هل Batista هو Rock المصارعة القادم ؟

[indeep]

مساء الخير ياشباب المنتدى الكرام

احب ان اخذ رأيكم واعرف افكاركم فى هذا الموضوع فقد كنت اراقب Raw مؤخرا ولاحظت تشابها بين المصارعين Batista و The Rock


اولا : قبل كل شىء هم يبدون متشابهين فى الشكل بعض الشىء :) , وتقريبا لهم نفس نوع الجسم و متقاربيين فية , كلا منهما رياضى فذ , ويتمتعون بالقوة

ثانيا : كلاهما يتمتعان بالهيبة والرهبة وتقريبا نفس الطريقة فى اجتزابهم للجمهور و لهم مشجعيين كثيرين عند نزولهم لحلقة المصارعة , و طاقتهم الفنية عالية .... الخ

قد يكون Batista شخص جنوح او او فى الجانب المكروة غير المحبوب ولكنة لا يبدو هكذا حينما يصارع فلة مؤيدون ومعجبون كثيريين .. وايضا فيبدو لنا احيانا انهم يجهزونة ليكون البطل الشعبى القادم

المهم احب اتناقش معكم واعرف ارائكم فى هذا الموضوع وهل ممكن ان يكون باتيستا هو الروك القادم ؟ وهل من الجائز ان يكون هناك Rock اخر ام لا ؟

[™ The Rock]

ولو ان الفروقات مش قريبه اوي بس فعلا انا حسيت بكده بدليل ان الجمهور بدا يتفاغل مع باتستا لدرجه التهليل عند دخوله وانا علي راسهم لمدي قوته وطريقه لعبه الجميله بصراحه انا اتمني انه يكون صخره جديد

[indeep]

اخى العزيز zizoor 22
هو فعلا يمكن الفروقات بينهم مش كتيير بس فى تشابة وهو دة اللى جعلنى افكر هل من الممكن ان يكون هناك روك جديد ام لا
المهم الزمن كفيل بكشف هذا
اشكرك جداا اخى على مشاركتك

[هبه]

اخى العزيز indeep

انا اسفه بس انا اختلف معاك فى الرئى انا الوحيد اللى شبه the rock هو randy orton مش عارفه ليه بس هوه الوحيد اللى بحس بشبه كبير بينه وبين الصخره

وانا اسفه لااختلافى فى الرئى معاك

[mohamed 3abdalh]

هو مش ممكن يكون شبه rockاو حتي randy orton لاكن ممكن هيكون محبوبويكون محبوب جدا لو انفصل عن tantro boy and trabel H وانا بجد نفسي ينفصل عنهم

[هبه]

يجماعه انا مش بقول ان Batista شبه the rock او randy orton انا بقول ان randy orton و
the rock هما اللى شبه بعض فى كل حاجه طريقه دخولهم وحركاتهم على الحلبه كلها واحد

وشكرا

[mohamed 3abdalh]

yesssssssss u r right

[هبه]

:rolleyes: ميرسى

[indeep]

الاخوة الاعزاء هبة و محمد عبد اللة

اشكركم جداا على مشاركتكم برأيكم وبعدين ياهبة الاختلاف فى الرأى لا يفسد للود قضية يعنى اختلفى براحتك احنا بنتناقش وبالنسبة ل Randy Orton فعلا هو فى تشابة بينهم

ولكن السؤال الاهم الذى جال بخاطرى ويطرح نفسة وعايز اعرف رأيكم فية
هل يمكن ان يكون هناك Rock اخر ام لا ؟

ولكم تحياتى

[indeep]

وبالمناسبة صحيح يااخت هبة انا بعمل موضوع علشان خاطرك الان لمصارعك المفضل ستيف اوستن عن حياتة ومشوارة وسأطرحة بالمنتدى خلال يوم او اثنين واتمنى ان ينال اعجابك

[هبه]

بيتهيألى لما يبئا يموت the rock ساعتها نبئا نشغل بلنا اللى هيجى بداله يعم كبر دماغك لما يبئا يموت بئا

شكرا

[هبه]

ميرسى جدا اخى انا فعلاا بحب ستيف اوستن جدا وشكرا على الموضوع مسبقا

[mohamed 3abdalh]

اعتقد انو حتي الان مفيش اي مصارع زي روك لاكن في واحد قريب منو جداااااا اللي هو كريس بينواه

[mohamed 3abdalh]

انا سيت اكتب اهم حاجه علي كريس بنواه انو افضل مصارع يحتوي علي قوه تحمل مالهاش حل

[هبه]

يراجل حرام عليك الاتنين بعيد عن بعض تماما ده فى طريق وده فى طريق دول عاملين زى اللى راكبين قطار وكل واحد فى طريق

[هبه]

اه فى دى عندك حق

[هبه]

بس مش هيجى احسن من العظيم ستيف اوستن صح يبنى ستيف اوستن ده عمهم كلهم

[mohamed 3abdalh]

انا عندي سؤال يا indeeb & heba
ايه توقعاتكم لو كنتو شوفتو اخر مصارعه اللي كانت بين randy orton VS rick flair(nitro boy) وكان batista and trabel H واقفين تحت
ساعتها batista الحكم طردو وكام المفروض يكون trabel H هو اللي ينطرد وساعتها batista وهو خارج راح باصص علي H راح عمل فيها عبدو الاهبل وأكنو مش هو اللي مسك قدم randy
تتوقعو batista هيعمل ايه؟

[indeep]

ومين ياهبة اللى عندة صبر يستنى لحد ما ربنا يفتكر البية :cool: :cool: وبعدين لو بعد الشر حصلى حاجة وربنا افتكرنى قبلة اعرف منين انا بقى

ولا اظن هاتبعتى لى تلغراف مستعجل على الاخرة
:D :D :D

وياستى لا شكر على واجب المهم ان الموضوع يعجبك وانا فى الخدمة دائما

[indeep]

اخى العزيز محمد عبد اللة
اشكرك على ردك بس فعلا زى ماهبة قالت مافيش وجة شبة بين كريس بينوا والروك لان كريس بينوا لو استمر على نفس النهج اللى هو ماشى علية هاينجح فى عمل اسطورة مستقلة لنفسة بعيدا عن اسطورة الروك

ومعلش بعتزر لك لانى لم اشاهد هذة المباراة فامش هاقدر افيدك بس ممكن انت تقولى باتيستا عمل اية

[indeep]

اختى العزيزة هبة

فعلا ستيف اوستن من ضمن اعظم اساطير المصارعة الحرة وهذا يشهد علية الجميع وتاريخة العريق ايضا يشهد بذلك

[mohamed 3abdalh]

منا كمان مش عارف والا حتي الجماهير مش عارفين علشان كده انا سئلت تتوقعو ايه اللي هيحصل ... انا عن نفسي اتوقع انو batista هيطلب اللعب ضد H بحجه الحزام .. والحزام ده طبعا حصل مشاكل كتير بسببه وهو السبب في انفصال randy orton
علي فكره انا نفسي تشوف الاعاده هيكون عندك يوم الجمعه او الاحد

[هبه]

لا بعد الشر عليك طبعا بس مش تقلق انا ساعتها هاجى ابلغك بنفسى مش هبعت ليك تلغراف بس انت لو عايز تعرف مين اللى هيبئا the rock بيتهيألى انه واحد لسه مش اتولد لما يتولد هيزيعوا عنه فى الجريده

[mohamed 3abdalh]

انتو عرفـــتو انو ستيف اوستن رجع المصارعه تاني؟

[هبه]

لا فى دى مش اعرف علشان انا للاسف مش اتفرجت عليها اخر مره لما اتفرج هبئا اقول رئيى بس انا حاسه كده والله اعلم ان batista بيتلكك ل H علشان ينفصل عنهم ودة كان باين اوى من فتره
صح

[هبه]

بجد
امتى
فين
ازاى
ليه
من غير مشوفه لا حرام

[mohamed 3abdalh]

بالنسبه ل batista انتي صح وان شاء الله هينفصل عنهم وبعدين الراجل ده والله انو قو جدا جدا ولزم يستغل جسمو اكتر من كده ولو انفصل عنهم انا متأكد انو هيتحمس جدا وترتفع روحوه المعنويه علشان لما يكون لوحده هتكون الجماهير كلها تساندو
بالنسبه ل ستيف اوستن هو عمل لقاء صحفي مع ماك مان ودي كانت اخر حلقه

[holmez]

أورتون هو الأقرب للصخرة من حيث الكاريزمية بينما باتيستا مع احترامي لآرائكم جميعاً يذكرني بجولدبيرج في أداؤه فهو متصلب الجسد ولا تظهر عليه آثار الضربات ... يعني من الآخر مش متقن دوره وهذا أحد أسباب رحيل جولدبيرج من الإتحاد

[mohamed 3abdalh]

بالنسبه ل بلي جولدبرج فيه احتمال انو اتحاد wCw لما يرجع تاني هيضمو عندو وده هيكون قريب

[mohamed 3abdalh]

انا اعتقد انو سبب رحيل بلي جولدبرج اسباب ماليه فقط

[indeep]

اختى العزيزة هبة

الف بعد الشر عليكى ان شالة اللى يكرهوكى لكن لو حصل انا هاتكل كليكى تقوليلى بس مش مهم تيجى كفاية تبعتى لى جواب :) وفعلا انا من رأيك ان الروك مش هايتعوض لانة مصارع فريد من نوعة

[indeep]

الاخ العزيز محمد عبد اللة

معلش انا مافهمتش كويس اللى انت كتبتة فى الاول بس انا هاقولك توقعاتى بناءا على مايحدث الان .. من اللى بيحصل فى الفترة الاخيرة واضح ان فى مشكلة هاتحصل بين تريبل اتش وباتيستا ليلحق الاخير باخة الذى انفصل عنهم من فترة راندى اورتن
بطولة الرويال رامبل قادمة وتوقعاتنا فى المنتدى ان الذى سيحصل على هذة البطولة هو باتيستا
وايضا سيقام قريبا المباراة الثأرية بين ترابيل اتش و راندى اورتن على حزام بطولة العالم وتوقعاتى الشخصية ان ترابيل اتش سيهزم راندى اورتن فى المباراة
ولو نتائج المبارايتان صارت كما هو متوقع لهما فهذا معناة ان ترابيل اتش سوف يقابل باتيستا فى بطولة WrestleMania 21 ليلعبوا على حزام بطولة العالم
ولذلك فمن الجائز جداا ان هذا التوتر الحاصل بين باتيستا و ترابيل يدعمة الاتحاد للوصول تدريجيا لهذة المباراة التى ستكون مجزرة بكل المقاييس
نهايتا اتمنى ان اكون اوصلت لك المعلومة ومايجول فى خاطرى ولو فى اى شىء عايز تستفسر عنة انا تحت امرك وعموما احنا بنتوقع بناءا على الاحداث الجارية حاليا يعنى ممكن كل شىء يتغير غدا واحنا فى انتظار ما سيحدث بفارغ الصبر والاخبار هاتكون عندكم اولا بأول ان شاء اللة

[indeep]

وبالنسبة لخبر رجوع ستيف اوستن للمصارعة مرة اخرى فهو خبر صحيح ولكن العقد الذى وقعة كان بأشتراكة فى 3 افلام ستنتجهم شركة انتاج تابعة لاتحاد المصارعة
وحتى الان لم يعلن عن اشتراكة فى اى مباريات فى الفترة القادمة ولكن ماذكرة الاتحاد انة اعلن رجوعة واشتراكة فى الافلام
وانا معكم اتمنى ان اشاهدة قريبا جداا فى ساحات المصارعة لاننا فعلا مشتاقين لة

[indeep]

اما بخصوص الاسطورى جولد بيرج فحاليا هو يلعب فى اليابان ومعة ايضا بروك ليزنر ونتمنى ان اتحاد ال raw يستطيع جزبة فى والتعاقد معة مرة اخرى فى القريب العاجل هو و بروك ليزنر

ونعم اخى محمد فعلا سبب تركة للرو كان اختلافات فى المسائل المادية بينه وبين ماكمان نظرا لان اجرة عالى , ولو كنت يامحمد عندك معلومات عن رجوع اتحاد wcw ياريت تقولى

[indeep]

الاخ العزيز holmez

اشكرك على مشاركتك معنا فى الموضوع والنقاش وفعلا هو اورتن شبية بية من ناحية استيل وسناريو الشخصية ولكن يااخى انا لا اعتقد ان هناك مصارع سيضاهى بيل جولد بيرك فى قوتة وشراستة فى اللعب ولا حتى باتيستا ولن يأتى مثلة
فهو مصارع اوحد من نوعة ولكن هم لهم نفس اسلوب اللعب وهو الاعتماد على قوتهم البدنية الهائلة
فهناك اساليب للمصارعين وسأضع بعضها قريبا فى المنتدى

[هبه]

صح انت عندك حق

[ortan]

حرام عليكم يا جماعة دا الايفلوشن هو اللى مصبرنا على الراو دى اولا

وثانيا بتيستا ميقدرش يلعب لوحده من الغير العصابه بتعته ولا عاوزين يحصله زى ما حصل للبيج شو فى عرض سماك داون الاخير

وثالثا انا متهيلى انه اللى حيكسب الرويل رمبل حيكون من السماك داون وهو اللى هيلعب على الحزام مع تربل اتش
وممكن كمان يتنقل للراو زى محصل السنه اللى فاتت مع كريس بينوا

[هبه]

مين قال ان باتيستا مش يقدر يلعب من غير العصابه بتاعته لا طبعا ده مبيصدق يلاقى اى فرصه علشان يثبت انه مش محتاج لحد

[walid26]

ده واضح إني وصلت متأخر أوييييييي

المهم ، انا فعلا و 100% متفق مع الرأي القائل إن Randy Orton هو خليفة the rock الذي أصبح متفرغا للسينما فقط ، انظروا لجسم rock وجسم Orton ، ستجدوا نفس العود تمام ، طريقة اللعب مشابهة لحد ما ، طريقة جذب الجمهور الذي أصبح يعشق orton ، ولو اهتم القائمون بالـ raw بـ randy orton أكثر من ذلك ورسموا بإتقان storyline له سيكون هو الإسطورة القادمة ،

وآسف أخي indeep فلا وجه للشبه إطلاقا بين Batista و the rock أبدا أبدا أبدا ، Batista جسمه متصلب للغاية ، لا يجيد التمثيل والكلام مثل the rock الذي أصبح متكلما وبتمثيل فائق الإتقان علي الحلبة ، غير انه يستطيع تغيير تعبيرات وجهه بمنتهي البراعة وهو الشئ الذي لا يعرفه Batista ، من ناحية أخري the rock يعرف ( من أين تؤكل الكتف ) بمعني أنه يعرف ما سثير الجمهور ويلعب علي الحبل ده .

Batista لا يملك 1/100 من مقومات the rock ، وبنظرة أكثر مصداقية فـ Randy Orton هو الخليفة المحتمل لـ the rock

Goldberg ليس متصلب الجسد ، ولكنه يعرف ما سيثير الجمهور وهو صاحب خبرة كبيرة بالمباريات الضخمة فهو من الطراز الأول في المصارعة الحرة ويلعب فقط مع الأسماء الرنانة بعكس Batista الذي تتراوح مبارياته ما بين الوزن المتوسط والثقيل ، والسبب الوحيد لرحيل Goldberg هو طلباته المادية والـ ( الرياضبة ) الغير مقبولة لدي vince macmahon .

والتحول التدريجي والطبيعي في قصة ال raw منطقي جدا ، أعني أنه من الطبيعي أن يتم إثارة الخلاف بين Batista و triple h ، وانا اختلف تماما مع من يقول أن Batista لا يستطيع التنازل عن ال evolution ، بالعكس ، فهو (( سنيد ) triple h الذي يعتمد كلية عليه ، بل أن triple h يخشي Batista تماما ، المهم ، من الطبيعي أن يتم إثارة الخلاف بينهما لإنقاذ الraw من الملل ، حيث اننا دخلنا علي السنة والخلاف وحزام بطولة الوزن الثقيل ما بين triple h و chris benoit و الآن randy orton ، من المنطقي إدخال عنصر جديد وهو batista إلي المنافسة ، وسيستمر هذا الخلاف بين triple h و batista لفترة طويلة حتي يجدو بطل جديد ينافس علي الحزام الذي أصبح حكرا ل triple h

ويا سلااااااااام لو الحدث الرئيسي لـ wrestlania 21 تكون مباراة بين triple h و batista و shawn michaels ، ستبقي مباراة أسطورية .

Austin راجع بالفعل ولكن للأفلام وياحسرة لو سلك نفس طريق the rock ، فسيصبح ممثلا ويبتعد عن المصارعة ولا عزاء لـ ( هبة ) :D !!

زآسف علي الإطالة . وألف شكر علي الموضوع الجميل أخي indeep

[mohamed 3abdalh]

اشكرك جدا يا indeep علي المعلومات وانا فعلا استفد منها وكملت معلوماتي
وياريت اقولي اخبار عن wCw
شكرا مره تانيه

[indeep]

اخى Ortan

اشكرك على حرصك على المشاركة معنا برأيك

انا بالنسبة لكلامك عن ان باتيستا وانة لا يستطيع الاستغناء عن باقى فريق الايفليوشن

وانا اختلف تماما مع من يقول أن Batista لا يستطيع التنازل عن ال evolution ، بالعكس ، فهو (( سنيد ) triple h الذي يعتمد كلية عليه ، بل أن triple h يخشي Batista تماما

لن ازيد على ماقالة اخى العزيز وليد فى ردة

وبالنسبة لان اللى هايفوز فى الرويال رمبل حيكون من السماك داون لماذا لا من الجائز فعلا ان يحدث ونشهد انتقال نجم اخر من السماك دون الى الرو .. واشكرك مرة اخرى

[هبه]

يافرحه متمت خدها الغراب وطار بئا كده ستيف اوستن يمثل مش يلعب :5eek:

يفرحه ابله ظاظا فيا

شكرا :5headache

[indeep]

اخى الغالى وليد

شكر خاص لك على مشاركتك المتميزة المتبحرة الاكثر من رائعة وطبعا لانك المرجع الاساسى لنا .. و ولا يهمك اختلف ياسيدى برحتك
عموما اللى كنت عايز اوصلة منذ بداية كتابتى الموضوع ان اعرف رأى الاعضاء فى امكانية وجود Rock اخر ام لا
وبعد المناقشات اعتقد ان Randy Orton هو الاكثر ترشيحا لهذا المنصب
وبصراحة انا كمان متغاظ من Rock لاهمالة المصارعة كليتا واتجاهة الى هوليود واتمنى عودتة المستمرة للمصارعة قريبا

وبالمناسبة يقال انة صرح انة سيظهر فى بطولة Royal Rumble القادمة وقال ايضا انة حتى لو كان يمثل اضخم افلام هوليود لن يمتنع عن الظهور فى البطولة القادمة ( اتمنى ان يكون الخبر صحيحا )
وشكرا اخى الغالى ودامت لى مشاركاتك

[indeep]

اخى العزيز محمد عبد اللة

الحمد للة اننى استطعت افادتك واضفت لمعلوماتك وبالنسبة لموضوع ال wCw انا بصراحة ماعنديش اخبار عنها لاكن علشان خاطرك هادور على اى جديد ليهم وبأذن اللة لو وجدت سأخبرك
ولك تحياتى

[indeep]

اختى الغالية هبة

بس كفاية عياط قطعتى قلبى
:cool: :cool: :cool: :cool:
عموما لمعلوماتك ان اكيد هايرجع للعب فى القريب العاجل جداا لان جماهيرة الغفيرة منتظراة بشغف
:cool: :cool:
بالمناسبة انا وضعت لة مباراة امبارح مع ترابيل اتش وليتا لو تحبى تنزليها هاتلاقيها فى قسم الملتى ميديا واتمنى ان تنال اعجابك

[هبه]

بجد بجد بجد
انا مش عارفه اشكرا ازاى ياله عقبال الموضوع اللى انت وعدتنى بيه علشان شكرى ليك يكمل
شكراااااااااااااااا

[holmez]

ايه يا جماعة ... فيه ايه ... الـ Wcw لم يعد لها وجود فقد اشتراها مكمان من عامين

[indeep]

اختى العزيزة هبة

لا شكر على واجب اختى وبالنسبة لموضوع ستيف بأذن اللة اول ما انزلة المنتدى سأبعث لكى برابط الموضوع فورا

[indeep]

اخى العزيز Holmez

مافيش اى حاجة بس انت هدى اعصابك و ماتتضايقش مافيش حاجة مستاهلة
وعموما انا عارف ان اتحاد Wcw اضمحل وانتهى ولكن من فترة قيل كلا م فى اتحاد Wwe على لسان ماكمان انة يريد اعادة انشاء هذا الاتحاد مجددا بعد فشلة الذى ادى لانتهائة واغلاقة ويجعل ابنة شين ماكمان هو المسؤول عنة ولكن لم يتبين صحة هذا الكلام حتى الان

وشكرا لك اخى

[samir_mantis]

اعتراااااااااااااااااض
ليس هناك خليفه للصخره
بكل المقاييس

[indeep]

اشكرك اخى العزيز محمد سمير على تسجيل اعتراضك وانا شخصيا اوافقك فى الرأى وذكرت هذا مسبقا

[هبه]

ليه يعنى ان شاء الله كان ايه الصخره علشان ميكونش له خليفه

[indeep]

اختى العزيزة هبة

هوة انتى دائما كدة معترضة
:cool: :cool:
عموما ياهبة الروك صاحب تاريخ طويل حافل بالانجازات فخلال الفترة التى قام بالعب فيها استطاع ان يحصد الكثير من البطولات وفى خلال هذة الفترة استطاع من هزيمة الكثير من ابطال Wwe مثل اوستن وهولك هوجن و الحانوتى بجانب ان لة جمهور عريض فى كافة انحاء العالم ويتميز الصخرة ايضا بأسلوبة الساخر الذى يلقى استحسان الكثيريين
يعنى مش ممكن يتقال عنة "لية انشاء اللة كان اية الصخرة علشان مايكونش لة خليفة" لأ كان ولازال بالرغم من انى حانق علية لاهمالة المصارعة الان واتجاهة للافلام
فى النهاية ممكن ياهبة يأتى مصارع اعظم من الصخرة ويكون لة انجازاتة ولكنة لن يكون مثل الصخرة فلكل مصارع شخصيتة المستقلة فى اللعب مثلا زى اوستن هل يعقل ان يأتى مثلة ؟

وشكرا لمشاركتك اختى المعترضة دائما :p

[asmail]

فعلا الصخره هو اعظم مصارع ف ال 10 سنوات السابقه[b][quote][u]

[samir_mantis]

اشكرك اخي اللي هو -احلي عضو سوبر في المنتدي-indeep
علي الرد اللي زي العسل
وتسلملي وتسلم الايد اللي بتكتب

[indeep]

اللة يخليك يامحمد على ردودك الجميلة وانت بالفعل رجل محترم وانا اقدرك واسعد دائما بردودك الجميلة

[indeep]

واشكرك اخى اسماعيل على مرورك الكريم بالموضوع واشتراكك فى الرد والمناقشة

[samir_mantis]

ياباشا دنتا اللي اللي علمتنا ازاي نرد
علي الناس المحترمه

[medhatkean]

يا جماعه كبروووا دماخكواا كل دول فى جانب والاندرتيكر الاسطورة فى جانب لوحده تانى لو جايت تساوى شعبيه كل المصارعين فى الاتحاد وشعبيه الاندرتيكر على مستوى العالم كله هاتلقى ان الاندرتيكر مكتسحهم جميعاا
علشان كده اللى يشوف الاندرتيكر ما يشوفش مصارع غيره احسن له

[indeep]

اخى medhatkean

شكرا لمرورك والواضح من ردك انك من اشد معجبين المصارع undertaker حول العالم بس لى تعليق ان كل شخص لة مصارعة المفضل وبصراحة انا ال undertaker ليس مصارعى المفضل :( بل الاسطورة goldberg

زمان اول من حببنى فى المصارعة كان hogan وبعد انقطاع عن مشاهدتها لفترة رجعت لاجد ان undertaker هو hogan المصارعة الجديد واصبح بالفعل هو مصارعى المفضل ولكن من فترة لاحظت انخفاض مستواة جداا وذلك ماجعلنى اغير وجهة نظرى تجاهة
ولكن على النقيض عندما رأيت لعب goldberg ابهرنى ولازال محافظ على مستواة وطريقة لعبة التى تمتاز بالقوة حتى الان ولذلك فهو المصارع الذى يستحق الان ان نضعة فى كفة والباقى فى كفة اخرى



ومعزرتا على اختلافى معك ولكن اختلاف الاراء لا يفسد للود قضية اليس كذلك

[medhatkean]

شكراا على تعليقك لكن انا عاوز اوضح ليك على حاجه ان الاندرتيكر لم يترجع مستواه ولا حاجه وان تراجع فقد تراجع ولكن ليس الان منذ سنتين فعل تراجع مستوى الاندرتيكر بدرجه كبيره اما الان فاهو لم يتراجع مستوى عن سنوات مجاده لكن السيناريوهات التى تضع له تجعله ينهزم من مصارعين اقل منه فى القوه ولكن هو يفعل ذلك ويقبل هذه السيناريوهات لانه يحب الاتحاد لانه هو الذى اعطى له شهره والمجاد العظيم وايضا الاندرتيكر اعطى لاتحادشهره واسعه لم يعطيها اى مصارع لاتحاد وحتى هوجان الذى يقال عنه انه اسطورة المصارعه فا احد فى العالم يعرف المصارعه واللى يذكر اسم الحانوتى حتى وان كان الاتحاد اللى بيتكلم عنه مش wwe
هكذاا تكون الاساطير اما جولدبيرج فا انا لاانكر انه مصارع جيدا وقوه وطريقه لعبه ممتعه جدااااا لكن لاسف ليس اسطورة لانه لم يلعب فى الاتحاد اكتر من3سنوات وحتى كمان غدر با الاتحاد لم ضحك عليهما واقنعهم ان انه ها يستمر فى الاتحاد لو غلب بيروك ليسنر وفعل الاتحاد وافق على شروطه لكن لاسف بعد هذا الماتش غدر با الاتحاد
انظر لفرق بين الاندرتيكر وبين الجولدبيرج واحد بيضحى بسمعته وشهرته وبينهزم من اضعف المصارعين من اجل ان يبقى الاتحاد ذو شهره واسعه واقوى اتحاد مصارعه عالمى وبين شخص غدر الاتحاد وضحك عليهم بعد ما اديلو شهره وقاعده جماهيريه واسعه ومع ذلك سيبهم ومشى جولد بيرج كان فعل ها يبقى اسطورة لو عمل زى تيكر ماعمل لكن لاسف اسطورة المصارعه الوحيد هو الاند رتيكر وبس جديد قديم هو الاندرتيكر وبس

[abdo_abdo687]

لو سمحتم يا جماعة ممكن تبعتولى رسايل صور مصارعين وده ميلى
abdo_abdo687@yahoo.com

[verro]

ياجماعه مفيش حد هيجى زى الروك .الروك مش بس مصارع قوى ومحبوب واسطوره وممتع فى لعبه وجميع مبارايته من اجمل المبارايات فى المصارعه فى السنوات الاخيره مش بس كده وجرأته وخفه دمه اللى خلت الناس كلها تحبه دا غير انه ابتدى او ظهر فى عصر كله عمالقه ومع ذلك فرض نفسه واصبح له شان كبير فى المصارعه يعنى من الاخر مفيش بطل شعب تانى مفيش غير الروك وانا من وجه نظرى الشخصيه من اجمل المبارايات اللى شوفتها فى حياتى كلها مبارايات الروك

[trabel_hhh]

للاسف يا هبه randyيختلف تماما عن الروك الروك سريع جدا و لكن راندي مش بسرعه الروك ابدا و احب اعرفك ان راندي علي ابواب الاعتزل لان اوتار يده اليمني تمزقت بالكامل و يوجد امل ضعيف جدا بعودته للحلبه و طبعا مش هيكون زي الاول اوكي



مع السلامه يا شباب

و ارجو نكون علي اتصال دائم

كريم

[trabel_hhh]

يااااااااااااااااااااااااااااااااااااااا جمااااااااااااااااااااااااااااااااااااعه اياااااااااااااااااااااااااااااااااااااااا شباب مفيش اي شبه بين اي مصارع انتم ذكرتوه و بين التاني انتم هتجننوني ليه

[trabel_hhh]

بس اقول لكم حاجه فعلا عمالقه المصارعه الحقيقين هم


**osten**kane****the undartakaar

و لكن البطلان الحقيقيان هم

هلك هووووووووووووووووووووووووووووجن ***************************** الحنوتي و مفيش حد يقدر يتكلم عن دول

[AERO]

but i think that john cena is the next rocky
look at the people who cheers for him
beside he plays in the name of usa like rocky at his early start
thx for the subject ;)

[™ Μ ά Ď Ŧ ĭ Ģ ë Ŗ]

و الله روك لا يعلى عليه طبعا
و التاني ده بصراحة مشفتش ليه حاجة لسة
ياريت حد يقلي مين المصارعين الموجودين حاليا في raw
و شكرا.....

[suda_67]

انا شايف ان لا يوجد اى تشابة بين باتستا والروك فكل منهماله شكل وطابع خاص وطريقة واسلوب فى اللعب على سبيل المثال باتيستا يعتمد عى قوتةالجسدية فقط بدون اى فنيات لانه كما تعلمون اتى الىالمصارعةمن عالم كمال الاجسام وهو صنيعة ترابل اتش وفلير اما الصخرة فهويلعب مع الجمهور والمشاهد ويقوم بأداء حركات وتقنيات عليةلا يستطيع باتستا ان يقوم بها كما انا الروك حصل علىبطولى العالم اكتر من فلا يوجد اى تشابه بينهما وان ارى ان لباتستا لم يعدمن اللاعبين المكروهين بل انله مشجعين كثيرين وخلصة من النساء والفتيات

[™ Μ ά Ď Ŧ ĭ Ģ ë Ŗ]

مشكوووووووووووووووووووووور

[Stable]

انا بحب باتيستا وهو اللى هيكسب

[kiko_taker]

باتيستا احسن من الروك كتير

[mido_squid]

انا اعتقد rock لياقته اعلي من باتيستا من حيث السرعة اما من ناحية القوة فان باتيستا اعلى منrock في القوة