مشاهدة النسخة كاملة : أشهر 60 جملة بيقولها الأب والأم فى مصر
جيرسى
21-08-2006, 03:55 AM
بسم الله الرحمن الرحيم
وبه نستعين
على مدىسنوات الطفولة والمراهقة يقطع الابن منزل أسرته وهو يستمع للنصائح والتوبيخ نفسه ، بأساليب وجمل ثابته لا تتغير ...
فأصبحنا بمرور الوقت نحفظها جيداونتوقعها ...
" واهالينا يقولوها واحنا نكمل لهم "
هذه المقولات (التى لا نسمعها إلا فى البيت المصرى ) تعمق المحبة فى قلوبنا تجاه أهالينا ، وتجعلنا نكتشف كم الهيستريا
والقلق والمسئولية التى عاناها أهالينا... فى سبيل ان تقف وأنت كبير وسط الناس فخورا برأيهم فيك ... وهم يقولون
" شكله ابن ناس ومتربى "
كفاية مقدمات بقى وادخلكم فى الجمل على طووووول
1- مالكش دعوة بالسياسة .. وماتمشيش فى مظاهرات :
وقد نجحت الأمهات فى هذه الجزئية نجاحا ساحقا ... وده بيظهر عندما ترى أكبر مظاهرة فى البلد لا تتجاوز 500 شخص أو أقل .
2- مش عاوزه أسمع صوت :
هذه الجملة تدريب هام جدا للتعود منذ الصغر على تقبل القمع والديكتاتورية اللذين ستواجههما طوال حياتك .
3- ماتردش عليا :
دى نصيحة لو التزمت بيها ستكسب مديرك فى العمل .
4- تقعد فى أول صف قدام السبورة :
جملة تعودك على أن تكون فى المقدمة دوما .
5- لو مش فاهم حاجة .. ارفع إيدك وقول للأستاذ مش فاهم ...ماتتكسفش
(فاكرين المدرسين زى اللى كانوا على أيامهم زمان )
6- اللى بيشيل قربة مخرومة بتخر عليه لوحده .
7- ومالها الكتب بتاعت الوزارة .
8- بص كويس وإنت بتعدى الشارع .
9- ماتتأخرش بعد المدرسة وتقعد تصيع مع أصحابك :
دى نصيحة ستحقق لك قدرا من السعادة الزوجية (باعتبار إنك من الشغل للبيت )
10- افرد ظهرك .
11- مافيش مذاكرة على المزيكا ... أو .. بتذاكر إزاى والبتاع ده شغال جنبك .
12- ما تمشيش حافى فى السقعة دى .
13- صليت العصر ..؟! ( إشمعنى العصر ....!!!!!)
14- ربنا يهديك ... ربــنــا يــهــديــك ... أو ... إنك لا تهدى من أحببت .
15- إطفى التليفزيون وقوم ذاكر ... أو ... إطفى التليفزيون وقوم خش أوضتك .
16- إوعى تقول لحد هات لى حاجة .
17- إقفل صدرك .
18- بلاش وقفة فى الشبابيك والبلكونات .
19- كل على مهلك .. وأمضغ كويس .. وماتاكلش وإنت واقف وكل من قدمك متحفش .
20- المسلسل مش هاينفعك ... قوم .
21- كفاية رغى فى التليفون .
22- ماتقعدش قدام المروحة وإنت مستحمى .
23- وإنت فاكر إحنا مستنيين منك حاجة ؟!
24- ماتعليش صوتك .
25- بلاش لعب فى الشارع .
26- يا ابنى اللى ذاكر ذاكر خلاص .. قوم نام .
27- بلاش لعب بالمقص .. بيجيب الفقر .
28- يا ابنى كلم خالتك العيانة .. اسأل عليها .
29- إوعى حد غريب يديلك حاجة تاكلها او تشربها وتاخدها منه .
30- النوم لحد الضهر بيجيب الفقر .
31- إوعى تكدب عليا تانى مرة .
32- لازم تاكل سلطة .
33- لو شوفت خناقة مالكش دعوة بيها .
34- عيب .. لازم تحترم الأكبر منك .
35- كلمنا لما توصل .
36- بلاش أكل بره .
37- لو فلحت ابقى قابلنى .
38- يا ابنى أنت مسطول ولا إيه .
39- إنت فاكرنا نايمين على ودانا .
40- وطى المدعوق ده شوية .
41- قوم إقرالك كلمتين ينفعوك .
42- إيه اللامبالاة والاستهتار اللى إنت عايش فيهم دول .
43- إنت فاكرنا لاقيين الفلوس دى فى الشارع .
44- والله ما إنت فالح .. وآدى دقنى اهيه .
45- ما تتكلمش بصوت عالى فى الحمام .
46- ماتنامش غير لما تغسل سنانك .
47- ماتلزقش فى التليفزيون كده .... نظرك هايضيع .
48- ضرب أمثلة تشجع على الكفاح .. أشهرها :
( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )
49- سلم على عمك كويس يا ولد .
50- يا ابنى محدش بينفع حد .
51- ماتطلعش إيدك من شباك العربية .
52- قصة الغريق اللى كذب اللى كل مرة يقول إلحقونى .. لحد ما غرق .
53- التهديدات المخيفة شكلا .. والكارتونية موضوعا .. مثل :
هاقطم رقبتك ... هاقطع لسانك ... هادبحك دبح.
54- ربنا يرزقك بعيل يوريك اللى وريتهولى .
55- ماتطلعش على الملاية النضيفة ورجليك متوسخة كده .
56- ماتقعدش عريان كده قدام إخواتك البنات .
57- حول القناة دى ... بلاش مسخرة وقلة أدب .
58- نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا وعلى أمك ؟
59- طلع إيدك من جيبك وإنت بتكلمنى .
وأخـــــيــــــرا .....
60 - ياللا يا أبو كحكة حمرا .. إنت فاكر نفسك هاتقعد تاكل معانا . :sly00000:
يا رب الموضوع يكون عاجبكم :bye10000:
FaReSALandloS
21-08-2006, 04:01 AM
هههههههههههههههههه
فعلا بالظبط انا كدة اصدق أنك مصري
بالظبط وخصوصا بتاعة عمود النور دي
مشكووووووووووووووور علي الموضوع
جيرسى
21-08-2006, 04:08 AM
هههههههههههههههههه
فعلا بالظبط انا كدة اصدق أنك مصري
بالظبط وخصوصا بتاعة عمود النور دي
مشكووووووووووووووور علي الموضوع
عرفت بقى هم بيتعبوا قد ايه
خااصة عمود لنور
عموما انا مصرية جدا 100:icon30: % 100 واعتز
شكرررررررررا لمرووورك :bye10000:
محمد_12
21-08-2006, 04:34 AM
هههههههههههههه
موضوع روووعه
تسلم ايدك
Sa3eedi
21-08-2006, 04:40 AM
ههههههههههههههههههههههه
والله الكلمات دي أنا فعلا سمعت بعضها من بابا و ماما ..
شكرا أختي على الموضوع ..
ya7ob
21-08-2006, 04:42 AM
ههههههههه
فعلا موضوع رائع ألف شكر ليك يا اخي
omarmonem
21-08-2006, 09:02 AM
انا معاك في كثير من اللي أنت بتقولة
بس أكيد هما عايزين مصلحتنا
بس بيوصلوها بشكل غلط
وألف شكر ليك على الموضع
Asdd119
21-08-2006, 09:13 AM
هههههههههههههههههههه
جامدة متشكرين يبااشا
mrxhome
21-08-2006, 10:50 AM
واقعية جدا .. دا اللي بيحصل فعلا
Medo_sb
21-08-2006, 11:01 AM
سمعت كل الكلام دا بجد
ماعدا دي
بلاش لعب بالمقص .. بيجيب الفقر
وتسلم ايدك على الموضع الرووووعة
بجد تحفة
reem_rosa
21-08-2006, 11:05 AM
طب وجملة
دخل راسك من البلكونه عشان راسك تقيله
دي جمله مشهورة جدا
mohamed_a_d
21-08-2006, 11:26 AM
وجملة يا تنام يتذاكر
كنت فين يا صايع لحد الساعة دي
ابني وانا حر فيه
انت فاكر نفسك بني ادم
tigermedo
21-08-2006, 11:40 AM
انت تمام علي فكره وده فعلا اللي بيتقاااااااااااااااااال احيك علي الحاجات الحلوه دي :icon30:
abdelzaher4u
21-08-2006, 04:52 PM
نيهههههههههههههههههههههههههههههههههاااااا
ايه الحلاوه دى
بس انا حاسس انك تعرفى امى كل الكلام ده متاخد منها طبعا بالتضامن مع ابويه
فعلا موضوع جميل ربنا يوفقك.......
د أحمد سمير
21-08-2006, 06:17 PM
السلام عليكم
ازيك يا جيرسى ؟
الموضوع جميل اوى
و الله أكنك متربية معايا
أنا طول عمرى و انا صغير ماما تقولى متلعبش بالمقص
و لما أقول ليه تقولى لو لعبت بيه يبقه حد هيموت
و كنت أسألها اشمعنى الحلاق بيلعب بيه
تقولى ديه شغلته
عشان كده كنت عايز أطلع حلاق
( عشان ألعب بالمقص بمزاجى )
و حاجات تانيه كتيرة بس مش عاوز أطول عليكى
أصلى شايف الموضوع مليان ردود
عينى باردة عليكى
بس على فكرة أنا أتفق مع الأخ اللى قال انهم عايزين مصلحتنا
سلاااااااام
د أحمد سمير
21-08-2006, 06:22 PM
السلام عليكم
ازيك يا جيرسى ؟
الموضوع جميل اوى
و الله أكنك متربية معايا
أنا طول عمرى و انا صغير ماما تقولى متلعبش بالمقص
و لما أقول ليه تقولى لو لعبت بيه يبقه حد هيموت
و كنت أسألها اشمعنى الحلاق بيلعب بيه
تقولى ديه شغلته
عشان كده كنت عايز أطلع حلاق
( عشان ألعب بالمقص بمزاجى )
و حاجات تانيه كتيرة بس مش عاوز أطول عليكى
أصلى شايف الموضوع مليان ردود
عينى باردة عليكى
بس على فكرة أنا أتفق مع الأخ اللى قال انهم عايزين مصلحتنا
سلاااااااام
هيما التلت
21-08-2006, 06:32 PM
هههههههههههههههههههههههههه
يبقى انت اكيد فى مصر
khaleeedrashad
21-08-2006, 06:37 PM
والله ميه ميه الكلام فعلا كله بيتقال معنى مسمعتشى منه ولا حاجه الا فى الأفلام فقط وشكرا على الموضوع الرائع
predator496
21-08-2006, 06:38 PM
ههههههههههه
فعلا موضوع شيق جدا جدااااااااااا
وده الكلام اللى بيتقال على فكرة لكل الابناء من سن الحضانة لسن الزواج برضه
وبعد اذنك احب اضيف الاتى
1- كفاية كمبيوتر بقى صدقنى عينيك اتحولت
2-يابنى لازم تاكل حاجة قبل ما تنزل حتدوخ فى الشارع
3-يعنى انا مليش كلمة فى البيت انا بقولك طفى التليفزيون عندك مدرسة الصبح ولا عاوز تنام فى الفصل
جيرسى
22-08-2006, 01:33 AM
هههههههههههههه
موضوع روووعه
تسلم ايدك
ربنا يخليك .......
شكررررررررا لمرووووورك :bye10000:
Sa3eedi
ههههههههههههههههههههههه
والله الكلمات دي أنا فعلا سمعت بعضها من بابا و ماما ..
شكرا أختي على الموضوع ..
سمعت بعضها ........:sly00000: طيب والبعض الاخر :fruits_c: ههههههههه
شكررررررررا ليك :bye10000:
,ya7ob
ههههههههه
فعلا موضوع رائع ألف شكر ليك يا اخي
ربنا يخليك ......
شكررررررررا لمرووووووووورك :bye10000:
walaa10me
22-08-2006, 01:35 AM
ايه الجمال ده
مشكوووور
سبحان الله وبحمده سبحان الله العظيم
جيرسى
22-08-2006, 01:43 AM
انا معاك في كثير من اللي أنت بتقولة
بس أكيد هما عايزين مصلحتنا
بس بيوصلوها بشكل غلط
وألف شكر ليك على الموضع
بيوصلوها بشكل غلط ...............!!!!!!!!! ازاى ...؟؟؟؟
طيب يا ترى ايه هى التربية الصح فى نظرك .....
يعنى هم لو ماقالوش الكلام ده هاتبقى التربية صح .........!!!!!!:no000000:
الكلام اللى بيقولوه ده مجرد نصايح وتنبيهات لنا ....
شكرررررررررا لتعليقك :bye10000:
جيرسى
22-08-2006, 01:56 AM
هههههههههههههههههههه
جامدة متشكرين يبااشا
اى خدعة يا ريس
بس انا مش باشا :sly00000: انا بـــــــــــنـــــــــــــت :harhar10:
mrxhome
واقعية جدا .. دا اللي بيحصل فعلا
يا سلاااااااااام ........ حقيقى شكلك انت اللى واقعى جدا :icon30:
شكرررررررررا ليك ولمروووووووورك :bye10000:
جيرسى
22-08-2006, 02:05 AM
سمعت كل الكلام دا بجد
ماعدا دي
بلاش لعب بالمقص .. بيجيب الفقر
وتسلم ايدك على الموضع الرووووعة
بجد تحفة
ليه دى مشهورة جدا .......
دى اشهر من النار على العلم :busted_r:
طيب هى ساعات بتتقال ( اللعب بالمقص بيجيب الزعل والخناق )
دى سمعتها ولا لاء dumbbells
شكررررررررا ليك .:clap0000: ..... الحمد لله ان الموضوع عاجبك :icon30:
جيرسى
22-08-2006, 02:50 AM
طب وجملة
دخل راسك من البلكونه عشان راسك تقيله
دي جمله مشهورة جدا
اه والله عندك حق :icon30:
دى مشهورة قوى ...... شكلى كده نسيتها :fruits_c:
ياللا اللى عنده اضافة يفكرنى بيها
شكررررررررررا لاضافتك الجميلة :icon30:
:bye10000:
hosnyfox
22-08-2006, 10:30 AM
لا بجد .. انتي مشكلة .. فكرتيني بأيام زمان .. و فكرتيني بجد بأبويا الله يرحمه
متشكر جدا على موضوعك التحفة .. انا هستأذنك و اخده نسخة عندي
:icon30::clap0000::icon30:
هـــــــــاني
22-08-2006, 11:28 AM
ههههههههههههههههههههههههه ايه جيرسي موضوع جميل ده انا حاسس ونا بتفرج عليه كائني قاعد في البيت تما م بس كان ناقص اقولك حاجه كمان خلاص يا ماما كفايه كلا م كفايه كده ههههههههههههههه
موضوع جميل قوي جيرسي
واحسن تعليق فيه بييخنق واحد فعلا وبيتقلك حتى لو وصلتي لاعلى مكان برده يتقال
48- ضرب أمثلة تشجع على الكفاح .. أشهرها :
( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )
ههههههههههههههههههه حاجه غريبه
وكمان دي 13- صليت العصر ..؟! ( إشمعنى العصر ....!!!!!) هوه اشمعنا العصر فعلا ههههههههههه
يالا بقه هم كلهم حلوين ونا لو هعلق يبقى هكتب موضوعك من تاني كله سلام ياجيرسي ومتغبيش علنا بمواضيعك الجميله
تـقى الدين محمد
23-08-2006, 01:30 AM
هههههههههه
تمام تمام
صدقت يا غالى
والله انا ياما عنيت من المووضع ده
مشكور
mask2aa
25-08-2006, 02:46 AM
ههههههههههههههه
جامد اوى يا جيرسى الموضوع داه
والصراحة اكتر حاجة عجابتنى رقم 48
ضرب أمثلة تشجع على الكفاح .. أشهرها :
( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )
ههههههههههههه
جامدة اوى وفعلا طول النهار يقولهالى
جيرسى
25-08-2006, 04:15 AM
وجملة يا تنام يتذاكر
كنت فين يا صايع لحد الساعة دي
ابني وانا حر فيه
انت فاكر نفسك بني ادم
بص يا محمد ...
الجمل دى مش ممكن تساوى .... الجمل دى
= 26- يا ابنى اللى ذاكر ذاكر خلاص .. قوم نام .
= 9- ماتتأخرش بعد المدرسة وتقعد تصيع مع أصحابك :
= 23- وإنت فاكر إحنا مستنيين منك حاجة ؟! او 37- لو فلحت ابقى قابلنى .
اما جملة ( ابني وانا حر فيه )
دى بتتقال لانسان خارج الاسرة مثلا مش ليك
لكن موضوعى للجمل اللى الاب والام بيقولها لاولادهم
شكررررررررررا ليك يا محمد .... ولتعليقك الجميل :bye10000:
جيرسى
25-08-2006, 04:35 AM
انت تمام علي فكره وده فعلا اللي بيتقاااااااااااااااااال احيك علي الحاجات الحلوه دي :icon30:
شكررررررررررا ربنا يخليك :clap0000:
ده من ذوقك
isad
جامد أوي الموضوع
شكرررررررررررا ليك
mask2aa
25-08-2006, 04:36 AM
ايه يا جيرسى هو انتى مشوفتيش الردود اللى فى الصفحة اللى فاتت
جيرسى
25-08-2006, 04:37 AM
ايه يا جيرسى هو انتى مشوفتيش الردود اللى فى الصفحة اللى فاتت
اهلا يا محمد .......
شوفتها طبعا وردك منور
بس انا بارد بالترتيب
مستعجلش و متقلقش
mask2aa
25-08-2006, 04:37 AM
هههههههههه
لا انا قلقان اصل عايز اعرف هو فى كلام تانى جديد ولا لا اصل انا الكلام معاهم مبيخلصش
possy
25-08-2006, 05:04 AM
هههههههههههههههههههههههههههههههههههههههههههههههههه ههههه
مش ممكن .. يا جيرسي تسلم ايدك والله ...
انتي تقريبا مسبتيش حاجه ....
موضوع تحفة
جيرسى
25-08-2006, 05:28 AM
نيهههههههههههههههههههههههههههههههههاااااا
ايه الحلاوه دى
بس انا حاسس انك تعرفى امى كل الكلام ده متاخد منها طبعا بالتضامن مع ابويه
فعلا موضوع جميل ربنا يوفقك.......
طبعا انا اعرفها كويس جدا
هى ماقلتلكش
اى ام واب مصريين انا حافظاهم كويس جدا ....
وهم بيقولوا الكلام وانا باكمل لهم :msn-wink:
شكرررررررررررا ليك :bye10000:
جيرسى
25-08-2006, 05:52 AM
السلام عليكم
ازيك يا جيرسى ؟
الموضوع جميل اوى
و الله أكنك متربية معايا
أنا طول عمرى و انا صغير ماما تقولى متلعبش بالمقص
و لما أقول ليه تقولى لو لعبت بيه يبقه حد هيموت
و كنت أسألها اشمعنى الحلاق بيلعب بيه
تقولى ديه شغلته
عشان كده كنت عايز أطلع حلاق
( عشان ألعب بالمقص بمزاجى )
و حاجات تانيه كتيرة بس مش عاوز أطول عليكى
أصلى شايف الموضوع مليان ردود
عينى باردة عليكى
بس على فكرة أنا أتفق مع الأخ اللى قال انهم عايزين مصلحتنا
سلاااااااام
وعليكم السلام ورحمة الله وبركاته
انا بخير الحمد لله
انا متربية وسط مجتمع وناس مصريين ....... تحس ان كلهم متفقين على كلام واحد وعبارات واحدة مش بتتغير
ايه ده .... اول مرة اعرف ان المقص بيموت الناس ....... امال الساطور بيعمل ايه
واول مرة برضه اعرف انك كنت عاوز تبقى حلاق ...... تصور شغلانة حلوة
واهو بتتحكم فى رؤوس الناس براحتك ... وكمان بتلعب بالمقص
انا بقى لما كنت بالعب بالمقص ماما كانت تقولى .... يبقى اتنين هايتخانقوا مع بعض ...
ساعتها كنت اخاف احسن اكون انا اللى هاتخانق مع حد
عينك عليا باردة ...... ربنا يستر ... هاعلق عود بخور على باب الموضوع المرة الجاية
بص يا احمد على الرد كويس ...... وشوف ان كنت لسه متفق معاه ولا لاء
أرسل أصلا بواسطة omarmonem
انا معاك في كثير من اللي أنت بتقولة
بس أكيد هما عايزين مصلحتنا
بس بيوصلوها بشكل غلط
وألف شكر ليك على الموضع
شكررررررررا لمرووووووووووورك يا احمد :bye10000:
fattah_407
25-08-2006, 05:57 AM
والله هو ده أللى بيحصل و جزاك الله خيراً
جيرسى
25-08-2006, 06:07 AM
هههههههههههههههههههههههههه
يبقى انت اكيد فى مصر
ماشى يا هيما
انت اول واحد تسكت :shutup00: ...... باللى انت عامله فى توقيعك dumbbells
ومبرووووووووك النجاح
khaleeedrashad
والله ميه ميه الكلام فعلا كله بيتقال معنى مسمعتشى منه ولا حاجه الا فى الأفلام فقط وشكرا على الموضوع الرائع
يبقى على رأى هيما .....
يبقى انت اكيد ... اكيد مش فى مصر
شكرررررررا على المرور :bye10000:
جيرسى
25-08-2006, 06:16 AM
ههههههههههه
فعلا موضوع شيق جدا جدااااااااااا
وده الكلام اللى بيتقال على فكرة لكل الابناء من سن الحضانة لسن الزواج برضه
وبعد اذنك احب اضيف الاتى
1- كفاية كمبيوتر بقى صدقنى عينيك اتحولت
2-يابنى لازم تاكل حاجة قبل ما تنزل حتدوخ فى الشارع
3-يعنى انا مليش كلمة فى البيت انا بقولك طفى التليفزيون عندك مدرسة الصبح ولا عاوز تنام فى الفصل
ههههههههههههه
بجد اضافة زى العسل زيك
شكرررررررررا جدا جدا جدا :clap0000:
جيرسى
25-08-2006, 06:21 AM
ايه الجمال ده
مشكوووور
سبحان الله وبحمده سبحان الله العظيم
ربنا يخليك ...
شكررررررررا لمرووورك
http://img237.imageshack.us/img237/283/lahdahba0733ce9axv9.gif
جيرسى
25-08-2006, 06:23 AM
لا بجد .. انتي مشكلة .. فكرتيني بأيام زمان .. و فكرتيني بجد بأبويا الله يرحمه
متشكر جدا على موضوعك التحفة .. انا هستأذنك و اخده نسخة عندي
:icon30::clap0000::icon30:
هيييييييييه .... انا طلعت مشكلة
اوعى تكون شتيمة :sly00000:
ربنا يرحم والدك يا رب ..... ويدخله اعلى درجات الجنة ..آمين
وطبعا من غير استئذان ...... تقدر تاخد اللى انت عاوزه
ولو كان معايا العنوان كنت باعتلك نسخة فورية ...... بس متنساش البقشيش
:bye10000:
بنت الفراعنة
25-08-2006, 10:56 AM
ههههههههههههههههه
موضوع تحفة مووووت
مستنية منك مواضيع حلوة زي دي
د أحمد سمير
25-08-2006, 11:06 AM
ا بص يا احمد على الرد كويس ...... وشوف ان كنت لسه متفق معاه ولا لاء
يوه يا جيرسى
أنا برده متفق مع اللى قال
انهم بيكونوا عايزين مصلحتنا
بس بيوصلوا الكلام بطريقة غلط
انما السؤال اللى شغلينى اوى من ساعة ما شوفت موضوعك
اما نبقه احنا آباء و انتوا أمهات هنقول برده الجمل دى
وولادنا يتريئوا علينا
و لا المفروض نعمل ايه ؟؟؟
m2m_m2m
25-08-2006, 11:27 AM
هاهاها
طب انت عرفت منين هو انت قاعد معايا فى البيت:msn-wink:
واحب اضيف جمله كمان
لما تيجى تقول رايك فى اى حاجه
يجيلك الرد اسكت انت بس هو انت فاهم حاجه:sly00000:
zamalk228
25-08-2006, 06:39 PM
شكرا ياباشا جامدين مووت
جيرسى
29-08-2006, 08:24 PM
هههههههههه
تمام تمام
صدقت يا غالى
والله انا ياما عنيت من المووضع ده
مشكور
عنيت من ايه بس .... هو انت لسه شوفت حاجة
ههههههههه
شكررررررررررا ليك
بس كنت عاوزه اوضحلك حاجة
انا غالية :fruits_c: .... مش غالى dumbbells
businessteam86
29-08-2006, 08:34 PM
هههههههههههههههههههههههههههههههههههههههه
وفي واحده تانيه
اه لو تسمع كلام اهلك؟؟؟؟
HRH Sameh
29-08-2006, 08:57 PM
هههههههههههه جامدة ياباشا
1000 شكر
جيرسى
29-08-2006, 10:43 PM
اهلا اهلا :clap0000: ..... دكتور احمد بنفسه بيشارك لتانى مرة
ده النهار ده عيد
ا
يوه يا جيرسى
أنا برده متفق مع اللى قال
انهم بيكونوا عايزين مصلحتنا
بس بيوصلوا الكلام بطريقة غلط
طيب ليه..... فى ايه غلط....
مش الكلام ده هو اللى بعد كده خلى الناس تشاور علينا وتقول دول فعلا ولاد متربيين احسن تربية
مش الكلام ده هو اللى خلانا كبرنا ودخلنا الجامعة
انما السؤال اللى شغلينى اوى من ساعة ما شوفت موضوعك
اما نبقه احنا آباء و انتوا أمهات هنقول برده الجمل دى
وولادنا يتريئوا علينا
و لا المفروض نعمل ايه ؟؟؟
مش عارفة ان كنا هانقوله ولا لاء ..
بس اكيد كل زمن وله طريقة كلامه وطريقة تربيته
ولو مقولناهوش ...... او غيرنا فيه ...... او حتى قولنا كلام غيره ......
اكيد هنلاقى ولادنا بيتريقوا علينا ومش عاجبهم كلامنا ..... لان كل جيل مختلف عن التانى
جيرسى
30-08-2006, 03:12 AM
ههههههههههههههههههههههههه ايه جيرسي موضوع جميل ده انا حاسس ونا بتفرج عليه كائني قاعد في البيت تما م بس كان ناقص اقولك حاجه كمان خلاص يا ماما كفايه كلا م كفايه كده ههههههههههههههه
موضوع جميل قوي جيرسي
واحسن تعليق فيه بييخنق واحد فعلا وبيتقلك حتى لو وصلتي لاعلى مكان برده يتقال
48- ضرب أمثلة تشجع على الكفاح .. أشهرها :
( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )
ههههههههههههههههههه حاجه غريبه
وكمان دي 13- صليت العصر ..؟! ( إشمعنى العصر ....!!!!!) هوه اشمعنا العصر فعلا ههههههههههه
يالا بقه هم كلهم حلوين ونا لو هعلق يبقى هكتب موضوعك من تاني كله سلام ياجيرسي ومتغبيش علنا بمواضيعك الجميله
ياااااااااا الف اهلا وسهلا :clap0000: ..... هانى بنفسه فى موضوعى ...
قاعد فى البيت .......!!!! امال انت قاعد فين .......؟؟؟؟
هو بصراحة يا هانى معظم الكلام يحرق الدم ويخنق ... وخصوصا بتاعت صلى العصر دى
و يا هانى علق على اللى انت عاوزه برااااااااااحتك خاااااالص ولا يهمك .....
بس لو عملت موضوع منه متنساش تجيب سيرتى :msn-wink:
شكرررررررررا يا هانى لمروووووووووووووورك الجميل .... نورت:clap0000:
جيرسى
30-08-2006, 03:27 AM
ههههههههههههههه
جامد اوى يا جيرسى الموضوع داه
والصراحة اكتر حاجة عجابتنى رقم 48
ضرب أمثلة تشجع على الكفاح .. أشهرها :
( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )
ههههههههههههه
جامدة اوى وفعلا طول النهار يقولهالى
ههههههههه
هم طبعا لاااااااااااازم يقولولك الكلمتين دول الفترة اللى فاتت .... ثانوية عامة بقى وكده
اما بقى فى الجامعة ان شاء الله
برضه هايقولولك الكلمتين دول بس هايزيد عليهم حاجة تانية
انك هاتسمع الكلام ده بالظبط من دكاترة الجامعة .... خاااااااااااااصة لو فى كليتك ناس ساكنة مدينة جامعية
او حد من الدكاترة كان وهو قدك كده ساكن مدينة ....
ساعتها هايتكلم عن نفسه وازاى كان بيذاكر على عامود النور بالليل من ورا اصحابه ....... وكل ده علشان الحسد
يعنى مش هتسمعهم فى البيت وبس ........ لاء ده كمان فى الجامعة لمدة اربع سنوات :1eye0000:
وربنا معاك :harhar10:
لا انا قلقان اصل عايز اعرف هو فى كلام تانى جديد ولا لا اصل انا الكلام معاهم مبيخلصش
عرفت بقى الزيادة فين ........ فى الدكاترة
ولما تتخرج وتعيش بقى ...... انت اللى هاتبقى تقول الكلام ده :1eye0000:
ههههههههه نورت يا محمد الموضوع
جيرسى
30-08-2006, 03:33 AM
هههههههههههههههههههههههههههههههههههههههههههههههههه ههههه
مش ممكن .. يا جيرسي تسلم ايدك والله ...
انتي تقريبا مسبتيش حاجه ....
موضوع تحفة
اهلاااااااااا بوسى منورانى والله دايما .......
انا حاولت مسيبش حاجة ... واللى عنده اضافة بيقولهالى
ربنا يخليكى ليا
انت اللى هايلة :icon30:
جيرسى
30-08-2006, 03:38 AM
والله هو ده أللى بيحصل و جزاك الله خيراً
شكرررررررررررا ليك :clap0000:
آآآآآآآآآآآمين وإياكم
ههههههههههههههههه
موضوع تحفة مووووت
مستنية منك مواضيع حلوة زي دي
شكررررررررا يا بنت الفراعنة
يا رب اعملكم دايما مواضيع تعجبكم
megor.des
30-08-2006, 05:27 AM
22- ماتقعدش قدام المروحة وإنت مستحمى .
27- بلاش لعب بالمقص .. بيجيب الفقر .
32- لازم تاكل سلطة .
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه
hoho_1981
30-08-2006, 10:50 PM
والله عندك حق
نصيحتى لأى عضو سمع ولو جملة من الجمل دى يكون مصرى حتى النخاع
والغريب انى بعد ما قرأت هذا الموضوع لأهلى ردوا عليا [ان هو ده الكلام الصح ولو عملتة هتفلح ( ياسلام ماكنش حد غلب)
Mr.Bondok
31-08-2006, 06:25 AM
انت نسيت: انت بتاكل في اتا محلوله هههههههههههههههه
موضوع لذيذ اوي وواقعي جدا
titan5
31-08-2006, 08:43 AM
و فيه غيرهم كتيييييييييييييييير :---
1- جتها نيله اللي عايزه خلف . :thumbdow:
2- عليك و عاللمون و الدافي ( في نزلات البرد )
3- يابني اطفي النور بقه--لازمته ايه؟
4- يابني دي مش طريقة اكل!!! دا خراااب بيوت!!!
5- الهي ربنا يرزقك ببنت الحلال اللي تطلع عين اه..... احم.
6- عاوز تتجوز؟ -- لما يبقي معاك تمن الل -- احم -- الي انت لابسه ابقي تتكلم-- دا احنا و احنا قدك كنا ب نجر فنطاس الجاز!!! (دلاله علي العمل و الجديه في طلبه) .
7- اللي يحبني ميقوليش هات . :schmoll0:
8- عند انهاء النقاش بشكل نهائي :---
الحاج : تصبح علي خير يا ( ) .
الحاجه : الله اكبر ( و تخش في الصلاه اللي افتكرتها دلوقتي) .
9- بلا خيبه-- نابليون و هوه ادك كان بيقود جيش.
>و ينسي ان نابليون الله يرحمه كان و هوه قد الحاج كان امبراطور!!!<
kolombo_91
31-08-2006, 08:50 AM
هوالكلام دة موجود فى كتيب ارشادات بيتوزع مع شهادة ميلاد كل طفل؟؟؟؟؟؟؟؟؟؟؟
اصل انا سمعت 95% منه
و الله موضوع ميه ميه
acamedo
31-08-2006, 12:21 PM
هههههههههههههههههههههههههههههههههههههههههههههههه
انا مش عارف الموضوع ده كان فين من زمان
هههههههههههههههههههههههه
والله فكرتني بالذي مضى ، ولا مضى ايه ماهو لسة لحد النهاردة ، واكتر من الجمل دي بتتقال وربنا ، ومنها جمل ماتتقلش هنا في الديفيدي
ههههههههههههههههههههههههههههههههههه
الف شكر يا باش على الموضوع ده
سنيبر
31-08-2006, 01:05 PM
هههههههههههههههههههههههههه
فعلا سبحان الله انا كل الكلام ده اتقالي كله كله
هههههه وزياده كمان ::::
لو فلحت ابقي تووف علي قبري .................احم احم ههههههههههههههههههههه
يابني بكره لما يبقي عندك أولاد هتقول ابويا الله يرحمه كان عنده حق .
يابني انا لما كنت قدك كنت شاطر (أو شاطره جدا) ومكنش عندي ربع امكانياتك
يابني دا انتا بتاخد كورسات دا علي ايامنا كان البليد بس هو اللي ياخد كورسات
ياااااه اعوذ بالله ..... حسبي الله ونعم الوكيل .. حسبي الله ونعم الوكيل
بص انا قولتلك اللي فيه المصلحه والمناقشه خلصت يا أستاااذ
انت مغرور ومتكبر و الله انا خايف غرورك ده هو اللي يضيعك
-----------------------------------------------------------------------------------------------------------------
وكتيير وكتييييير وكتيييييييير
وفي الاخر الواحد مسيره >>>>> شلل رباعي
الحصبه
البهاق
الجدري
التسلخات العنيفه
.....................................الخ الخ
كل ده علشان الواحد بيضطر يسكت ويحط في نفسه علشان احترامه لابيه ولامه
موضوع لذيذ جدا بس قلب عليا المواجع :)
جيرسى
31-08-2006, 06:18 PM
هههههههههههههههههههههههههههههههههههههههه
وفي واحده تانيه
اه لو تسمع كلام اهلك؟؟؟؟
ههههههههه
عندهم حق:icon3000: ...... ما تسمع الكلام
شكلك كده مشاغب :shutup00:
هههههههههههه جامدة ياباشا
1000 شكر
1000 العفو :bigsmile:
جيرسى
31-08-2006, 06:20 PM
22- ماتقعدش قدام المروحة وإنت مستحمى .
27- بلاش لعب بالمقص .. بيجيب الفقر .
32- لازم تاكل سلطة .
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه
كل ده ضحك ....:1eye0000:
بالراحة على نفسك
شكرررررررررررررا لمروووووووووووورك
جيرسى
31-08-2006, 06:23 PM
والله عندك حق
نصيحتى لأى عضو سمع ولو جملة من الجمل دى يكون مصرى حتى النخاع
اكيد لازم يكون مصرى ......
لانه لو مش مصرى مش هايبقى فاهم الكلام ده
والغريب انى بعد ما قرأت هذا الموضوع لأهلى ردوا عليا [ان هو ده الكلام الصح ولو عملتة هتفلح ( ياسلام ماكنش حد غلب)
ههههههههههه
لا تعليق
جيرسى
01-09-2006, 01:03 AM
هاهاها
طب انت عرفت منين هو انت قاعد معايا فى البيت:msn-wink:
لاء ... انا مش قاعده معاك فى البيت
انا قاعدة فى البيت المصرى اللى هناك ده
واحب اضيف جمله كمان
لما تيجى تقول رايك فى اى حاجه
يجيلك الرد اسكت انت بس هو انت فاهم حاجه
ههههههههه
شكرررررررررا جدا للإضافة :clap0000:
zamalk228
شكرا ياباشا جامدين مووت
شكرررررررررا لمرووووووووورك
جيرسى
01-09-2006, 01:17 AM
انت نسيت: انت بتاكل في اتا محلوله هههههههههههههههه
موضوع لذيذ اوي وواقعي جدا
صح ..... دى جملة مشهورة جدا
معلش بقى ....... السن بيحكم ويتحكم يا ابنى
ههههههههه اوعى تصدق ده انا صغيرة
جيرسى
01-09-2006, 01:37 AM
و فيه غيرهم كتيييييييييييييييير :---
1- جتها نيله اللي عايزه خلف . :thumbdow:
2- عليك و عاللمون و الدافي ( في نزلات البرد )
3- يابني اطفي النور بقه--لازمته ايه؟
4- يابني دي مش طريقة اكل!!! دا خراااب بيوت!!!
5- الهي ربنا يرزقك ببنت الحلال اللي تطلع عين اه..... احم.
6- عاوز تتجوز؟ -- لما يبقي معاك تمن الل -- احم -- الي انت لابسه ابقي تتكلم-- دا احنا و احنا قدك كنا ب نجر فنطاس الجاز!!! (دلاله علي العمل و الجديه في طلبه) .
7- اللي يحبني ميقوليش هات . :schmoll0:
8- عند انهاء النقاش بشكل نهائي :---
الحاج : تصبح علي خير يا ( ) .
الحاجه : الله اكبر ( و تخش في الصلاه اللي افتكرتها دلوقتي) .
9- بلا خيبه-- نابليون و هوه ادك كان بيقود جيش.
>و ينسي ان نابليون الله يرحمه كان و هوه قد الحاج كان امبراطور!!!<
شكررررررررررا جدا جدا جدا على إضافتك الجامدة دى:clap0000:
انا بس محبتش اطول عليكم :shutup00:
وقولت انتوا بقى تكملولى شوية ......
اصل صوابعى قالتلى ارحمينى بقى :fruits_c:
شكرررررررررا ليك مرة تانية :bye10000:
جيرسى
01-09-2006, 01:42 AM
هوالكلام دة موجود فى كتيب ارشادات بيتوزع مع شهادة ميلاد كل طفل؟؟؟؟؟؟؟؟؟؟؟
اصل انا سمعت 95% منه
و الله موضوع ميه ميه
طيب يا ريتك تبعتلى شهادتين تلاتة
اقصد كتيبين تلاتة
شكررررررررررا لمروووووووووورك
Sa3eedi
01-09-2006, 01:46 AM
8- عند انهاء النقاش بشكل نهائي :---
الحاج : تصبح علي خير يا ( ) .
الحاجه : الله اكبر ( و تخش في الصلاه اللي افتكرتها دلوقتي) .
9- بلا خيبه-- نابليون و هوه ادك كان بيقود جيش.
>و ينسي ان نابليون الله يرحمه كان و هوه قد الحاج كان امبراطور!!!<
ههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههه
هههههههههههههههههههههههههههههههههههههههههههههههههه ههههههههههههههههههههه
عسل انت والله .. ضحكتني كتييييييييييييييييير ..
جيرسى
01-09-2006, 01:51 AM
هههههههههههههههههههههههههههههههههههههههههههههههه
انا مش عارف الموضوع ده كان فين من زمان
هههههههههههههههههههههههه
والله فكرتني بالذي مضى ، ولا مضى ايه ماهو لسة لحد النهاردة ، واكتر من الجمل دي بتتقال وربنا ، ومنها جمل ماتتقلش هنا في الديفيدي
ههههههههههههههههههههههههههههههههههه
الف شكر يا باش على الموضوع ده
الموضوع كان فى دماغى من زمان ...........
بس كنت مستنية لما يبقى دلوقتى علشان تقولى هو كان فين من زمان :bleh0000:
ولما هى متتقالش انت بتنبه يعنى ......... dumbbells
عموما الف العفو ........
بص كده .......
انا مش باشا ......... انا بـــــــــــنــــــــــــت :icon2800:
ههههههههههههه شكررررررررا لمروووووووووورك
walid azmy
01-09-2006, 02:00 AM
شكرا على الموضوع الجميل يا جيرسى ...
إسمحى لى أضيف عبارة جديدة بتتقال كتير قوى :
" جتها نيلة اللى عاوزة خلف "
والله لسه بنسمعها رغم اننا كبرنا وبقى عندنا عيال :violent1:
ربنا ما يحرمناش منهم أبدا .. ويديهم الصحة والعافية .. شايلينا كبار وصغار
جيرسى
01-09-2006, 02:11 AM
هههههههههههههههههههههههههه
فعلا سبحان الله انا كل الكلام ده اتقالي كله كله
هههههه وزياده كمان ::::
لو فلحت ابقي تووف علي قبري .................احم احم ههههههههههههههههههههه
يابني بكره لما يبقي عندك أولاد هتقول ابويا الله يرحمه كان عنده حق .
يابني انا لما كنت قدك كنت شاطر (أو شاطره جدا) ومكنش عندي ربع امكانياتك
يابني دا انتا بتاخد كورسات دا علي ايامنا كان البليد بس هو اللي ياخد كورسات
ياااااه اعوذ بالله ..... حسبي الله ونعم الوكيل .. حسبي الله ونعم الوكيل
بص انا قولتلك اللي فيه المصلحه والمناقشه خلصت يا أستاااذ
انت مغرور ومتكبر و الله انا خايف غرورك ده هو اللي يضيعك
-----------------------------------------------------------------------------------------------------------------
شكرررررررررررا لإضافتك الجميلة دى
بس الجملة الاولى انا استبدلتها بــــــــ
37- لو فلحت ابقى قابلنى .
44- والله ما إنت فالح .. وآدى دقنى اهيه .
وكتيير وكتييييير وكتيييييييير
وفي الاخر الواحد مسيره >>>>> شلل رباعي
الحصبه
البهاق
الجدري
التسلخات العنيفه
.....................................الخ الخ
كل ده علشان الواحد بيضطر يسكت ويحط في نفسه علشان احترامه لابيه ولامه
موضوع لذيذ جدا بس قلب عليا المواجع :)
الله أكبر ....... ايه ده كله
كل ده فى قلبك وساكت
انا مش عارفة كده الموضوع مفيد لك ..... انك فضفضت
ولا مضر لانه قلب عليك المواجع
عموما ربـــــــنــــــا يقويك :showoff0:
ومتنساش تقول الجمل دى لأولادك علشان تاخد بتارك
انا طبعا بهدى النفوس وبس dumbbells
سنيبر
01-09-2006, 02:44 AM
هههههههههههههه
ميرسي علي ردك يا جيرسي
titan5
01-09-2006, 08:38 AM
فعلا و الله موضوع ذو شجون
فرصه رائعه لاخراج الكبت النفسي اللي الجمل دي عملاهولنا
الواحد فعلا جاتله تسلخات عنيفه و ***ك في المخ علي راي اخونا
ياما نفسي اخلف ابن اطلع عليه القديم و الجديد
و اهة الواحد يبقي لاول مره----( و لو مره واحده) -- ورا المدفع مش قدامه
و برضه هجيبله تسلخات عنيفه و ***ك في المخ
ليه لاه يعني هوه احسن من ابوه (علي فكره ده تفسيري الوحيد لتوارث هذه الجمل--من كتر الغل مش عارف يطلعها في مين يقوم متجوز و يجيب عيل يكون بمثابة السلك الارضي اللي يفرغ بيه الشحنات الزايده-- لاه و بعد دا كله و بعد التقطيم و حرقه الدم يتهمه بالعقوق)
و ديني لاحرمه من المصروف زي ما قال عمنا سلطان في المسرحيه
و الجمل دي مهمه- افتكروها --لكسر نفس عيالكو و تحجيمهم(ليغتر الوله و يركبه الغرور)
من انجح الوسائل التربويه القمعيه عندنا في مصر
22222222222
02-09-2006, 06:59 AM
جمييييييييل
seco97
02-09-2006, 04:28 PM
:icon3100: :icon3000: والله برافو عليكى جيرسى يمكن الواحد عايز دحكش كده من زمان فكرتينى بايامى وانا صغير واحس جزء هو بتاع ( ضرب أمثلة تشجع على الكفاح) بس تسلم ايدك على الموضوع الجامد ده
™Y@soMocA™
03-09-2006, 09:03 AM
ههههههههههههههههه جامدة اوي انا لو اتقالتلي حاجة منهم تاني هافتكرك على طول . ههههههههههههه
maks5000
03-09-2006, 04:02 PM
هههههههههههههههههههه
فلا الواحد كان مهري من الجمل دي
بس يعني معدتش بيسمع معظمهم دلوقتي
جيرسى
03-09-2006, 06:45 PM
شكرا على الموضوع الجميل يا جيرسى ...
إسمحى لى أضيف عبارة جديدة بتتقال كتير قوى :
" جتها نيلة اللى عاوزة خلف "
والله لسه بنسمعها رغم اننا كبرنا وبقى عندنا عيال :violent1:
ربنا ما يحرمناش منهم أبدا .. ويديهم الصحة والعافية .. شايلينا كبار وصغار
الــــــــعـــــــــــفـــــو
ههههههههه شكررررررررا على الإضافة
ايه ده .. ما شاء الله ... هو انت اب ... مقدرش اتكلم خااااااااالص معاك
ربنا يخليهوملك ....... وتطلع عليهم اللى اتعمل فيك :evil_lol:
جيرسى
03-09-2006, 06:47 PM
هههههههههههههه
ميرسي علي ردك يا جيرسي
لا ميرسى على واجب
انت تأمر
اهم حاجة تكون دلوقتى احسن :icon3000:
ومتشيلش فى نفسك :evil_lol:
جيرسى
03-09-2006, 07:03 PM
فعلا و الله موضوع ذو شجون
فرصه رائعه لاخراج الكبت النفسي اللي الجمل دي عملاهولنا
الواحد فعلا جاتله تسلخات عنيفه و ***ك في المخ علي راي اخونا
ياما نفسي اخلف ابن اطلع عليه القديم و الجديد
و اهة الواحد يبقي لاول مره----( و لو مره واحده) -- ورا المدفع مش قدامه
و برضه هجيبله تسلخات عنيفه و ***ك في المخ
ليه لاه يعني هوه احسن من ابوه (علي فكره ده تفسيري الوحيد لتوارث هذه الجمل--من كتر الغل مش عارف يطلعها في مين يقوم متجوز و يجيب عيل يكون بمثابة السلك الارضي اللي يفرغ بيه الشحنات الزايده-- لاه و بعد دا كله و بعد التقطيم و حرقه الدم يتهمه بالعقوق)
و ديني لاحرمه من المصروف زي ما قال عمنا سلطان في المسرحيه
و الجمل دي مهمه- افتكروها --لكسر نفس عيالكو و تحجيمهم(ليغتر الوله و يركبه الغرور)
من انجح الوسائل التربويه القمعيه عندنا في مصر
هههههههههه
كان الله فى عونك
بالنسبة للتسلخات فى بودرة اطفال جميلة جدا بتتباع عند البياع ( خمس خمس ) افتكر اسمها علشان لما تتجوز ان شاء الله ( فى المشمش ) متجيبهاش لأولادك
شكرررررررا لمروووووورك ولتعليقك الجميييييييل
جيرسى
04-09-2006, 01:32 AM
اقتباس:
8- عند انهاء النقاش بشكل نهائي :---
الحاج : تصبح علي خير يا ( ) .
الحاجه : الله اكبر ( و تخش في الصلاه اللي افتكرتها دلوقتي) .
اقتباس:
9- بلا خيبه-- نابليون و هوه ادك كان بيقود جيش.
>و ينسي ان نابليون الله يرحمه كان و هوه قد الحاج كان امبراطور!!!<
ههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههه
هههههههههههههههههههههههههههههههههههههههههههههههههه ههههههههههههههههههههه
عسل انت والله .. ضحكتني كتييييييييييييييييير ..
لا تعليق غير
ربنا يفرحك دايما
SCAREMEIFUCAN
04-09-2006, 04:20 AM
يعني الموضوع مش عايز نقاش 99.99999999999% من اللي مكتوب محفور لدرجه انه بقى روتين.
الامل فينا بقى ان احنا نغيره.
والف شكر عالموضوع.
ملامح انسان
04-09-2006, 02:18 PM
ههههههههههههههههههههههههههههههههه
انا والله ياجيرسى قاعد اقرا الموضوع واتلفت حواليا ليكون حد شايفنى وانا بضحك على الكلام دا
لان مفيش ولا كلمه من دول فعلا متقلتليش
وبالذات كلمه وطى المدعوق دا واللى نفع نفع من زمان
هههههههههههههههههههههههههههههههههههههههههه
اشكرك على الموضوع الجميل دا فعلا
moh7000
04-09-2006, 03:12 PM
جميلة جدا جدا جدا
يا جيرسى
فعلا هو دة الى بيتقال بالضبط
mr_draks
04-09-2006, 04:24 PM
ههههههههههههه موضوع جامد جدا .
واحب اضيف
(انتوا مفيكوش الا لسان وبس)
( نام يابنى علشان تعرف تنام بليل )
(كل يابنى احنا ياما مكلناش)
و شكرررررررررررررررررا
Ugieny
04-09-2006, 06:04 PM
وكمان جملة
عيييب لما الكبار يتكلموا الصغيرين يسكتوا
جيرسى
04-09-2006, 10:17 PM
جمييييييييل
شكرررررررررررررا
:icon3100: :icon3000: والله برافو عليكى جيرسى يمكن الواحد عايز دحكش كده من زمان فكرتينى بايامى وانا صغير واحس جزء هو بتاع ( ضرب أمثلة تشجع على الكفاح) بس تسلم ايدك على الموضوع الجامد ده
يا رب دايما كده أيامك كلها تبقى ضحك
صح امثلة الكفاح دى موجوووووووودة حتى لغاية لما قربنا نتخرج
تسلم إيدك انت على الرد الجميل
جيرسى
04-09-2006, 10:24 PM
ههههههههههههههههه جامدة اوي انا لو اتقالتلي حاجة منهم تاني هافتكرك على طول . ههههههههههههه
طيب كويس
كل لما يتقالك منهم حاجة قولهم ايه ده .... هو انت قرأتوا موضوع جيرسى ولا ايه
ساعتها انا مليش دعوة بالنتيجة :blow0000: ... معرفكش:schmoll0:
هههههههههههههههههههه
فلا الواحد كان مهري من الجمل دي
بس يعني معدتش بيسمع معظمهم دلوقتي
اكيد كبرت .... علشان كده مش بيقولولك
بس الحمد لله انك مبقيتش مهرى من الجمل دى تانى:icon3000:
شكرررررررررا لمرووركما
جيرسى
04-09-2006, 10:39 PM
يعني الموضوع مش عايز نقاش 99.99999999999% من اللي مكتوب محفور لدرجه انه بقى روتين.
الامل فينا بقى ان احنا نغيره.
والف شكر عالموضوع.
ان شاء الله نغيره
بس للاحسن
ألف شكر لمرووووووورك
ههههههههههههههههههههههههههههههههه
انا والله ياجيرسى قاعد اقرا الموضوع واتلفت حواليا ليكون حد شايفنى وانا بضحك على الكلام دا
لان مفيش ولا كلمه من دول فعلا متقلتليش
وبالذات كلمه وطى المدعوق دا واللى نفع نفع من زمان
هههههههههههههههههههههههههههههههههههههههههه
اشكرك على الموضوع الجميل دا فعلا
هههههههههههه
خد بالك فى حد واقف هناك ....
انت صدقت انا بهزر:evil_lol:
شكرررررررررررا ليك انت ولمرووووووووورك
koko1148
05-09-2006, 07:09 PM
لقد قرأت الموضوع واعجبنى جدا لانه فعلا جزء من الحقيقه
لكن هناك شئ اعجبنى اكثر من الموضوع هو
شخصك انت لانى لاحظت فى توقيعك موضوعيين احدهما يحمل اسمك والاخر يحمل اسم د/احمد سمير
وانت كاتبه فى الموضوع بتاع احمد سمير انه بينقد موضوعك وبتعملى دعايه لموضوع مش بتاعك بصدر رحب
حقيقى لفته جميله جدا
شكراااااااااا ليكى على موضوعك
® Ronaldinho
05-09-2006, 09:59 PM
الله عليكى يا جيرسى
دايما مواضيعك كلها كده من الواقع
وده للاسف الى بيحصل
بس انا سمعت نصهم تقريبا :harhar10:
يلا باى
master engineer
05-09-2006, 11:58 PM
هههههههههههههههههههههههههههههههههههههههههه
loveGod
06-09-2006, 12:06 AM
زى العسل والله
zoro nasr
06-09-2006, 01:03 AM
شكرا للموضوع و اجمل اللذيذيه
nannosa17
06-09-2006, 01:55 AM
ومنتسيش لما يزعقو وتسكت يقولو: انت مخرووسه ولا كأن الكلام ليكي
و لو رديت يقولوو : انت بتردى وليكى عييين تبجحىىى كماااان
يعنى اعمل ايييييييييييه
وكمان جمله""" انا معرفش ايه الى لازقك قدام المدعوق الكمبيوتر دا ليل نهار """ مع انى مواراييش حاجه خالص
اهم حاجه يا رب متعدييش منهم واما يبقى عندى ولاد مطلعش فيهم العقد.................
blackice_man
06-09-2006, 02:04 AM
ياترى هنقول الكلام ده لاولادنا ؟؟
Ra2ed nagm
06-09-2006, 06:03 AM
ممكن اضيف جملة
اكيد كتيرمننا اصبحوا يسمعوها اليومين دول وهى
"انت خارج بالهارد............فيها للساعة كام المرة دى ..........متتاخرش"
issanasr
06-09-2006, 07:24 AM
اولا اشكرك على الموضوع ...
ثانيا خايف اقولك ان سبب وكستنا ...ولو حتى جزء منها ..معلش يعنى ..هو الكلام ده .....
وشكرا ليكى مره تانيه ...
جيرسى
06-09-2006, 04:40 PM
جميلة جدا جدا جدا
يا جيرسى
فعلا هو دة الى بيتقال بالضبط
ربنا يخليك
شكررررررررررا لمرووووووووورك الجميل
ههههههههههههه موضوع جامد جدا .
واحب اضيف
(انتوا مفيكوش الا لسان وبس)
( نام يابنى علشان تعرف تنام بليل )
(كل يابنى احنا ياما مكلناش)
و شكرررررررررررررررررا
ههههههههههه حلوة بتاعت اللسان دى
شكرررررررررررا للإضافة
ولمروووووووووووورك
وكمان جملة
عيييب لما الكبار يتكلموا الصغيرين يسكتوا
صح كده
المفروض بقى نسكت :shutup00:
شكررررررررررا لمرووووووووووورك
جيرسى
06-09-2006, 04:46 PM
لقد قرأت الموضوع واعجبنى جدا لانه فعلا جزء من الحقيقه
لكن هناك شئ اعجبنى اكثر من الموضوع هو
شخصك انت لانى لاحظت فى توقيعك موضوعيين احدهما يحمل اسمك والاخر يحمل اسم د/احمد سمير
وانت كاتبه فى الموضوع بتاع احمد سمير انه بينقد موضوعك وبتعملى دعايه لموضوع مش بتاعك بصدر رحب
حقيقى لفته جميله جدا
شكراااااااااا ليكى على موضوعك
الحمد لله ان الموضوع عجبك
ربنا يخليك ...
احمد زى اخويا تمام ...
يكفى انه بينقد موضوعى بصدر رحب هو مكان
شكررررررررا ليك ولردك الجميل :bye10000:
جيرسى
06-09-2006, 04:49 PM
الله عليكى يا جيرسى
دايما مواضيعك كلها كده من الواقع
وده للاسف الى بيحصل
بس انا سمعت نصهم تقريبا :harhar10:
يلا باى
سمعت نصهم .......... بس
والنص التانى .......... راح فين
ماشى يا محمد .......... خليك فاكراها
ياللا باى ونص:bye10000: .......... انا مابتهددش:flex0000:
جيرسى
06-09-2006, 04:56 PM
ومنتسيش لما يزعقو وتسكت يقولو: انت مخرووسه ولا كأن الكلام ليكي
و لو رديت يقولوو : انت بتردى وليكى عييين تبجحىىى كماااان
يعنى اعمل ايييييييييييه
وكمان جمله""" انا معرفش ايه الى لازقك قدام المدعوق الكمبيوتر دا ليل نهار """ مع انى مواراييش حاجه خالص
اهم حاجه يا رب متعدييش منهم واما يبقى عندى ولاد مطلعش فيهم العقد.................
شكرررررررررررا على الإضافة
ايه ده مش عاوزه تطلعى فيهم العقد
ازااااااااااااااى .....؟؟؟؟؟
امال يعنى عاوزه تنفجرى
نصيحة .........
إوعى تسكتى :shutup00: ........ لازم تطلعى كل اللى فى قلبك dumbbells
طبعا انا بهدى النفوس جدا :fruits_c:
شكرررررررررررا ليك
جيرسى
06-09-2006, 11:51 PM
هههههههههههههههههههههههههههههههههههههههههه
ربنا يسعدك
زى العسل والله
شكررررررررررررا ربنا يخليك
شكرا للموضوع و اجمل اللذيذيه
عــــــــــــــــفــــــــــــــوا
شكرررررررررا لمروووووووووورك
oozo44ever
07-09-2006, 03:45 AM
بصراحة شوية جمل فى الجون ملهاش حل
شكرا ياجيرسى
basem_matrix
08-09-2006, 07:45 AM
تسلم ايدك يا جميل
خدى دول يا جيرسى هدية منى ليكى :icon30:
مش عاجبك الأكل دة روح دور على أكل والجعان بياكل اى حاجة :crazy000:
مش عاجبك البيت روح شوفلك بيت تانى :sly00000:
لما تشتغل وتصرف على نفسك ابقى اتكلم :no000000:
متغيرش القناة فى مسلسل جاى بعد 5 دقائق :shutup00:
خليك قاعد ليل نهار كدة اودام الكومبيوتر :busted_r:
سبحان الله بالظبط نفس الكلام بس ماعدا جملتين الصراحه يعني متقلوليش قبل كدا
30- النوم لحد الضهر بيجيب الفقر .
56- ماتقعدش عريان كده قدام إخواتك البنات .
60 - ياللا يا أبو كحكة حمرا .. إنت فاكر نفسك هاتقعد تاكل معانا .
موضوع هايل جدا يا جيرسي
sun_flower1985
09-09-2006, 01:11 AM
هاهاهاههاهاهاهاههاهاهاهاهاهاهاه
فعلا كل الاهالي المصريين بيقلوا كده
هاهاهاهاههاهاهاهاه
:clap0000:
سهرت الليالي
09-09-2006, 06:31 AM
اقولك ايه بس يا جيرسي هههههههههههه والله الله ينور يا ميس ههههههه
لا بجد ضربه معلم
بس انا في جمل مسمعتهاش لغايه دلوقت هههههه طيب يا جيري انا هستني يمكن يقولهالي كدا على كبر ههه
خالد محمد توفيق
10-09-2006, 07:34 AM
عندك حق والله فى كل اللى قلتيه بس انا فى كلمة بسمعها كتير برضه
هو انا الجارية اللى جابهالكم ابوكم
و اللى بسمعه كتير برضه :انت فاكرنى قاعد على تل فلوس
فعلا المصريين عمرهم ما حيتغيروا
و شكراااااااااااااا على الموضوع
جيرسى
10-09-2006, 06:43 PM
ياترى هنقول الكلام ده لاولادنا ؟؟
لو تحب تتناقش معانا فى الموضوع ده
ممكن تدخل موضوع أحمد اللى فى توقيعى
شكررررررررا لمروووووووورك:bye10000:
ممكن اضيف جملة
اكيد كتيرمننا اصبحوا يسمعوها اليومين دول وهى
"انت خارج بالهارد............فيها للساعة كام المرة دى ..........متتاخرش"
شكررررررررا للإضافة :icon30:
إوعى تتأخر :msn-wink:
جيرسى
10-09-2006, 06:49 PM
اولا اشكرك على الموضوع ...
ثانيا خايف اقولك ان سبب وكستنا ...ولو حتى جزء منها ..معلش يعنى ..هو الكلام ده .....
وشكرا ليكى مره تانيه ...
اولا : الــــــــعــــــــــفــــــــــو
ثانيا:متخافش ولا حاجة .... اى نقد يا مرحبا بيه:clap0000:
انا معاك ان الكلام لازم يتغير .......
بس مش كله
شكرررررا لمروورك
oozo44ever بصراحة شوية جمل فى الجون ملهاش حل
شكرا ياجيرسى
الحمد لله انهم فى الجون :clap0000:
والكورة مطلعتش اوووووووووووووت
كورة إيه ......!!!!!:shutup00:
اقصد الجمل :msn-wink:
شكرررررررا ليك انت لردك الجميل
جيرسى
10-09-2006, 06:53 PM
تسلم ايدك يا جميل
خدى دول يا جيرسى هدية منى ليكى :icon30:
مش عاجبك الأكل دة روح دور على أكل والجعان بياكل اى حاجة :crazy000:
مش عاجبك البيت روح شوفلك بيت تانى :sly00000:
لما تشتغل وتصرف على نفسك ابقى اتكلم :no000000:
متغيرش القناة فى مسلسل جاى بعد 5 دقائق :shutup00:
خليك قاعد ليل نهار كدة اودام الكومبيوتر :busted_r:
هدية مقبولة
وإضافة جميلة
بس عندى تعليق.......
أكيد أكيييييييييييييد ...
الجملة بتاعت المسلسل دى الام هى اللى بتقولها ...... صح :msn-wink:
تسلم إيدك على الإضافة :bye10000:
جيرسى
10-09-2006, 07:01 PM
سبحان الله بالظبط نفس الكلام بس ماعدا جملتين الصراحه يعني متقلوليش قبل كدا
30- النوم لحد الضهر بيجيب الفقر .
56- ماتقعدش عريان كده قدام إخواتك البنات .
60 - ياللا يا أبو كحكة حمرا .. إنت فاكر نفسك هاتقعد تاكل معانا
موضوع هايل جدا يا جيرسي
يبقى انت اكيد ....
بتصحى بدرى:icon30: ... ومعنكدش اخوات بنات:no000000: .. وكنت من الشطار:msn-wink:
بس خد بالك ... انت قولت جملتين ... وعلقت على تلاتة :sly00000:
شكررررررررا لمرووووورك :bye10000:
sun_flower1985 هاهاهاههاهاهاهاههاهاهاهاهاهاهاه
فعلا كل الاهالي المصريين بيقلوا كده
هاهاهاهاههاهاهاهاه
:clap0000:
ربنا يسعدك كمان وكمان
Amr Fawzi
10-09-2006, 07:08 PM
هههههههههههههه
حاجات شديده جدا
15- إطفى التليفزيون وقوم ذاكر ... أو ... إطفى التليفزيون وقوم خش أوضتك .
لا الاسخم بقا
قوم ذاكر يا اما تنام
جيرسى
10-09-2006, 07:09 PM
اقولك ايه بس يا جيرسي هههههههههههه والله الله ينور يا ميس ههههههه
لا بجد ضربه معلم
بس انا في جمل مسمعتهاش لغايه دلوقت هههههه طيب يا جيري انا هستني يمكن يقولهالي كدا على كبر ههه
يا اهلا وسهلا ... عمو سهرت الليالى بنفسه هنا
يا مرحبا يا مرحبا:clap0000: ...... بس مش هاكمل الجملة:harhar10: ههههههه غلاسة :harhar10:
اقولك ايه بس يا جيرسي هههههههههههه
إوعى تقول حاجة .....:sly00000:
والله الله ينور يا ميس ههههههه
لا بجد ضربه معلم
الله ينور عليك .
معلم :crazy000: ... مش بقولك إوعى تقول حاجة dumbbells
بقولك ايه يا أحمد ...
الجمل اللى مسمعتهاش ... اعتبر انى قولتهالك ...
امال انا الميس ازاى .......!!!
بعد كده هاعمل لكم جمل المدرسين للتلاميذ ...( بس لما اشتغل ) ( فى المشمش ) ههههههه
نورت يا أحمد :bye10000:
جيرسى
10-09-2006, 07:16 PM
عندك حق والله فى كل اللى قلتيه بس انا فى كلمة بسمعها كتير برضه
هو انا الجارية اللى جابهالكم ابوكم
و اللى بسمعه كتير برضه :انت فاكرنى قاعد على تل فلوس
فعلا المصريين عمرهم ما حيتغيروا
و شكراااااااااااااا على الموضوع
شكررررررررا على الإضافة الجميلة
بس أكيد احنا الجيل الجديد هو اللى هايتغير
ولا احنا ناوين نفضل كده ... نقلد وبس :no000000:
شكررررررررا لمرووورك:bye10000:
جيرسى
10-09-2006, 07:30 PM
هههههههههههههه
حاجات شديده جدا
15- إطفى التليفزيون وقوم ذاكر ... أو ... إطفى التليفزيون وقوم خش أوضتك .
لا الاسخم بقا
قوم ذاكر يا اما تنام
صح كده .....:icon30:
إطفى الكمبيوتر ده وقوم نام بقى ...... dumbbells
نوم إيه احنا لسه الظهر :shutup00:
طب قوم ذاكرdumbbells ....... برضه باقى على الدراسة اسبوع:shutup00:
اقولك ......
خليك زى ما انت :fruits_c: ههههههههه
شكررررررررا لمرووووووووورك :bye10000:
جيرسى
10-09-2006, 08:47 PM
لا بتتقلى كتير دلوقتى علشان خلاص ابتدينا
ياللا ربنا معاك
شكلك كده فى حاجة شاذة مش تبعنا:shutup00:
قوم بقى ذاكر :harhar10:
احمد دغيدي
10-09-2006, 11:28 PM
فعلا موضوع رائع ألف شكر ليك يا اخي
Amr Fawzi
11-09-2006, 03:37 AM
صح كده .....
إطفى الكمبيوتر ده وقوم نام بقى ......
نوم إيه احنا لسه الظهر
طب قوم ذاكر ....... برضه باقى على الدراسة اسبوع
اقولك ......
خليك زى ما انت ههههههههه
شكررررررررا لمرووووووووورك
لا بتتقلى كتير دلوقتى علشان خلاص ابتدينا
™Amrmafia
11-09-2006, 04:09 AM
مفيش حاجه قولتيها غلط خالص والله يا جيرسى
The Saboteur
11-09-2006, 06:13 AM
:icon30: موضوع جميل جدا وياريت تعملي موسوعة لمصطلحات الأسرة المصرية عشان شباب المنتدي يستفاد بيها لما يبقوا أباء و أمهات
:clap0000: :clap0000: :clap0000: :clap0000: :clap0000:
RedHawk
11-09-2006, 08:11 AM
هاهاهاهاها
لأ جامدة قوي
radwa%cute
11-09-2006, 10:58 AM
والله نفس الكلام بيتقال 20 ساعه في اليوم و4 ساعات اللي فاضلين بيحضرو هما هيقولولنا ايه بكره
وبعدين انت نسيت الجمله رقم 61-وانتي فاكره ياماما انك بمجموعك ده رفعتي راسنا احنا(بعد ماكانو هيطيرو من الفرحه)انتي ياماما بترفعي راس نفسك احنا عملنا اللي علينا
والله بفكر اسجلهم شريط اسمعهولهم عشان يسمعو العذاب اللي بتنعذبه
(ربنا يخليهوملنا طبعا قبل ما حد يقول حاجه)
جيرسى
11-09-2006, 06:34 PM
فعلا موضوع رائع ألف شكر ليك يا اخي
ألـــــــــــف الـعـــــــفـــــــــو
شكرررررررررررا لمرووووووووورك
بس انا بــــــــــنــــــــــت:harhar10:
مفيش حاجه قولتيها غلط خالص والله يا جيرسى
شكررررررررا يا عمرو
ربنا يخليك
نورتنى
جيرسى
11-09-2006, 06:38 PM
:icon30: موضوع جميل جدا وياريت تعملي موسوعة لمصطلحات الأسرة المصرية عشان شباب المنتدي يستفاد بيها لما يبقوا أباء و أمهات
:clap0000: :clap0000: :clap0000: :clap0000: :clap0000:
مش فاهمة مصطلحات ازاى ... قاموس يعنى ولا ايه
عموما معظم شباب المنتدى معترضين على الكلام ده:no000000:
عموما هى فكرة حلوة ... ابقى اعملهالكم الاجازة الجاية وعليكم خير :flex0000:
شكرررررررررا لمروووووووووووورك ولنصيحتك:clap0000: :bye10000:
هاهاهاهاها
لأ جامدة قوي
شكررررررررررا
ربنا يخليك
lolo6001
11-09-2006, 09:13 PM
sa7 wallahy sa777...ana knt faker en ana el bane2adam el wa7eed elle seme3 el kalam dah..da7na tele3na kollena ba2a....bs fe gomla shaheera gedan mat2aletsh ((((((((yatnaam yatzaaker))
جيرسى
12-09-2006, 01:46 AM
والله نفس الكلام بيتقال 20 ساعه في اليوم و4 ساعات اللي فاضلين بيحضرو هما هيقولولنا ايه بكره
وبعدين انت نسيت الجمله رقم 61-وانتي فاكره ياماما انك بمجموعك ده رفعتي راسنا احنا(بعد ماكانو هيطيرو من الفرحه)انتي ياماما بترفعي راس نفسك احنا عملنا اللي علينا
والله بفكر اسجلهم شريط اسمعهولهم عشان يسمعو العذاب اللي بتنعذبه
(ربنا يخليهوملنا طبعا قبل ما حد يقول حاجه)
هههههههههه معلش يا رضوى .. نصيبك كده:showoff0:
شكررررررا على الإضافة:clap0000:
بصى نصيحة ........
بدل ما تسجلى وتتعبى نفسك ... وريهم الموضوع:icon30:
ساعتها ........... انا معرفكيش .. ومليش دعوة برد الفعل:no000000: ( شوفتى انا بحبك ازاى:in_love0: )
متنسيش كمان تحضرى نفسك علشان لما يبقى عندك اولاد تطلعى عليهم كل ده:crazy000:
امال عاوزه تنفجرى ولا ايه ( انا طبعا عاوزه مصلحتك ):no000000:
اكيد اكيييييييييد 100%
ربنا يخللينا اهالينا يا رب ويبارك لنا فيهم :clap0000:
arabicsheref
13-09-2006, 07:25 AM
ياعينى على الكلام ايه الحلاوه دى والله العظيم بجد دا اللى بيحصل الظاهر انها حاجه عامله انا كنت فاكر الكلام دا فى بيتنا بس اتاريه فى مصر كلها
trueluv
14-09-2006, 09:08 AM
الف شكر على الموضوع
shokalata
14-09-2006, 10:57 AM
ههههههههههههههههههههههههههههههههه
ايه الحلاوه ديه
انا مصؤي وابويا مصر
وبتعليقاتهم وهبلي مصري
ههههههههههههههههههههههههههه
ربنا يكرمك يار ب
بس عارفه في جمل تانيه كتيييييييييييييييييييييييييييييييييييييييييييييييي يييييييييييييييير
نسيتي تقوليها بس يلا ملحوقه
وشكرا مره تانيه
mkozae87
15-09-2006, 01:01 AM
موضوع رائع بالفعل وأهنئك عليه........
كما أنه في غاية الطرافة والظرف...........
أكثر ما اعجبني في الموضوع هو مسألة اللمبة الجاز (:
شكرا على الموضوع
blackeastern
15-09-2006, 02:09 AM
يا رب الموضوع يكون عاجبكم :bye10000:
عجبتنا ؟؟؟؟ انا عجبتنى جدا جدا جدا واحتمال اروح اطلب ايديها
فعلا جامدة جدا وشكرا ع المجهود الرائع اختى العزيزة
darkman_hy
15-09-2006, 04:48 AM
هههههههههههههههههه
و الله جامدة جدا
فعلا كل الحاجات دى بتتال فى كل بيت فى مصر
alfa romeo147
15-09-2006, 03:00 PM
هههههههه
جامدة والله يا جيرسي
يعني مش انا لوحدي اللي بيتقالي الكلام ده
خير خير الدنيا لسه بخير
mohamadika
15-09-2006, 11:35 PM
هههههههههههههههههههههههههههههه
عسل والله فعلا انا كل الجمل دى سمعتها كلها
THEKILLER_101
16-09-2006, 05:39 AM
الف شكر يا غالى على الموضوع الجميل دة
رونىمحمود
16-09-2006, 06:53 AM
ههههههههههههههههههههه
موضوع رائع جدا
abdo911
16-09-2006, 09:36 AM
الف شكر على الموضوع
جيرسى
18-09-2006, 09:13 PM
sa7 wallahy sa777...ana knt faker en ana el bane2adam el wa7eed elle seme3 el kalam dah..da7na tele3na kollena ba2a....bs fe gomla shaheera gedan mat2aletsh ((((((((yatnaam yatzaaker))
اوكى ..... يا للا بقى
يا تنام يا تذاكر :harhar10:
ياعينى على الكلام ايه الحلاوه دى والله العظيم بجد دا اللى بيحصل الظاهر انها حاجه عامله انا كنت فاكر الكلام دا فى بيتنا بس اتاريه فى مصر كلها
طبعا يا جماعة ..... دى مصر
عارفين يعنى إيه مصر
يعنى تحس انك عايش فى بيت واحد ...... الكلام كله واحد .. مبيتغيرش:crazy000:
جيرسى
18-09-2006, 09:29 PM
ههههههههههههههههههههههههههههههههه
ايه الحلاوه ديه
انا مصؤي وابويا مصر
وبتعليقاتهم وهبلي مصري
ههههههههههههههههههههههههههه
ربنا يكرمك يار ب
بس عارفه في جمل تانيه كتيييييييييييييييييييييييييييييييييييييييييييييييي يييييييييييييييير
نسيتي تقوليها بس يلا ملحوقه
وشكرا مره تانيه
ماشى يا مصرى ......
أنا لا انكر إن فى جمل كتير أنا مذكرتهاش
بس انا مكنت عاوزه الموضوع يبقى طويل وتزهقوا منه
بص اعملها انت فى موضوع تانى:harhar10:
شكررررررررا لمرووووووووورك ولتعليقك
موضوع رائع بالفعل وأهنئك عليه........
كما أنه في غاية الطرافة والظرف...........
أكثر ما اعجبني في الموضوع هو مسألة اللمبة الجاز (:
شكرا على الموضوع
شكرررررررررا ده من ذوقك
فعلا يا ما اتقالتلى اللمبة الجاز دى ...... لما كرهت الجاز واللمبة
شكرررررررررا لمرووووووووووورك
جيرسى
18-09-2006, 09:35 PM
أرسل أصلا بواسطة جيرسى
يا رب الموضوع يكون عاجبكم
عجبتنا ؟؟؟؟ انا عجبتنى جدا جدا جدا واحتمال اروح اطلب ايديها
فعلا جامدة جدا وشكرا ع المجهود الرائع اختى العزيزة
هى إيه دى اللى عجبتك..........!!!!!!
أنا بقوووووووووووووووووول ( عاجبكم ) مش عجبتكم ( يعنى الموضوع يكون حلو وعاجبكم
إيه التعليم المجانى ده:crazy000: ...
شكررررررررا على تعليقك
بس متنساش .....
تعزمنى فى الفرح
:harhar10: :harhar10: :harhar10:
:harhar10: :harhar10:
:harhar10:
جيرسى
18-09-2006, 09:47 PM
alfa romeo147 هههههههه
جامدة والله يا جيرسي
يعني مش انا لوحدي اللي بيتقالي الكلام ده
خير خير الدنيا لسه بخير
لسه الدنيا بخير .... لسه الدنيا بخير
مهما بنبعد مهما ( مش فاكرة إيه كده )
لسه الدنيا بخير
فاكر الأغنية...... دى كانت فى كارتون ( مش فاكرة اسمه )
mohamadika
هههههههههههههههههههههههههههههه
عسل والله فعلا انا كل الجمل دى سمعتها كلها
صح كده هو أكيد العسل
وأنا عمالة أقول النمل ده كله من إييييييييييييييه .....؟؟؟؟؟
THEKILLER_101
الف شكر يا غالى على الموضوع الجميل دة
ألف العفو ..... الشكر لله
بس انا بقى بــــــــــنـــــــــــــت:harhar10:
trueluv
الف شكر على الموضوع
darkman_hy
هههههههههههههههههه
و الله جامدة جدا
فعلا كل الحاجات دى بتتال فى كل بيت فى مصر
رونىمحمود
ههههههههههههههههههههه
موضوع رائع جدا
abdo911
الف شكر على الموضوع
ألـــــــــــــــــف شكرا لمجاملتكم لجميلة دى
نورتونى والله كلكم
:bye10000: :bye10000: :bye10000:
monyman
19-09-2006, 07:19 AM
شكراً على الموضوع
بس هما فى النهاية طبعاً عايزين مصلحتنا
Ali_Judge
19-09-2006, 09:44 AM
موضوع رائع
chicoOoz
30-09-2006, 09:54 PM
انت تعرف اهلى ولا ايه ؟؟
mahmodabdelbast
01-10-2006, 12:57 AM
iiiiiiiiiiiiiiiiiiiiiiiiههههههههههههههههههه
جميلة طحن
popo0000
11-10-2006, 05:18 AM
هههههههههههههههه
باظبط والله نفس الكلام
vBulletin v3.6.10, Copyright ©2000-2008
Translated by www.hostarab.com