لو سمحت عاوز أعرف الفرق بين Dsl والنت ستلايت

[ayman_elgaphary]

فيه أحد الأشخاص بيعرض عليه نت ستلايت أى استقبال أقمار صناعية سرعة 2 ميجا وبيقول الاتصال بالجهاز بتاعك لاسلكى عن طريق كارت بيركب فى الجهاز أو فى USB ثمنه على العموم 150 جنيه وبيقول ليه سرعة الدانلود رهيبة وزى ما سمعت أن النت الخاص بالستلايت استقبال فقط وليس إرسال.
أكون شاكر لو فسرتم ليه الموضوع ده

[lolobest_lolo]

بسم الله الرحمن الرحيم .

العبد لله كان موصل DSL 256 وكنت بدفع ياسيدى 150 اللى نزلوا دلوقتى لـ 95 جنيه المهم تكلفه الخط ده ايه .. ؟

هتجيب روتر محترم وابن حلال كده وياريت لو كان D-LINK واللى تشوفه برضه بس فى 2 بورت وفى 4 بورت والسعر

بيختلف يعنى فى بـ 220 وفى 270 واللى يريحك بس انا اظن لو انت هتوصل لوحدك يبقى 2 بورت مناسب وبالنسبه

للشركه اللى ممكن تشترك معها فممكن تكون تى داتا او ايجى نت وفى شركات كتير وده حسب اختيارك برضه .

وبالنسبه للدونلود فلو كانت 256 يبقى هتعمل دونلود بحوالى 25 ..

بالنسبه للنظام اللى انا بقيت عليه دلوقتى وهو اللاسلكى فحضرتك بتجيب كارت وطبعا حسب النوع بيتحدد السعر يعنى

بـ 150 وفى بـ 250 وع حسب تجربتى انصحك بكارت D-LINK والاشتراك بيبقى زى النظام الاول وتقريبا نفس الاشتراك

الشهرى . انما من حيث ان السرعه جباره وكده فده مش صحيح والسرعه عاديه لكن بتعتمد ع الاحوال الجويه لانها اشاره

ماشيه فى الهوا وانت عارف الجو غدار ..

اتمنى ان اكون وضحت فكره بسيطه وده حسب تجربتى ..

والسلام عليكم ورحمه الله وبركاته ...

[ledo1971]

عفوا الاخ شرح ليك الفرق بين الدى اس ال العادى والدى اس ال واير لس
انت عاوز تعرف الفرق بين الدى اس ال والساتاليت
شوف الاول dsl
زى الاخ مشرح كدا عن طريق خط الهاتف بيدخل ليك داتا خاصة بالانتر نت وفيه جهاز اسمه سبليتر بيركب قبل الروتر بيعمل عملية فصل للصوت وفصل للداتا بحيث الصوت يروح للهاتف والداتا تخش على الروتر
اما النت ستالايت فدا عن طريق
هاتف التليفون اتصال دايل اب عادى برقم بتاخده من الشركة اللى مدياك الخدمة
وطبق دش وعدسه مخصوصه تستقبل بيها النت عن طريق الاقمار الصناعية وتبان عادى على جهاز الكمبيوتر
فعملية انك تطلب المعلومه فبتكون عن طريق الهاتف اما عملية استقبال المعلومه فبتكون عن طريق الاقمار الصناعية واللى بيستقبلها عندك هو طبق الدش بتاعك
طبعا السرعة فى الساتلايت اسرع بكتير من الدى اس ال خاصة فى الدون لود
وتكلفتها على فكره اعلى من تكلفة الدى اس ال ولكن الناس بتلجاء ليها فى حالة تعثر توفير الخدمة فى السنترال اللى تابع ليه المكان اللى عاوز خدمة الدى اس ال خاصه وان كل سنترال ليه مدى معين ميقدرش يتخطاه يعنى حوالى 5 كيلو متر مربع تقريبا
على سبيل المثال القرى بتاعة الساحل الشمالى اقرب سنترال ليها ابعد من 5 كيلوا علشان كدا الحل دا بيبقى احسن ليهم بكتير وبسهولة يقدروا يحصلوا على سرعة اعلى من سرعة الديل اب ومساوية لسرعة الدى اس ال بل فى اغلب الاحيان بتكون اسرع بكتير
اتمنى انى اكون قدرت افيدك

[alzizo]

thnx............................