سؤال سريع منتظر الاجابه بدون تريقه

[SLICE]

اولا اشكر اعضاء المنتدى على استقبالى معهم كاخ وعضو واشكر اللى ساهمو فى افادة الأعضاء
ودلوقتى نيجى للسؤال؟؟؟؟؟؟؟
انا زمان حاولت اعمل طياره وانا صغير نجحت لكن مش زى ماكنت عايز النهارده بقى انا عايز اعملها تانى لكن محسوبه بحيث انها تكون اقرب ما يكون لما اتخيل انا اعرف شويه فى موضوع الجو ده يعنى اعرف المقاطع الهوائيه air foils واعرف نظام المحركات زى التوربين والبساتم والنووى وايه استخدامهم وامتى ده يستخدم واعرف كمان ram jet engineاللى يستخدم للوصول الى اعلى من سرعة الصوت والطياره اللى اتعمل فيها المحرك ده اتلغت اللى هى كونكورد لاسباب انتو اكيد عارفينها المهم دلوقتى انا عايز بعض القوانين استخدمها فى الطياره اللى جايه ديه يعنى بالنسبه للجناح احسب ازاى اقصى وزن يشيله لأى ارتفاع باى قوه من المحرك ....الخ
وبالنسبه للمحرك كنت عايز اعمل توربينه صغنونه كده وتبقى هى المحرك هل ينفع استخدم غاز الولاعه كوقود انا كل اللى عايز اوصلله ان المحرك يكون اقوى من المحرك الكهربى الصغير العادى انا مايهمنيش السرعه اد ما تهمنى قوة الرفع لانى حستخدمها لغرض معين لرفع احمال
(هى طبعا صغيره مش بحجم الحقيقى) يعنى ممكن اخر طولها يكون 80-120 سم
وادى شوية طلبات ارجو تلبيتها
قوانين للمحرك
قوانين للأجنحه
قوانين للوزن
وزى مانتو عارفين الثلاثه مرتبطين ببعض
اه وبالنسبه للمواد انا استخدم الفوم بكل انواعه وكثافاته انا بارع فى تشكيله اشكله بالشكل اللى انا عايزه وبالقوه اللى انا عايزها
والسلام عليكم ورحمة الله وبركاته

[mohamed shouman]

اخي الفاضل

من كلامك انا حسيت انك اما طالب في اعدادي هندسة او لسة مدخلتش كلية لسة

بس عشان تبقي عارف، انة الطيران بيعتمد علي جزئيتين اساسيتين
1 المحرك اللي بيولد القدرة
2 التصميمي الخاص بالهيكل الخارجي و توزيع الاحمال

و الاول انت بتصمم الهيكل و دة بيخضع لعوامل كتير و اهم علم تكون دارسة هو ميكانيكا الموائع المتقدمة

و كعلم تخصصي تتدرس علم aerodynamics

و بعد كدة لازم تدرس كيفية عمل الجنيحات و الجناحات و كمان تقدر تصمم مجموعة الذيل

و بعد كدة تقدر تحسب القدرة الازمة و تصمم محرك بيولد قدرة بتساوي مرة و نص القدرة المطلورة

و بصراحة كدة انا طالب في ميكانيكا و عندي زملاء كتير في مشروع التخرج بتاعهم تربينات، و مفيش مخلوق فيهم فكر يعمل تربينة صغيرة لانك بتطلب المستحيل بعينة

نصيحة انت ممكن تعمل تصميم جميل و تدرس و تجربة ، بس متفكرش انك تعمل محرك من اليربينات، و انصحك انك تلتزم بالمحركات الكهربية ، و يوجد منها انواع ذات قدرات عالية

و راسلني علي الخاص و انا ان شاء الله اوضحلك اكثر و اوفرلك الكتب في المجالات السابق ذكرها

و اسف علي الاطالة و علي ان الكتب كلها بالانجليزي

و اتمني ليك التوفيق

[قيصر روماني]

والله العظيم ا اعرف

[mohamed shouman]

والله العظيم ا اعرف

مش عارف انت تعرف اية بالظبط

ممكن توضيح

[SLICE]

شكرا لك على الرد انا كنت عارف ان الموضوع حيكون معقد شويه لكن عموما انا مش فى هندسه خالص انا فى تالته ثانوى

لكن اهوى العلم بشده انا عملت مجسم طياره هو مش مجسم لكن يمشى عملت كل حاجه الجناح والفلابس والذيل والدفه ولأتفادى

شكل الهيكل خليته عباره عن ماسوره مربعه من الفوم سمكها1سم وبها الدهامات الكافيه لاعطائها القوه والمرونه وبعد التجربه

حملتها بوزن بطاريات ووالمحرك ودائرة الاسلكى وربطها فى سياره صغيره لتجرها وتفعل ماتفعله المروحه وطبعا ارفتنى

لحد لما خليتها ترتفع بانتظام لأنها ماكانتش موزونه يعنى الاوزان ماكانتش فى مكانها الصحيح كنت موصل الفلابس والدفه

بالمواتير اللى حتحركها واتحكمت فيها عشان ارفع الطياره من الأرض ونجحت اكتشفت بقى ان ارتفاع الطياره عمليا اصعب

من صنعها
عموما لو انت فاهمنى ممكن تدلنى على مقاسات استخدمها فى عملها مع حساب ان وزن الطياره بكل شئ عليها من400جرام الى

طن ها ها ها يعنى مش طن طبعا اقصد وزن كبير
وبالمناسبه لو تعرف حاجه اسمها wind tunnel ياريت تقوللى على فكره مصغره منها بحيث انى اشوف

مسارات الهوا على الجناح مثلا او على الذيل كده يعنى واكون شاكر افضالك بس اشوفها مش ابقى محتاج لنقاط حساسه عشان

اشوف اللى بيحصل بمعنى تانى عايز اشوف الهوا
وبالنسبه لاستحالة صنع التوربينه الصغيره ليه مستحيل طيب ماهو فيه بساتم صغيره بيستخدموها فى لعب الأطفال زى

العربيات وفيه صواريخ صغيره مش للعب طبعا لكنها بها النفاث والمفجر والمتفجر واجهزة التحكم والتوجيه وكل ده فى

مساحه ضيقه جداجداجدا

[SLICE]

انا شايف نفسى انسان غريب شويه يعنى انا باعشق العلم والرياضه (رياضى طبعا كمال اجسام وكونغ فو)واحب الرسم جدا رسام يعنى غير كده باحب اسمع مشاكل الناس واحل وكمان احب الحيوانات وبربى سمك وعصافير وقطط واحب الحشرات دى بقى اغرب حاجه فيا لأنى مربى حشرات فعلا ربيد فراشات لدرجة انهم باضو عندى والبيض فقس والجيل التانى طلع واتحول لفراشات ده غير العناكب بحب حاجات كتير اوى واحب كمان اطلع حاجه من اى حاجه

[SLICE]

انا شايف نفسى انسان غريب شويه يعنى انا باعشق العلم والرياضه (رياضى طبعا كمال اجسام وكونغ فو)واحب الرسم جدا رسام يعنى غير كده باحب اسمع مشاكل الناس واحل وكمان احب الحيوانات وبربى سمك وعصافير وقطط واحب الحشرات دى بقى اغرب حاجه فيا لأنى مربى حشرات فعلا ربيد فراشات لدرجة انهم باضو عندى والبيض فقس والجيل التانى طلع واتحول لفراشات ده غير العناكب بحب حاجات كتير اوى واحب كمان اطلع حاجه من اى حاجه يعنى مثلا الفوم الأبيض اللى انت عارفه ده انا باعمل منه اشكال زى حيوانات زهريات كده يعنى طولت عليك لكن انا احب اعرفك برده زى مانتا عرفتنى وسلامى للجميع

[mohamed shouman]

بص يا سيدي
انا هريحك خالص

في في مصر مركز زي الكشافة كدة بس بيعملوا مسابقات عن الطائرات


و عنهم ناس متخصصين في تركيب نماذج ممتازة
بس لطائرات صغيرة و بطير وفقا لحمل الهواء

بس همة هيفيدوك في موضوع التصميم

اما بالنسبة للموضوع بتاع الويند تانل

فدة نقطة متقدمة جدا، و انا انصحك انك لازم الاول تكون فاهم ميكانيكا موائع لان دة هتعلمك ازاي تعرف حركة الهواء حول الاجنحة بجد

و شد حيلك و كز، و ادخل هندسة، و خلص اول سنة و اتخص ميكانيكا

و لو كانت جتلك هندسة القاهرة، شد حيلك و خش قسم هندسة طيران

اما لو كان مجموعك قليل

ففي هندسة خاص في امبابة هتلاقيها في الكتاب بتاع ورقالتنسيق

و بتدي بكالوريوس هندسة طيران

و بتعاد كليات الهندسة الحكومي و بتتسجل برضة بالنقابة الخاصة بالمهندسين

و نصيحة ركز في مذاكرتك لان صاحب بالين كداب

و انت امتحناتك قربت :)

شد حيلك

[SLICE]

انا مش ناوى ادخل هندسه انا نفسى اخش كليه جويه او كلية الطيران زى ماتحب تسميها سميها وانا فعلا امتحاناتى قربت اوى اوى وربنا يخليك والشده على الله بس سيبك انت من الامتحانات والحبشتكنات ديه انا منظم وقتى بين التمرين والمذاكره والنت فأنا دلوقتى فاضى وانا سمعت انى ممكن اعمل wind tunnel مصغره عن طريق مكنة دخان او مروحه مع دخان بحيث ان الهوا يكون طالع من الفتحات ملون بلون الدخان وارجو الافاده اكثر من كده
وشكرا لك وانا عارف انى تاعبك اوى معايا
سلام

[SLICE]

ياه تصدق ماخدش بالى منها فىن بقى المركز ده

[SLICE]

ياه تصدق ماخدش بالى منها فين بقى المركز ده

[SLICE]

؟؟؟؟؟؟???????????

[SLICE]

اين الرد يا أستاذ لعل المانع خير

[mohamed shouman]

اسف علي التاخر في الرد

و هو مكانها في الغالب في نادي الجلاء

بس مش متاكد

و ممكن تسال في الكشافة الجوية

و دي في شارع رمسيس
قبل مكتبة جولدن بوك
في عمارة مشهورة هناك الدور الاول

و اسف لقلة المعلومات المتاحة في هذة النقطة

[SLICE]

انا اللى آسف على التأخير
الف شكر على المعلومات انا حروح ان شاء الله أسأل بعد الامتحان
سلام

[liondvd]

ماشاء الله عليك

لو انت فعلا كده زى ما بتقول

يبقى هاتبقى مهندس نابغه لو دخلت هندسه