلي كانت وافقت علي انتقال عصام الحضري الي سيون

هل :

1- كنا حننبش في اصل وفصل نادي سيون .. وخليناه معناه صهيون ... الخ ... الخ
وهو اساسا لا معناه صهون ولا حاجة (راجع الموقع الرسمي)


2- هل كان احد قال علي الحضري انه خائن للوطن ؟
وهل وصل الحد الي خيانه الوطن !!
والراجل (وللحق) رفع اسم مصر في كل مكان طوال 10 سنين كاملة ... سواء مع المنتخب او الاهلي
وتحامل علي نفسه في اكثر من ماتش في غانا عشان ما يخرجش والمنتخب يتغلب
زي اللي حصل مع ابو بكر باري وكوت ديفوار اتغلبت 4/1 ..


3- هل كان في حد قال علي الحضري والعياذ بالله : عبد المال
وانت لما بتقول عليه كدة خليته كافر ومشرك بالله !


4- هل كان في احد اتكلم عن طرحة زوجته اللي لبستها ولا خلعتها ..
مع ان الحكاية دي خصوصيات وحرية شخصية
وهل وصل بينا الامر اننا نتكلم في اعراض الناس وحريتهم الشخصية !!


5- هل كان في احد تابع مباريات نادي سيون بهذا الشغف الكبير والهوجة الاعلامية الاخيرة السخيفة
وكمان قعدنا نحلل الكور اللي صدها واللي ما صدهاش !!!



6- هل كان في احد بص علي اعلانات الفانلة بتاعت النادي
وقال عليها اعلان خمرة .. كل فلوسه حرام ... وانه حيخش النار !!

اه هي فعلا اعلانات خمرة .. بس لوكان الحضري راح بطريقة عادية
هل كان في احد قال ربع كلمة عن فانلته ؟؟

مع العلم بان 40% من اعلانات الاندية الاوربية شركات خمور .. منهم نادي ليفربول نفسه ..

وفي محترفين عندنا او من الدول الاسلامية لبسوا قبل كدة فانلات عليها اعلانات خمور ..
واحنا نفسنا بنلبس فانلات الاندية الاوربية وعليها برضه اعلانات خمور !!
وخصوصا اعلانات سيلسبرج ..
ولاحد اتكلم عنها




اذا كانت اجابته بنعم
طيب ليه اللي احنا شايفينه كل يوم ده علي صفحات ومواقع الانترنت ؟؟

والاسوء من ذلك ان الامر بيتطور يوم بعد يوم

ولو اني متأكد تماما انه لو كان الحضري كان راح بطريقة عادية
كان الناس بتمدح في نادي سيون والحضري !!
ولاكان حيتقال ربع كلمه عن الحاجات دي




واحب اهدي للجميع حديث شريف ..

عن ابي جابر رضي الله عنه .. ان رسول الله (ص) قال :
اتقوا الظلم . فان الظلم ظلمات الي يوم القيامة . واتقوا الشح فان الشح اهلك من قبلكم . حملتهم علي ان سفكوا دمائهم واتسحلوا محارمهم . (رواه مسلم )

وعن ابي هريرة رضي الله عنه .ان رسول الله (ص) لتؤدن الحقوق الي اهلها يوم القيامة . حتي يقاد للشاه الجلحاء من الشاة القرناء . (رواه مسلم)




واحنا كل يوم شايفين كلام واشاعات عن الحضري
في منهم كلام صحيح ... ولكن الجزء الاكبر منه كلام مش صحيح وبدون وقائع

وصدقوني كل من قال كلمة بدون حق ... سواء علي انسان مسلم حتي لو كانت علي انسان كافر !!
سيكون حسابه عسير جداا عند ربنا ...
وحياخد كمان سيئات علي كل واحد ردد كلامه




وللمرة الثانية ...

انا مش بدافع عن الحضري ولا حاجة... ولا عايز اقول انه انسان ملاك ولا حاجة تانية
ولا حتي بفتح قضية قديمة

بس لاني شايف الناس بدات تدخل في الظلم والجور علي الراجل ... والكلام في عرضه وماله
وممكن تجر نفسها الي التهلكة

وما تخليش غضبك او كرهك لشخص معين يدخلك في معصية الله عز وجل


واتمني ان الموضوع ما يتحولش الي مناقشة حول الحضري او غيرها
انا بس عايز اجابة عن السؤال


وشكرااا
amsaleh
17-05-2008, 04:03 AM
يعني يصح ان واحد يجي يمضيلك علي ورق مثلا شيكات وبعدين يطلع بند في احد القوانين ويجي يقولك مالكشي عندي حاجه؟؟؟
ترضاها علي نفسك؟؟
بيتهيئلي انه لو كان عرض موضوع الاحتراف علي النادي الاهلي مكنشي حد اعترض مادام العرض مناسب ليه وللنادي الاهلي انما يهرب كده في وسط الموسم فده غلط كبير وميصحش انه كان طلع من لاعب كبير زي الحضري كانت مصر كلها بتغنيله وتشجعه بس هوه رمي كل ده وري ضهه وجري ورا الفلوس صحيح فلوس كتيييييييييير بس هوه لو كان فضل قاعد كان هيجمع فلوس اكتر خصوصا انه حارس كبير وكان مجال التدريب هيبقي بالنسبالة مفتوح علي البحري
بس الحمد لله انه بان علي حقيته والاهلي لن يقف علي اي لاعب مهما كان اسمه
ياعالم شوفوا ابوتريكة لما قالولوا تعالي احترف (في خيتافي)رفض وقال انا في النادي الاهلي ولن ارحل منه ومن يتكلم عن احترافي كمن يحرث في الماء
لا قال باه بره فلوسها كتيروللا يحزنزن لانه حسبها صح
ربنا يهدي الجميع
cutemanhema
17-05-2008, 07:04 AM
اهلا بيك ..
بس للأسف انت ما فهمتش سؤالي

انا كل اللي اقصده انه لو فرضنا ان ادارة النادي الاهلي كانت وافقت علي انتقال الحضري الي سيون

ما كنش حيحصل اي شي من المسخرة اللي شايفنها الايام دي
ولا كان حدقال اي شيء نهائي !

لكن اللي بيحصل الايام دي قمة المسخرة
زي الكلام عن اخلاق الحضري وشرفه وماله وزوجته ... وانتماءه للمصر !!


لاننا ما نعرفش الباطن .. لانه لايعلمه الله عز وجل

وحرام اننا نتكلم في الامور دي
لان ده ممكن يجرنا لمعصية ربنا ويجيب كلك سيئات علي كل كلمة قلتها وحيقولها غيرك !
cutemanhema
17-05-2008, 11:07 AM
هههههههههه
دي ناس هايفه
قاعدين للحضري علي الواحده
يعني من كم المشاكل اللي عندنا
هي دي اللي حتفرق معانا



عندك حق فعلا
معدش ورانا حاجة غير اننا نقعد نتفرج علي الحضري ونصتاد له اي خطأ !!

ومع اني واثق ومتأكد 100% انه اي واحد في مكانه مكنش حيعمل حاجة
وده يرجع لنقتطين :

اولا عصام الحضري ما يعرفش اسماء شركات الخمور او ماركاتها او حتي انواعها !!
وده شيء طبيعي لانه مسلم وشرقي ومتربي في وسط الفلاحين
وعمره ما شاف خمرة ولا حتي شربها في حياته

كانتويه برضه ما عرفش انها اعلان خمرة الا بعد فترة !


ثانيا عصام الحضري ما بيعرفش انجليزي ولا فرنساوي
وبالتالي اي اعلانات سواء في ناديه او حتي علي الحيط .. مش حيعرف معناها ولا بتتكلم عن ايه

واعتقد انه ده مش عيب .. وده الطبيعي لاي لاعب بيحترف لاول مرة
وكل لاعيبتنا برضه ما عرفوش لات الا بعد ما قعدوا فترة في الاحتراف


بطلوا بقي تقفوا للراجل علي الواحد وتصتادوا اخطاءه

وطالما رضينا انه يمشي وما يرجعش الاهلي تاني الي الابد !
يبقي تسيبوه في حاله
dh_man
19-05-2008, 12:51 AM
اهلا بيك ..
بس للأسف انت ما فهمتش سؤالي

انا كل اللي اقصده انه لو فرضنا ان ادارة النادي الاهلي كانت وافقت علي انتقال الحضري الي سيون

ما كنش حيحصل اي شي من المسخرة اللي شايفنها الايام دي
ولا كان حدقال اي شيء نهائي !

لكن اللي بيحصل الايام دي قمة المسخرة
زي الكلام عن اخلاق الحضري وشرفه وماله وزوجته ... وانتماءه للمصر !!


لاننا ما نعرفش الباطن .. لانه لايعلمه الله عز وجل

وحرام اننا نتكلم في الامور دي
لان ده ممكن يجرنا لمعصية ربنا ويجيب كلك سيئات علي كل كلمة قلتها وحيقولها غيرك !


السلام عليكم اخوانى الكرام اعضاء المنتدى المحترمين فقط واقصد بها من ينتقد عصام الحضرى بادب واحترام بدون التعرض للاساءة الى شخصه او طرح اشياء خارج نطاق الادب والحوار العاقل زى احد المشاركين بيقول اهدروا دمه واللى زى ده مفيش حد يرد عليه غير ان يقوله ربنا يهديك
اما بالنسبة لاقتباس الرد للاخ الكريم فهو صراحة عجبنى فيه عدة اشياء اولها كلمة قمة المسخرة لان فعلا اللى بيحصل ده قمة المسخرة وعدم مراعاة ان ده انسان مسلم مهما حاولتم تحكموا عليه بنظركم القاصر فحسابوا عند ربنا مهما كان خطأه ربك يغفر لكل انسان فمبالك بواحد يقول خاين والتانى يرد عليه يقول اهدروا دمه وواحد تانى يقول اصله عبد للمال ولا الاخوة اللى طلعوا بموضوع اعلان الخمرة على التى شيرت اللى لابسه قال يعنى الحضرى متربى فى زيورخ ولا باريس ميونخ ونسيوا انه من كفر البطيخ وخد الدبلوم بالعافية ونسيوا انهم نفسهم شافوا التى شيرت ده كذا مرة قبل ما واحد بيعرف يقرأ المانى ولا فرنساوى يكتشقف معنى الاعلان بتعتبوا على الحضرى وانتم 90% منكم وقعد 50 سنه لابس التى شيرت ده مش يعرف ان عليه اعلان خمرة الا ماحد يقوله فعلا ناس بتقف على الواحده وقال ايه خدوا فتوى من الازهر انه فاسق وانا متأكد ان اللى قال الكلام ده ونشره ميعرفش ان اى عالم مهما كانت مكانته وعلمه لا يستطيع ان يفسق اى شخص الا بعد توافر عدة شروط فى فتواه اولها انه يكون مجاهر بالمعصية وثانيها ان يعرف كل جانب يخص موضوع الفتوى فمبالك ده راجل فى بلد تانى هيعرف ازاى اذا كان الراجل يعلم بالموضوع ام لا يعنى من الاخر بطلوا تقريع وكلام فاضى لان علماء الازهر اكبر من الكلام الغبى اللى اتقال ده واللى قاله اساء لعلماء الازهر قبل اساءته للحضرى وكفاية اساءة للراجل كل ده فى ميزان سيئات كل شخص يسيئ اليه بدون وجه حق زى ما قال الاخ الكريم فى كلامه علشان الاساءات كانت كتير قوى وكان نفسى ارد على كل واحده فيهم بس عايز 10 ايام افضى نفسى واقعد بقى ارد عليهم وطبعا ده مش هيحصل لانى مش فاضى للتفاهات دى ولا كمان حكاية الانتماء وسحب الجنسية اللى كان البعض بينادى بيها مش عارف الحضرى عمل ايه امال واحد زى تامر حسنى مغنى و(مترب) وبينشر الباطل بين الناس وكمان هرب من الجيش وزور فى اوراق رسمية محدش قال انه خاين ومعندوش انتماء واسحبوا منه الجنسية ليه ولا سياسة الكيل بمكيالين ماشية حلاة فى بلدنا اليومين دول ولا يمكن علشان امور وروش والحضرى فلاح من كفر البطيخ ياريت نحط كل الامور فى نصابها ومقدارها وحجمها الطبيعى وبعدين ده واحد كان شغال فى مكان قرف منه وعايز يسيبه معاه عقد يربطه بيه فعلا بس هو خلاص قرف ومش قادر يقعد فيه تانى وخاصة ان المكان ده وعده اكتر من مرة انه هايروح يشتغل فى حتة تانية فيها حاجات بيحلم بيها من زمان وعلى الرغم من انهم خلفوا وعدهم معاه يبقى مفيش حل غير انى يخلف وعده معاهم ويعاملهم بالمثل وهو ده اللى حصل مع الحضرى مكبرين الموضوع ليه كانه خاين وغدار وبتاع فلوس لوكان بتاع فلوس كان مشى من زمان ولا الناس اللى بتقول انه متعدلش الا بعد الشارة متسحبت منه ونسيوا ان الحضرى متألق مع الاهلى من سنة 2000 ولا نسيتوا متش ريال مدريد فى 2001 احمد ناجى كان بيقول بعدها الحضرى من افضل 5 حراس مرمى فى العالم وطالما مدربه بيشهد بكده فعلا فحرام بجد يلعب فى الدورى المصرى التعبان طبعا ناس هتقول يعنى الدورى السويسرى هو اللى عدل قوى اقولهم الحضرى بعد ما لقى العمر بيجرى وادرة الاهلى عمالة توهم فيه اننا هنخليك تحترف فى الوقت المناسب ويسكتوا فيه بالفلوس علشان يقعد ومايطفش بس دى نهايه الوعود الكدابة من ادارة الاهلى ادارة المبادئ اللى دمرت اكبر لاعيبه فى مصر فى عز مجدهم بحجة المبادئ والقيم وهى ظلم وجور وعدوان على اللاعبين وليس الحكم معهم بالمبادئ زى ما الناس فاكره كنتم فاكرين الحضرى هيقعد لما يتعمل فيه زى اللى اتعمل فى شوبير وحسام وطاهر وغيرهم وعلى العموم دى كانت اخر فرصه فى عمره هل يستنى جنب الوعود الكدابه لما تروح منه الفرصه لايمكن طبعا ودى اخر فرصه قالك هاطلعها وزى ماتيجى سواء رحت نادى اكبر ولا لأ يبقى على الاقل حققت حلمى فى الاحتراف حتى لو فى نادى صغير وبعدت عن الظلم الباطن الغير ظاهر للناس لا يشعر به الا لاعب مع الفريق
اما بخصوص زوجته فالناس دخلت كده فى منطقة اعراض وبلاش كلام فيها احسن وكل اللى اقدر اقوله ان 90% من بنات الشعب المصرى لابسين حجاب على الموضه يصف وفى بعض الاحيان يشف هل نظرت اخى الكريم وشوفت اختك او زوجتك او بنتك من هؤلاء واصلحت ما بنفسك واهلك وتركت عوارات الناس واصلحت مابنفسك واهلك قبل ان تعيب على الاخرين وكل شخص له عذره فلا تحاسب الناس بما لا تعرفه من ظروفهم الشخصيه وخاصة ان هناك من العلماء من اعطى فتاوى تخص موضوع الحجاب فى الدول الاوربية تجعل الحرج الذى يقع على صاحبه ليس كالحرج الذى يقع على شخص مقيم فى بلد مسلم زى بلدنا مثلا وعلى العموم لو مراته قلعت الحجاب بدون عذر وهو وافق على كده يبقى ديوس فعلا بس الكلمة دى محدش يقدر يقولها الا اذا كان واحد من علماء الشريعة وعنده علم بكل الظروف المحيطة للموضوع ساعتها هيقولها بملئ فمه الحضرى ديوس وعلشان كده لا أنا ولا أنت نقدر نقول كلمة زى دى الا ما واحد عالم محترم ربانى يقولها قبل مننا ولذلك فعدم الخوض فى الموضوع افضل لى ولك وفى النهاية سيبه الراجل فى حاله وخليكوا فى الوكسه اللى احنا فيها بلدنا بطالة ورشوة ومحسوبية ونواب القروض واسعار تتضاعف كل اسبوع وشعب 70% منه بيعانى من امراض مزمنة وحاجات تانية كتير قوووووووووووووووووووووووووووووى
ولا انتم بتفشوا غلكم فى الغلبان اللى فرح شعب مصر كتير قوى سيبوه هو كمان يفرح شوية زى ماهو عايز على مزاجه مش على مزاج ادارة الاهلى وكفايه كده النهارده وللحديث بقيه فى حالة ان حد قل ادبه تانى
والسلام ختام على ابناء المنتدى الكرام (المحترمين منهم فقط)
zozododo
21-05-2008, 06:16 PM
شوفتم بقى و بعد كل ده ساب الاهلى و هرب انا متأسف جدا بس انا شايف ان الموضوع واخد اكبر من حجمة و بكرة الحضرى بنفسة هوة اللى حيعرف حجمة ....؟ و ابقوا اسألوا ابراهيم سعيد من قبلة .....؟

و بالنسبة لموضوع الرابطة من وجهة نظرى انه موضوع مستفز جدا .... و شكرا على توضيحك الغير مباشر لمدى حماقة الحضرى فى مسح كل ما ذكرتة فى موضوعك من تاريخ ....



الاهلى فوق الجميع
ahlawii
02-06-2008, 12:51 AM
الله يخربيت ام دى جماهير اللى راحت عشان تشتمك
يا احسن جون ف مصر
واقف بتحرس مرمى اسم مصر فى تصفيات كاس عالم وجمهور لو وصفته هتوقف من المنتدى رايح عشان يشتمك
يا احسن جون فى افريقيا ومصر اوعى تحط فى بالك وركز عشان نوصل كاس العالم وسيبك من ولاد الو.... اللى شتموك
حسام 1992
02-06-2008, 10:39 AM
كان فضل قاعد كان هيجمع فلوس اكتر خصوصا انه حارس كبير وكان مجال التدريب هيبقي بالنسبالة مفتوح علي البحري
بس الحمد لله انه بان علي حقيته والاهلي لن يقف علي اي لاعب مهما كان اسمه
ياعالم شوفوا ابوتريكة لما قالولوا تعالي احترف (في خيتافي)رفض وقال انا في النادي الاهلي ولن ارحل منه ومن يتكلم عن احترافي كمن يحرث في الماء
لا قال باه بره فلوسها كتيروللا يحزنزن لانه حسبها صح
ربنا يهدي الجميع

أول حاجة عشان تخلي بالك

عصام الحضري مؤهل متوسط

و مفيش حد بيخش التدريب أو الادارة و هو مؤهله متوسط

هو عارف كده كويس

عشان كده راح سيون

على فكرة عصام الحضري جاله عرض دلوقتي من ليون و هو بيدرسه

أما أبو تريكة فلا يمكن يضحي بالشعبية الكبيرة جدا اللي مكانش للحضري ربعها

و يقدر يدخل ادارة الأهلي كمان بعد كده و يشتغل في التدريب

لإنه مؤهلات عليا

هو ده مربط الفرس بقى
ahlawii
07-06-2008, 01:39 AM
مع حبى ودفاعى عن الحضرى ولكن كما قال حسام1992 شعبيه ابو تريكه اكبر بكثير من شعبيه الحضرى وقتما كانوا الاثنين فى الاهلى (تقريبا لا تقارن)
ashrafsho
07-07-2008, 05:54 PM
لكل نادى عظيم حارس مرمى عظيم
dino2010
11-07-2008, 07:31 AM
ربنا يوفقك يا عصام ويهدى المتعصبين ويرحم مصر منهم

اهلاوى مصرى
mrf_mrf27
15-07-2008, 07:08 PM
معاكم يا شباب انا بحب الحضري
لمى غالي
16-07-2008, 01:52 PM
انا بصراحه رايى ان اللى يشتم غيره ويتكلم عليه وعلى زوجته و على شرفه يبقى هو اللي يستاهل الشتيمه ايه يا جماعه انتوا نسيتوا اننا مسلمين واخوان في الله والمفروض ان لو اخ مسلم زي الحضرى غلط لازم نساعده ونقف جنبه ونساعده في انه يصلح غلطه مش نشتم ونقول الفاظ يرفضها الدين والعقل والمنطق هو ده اللي ربنا سبحانه وتعالى وصانا بيه ورسولنل الكريم قلنا عليه
adham_adoh2010
20-07-2008, 07:59 PM
شكراً عالموضوع
mouddy
04-08-2008, 07:46 AM
ياجماعه متشغلوش نفسكم بواحد خائن وهارب
ده اصلا خساره ان الواحد يتكلم عنه
والاهلى اللى عمله قادر يعمل الف غيره فكفايه كلام عن الهارب ونتكلم فى حاجه مفيده لها قيمه وياريت تطالبو معايا انه مينضمش للمنتخب مين عارف مش ممكن يبيع المنتخب زى ما باع الاهلى اصل الطمع وحب المال يخليه بعمل اى حاجه
zekry22
13-08-2008, 01:25 PM
I Love you ISam even if I dont agree with you
Rabena Yeshfi ISam , he is sick in the Hospital