حد يعرف يعني ايه ladies first [الأرشيف] - موقع الدي في دي العربي

مشاهدة النسخة كاملة : حد يعرف يعني ايه ladies first

Mohamed Amar

08-07-2006, 10:55 AM

إخواني وأصحابي وأحبائي
السلام عليكم ورحمة الله وبركاته

حد يعرف سبب عبارة ليديز فيرست
Ladies First

دائما تتردد هذه العبارة الشهيرة Ladies First النساء أولاً...

على ألسنتنا و خاصة الرجال عندما يقدمون الجنس اللطيف لدخول أي مكان
أو فعل أي شيء أخر مما يدخل السرور في قلب المرأة أو الفتاة
لأن الطرف الأخر أظهر لها نوعا من الإحترام والتقدير ...
ولكن دعونا نتعرف على قصة هذه العبارة الشهيرة ونقف على أحداثها سوياً :

هذه العبارة لها قصة عجيبة حدثت في إيطاليا في القرن الثامن عشر ميلادي ومفادها انه كان هناك شاب من إحدى الأسر الغنية في إحدى مقاطعات إيطاليا وقع في حب فتاه من أسره أقل منه في المستوى المعيشي والطبقات التي ينتمون إليها اتفق الاثنان على الزواج ولكن الشاب لقي معارضة من قبل أسرته والتي أضطرت لتهديده بعدم مباركة هذا الزواج
كبرت الضغوط على الشاب وعلى الفتاة وقررا أن لا يفرقهما إلا الموت وبالفعل بعد أن كثرت الضغوط خافا أن يفترقا وقررا الإنتحار
وتوجها الى صخرة عالية جداً ومطلة على البحر عندها قررت ا لفتاه القفز اولاً ولكن الشاب منعها من القفز بحجة أنه لا يستطيع أن يراها تموت أمامه واتفقا على أن يقفز الشاب أولاً وبالفعل قفز الشاب وسقط ومات ،..
ولكن عندما رأت الفتاه هذا المنظر غيرت رأيها وغدرت بالشاب وعدلت عن مرافقته في الموت ورجعت إلى البلدة وتزوجت شخص آخر من طبقتها وخانت حبيبها الذي ضحى بنفسه من أجلها..
وعندما علم أهل القرية بذلك قرروا أن تكون النساء أول من يقومن بالأعمال.
وظهرت مقولة النساء اولا Ladies First ..

جيرسى

21-07-2006, 10:10 PM

اولا : الموضوع جميل قوى

ويسعدنى انى اكون اول المشاركين فيه

عندما رأت الفتاه هذا المنظر غيرت رأيها وغدرت بالشاب

يا نهااااااااااااار ابيض ..:no000000:

معلش اعذرونا .... اصل الستات قلبهم ضعيف .... ميستحملوش

علشان كده انا بقول انه مش غدر .... ده ضعف

عموما دى نصيحة لكل الرجالة .....( قدموا النساء )

شكرررررررررررا ليك يا محمد ....... موضوع جميل ومفيد:icon30:

Medo_sb

22-07-2006, 07:52 AM

الغدارين
طول عمرهم كدا
ربنا مايورينا منهم حاجة
الف شكر على الموضوع الهايل

جيرسى

22-07-2006, 07:55 AM

الغدارين
طول عمرهم كدا
ربنا مايورينا منهم حاجة
الف شكر على الموضوع الهايل

يا ساتر يا رب ......

ليه كده .... حراااااااام عليك

بس اقولك على حاجة ....( لكل قاعدة شواذ )

سورى يا محمد انى رديت على الاعضاء فى موضوعك

حمكشة

23-07-2006, 07:41 PM

موضوع جميل جدا
ومفيد لاي شخص عاوز ينتحر هو وحبيبته..
وموضوع يخوف كمان عشان بعد الحب ده كله تبيعه كده..ده معناه ان مفيش ست مضمونه مهما كانت بتحب

delnaby

23-07-2006, 07:52 PM

ولكن عندما رأت الفتاه هذا المنظر غيرت رأيها وغدرت بالشاب وعدلت عن مرافقته في الموت ورجعت إلى البلدة وتزوجت شخص آخر من طبقتها وخانت حبيبها الذي ضحى بنفسه من أجلها..
Ladies First ..

غداريين

مش عيب عليها تبيعه بعد الواجب اللي هو عمله ده

طلعت بنت مش كويسه

مش بعد هي اللي زقته علشان يقع هو

HOHO3000

13-09-2006, 08:24 AM

فعلا أنا قرأت القصة دي من فترة طويلة

Mohamed Amar

13-09-2006, 10:31 AM

هههههههههههههههههههههه

تعليقات جميلة منك

شكرا للجميع

طالبة طب مسلمة

14-09-2006, 04:56 AM

كنت متوقعة حاجة زي كدة
بس ايه ده النداااله للدرجة دي:no000000: ؟؟؟؟؟؟؟؟؟؟؟؟
بس عزائي الوحيد ان لكل قاعدة شواذ زي ما قالت جيرسي::msn-wink: :harhar10:

عموما ميرسي عالموضوع:busted_r: :

ramymh

14-09-2006, 03:39 PM

الا فى اللحظة دى كان مفروض يسمع كلامها
وشكرا ليك على الموضوع الجميل ده

Mohamed Amar

15-09-2006, 01:49 AM

Mohamed Amar

15-09-2006, 01:50 AM

الا فى اللحظة دى كان مفروض يسمع كلامها
وشكرا ليك على الموضوع الجميل ده

هانقول اية بقا احنا كدة طول عمرنا طيبين :harhar10:

dynameta

15-09-2006, 08:03 AM

معلومة جميلة اول مرة اسمعها ..

ولو ان القصة غير مشرفة للمرأة أبدا ..

او يمكن تابت فى اخر لحظة و تذكرت ان الانتحار كفر ( مستحيل طبعا )

شكرا اخى

kikoooo

15-09-2006, 05:46 PM

يا خبر ابيض على النداله معقول القصه دى حقيقيه . اذا كانت كذلك اكيد مكنتش بتحبه ودا كان كمين معمول فيه ههههه
مشكور ياغالى على الموضوع

Real Neo

16-09-2006, 03:25 AM

انا سمعت القصه دي برضوا في برنامج العسيلي الموسم اللي فات

ومن ساعتها وانا بنفذ طبعا الكلام ده

شكرا علي الموضوع

issanasr

16-09-2006, 04:02 AM

اشكرك على الموضوع...
وحتى المقوله اللى فيها إمرأه ...طلعتout
مش عارف اقول ايه
اكيد مكنتش بتحبه ..اكيد ..
بس اساسا قرار الانتحار قرار ساذج
على الاقل مكنتش اتجوزت من بعده

kareems

16-09-2006, 09:10 AM

ايون انا سمعت الحدوته دى قبل كده

بس ارجع واقول هو اللى غلطان
عاملى فيها عنتر جبنه وعايز ينتحر اهو شرب من البحر زى الجردل

والبنت مالهاش ذنب هى لقيته اهبل استخسرت تضحى بنفسها عشانه
قالت هو هينفعنى بايه لما اموت
.....الحياة حلوة

mido_554

16-09-2006, 09:38 AM

هما الستات كدة وهيفضلوا طول عمرهم كدة ,الغدر عندهم بيجري في دمهم ,ومتهيألي ان كان المفروض علي اللي بيحبها دة كان يمسك ايدها وينتحروا سوة .

علي العموم شكرا علي الموضوع دة اللي اكدلي طبيعة صنف الستات.

bladeegypt

16-09-2006, 10:00 AM

قصة ظريفة
وفعلاً غدر النساء شديد
وكيدهن عظيم

bluesky86

16-09-2006, 10:37 AM

شكرا على الموضوع
لكن هى عقلت فى اخر لحظه
وهو اللى راح فى شربة ميه يا عينى

predator496

16-09-2006, 10:46 AM

الف شكر على المعلومة القيمة دى يا باشا

مُحب الرحمن ورسول الله

16-09-2006, 11:05 PM

هههههههههههههههه هما كده مش غريبة عليهم ربنا يحفظنا من شرورهم ومكائدهم

alfa romeo147

17-09-2006, 02:35 AM

الف شكر ياغالي على الموضوع

الواحد كان بيقولها وهوا مش عارف معناها ايه

دلوقتي عرفنا خلاص

weaamx

17-09-2006, 04:27 AM

بس ارجع واقول هو اللى غلطان
عاملى فيها عنتر جبنه وعايز ينتحر اهو شرب من البحر زى الجردل

والبنت مالهاش ذنب هى لقيته اهبل استخسرت تضحى بنفسها عشانه
قالت هو هينفعنى بايه لما اموت
.....الحياة حلوة

هههههههههههههههههههههههههههههههههههههه

الف شكر لصاحب الموضوع على الخبر الجميل

و لا ننسى أن لكل شواذ قاعدة و النساء شوا................

أنا مقلتش حاجة

Mohamed Amar

17-09-2006, 09:45 AM

شكرا يا رجال وبنات المنتدى على احلى ردود

hassan30

17-09-2006, 08:59 PM

والله خاينة وعايز تتشنق

هدىالعربى

17-09-2006, 09:11 PM

القصه حلوه بس مفيش حد له امان بجد

Mohamed Amar

25-09-2006, 05:47 PM

مفيش امان فعلا

mohalexeg

01-10-2006, 04:59 PM

شكرا
ورمضان كريم

bakarbakar3

03-10-2006, 04:14 PM

يستاهل كان يقتلها قبل ما يرمي نفسه:harhar10:

yoppa

04-10-2006, 08:53 PM

شكرا على المعلومه دى والله انا كنت بكره الكلمه دى قبل اما تتقالى لانى مبحبش امشى ورا بنت مش تقليلا من حجمها
لاكن الاحترام مبيقولش كده يا اما جنبها يا اما قبلها

انا فاكر قصه عن احد الرسل اللى كان ماشى اما بنتين وميعرفش الطريق لبيت اباهم مشى قبلهم وقالهم ارموا الجمره يمينى ساسير يمين او على اليسار ساسير يسار

فده من احترام البنت ان الواحد ميمشيش وراها

لاكن الكلمه فى مضمونها عامتا غير اللى وضحته كويسه

Mohamed Amar

07-10-2006, 12:47 AM

شكرا ليكم شباب

الله اكرم