اخت جديده لكم ومشاكل كتيره ارجو المساعده

[راناا]

بسم الله الرحمن الرحيم
والسلام عليكم ورحمه الله وبركاته
بعد السلام والكلام انا رانا اخت جديده ليكم
وحكايتى بمنتهى البساطه وبدومن مقدمات انا احب الحيونات عامه القطط عندى 4شيرازى وطول عمرى
اربى قطط
من بلدى الى سيامى الى رومى والان شيرازى

واحب العاصفير ولكنى لا اقوى على حبسهم
المهم نبداء فى الموضوع
يوم 29\4
اللى فات جبت لزوجى بما انه من محب الاسماك فايتر ذكر بما انه كما فهمت من الاسماك
التى لا تحتاج الى موتور وفلتر ............................زالخ
فقلت افتح الباب وهو حيكمل
انا ساكنه فى فيصل
وجبته وكان ابن حلال بجد وبعده بيومين جبناله سمكتين انثى ليه
واتين جوبى
وكان ماشى الحال وجبنا حوض صغنن اوى وفلتر
والمهم

بعد كده فى نصف شهر 5 روحنا جبنا سمك تانى انا معرفش فى الانواع اوى
بس جبنا شيرك فضى وذيله اخره اسود
وشيرك لونه كحلى وزعانفه برتقالى و4جوبى لان فى واحد كان مات
وسمكتين شفافين واتنين بشنب اسفه جدا لعدم كتابه الانواع لانى لسه مبتداء جدا
اليوم اقلكم الانواع
وجبنا كمان اتنين اللى هما ولاد عم السلوتير
و3 فانتيل برتقالى او ذهبى ولونى شايفاهم برتقالى
و2 ابيض منقطين لبنى وبرتقالى
نظفنا الحوض الكبير
وحطينا الميه والمزيل وكله كويس
وبعدين بداءت المتاعب
اتنين جوبى ماتو لوحدهم
وواحده من اللى ذلها برتقالى
وواحده شفافه والاتنين الشيرك الفضى قلت معلش خدوا الشر وراحو
جبت اتنين واتنين وبمعنى اصح جبت اللى مات
والمصيبه تخيلو بعد شهر عشره الفايتر مات
ومرتاته كمان
زوجى عشان ابطل زعل جابلى فايتر واتنين نتايه الفايتر تالت يوم كان بيموت
وانثى ماتت تانى يوم وواحده تانيه ماتت تالت يوم
بس
الاسئله لانى برجح ان الميه عندنا وحشه لاننا بناخد من الخزان فهل هذا صحيح
السمك عمل ما يموت عندى بيبقع بقعه وتبداء تكبر وتكون زى ما يكون لونه راح
فى حاجه كانت على الشيرك زى المخاط يا ترى هو ده اللى موته لو مش هو ايه المخاط ده
انا حاطه الادويه
وبالفعل فى تحسن بس واحده فانتين من البيض ذلها كان مليان خطوط حمرا
وذليها زى ما يكون معوج بجد واللهى
والتانيه ذلها لقيته صغر والتاكل كان فى الحوض
وبرده بتعانى من نفس الخطوط
اعمل ايه

ارجو الرد
من اخوانى واخواتى وانا حكتب اليوم الانواع بالتفصيل لانى رايحه للمحل بتاع السمك
فاسفه وسامحونى
بس بجد من قلقى على السمك


اختكم فى الله

[راناا]

اه نسيت اقول ان السمك عندى كمان
عنده نقط على الذيل وفى منه عنده نقط كتير بس ده الفانتيل والشيرك بس
لكن الجوبى والكات فيش واللى لونه ازرق وذيله برتقالى لاء
ولا الفايتر كان كده برده
تبقى نقط بيضه ولا ايه
اسفه على الازعاج

[spictor]

اولا اهلا بيكي يا رنا و بزوجك في منتدنا الغالي

ثانيا ممكن تقولي لي ابعاد الحوض عندك (طول *عرض*ارتفاع) علشان نقدر نحدد عدد الاسماك اللي ممكن تعيش فيه

ثالثا ممكن مياه الخزان عندك يكون فيها حاجه لأن كل الامراض اللي ذكرتيها امراض فطريه و ممكن كمان تكون سمكه من اللي انتي جبتيهم هي اللي عدت الباقي

رابعا راجعي الموضوع ده علشان تعرفي ازاي تبدئي حوض جديد

http://www.dvd4arab.com/forums/showthread.php?t=164979

خامسا راجعي الموضوع ده علشان تعرفي تعالجي السمك اللي عايش عندك
http://www.dvd4arab.com/forums/showthread.php?t=92860

سادسا و ده اهم حاجه انتظري رأي كبير السمكاويه اخونا مستر موسي علشان معلومات اكتر.

اهلا بيكي مره تانيه و يا رب اكون افدتك

مع تحياتي

[راناا]

اخى العزيز سبيكتر اولا شكرا وجزاك الله خيرا على الرد
ثانيا انا الحوض عندى متر *30
وارتفاع حوالى 60
احنا سكنين فى فيصل وزى ما انت عارف اخى
ان حى فيصل والهرم ميتهم من الخزان اللى فى الهرم وانا رجحت ده لانى من حلميه الزتون و
اكتشفت الفرق فى الميه من المشروبات عند امى لها طعم مختلف واللبن البودره والعصائر البودره بتذوب عندها اكتر
طب يا اخى الفاضل لو من الميه اعمل ايه
اخد ميه من عند الوالده واجرب
ولا ايه
وانا منتظره الاخ موسى جزاك الله خيرا وبارك فيك ولك
اختك رانا

[مسترموسى]

وانا منتظره الاخ موسى جزاك الله خيرا وبارك فيك ولك
اختك رانا

اهلا بيكى اخت عزيزه وعضوه جديده فى اسرتنا الكبيره

انا اسف يا رنا انا لسه شايف موضوعك دلوقتى بس وانا فى الحقيقه خلاص رايح انام....انا اسف انتظرى ردى النهارده بليل ان شاء الله.

[mohammed2005]

اهلا بيكى اخت عزيزه وعضوه جديده فى اسرتنا الكبيره

انا اسف يا رنا انا لسه شايف موضوعك دلوقتى بس وانا فى الحقيقه خلاص رايح انام....انا اسف انتظرى ردى النهارده بليل ان شاء الله.



بعد أزنك طبعا يا باشا أسمحلي اعقب علي مدام رنا

أهلا بيك الأول في بيت العيلة :bye10000:

تاني حاجة أختي رنا موضوع ميه الخزان ده ما أعتقدش أنه هو السبب الرئيسي في موت السمك
لكن ممكن يكون لعدم الدراية الكملة بأعداد الحوض علي العموم أحنا هنمشي مع بعض واحدة واحدة...........................

1- أنت من المفروض أنك تغسيلي الحوض كويس جدا قبل أستقباله بأي نوع من أنوع السمك و طبع غسل الحوض بالمية و الملح فقط لا غير ..

2-بعد كده أملي الحوض و حطي مزيلالكلور و هو عبارة عن حبوب شفافة و يا ريت ترجعي عدد الحبوب الي أنت هتحطيها في الحوض بسؤال البايع...

3-بعد كده حطي 3 معالق ملح كبيرة في الحوض و شغلي الفلتر و المتور لمده يستحسن أن تكون ساعة و ده علشان لو في أي شؤاب تروح بأزن الله..

4- هاتي السمك و هو لسه في الكيس بتاعه و نزليه جوه الحوض طبعا من غير ما تنزلي السمك في الميه و أستني حوالي 4/1 ساعة طول المده ديه أبدأ تخدي مية من الحوض و حطيها جوه الكيس الي فيه السمك و بعد كده أبأ في تنزيل السمك في الحوض و أن شاء الله مش هيحصل حاجة في السمك ....

أتمني أني أكون رديت علي كل الي أنت كونت عايزها

[mr vigo]

اختي العزيزه

انا من سكان فيصل وبعاني من كده فعلا بس الموضوع مش الميه

المحلات

محلات فيصل معظمهم حراميه وبالذات محل(.........)اللي قبل العشرين حرااااااااااااااااااااااااااامي وكل سمكه عيان
لأن كل السمك اللي جبته منه كان بيموت ومات مني معظمه لأنه بيبيع العيان واحنا منعرفش حالته وكمان اسعاره غاليه تخيلي

وباقي المحلات يااما تعبانه او غاليه او عايشه على القطط
الأحسن تعملي زيي وتجيبي من بره فيصل

[sbank]

[QUOTE=راناا]بسم الله الرحمن الرحيم
والسلام عليكم ورحمه الله وبركاته
بعد السلام والكلام انا رانا اخت جديده ليكم
اهلا بيكى يا مدام رنا واللة بجد قسم الاسماك كلو منور بيكى انا اختك سبانك او رشا زى ماتحبي انا هقولك رانون بس واللة يا رنون انتى عندك سمك كتير اوى مات خسارة :no000000: لازم حد عملكم عمل يا ئمى الحسد بقى شىء غريب ان الاسماك تموت كدا بشكل متواصل لان لو فية سمك عيان ومات وبعدين طهرتو الحوض من اثر المرض وجبتو سمك جديد لانج يموت تانى لية :dunno000: اكيد فى حاجة غلط فى الموضوع بيتكرر يمك الكلور مش بتراعي تطاير الكلور من الماء يمكن انك بتحطلهم اكل كتير بيترسب فى الماء ويعمل مرض يمكن جبتى سمكة مريضة او حاملة المرض فى بدايتو من عند الراجل وتطور وانتشر يممممممممممكن :sadwalk0: مية الخزان فيها شىء السمك مش بيتحملو يمكن الاكسجين مش عارفة :dunno000: بس انا بجد حزينة عشان سمكك الجميل كلو بيموت:tears000:
بس ان شاء اللة مشرف قسم اسماك الزينا مستر موسى مش عاوزة اقولك انقذ كل اسماكنا :icon3000: من الضياع ان شاء اللة سمكك بعد كدا مع اعضاء المنتدى عشان كلهم ماشاء اللة البركة فى المشرف بتاعنا بئو كلهم كويسين وحضرتك كمان يا رنون سمك هيكتر وهيزيد وهيربب ان شاء اللة :clap0000:

[sbank]

اختي العزيزه

انا من سكان فيصل وبعاني من كده فعلا بس الموضوع مش الميه

المحلات

محلات فيصل معظمهم حراميه وبالذات محل امازون اللي قبل العشرين حرااااااااااااااااااااااااااامي وكل سمكه عيان
لأن كل السمك اللي جبته منه كان بيموت ومات مني معظمه لأنه بيبيع العيان واحنا منعرفش حالته وكمان اسعاره غاليه تخيلي

وباقي المحلات يااما تعبانه او غاليه او عايشه على القطط
الأحسن تعملي زيي وتجيبي من بره فيصل
وانا برضوا قولت كدا تلاقى المحل هو السبب:icon2800: :crazy000: :mad: :5bomb: :new_all_c :qright2: :eusa_thin :icon_scra :eusa_snoo :pain10: :XXbazooka :icon_stud

[spictor]

و الله يا رنا انا لما لقيتك بتقولي خزان افتكرتك بتتكلمي علي خزان فوق عمارتكوا و ده بيعمل مشاكل في المياه انما خزان الهرم ده اعتقد انه محطه تحليه و تنقيه مش خزان وده بعد سؤال صديق قاهري عموما انا مش من القاهره و معرفش فيها اووي بس انا عن نفسي بعمل حاجه حلوه اووي اللي هيه اني بملي الحوض عندي من فلتر مياه الشرب علشان اضمن المياه تبقي صافيه.

و برضه قلتي ان عندك حوض صغير و انتي عندك ما شاء الله حوض بيشيل 120 لتر

ثانيا طالما شهد شاهد من اهلها (Mr Vigo) و قال ان السبب ان الاسماك اساسا عيانه فده ممكن يكون مصدر الامراض اللي عندك فا ياريت تجيبي حوض صغير او حضانه تحطي فيها السمك يوم او يومين اول ما تشتريه علشان لو فيه مرض لا قدر الله يبان علي السمكه قبل ما تعدي باقي سمكك.

اقترح ما تشتريش سمك الفتره دي لغايه ما يتم علاج اللي عندك و تطهير الحوض.


مع تحياتي

[مسترموسى]

يا شباب انا مش لاقى حاجه اقولها !!! قمتم بالواجب وزيادة :icon30: :icon30: :icon30: :icon30: :icon30:

الاخت رنا, انصح بتصفح مواضيع المنتدى وباذن الله حتلاقيها مغطيه اغلب اسئلتك وان شاء الله لو لسه عندك اسئله حتلاقى الف من يساعد اديكى شفنى الروح فى منتدانا عامله ازاى.

[راناا]

اخوانى واخواتى فى الله
شكرا جدا لاهتمامك وفعلا السمك فى فيصل وحش جدا
والمحل زى ما قلت اللى قبل العشرين بثمن 3سمكات جبت 7جد واللهى ومن فس النوع
بص يا اخى Mr Vigo واختى اللى من فيصل فى محل فى جسر السويس
بيبع كويس وعرفته صدفه
كانت اختى عايزه اكل للقطط ورمل فلقيت اسعاره كويسه
وجبت منه سمك امبارح كتير بجد ولو كنت جبته من فيصل كان اتخرب بيتى
ولو اخواتى فى فيصل واخوانى عايزين يعرفوه اقولولى اديكم اسمه وعنوانه
وانا جربت كتير محلات بتوع فيصل فعلا السمك كان كبيرها يومين وتموت
وفى محل جبت منه سمكتين موتى عشره
الله يسامحه انا بحزن بجد لما سمكه تموت
والله وزوجى بيشلها ومبيقوليش عشان مزعلش
واكرر جزاكم الله كل خير
على اهتمامكم بجد
وانا فعلا سعيده لان لقيت اخوان واخوات ليا
اختكم

[spictor]

الف مبروك يا رنا علي السمك الجديد بس خلي بالك اعزلي السمك المريض عنه و طهري الحوض قبل ما تحطيه

و علي فكره ذكر اسماء المحلات و عناوينها ممنوع بس لو حد عايز يبقي في رساله خاصه او تحطي وصف المكان

و فعلا حاجه تزعل لما سمكه بتموت و انا جربت قبل كده كتيير و علي فكره حتلاقي محلات ارخص كمان و كمان لو روحتي سوق التونسي حتلاقي انواع اكتر

اهلا بيكي اخت جديده في منتدانا و اي شئ تحبي تعرفيه و مش لاقياه اسئلي و الف مين يدلك زي ما شفتي


مع تحياتي

[mohammed2005]

احنا كلنا تحت أمرك و أهلا بيكي أخت جديدة في أسرة سمك الزينة

[راناا]

جزاك الله خيرا اخى محمد
واخى سبيكتر ايه سوق التونسى
معلش اختك متعرفش الاماكن فيا ريت لو مفهاش تقاله منى توصوفهولى
وشكرا على لفت النظر المميز منك اخى
جزاك الله كل الخير
اللهم امين
اختك

[mohammed2005]

جزاك الله خيرا اخى محمد
واخى سبيكتر ايه سوق التونسى
معلش اختك متعرفش الاماكن فيا ريت لو مفهاش تقاله منى توصوفهولى
وشكرا على لفت النظر المميز منك اخى
جزاك الله كل الخير
اللهم امين
اختك
قبل السيدة عائشة بس ناصيحة أنزلي يوم الأحد مش الجمعة
أنزلي شارع أسمه شارع المواصلة أخر الشارع ده يمين هتلقي بتوع سمك الزينة

[محترف نت]

والله انتي لو كنتي من اسكندريه كنت جبتلك شويه اسماك ملهاش حل

[مسترموسى]

قبل السيدة عائشة بس ناصيحة أنزلي يوم الأحد مش الجمعة
أنزلي شارع أسمه شارع المواصلة أخر الشارع ده يمين هتلقي بتوع سمك الزينة

احترسى من النشالين, احترسى من النشالين, من النشالين احترسى

فاكرين يا جماعه الراجل بتاع التلات ورقات اللى شفناه هناك وفاكرين الراجل اللى عنده ضفادع فى حنجرته اللى قاللنا ماتقفوش قدام باب البيت.........:harhar10:

[shaina]

السلام عليكم ورحمة الله وبركاته

اختنا العزيزه ( رانا ) .... اهلا بيكى فى منتدانا
وبالرغم ان التحيه متأخره شويه ... الا انها واجبه عليه
خصوصا انك كنتى جارتى ... وساكنه دلوقتى فى منطقه رفعت ضغطى و حرارتى
لأنى ساكن فى ( حلمية الزيتون ) ... واشتغلت سنه ونص فى ( فيصل ) المجنون
مش هطول عليكى بكلامى المسجوع ... لأنى لو كملت هتحسى بالجوع

:fish0000: :fish0000: :fish0000:

طبعا الأخوه والأخوات هنا ربنا يباركلهم استقبلوا حضرتك افضل استقبال
واجابوا على اسألتك سؤال سؤال ....
وعلى رأسهم مشرف المنتدى اخونا الحبيب ( مستر موسى )
اللى وصل لمكانته دى بخبرته ومجهوده مش بمحسوبيه او كوسه
يوووه سجع تانى ... ها ها ها والله الكلام هو اللى ماشى كده

:fish0000: :fish0000: :fish0000:

( المهم انا عايز اتكلم فى نقط محدده )

اولا :المياه
فعلا المياه فى فيصل والهرم فيها مشكله كبيره جدا
وانا كل فترة شغلى هناك كنا بنشرب مياه معدنيه ( على حساب الشركه طبعا ) :msn-wink:
وسبق ان زارنا كيميائى يعمل فى هيئه تابعه للمياه
وصرح لنا بأن المياه غير مطابقه للمواصفات العالميه او حتى مواصفات بركة السبع :thumbdow:
فأنا مش عارف انتو بتعملوا ايه مع الموضوع ده ( فعلا فعلا ربنا يكون فى عونك )
اما بالنسبه للأسماك فأنصحك بنصيحة ( مستر موسى ) الخالده (استعملى مياه قديمه بلاش مزيل كلور )

ثانيا : موت الأسماك
انتى وقعتى فى خطأ كبير وهو انك فجأه اشتريتى كميه كبيره من السمك مره واحده
تقريبا جبتى فى نص شهر خمسه حوالى17 سمكه مره واحده وانواعهم مختلفه
وده خطأ وقع اغلبنا فيه فى الأول لما بيفرح بموضوع السمك
بس اخونا الحبيب ( مستر موسى ) كتب كتير عن افضل انواع سمك للمبتدئين
وازاى تبدأى تضيفى عليهم بعد كده (ابحثى شويه فى المنتدى ) ( وهبعتلك لينك يفيدك فى الأخر )

ثالثا : المحلات والسوق
هنقلك هنا كلام كنت قلته لأخت فى منتدى الطيور كانت عايزه تشترى ببغاء

السلام عليكم ورحمة الله وبركاته

ولا انصحك بالشراء من السوق نهائيا لأنى شفت هناك العجب
الا مع واحد خبير جدا جدا وده صعب الحصول عليه ... ولو حصلتى عليه ممكن هو اللى ينصب عليكى:msn-wink:
( طبعا بتكلم عن الحيوانت الغاليه ( ببغاء - كلب - سمك غالى )

وهقولك نصيحه هامه جدا لك ولكل اعضاء المنتدى
دايما حوالى تتعاملى مع محل واحد وتقوى العلاقه معاهم ( بس تكون سمعتهم كويسه اصلا )
لأنه بعد فتره بيشعر انك زبونة المحل ويصعب عليه انه ينصب عليكى لأنها هتبقى فى وشه
وانا شفت كتير من اصحاب المحلات بيعملوا خدمات جامده جدا لزبائنهم ومش ممكن يعملوها لحد غريب

والسلام عليكم ورحمة الله وبركاته

وده كلام ( مستر موسى )

احترسى من النشالين, احترسى من النشالين, من النشالين احترسى

فاكرين يا جماعه الراجل بتاع التلات ورقات اللى شفناه هناك وفاكرين الراجل اللى عنده ضفادع فى حنجرته اللى قاللنا ماتقفوش قدام باب البيت.........:harhar10:

والله الكلمتين دول نتيجة خبرة سنين طويله مع سوق الجمعه والمحلات
وبقولها تانى انا بحذر اى اخت من اخواتنا انها تروح هناك حتى لو مع سبع رجاله
ولو حكيتلكوا موقف واحد من اللى شوفته ....... :no000000:

وده لينك ان شاء الله يفيدك
السمكة التالتة ماتت فى اقل من يومين؟ (السمكة التالتة ماتت فى اقل من يومين؟)

وارجوا مكونش طولت عليكى
والسلام عليكم ورحمة الله وبركاته

[راناا]

اخى العزيز الفاضل ابو محمد بارك الله لك فى محمد
واخى مستر موسى نصيحتك حعمل بيها
واختى سينا والله فعلا بجد انتى اللى رفعتى من روحى الناس بيحسسونى انى
الحلميه دى انقرضت مع ان فيها ناس
وطبعا ميه فيصل لا يوجد اسؤاء منها ومحترف نت والله كلامك جميل جدا وده ان دل
على شىء فهو من ذوقك
وشكرا لاهتمامكم وجزاكم الله من الخير افضله باذن الله
ولكم الاجر كاملا غير منقوص
اختكم

[shaina]

السلام عليكم ورحمة الله وبركاته

واختى سينا والله فعلا بجد انتى اللى رفعتى من روحى الناس بيحسسونى انى
الحلميه دى انقرضت مع ان فيها ناس

اختى العزيزه رانا
Shaina ده اسم Boy مش اسم girl
انااخوكى محمد شاهين

وانا شفت التعليق ده اول ما حضرتك كتبتيه وانتظرت ان حد من الأحباب ينبهك
بس زى ما حضرتك شايفه... ماشاء الله ... ماشاء الله ...
المواضيع الجديده كتيره والناس مش لاحقه ترد ... اللهم زيد وبارك
واهلا بيكى مره اخرى
وانا سعيد جدا بتفاعلك وردودك فى المنتدى
ومش عايزينك تكسلى
والسلام عليكم ورحمة الله وبركاته

[راناا]

لا مفيش كسل
حد يلاقى كميه الخوه والاخوات دى كلها ويكسل
يا اخىىىىىىىىىىىىىىىىىىى محمد
طبعا لا ء وانا اكدت على اخىىىىىىى
مظبوط كده

[amr_d2282005]

معلش انا مقرتش الموضوع كويس بس أهم نصيحه أقدمها ليكي انك تبدأي بسمك يكون رخيص شويه لحد متتأقلمي علي الحوض
وربنا يوفقك