المساعد الشخصي الرقمي

مشاهدة النسخة كاملة : ماذا تعرف عن يوجين.. اعقل المجانين

امير الجراح
09-01-2005, 04:34 AM
أسعد اللة اوقاتكم بكل خيـــر اعزائى
حيرتنى شخصية يوجين وكل اما اشوفة افتكر شخصية عبيط القرية اللى اتقدمت فى السينما كتير ومثلها فنانين من بينهم القدير الراحل محمد توفيق.واقول ياربى الراجل دة اهبل بجد ولا بيستهل؟؟؟
قال عنة_ المؤرخ_ الرياضى كابتن ممدوح فرج انة بيستهبل وهوة شخصية فعلا قوية ومصارع قديم ومعروف ووعد بكشف حقيقتة لكنة سرعان ماتراجع وابدى أسفة حفاظا على سمعة الراجل وتجانبا للفضايح وبرضة يستر علية.. المهم انا بحثت ونقبت لمعرفة اى شى عنة وما وراءة _فضول طبعا مش اكتر _.انا مفيش بينى وبينة حاجة واللة ...
وجائتنى هذة المعلومات .. سأعرضها لنفتح موضوعا للنقاش _ان كان يستحق النقاش فى نظركم_حول شخصية يوجين اعقل المجانين..Eugene Dinsmore

اسمة الحقيقي : Nick Dinsmoorehttp://www.obsessedwithwrestling.com/pictures/n/nickdinsmore/03.jpg

تاريخ ميلادة : 17 ديسمبر 1975 http://www.obsessedwithwrestling.com/pictures/n/nickdinsmore/12.jpg

مدينته ميلادة : Jeffersonville, IN

حالتة الاجتماعية :مش متجوز (بس متكلمين علية)

طولة : 6 اقدام http://www.obsessedwithwrestling.com/pictures/n/nickdinsmore/11.jpg

وزنة : 240 باوند

تدرب على يد : Danny Davishttp://www.obsessedwithwrestling.com/pictures/n/nickdinsmore/07.jpg

بدايته كمصارع : 1997

شخصية سابقة : Doink the Clown ( في سماك داون و في مهرجان فينجنز 2003 )
http://www.catchclub.com/catch/Images/Doink/TN_03.JPG

http://www.catchclub.com/catch/Images/Doink/TN_02.JPG
http://www.catchclub.com/catch/Images/Doink/TN_11.JPG http://www.obsessedwithwrestling.com/pictures/n/nickdinsmore/10.jpg ___http://www.catchclub.com/catch/Images/Doink/TN_09.JPG
حركتة النهائية : German Suplex
Airplane Spin (as Eugene

حركاتة المفضلة : Flying Double Axe Handle
Copying Moves of Favorite Wrestlers


___حصل على احزمة:
- MCW North American Tag Team titles مع روب كونوي .

- HWA Heavyweight title

- OVW Southern Tag titles مع روب كونوي 9 مرات .

- OVW Heavyweight title بعد فوزه في مباراة ثلاثية ضد Damaja & Doug Basham

- 8 مرات OVW Heavyweight title .

___ من مشوراة:

- كون مع روب كونوي فريق تاج تيم عرف باسم Limited Edition في اتحاد (MCW)
و فريق اخر في اتحاد (OVW) عرف باسم Borkcin Brothers
ثم قاموا بتغيير الاسم الى Lords of The Ring في اتحاد OVW

- في 18 مارس عام 1998 حصل لاول مرة على حزام التاج تيم مع روب كونوي في اتحاد OVW .

- في 4 ابريل 98 حصلوا على حزام MCW North American Tag Team titles مع كونوي .

- في 3 يونيو 98 فاز بحزام OVW للوزن الثقيل لاول مرة بفوزه على Rip Rogers .

- في 24 مايو 2000 فاز على المصارع Damaja و فاز بلقب الوزن الثقيل للمرة الرابعة .

- في 25 اكتوبر 2000 فاز على روب كونوي ليفوز بحزام الوزن الثقيل للمرة السادسة في اتحاد OVWOVW .

- في 31 يناير 2001 خاض اكبر مباراة فردية له في مسيرته ضد كريس بنوا على حزام الوزن الثقيل لاتحاد OVW .

- في يوليو 2002 وقع يوجين عقدا لعدة سنوات مع wwe ليتدرب فيه و كان من المتوقع ان يشارك في العروض التلفزيونية في 2003 .



__بدايته في العروض التلفزيونية __

-14 يوليو 2003 اول مباراة له خسر من تومي دريمر في عرض هيت .
و في نفس الليلة انتقل الى عرض سماك داون .

- 17 يوليو 2003 خسر هو وروب كونوي في مباراة تاك تيم ضد ري مستريو وبيلي كيدمان

- 27 يوليو 2003 شارك في عرض فينجز بشخصية "Doink the Clown"..

- 31 يوليو شارك في عرض سماك داون شارك ايضا بشخصية المهرج وخسر من بنوا .

___http://www.obsessedwithwrestling.com/pictures/n/nickdinsmore/15.jpg http://www.obsessedwithwrestling.com/pictures/n/nickdinsmore/16.jpg
- في نهاية شهر مارس 2004 بدأ بدور يوجين الحالى..


والان اعزائى انتوا اية رايكم؟يوجين فعلا مجنون ولا شخصية مرحة بيلعبوا بيها العيال الصغيرة وكلة جو مرح يعنى ؟ولا هوة مصارع بجد وبيعمل كدة تموية ..
كان زمان فية مصارع برضة غريب زية كدة بيقولوا علية الحيوان كان برضة لزوم الترفية لكنة كان قوى جدا فهل يوجين مصارع مجنون حقا؟
ولا عاقل ؟ولا اعقل المجانيـــــــــــــــــــــــنhttp://www.obsessedwithwrestling.com/pictures/n/nickdinsmore/13.jpg
sedki
09-01-2005, 06:48 PM
أخى العزيز أمير الجراح موضوع جميل فعلا و طريقتك لذيذة جدا و الموضوع ده فعلا محير ناس كتير جدا و أنا أولهم بس أنا قمت بالبحث و لم أجد معلومات مؤكدة للأسف بس رأيى الشخصى إنه بيمثل و يستحق الoscar على هذا ده طبعا لو تأكدا وعلى فكرة شكلنا كده لازم نضع جاسوس فى ال wwe علشان يجيبلنا الأخبار اليقينه :D :D
امير الجراح
09-01-2005, 11:32 PM
طب كويس يا sedki انك محتا :5crackup: ر زييى.. يعنى انا انسان طبيعى بقى..الحمد للة اصل عالم المصارعة دة فية حاجات هاتجننى :eek: . ولو حطينا جاسوس حتى مش ضامنين ...هايجننوة فى يومين.. دة احنا من بعيد اهو واتجننا :D
سيبك انت .. المهم ان الموضوع عجبك خلاص دة الاهم يا عمsedki...
walid26
10-01-2005, 02:11 AM
الف شكر أخي أمير الجراح علي الموضوع المميز والجميل اللي إنت عامله ، فعلا مبذول مجهود كبير جدا في جمع المعلومات والصور وترجمة الأحداث المهمة والمباريات الرئيسية

رأيي الشخصي أن Eugene عباراة عن (( شخصية )) أخري تخلقها إدارة الـ wwe لجذب عدد أكير من الجمهور وخاصة الأطفال اللي بيموتوا في العبط بدليل إن آخر فترة ليوجين بعد ما يكسب أي مباراة تطلع العيال تجري وراه علي الحلبة وده طبعا تهريج وشئ يفقع المرارة .

علي العموم ما فرقش كثير عن محمد حسن أو الحانوتي في مختلف أشكاله لأنها كلها شخصيات مش أكثر تتلون بطبيعة رغبة المشاهد ، واللي يجذب جيب الزبون ال wwe تعمله ما فيش مشاكل

بس اللي يصعب علي الواحد إن Eugene شكله إبن ناس ليه راضي بالبهدلة دي ؟
امير الجراح
10-01-2005, 09:29 AM
أخى وليد انت صح :5bowtie: ..Eugene فعلا شخصية كارتونية لكن من دم ولحم والظاهر برضة انة اتبهدل بعد ماكان ابن ناس ومحترم عشان لقمة العيش ..
الراجل دة غلبان اوى تصدق صعب عليا ؟ تيجى نلملة من كل واحد جوز جنيهات :rolleyes: ؟
ولا اقولك :5emoticon دة تلاقية مكنز على قلبة خسارة فية :p
walid26
10-01-2005, 10:17 PM
نلم لمين بس بلاش الواحد يتلكم ، إنت عارف بيدفعولوا كام علشان يعمل عبيط ؟ هنا الواحد عامل عبيط طول النهار ومس بيجيب 10 جنيه في اليوم حتي D:
امير الجراح
13-01-2005, 06:56 PM
قولتلى بقىىى :rolleyes: اتارييييييية.. عايش ف الدور ع الاخر..
طب انا مستعد اعمل يوجين وابو يوجين كمان طالما الحكاية كدة... :5emoticon
samir_mantis
13-01-2005, 07:40 PM
ياجماعه انا مش معاكم في كل اللي انت بتقولوه ده
يوجين مجنون وابن مجنونه
ده كفايه ان الاميريكان مصدقين
هو احنا بنفهم اكتر من الامريكان
walid26
14-01-2005, 12:25 AM
الحقيقة عزيزي إن إحنا فعلا بنفهم أفضل من الأمريكان .
samir_mantis
14-01-2005, 01:41 AM
مهو هقولك حاجه بس من غير زعل
وخدها من اخوك بصدر رحب
انك تكون فاهم وبتسطعبط دي اصعب واوحش
فخلينا مش عارفين احسن
walid26
14-01-2005, 01:43 AM
أكل العيش مش بالسهل يا صديقي :)
samir_mantis
14-01-2005, 01:44 AM
ياريت مفيش حد يزعل مني والله انا بتكلم مع اخواتي
وبتكلم بعشم ان مفيش حد يزعل
ده موضوع وقابل ان كل واحد يكون ليه راي
انا اسف مره تانيه علي الاختلاف معاكم في الموضوع
samir_mantis
14-01-2005, 01:46 AM
منا عارف والله
بس احنا عارفين ان المصارعه كلها تمثيل في تهريج
واحنا حبينها علي عيبها
فبلاش نعلالهم علي الواحده لحسن مش هنخلص
امير الجراح
14-01-2005, 05:41 AM
محدش يقدر يزعل منك ياsamir مدام بتقول رأيك مما كان.. وانا قلت من الاول فى الموضوع اننا نفتح باب المناقشة حول شخصية يوجين انا م الناس اللى شايفة بيستعبط ووليد معايا فى الرائ دة انت شايف غير كدة اوكى ..اما عن استعبطنا احنا يعنى عارفين انهم بيضحكوا علينا وساكتين فدة مش استعباط دة استقراد مننا ليهم , يعنى احنا بنستمتع ونتفرج ونهرج عليهم وهمة بيحرقوا فى دمهم وبيعملونا ارجوزات عشان يبسطونا .. يبقى مين احسن من مين؟؟؟؟
وبعدين ياعم احنا بنفهم احسن م الامريكان حقيقى مش شعارات وطنية ولا انتماء ولا كلام المسلسلات دة ..لاننا فعلا عندنا تقريبا ربع تكنولوجيتهم وامكانيتهم وعايشين.....وصــــابررررررين...
وصلى ع النبى .... :5emoticon
fan_fan10
14-01-2005, 06:04 AM
والله ده موضوع جميل
بس برضة عايز حد يقولي (هل هوا حقيقي ولا مجنون)
لإني فهمي علي قدي
samir_mantis
14-01-2005, 03:58 PM
ياباشا الوحيد اللي بيخسر هو المتفرج
هو مبسوطين كده هم بيمصوا دمك
مش احنا طبعا
وبياخدوا ويعملوا اللي هما عايزينه
دي ناس بتعرف تفكر صح
تعرف تجيب الفلوس منك ازاي
وانا سعيد ان فيه اختلاف في الاراء
walid26
14-01-2005, 07:38 PM
يا أخوانا ، العالم دي فعلا وكلام صحيح بتعرف تجيب الفلوس من جيبنا إزاي ، يعني هما عاملين العبيط علشان العيال / وkane الشرس علشان الناس تيجي تتفرح إزاي بيكسر الدنيا و jericho الأمور علشان يعجب البنات و Triple h المكروه علشان Benjamin يكسبه والناس تيجي تشمت فيه و batisita البغل عبشان الناس تتفرج الحيطه ده بيعمل إيه ، كل ده علشان الناس السذج الأمريكان ينضحك عليهم ويروحو يدفعوا دم قلبهم كل إسبوع ويلفوا وراهم ولاية ولاية لما يتخرب بيتهم ، ولكن فيه فرق بين الناس دي وبين المصريين إللي هو إحنا ، إحنا يادوبك كل الي بنخسروه إننا بنصحي من النوم بدري شوية علشان نلحق الحلقة يوم الثلاثاء يالكتير أوي وفيه ناس بتنام ، بس كده ، وإحنا الأذكي لأننا عارفين إن المصارعة تمثيل × تمثيل وبنتفرج بمزاجنا مش أكثر .

علشان كده إحنا اللي كسبانين .
امير الجراح
15-01-2005, 01:25 AM
اولا بالنسبة لسؤال الاخ fan_fan10 عن كون يوجين مجنون فعلا ولا لأ فابقولة لو كان مدير مستشفى الامراض العقلية مجنون يبقى يوجين مجنون.. :5forbidde ..يا عم دة اعقل مننا على الاقل هوة عرف سكة يجيب منها فلوس حلوة ازاى حتى لو عمل ارجوز لكن احنا فية ناس كتير مننا كرمتها توجعها وماترضاش تعمل كدة ..يعنى عايز اقولك انة فعلا مصارع حقيقى ودة الواضح من الموضوع بتاعى لكن مسائلة جنانة دى شخصية بيمثلها زى الشخصية اللى كانت قبليها (راجع الموضوع)...وجزيل الشكر لمروك وتجاوبك معنا ف المناقشة يا fan_fan10...
__وانت يا عم سمير صعبان عليك الجمهور الامريكانى اوى عشان بيتحرق دمة ويت :D مص مايتمص ياعم ولا يولع :p ..احنا مالنا احنا بناخد من المشاهدة الاستمتاع وهمة يدفعوا بس عارف تشكر اوى يا سمير انت صحصحت الموضوع واحيتة كلك ذوق والاراء مش مختلفة دى متقربة ..
___تسلم ياوليد على مرورك تانى عليا وصباح الفل ..
بس هسألك سؤال جاوبنى علية بسرعة من غير تفكير لانى محتار (وياريت اللى يعرف برضة يقول)
المصارع تمثيل اوكى ..الضرب كدة وكدة اوكى....الشخصيات كاركاتيرية...اوكى
الضربة بقى اللى تحــــــــــــــت الحزام_ واخد بالك_اللى تحت الحزام اللى ياما ضربها ريك فلير لاورتن ..واللى يبرع فيها فلير كتير .. دى ضربة بصراحة مش عارف ازاى همة بيستحملوهاا انا عن نفسى وانا بعيد عنهم بحس بيها وابقى هاموت. :5headache ..
فاقولى ياوليد بما انك اقدم منى فى المصارعة وفنونها اية تحليلك للموقف...؟ :5 :5emoticon
walid26
15-01-2005, 01:52 AM
تحليلي بمنتهي البساطة ، تعرف جون كورة اليد بيلبس إيه تحت البنطلون علشان الكورة لما تيجي فيه ما يقطعش الخلف ؟ المصارعة كده بالظبط ، والإحتمال الآخر إن الضربه أصلا تمثيل يعني هيه جت عليها ؟!

وده تحليلي أنا للموقف مش أكثر .
امير الجراح
15-01-2005, 02:59 AM
لا يا وليد هاختلف معاك لاول مرة ..جون كرة اليد او البيسبول بيكون متغطى من ساسة لراسة لكن المصارع بيكون يادوب ... وبعدين دى ضربة ماطقتعشى الخلف وبس دى تدمر الدنيا يعنى تخللى راندى اورتن ريرى وتخلى ترابيل اتش مايسواش ولا ربع اتش .. :p ..
ركز شوية وهات التحليل السليم المنطقى ياوليد احسن الواحد اتجن ولازم ويفقسهم ويعرف سر الحكاية دى ...... :5emoticon
walid26
15-01-2005, 11:30 AM
صدقني زي ما بقوللك كده ، ومعلش بلاش حكاية ( ركز ) دي علشان بتحرق دمي بجد مش هزار .
samir_mantis
15-01-2005, 08:43 PM
طلب عاجل من عمي وليد
او اي اخ من الفطاحل بتوع المصارعه
امير الجراح
16-01-2005, 02:01 AM
خلاص ياعم مدام فيها حرق دم :5bouncy: يبقى بلاش منة التركيز :p وصلى ع النبى. قلبك ابيض... :5emoticon
samir_mantis
16-01-2005, 09:10 AM
ايه ياجماعه مفيش حد عايز يسمع صوتي ولا ايه
امير الجراح
16-01-2005, 11:17 AM
اية يا سمير انت قلت وليـــــد ووليد مش اى حد..... :5emoticon
medhatkean
14-02-2005, 12:13 PM
ياجماعه يوجين مش مجنون دى اعقل مننا لكن دوره فى الاتحاد دلوقتى انه يعمل مجنون يبقى يعمل مجنون
وبعدين ظهر قبل كده فى الاتحاد المصارعه بشخصيه Doink the Clown
gm4
25-03-2005, 05:38 PM
انا كل لما انزل ماتش من المصارعه الحره ميشتغلش ويطلب برنامج ( ريال وان بليير ) ولما نزلت الريال وان بليير برده مشتغلش !!انا بيتهيالى انه عايز احدث نسخه من الريال وان بليير .. ياريت لو اى صديق من على الموقع عنده النسخه دى يبعتهالى .. او لو كان فى عنده اى حل للحكايه دى
walid26
25-03-2005, 05:48 PM
تفضل عزيزي ولا يغلي عليك ( real player 10-5 gold )

التحميل ( هنــــــــــــــــــــــــــــــــــــــــــا (http://files.9down.com/RealPlayer10-5GOLD-www.9down.com.rar) )
gm4
25-03-2005, 06:52 PM
الف الف الف شكر ليك يا وليد انت خدمتنى فعلا لانى بحب المصارعه جدا جدا..... ربنا يخليك
gamal_sh_m
26-03-2005, 07:24 AM
شكرا علي المعلومات
ghanema
08-07-2005, 06:30 AM
شكرا يا باشا المعلومات هايله
chrisjericho
10-07-2005, 09:10 AM
موضوع اكثر من رائع ياباشا والردود جميله جدا وشيقه
abdelhade
13-07-2005, 07:11 AM
موضوع للتعارف اكتر خش و مش عتندم
http://www.dvd4arab.com/forums/showthread.php?t=78599
SeMSeM_ahly
18-07-2005, 12:52 PM
بالنسبـه ليوجن فدة من الالغـاز اللى موجوده فى المصـارعه انا حاسس انو مجنون بجد :(
ASER Conan
18-07-2005, 02:52 PM
ياللا شباب آدي لينك بيقول مين هوة EUGENE و اسمه الحقيقي NICK DINSMORE
http://www.cagematch.de/cgi-bin/database/english/profile.cgi?action=overview&worker=00000125