حوض السمك الجديد عاوز تشجيع

[mr vigo]

انا عملت حوض انا اعتقد انه حلو لأني لسه بكمل حاجات فيه

ودي 3 صور ليه وياريت اللي ليه ملاحظات يقولها وبالذات الكبير بتاعنا مستر موسى ربنا يثيبه افضل الثواب ويجازيه بكل خير لما يعطينا من فائده : http://www.sendspace.com/file/x66yrb


http://www.sendspace.com/file/ajrzgr



http://www.sendspace.com/file/3qxh96





انا مربي فيه 2جورامي دكر وانثى
1 بلاك فانتيل
1سمكه شفافه عليها شريط فسفوري روز
2تايجر
1كات فيش
بعد مامات مني 2فانتيل تحفه وجورامي وجولد فيش

وشجعوني بقى

[al7oot_sa]

السلام عليكم

كان نفسي اشوف الحوض بس للاسف الموقع محجوب بالسعودية

[aahmed19901]

http://img73.imageshack.us/img73/6953/image4356hv.jpg
http://img141.imageshack.us/img141/462/image6107qz.jpg
السلام عليكم

انا رفعت الصور علي موقع تاني عشان خاطر الناس تشوف الصور و تعلق علطول
يا رب ميكنش عندك مانع

ماشاء الله الحوض جميل و كبير
ممكن اقولك كام ملحوظة علي الحوض

انت ليه مش مالي الحوض للاخر ؟ المفروض انك بتسيب حوالى 5 سم بين سطح المياه و نهاية الحوض
تانى حاجة الفلتر الكهربة في جزء منه خارج المياه كدة ممكن يسخن
الجرش قليل جدا الاحسن ارتفاعه يكون 5 سم ( انت لسة هتكمله )صح ولو كمان فلتر ارضي يبقي تمام قوي
اتجاه خروج المياه من الفلتر الاحسن يكون ناحية ركن الحوض ( مش لازم لو الفلتر مش قوي )
حاجة تانية غريبة انت بتقول 2 جورامي انا شايف 2 مولي اسود ( مش متاكد )و دي صورة الجورامي الى اعرفه
http://img481.imageshack.us/img481/6536/cobaltpowderbluegouramicolisal.jpg
و دي صورة المولي

http://img108.imageshack.us/img108/4051/blackmolly2xq5ed.jpg
و الشفافة دي اسمها جلاس تترا و في موضوع لمستر موسي اقرائه و عمرك مهتشتريها تاني
و انا شايف كمان انجل علي ما اعتقد
انا شايف حاجات معدنية في الحوض زي كورة معدن خلي بالك اي حاجة معدن في الحوض ممكن تغير تركيب المياه( مش متاكد منها برضه )

[mr vigo]

اولا متشكر جدا على ذوقك في رفع الصور وده ان دل فانما يدل على اني لقيت اخوات ليا لأني وحيد مليش اخوات اصلا

واني اخترت المكان الصح عشان الاقيهم

انا كان في جورامي عندي لكن اديتهم لصاحبي لأنه كان عاوزهم واشتريت 2 مولي دكر وانثى والحقيقه لزاز جدا

والحوض مفيهوش معدن دي كور بلي زرقا بس جميله قوي في الديكور

وبالنسبه للمياه انا سمعت ان اللمبه تكون بعيده عنها عشان متسخنش او يحصل لاقدر الله ماس

ياريت الحوض يكون عاجبك
واتمنى زمايلنا يردو عليا في الموضوع عشان اتحمس

ولو شايف حاجه للديكور ناقصه قولي ياريت

اخوك فيجو

[mr vigo]

http://img144.imageshack.us/img144/5495/image6112fv.jpg

ودي صوره كمان للحوض يارب تعجبكم

[spictor]

اخي انا ملاحظ انك حاطط فلتر هيتو و ده نوع ماشاء الله عليه بس خلي بالك انه بعد مده الصوف بتاعه بيتملي فضلات وحاولت كتير اني انشفه او الاقي زيه مافيش فحاول انك تحافط عليه و تنظفه دائما

و انا من رأي اخونا اسامه ان الحوض بيتملي لحد اخر 5 سم الا اذا كانت اللمبات عندك عاديه ليست نيون او جلولوكس او حتي موفره لان الانواع دي مش بتتأثر اووي بالمياه انما اللمبات العاديه بتعمل مشاكل

و برضه مسأله الفلتر انا عارف انه قوي بس للأسف مش بيتلف للركن بس ممكن توجهه للوح الخلفي للحوض

و الجرش زي ما قال اسامه بالظبط لازم يزيد

و بالنسبه للديكور اولا خرطوم الموتور باين جداً ممكن تثبته ب سكشن في جنب و قاع الحوض وكمان ممكن تحط خلفيه للحوض و الافضل انها تكون لون بس مش صوره و كمان يا ريت تزود النباتات شويه و ممكن شويه اشكال و كهوف علشان السمك يلعب و يستخبي .

و حوض جميل و مبروك عليك

مع تحياتي

[مسترموسى]

اخى العزيز مستر فيجو,
فعلا لازم تزوت المياه والحصى لان الحوض كده شكله وحش وكمان محتاج فلتر ارضى ومنظر طبيعى.
الحوض بسم الله ما شاء الله مساحته حلوه وممكن تزود سمك كمان بس انا شايف انجل وجولد ومعاهم تايجر بارب وده ماينفعش يتربى معاهم لانه حايضهم ويموتهم وخصوصا الجولد.
اما بالنسبه للفلتر الباور فا لازم يكون كله تحت مستوى سطح الماء علشان مايسخنش لانه مش مزود بنظام تبريد داخلى وبيعتمد على مياه الحوض فى تبريد الموتور بتاعه ولما بيكون بره الحوض بيسخن ويبوظ.
لو شويت نباتات طبيعيه وصخره او خشبه متحجره يبقى الحوض حكايه.

تحياتى ليك يا اخى العزيز:bye10000: