موضوع مضايقني و اعتقد مهم [الأرشيف] - موقع الدي في دي العربي

مشاهدة النسخة كاملة : موضوع مضايقني و اعتقد مهم

spictor

25-05-2006, 05:09 PM

السلام عليكم

انا الحوض عندي 100*30*40 و فيه 20 سمكه احجام مختلفه و معنديش نبات طبيعي (كله صناعي) و مركب فلتر باور Heto 650 و ماتور هواء boyu 500 علي سكريتين و الاضاءه 2 لمبه نيون 60 سم واحده ابيض و الثانيه ازرق و الحوض بيكون طحالب عاديه و الاكل ثلاث مرات يوميا لمده 5 دقائق و مع كل هذا المياه بتصفر ( لاتتعكر) انما بتبقي صفراء و صافيه جدا بعد شهر من تغيير المياه مع العلم اني معنديش فلتر ارضي عاوز اعرف ايه سبب اصفرار المياه ده؟

مسترموسى

25-05-2006, 05:40 PM

اريد منك بعض الاجوبه يا سبكتور ومن اجوبتك انا حاجاوبك ان شاء الله,

- ماهى انواع الاسماك فى حوضك
- اعداد كل نوع
- احجام السمك بالسنتيميتر لو سمحت
- نوع الحصوه فى حوضك
- ماهى فؤائد الفلتر الارضى فى وجهة نظرك وما هى عيوبه
- ماذا تعرف عن املاح النيتريت والنيترات.
- ماهى فوائد النباتات الطبيعيه.
مستنى اجوبتك يا عزيزى سبكتور

النسر الواقع

25-05-2006, 10:33 PM

انا بنتظر جواب الاخ علشان انا عندي كم سؤال في نفس الموضوع:shutup00:

spictor

26-05-2006, 06:41 AM

shaina

26-05-2006, 08:31 AM

السلام عليكم ورحمة الله وبركاته
ربنا معاك يا اخى العزيز spictor
ان شاء الله التصحيح هيبقى سهل :icon_thum
اهم حاجه المراجعه والتركيز فى الحل :homework:
ولو عايز انا عندى مذكرات المراجعه النهائيه للأستاذ (نينجا)
بس انت سيبت السؤال الأخير ( ماهى فوائد النباتات الطبيعيه ؟ )
بالرغم ان الإمتحان مفيهوش اختيارى :eusa_doh:
والله انا فى انتظار النتيجه على احر من الجمر :harhar10:
والسلام عليكم ورحمة الله وبركاته

sbank

26-05-2006, 12:49 PM

انا لما كانت المية عندي صفراء كان السبب اللى عرفتو عندى هو ان الجرش لسة جديد بس ماكنتش غاسلاة كويس بس بعد كذا مرة من تغير الماء عندى ابتدات المية تبقى صافية وزى ما كنت بتمناها فاعتقدت ان سبب اصفرار الماء عندى هو ان الجرش لسة جديد ومانضفش كويس مع انى طبعا طليعت روحى فى تنضيفو بس :shutup00: :in_love0:
بس ماتقلقش اكيد مستر موسى هيرسيك :icon30:

spictor

26-05-2006, 01:48 PM

اهم حاجه في الامتحان يا shaina لا المراجعه و لا المذاكره و لا التصحيح المهم النيه بس عاوزك تدعيلي

انا الجرش عندي مستعمل بقاله سنه يا سبانك مش جديد يعني بس شكرا علي معلومتك

مع تحياتي

spictor

29-05-2006, 03:33 AM

الظاهر يا جماعه ان مستر موسي مشغول جدا اليومين دول لانه مش من عادته يسيب سؤال متعلق كده

فاصل.............................................. ...ونواصل

مسترموسى

29-05-2006, 02:37 PM

مش عارف ليه حاسس ان ده اختبار تاني من اختباراتك يا مستر موسي بس اهه نجاوب

1. عندي 3 جولد فيش (فان تيل) الطول 7 و 8 سم
4 بلو جرامي الطول 6 سم
3 كات فيش الطول 3 سم
4 سورد تيل 10 سم و 7 سم و 4 و 4 سم
5 جوبي 1.5 سم

2. نوع الحصوه جرش مكرونه
3 . فايده الفلتر الارضي هي توصيل الماء و بقايا الاكل و الهواء للبكتيريا تحت الحصي و بيساعد في ان النباتات تقوم بدورها في تحويل املاح النيتريت بمساعده البكتيريا الي املاح نيترات يمتص النبات منها النيتروجين و الصراحه لا اعرف عيوب الفلتر الارضي لاني معنديش واحد

اعتقد اني جاوبت علي كله كده

مع تحياتي

اسف يا اخى سبكتور على التاخير, فعلا وقتى ضيق شويه.

- حوضك صحى ومثالى اخى الحبيب, اما اعداد واحجام الاسماك فهى رائعه ولا مشكله بها ابدا بارك الله لك فيهم, احزر فقط من ان الجورامى او السورد قد يعضوا الجولد (مش شرط).
الماء الاصفر يكون نتيجه لقدم الماء وتشبعه بفضلات الاسماك وبالاخص الجولد(الفانتيل) ولحل تلك المشكله يتم تغيير جذا من ماء الحوض بصفه دوريه او شراء فلتر بايولوجى (غالى جدا).

- الجرش المكرونه هو افضل انواع الجرش اذا وضع تحته فلتر ارضى حيت ان الماء يمر من خلال الحصوه فينقى ويرشح افضل من اى حصوه اخرى.
- معلوماتك عن الفلتر الارضى سليمه ولايوجد عيوب له بل بالعكس مميزاته تزيد عما تفضلت وزكرت (برجاء مراجعه المواضيع المخصصه عن الفلتر الارضى)
- انصحك اما بوضع نباتات خضراء فى الحوض (الجولد حاياكلها بالمناسبه فا يا الجولد يا النباتات) وفى حاله الرغبه فى الاحتفاظ بالجولد يتم تبديل الاضائه النيون باضائه عاديه لزياده نسبه الطحالب فى الحوض لضمان امتصاص كميه كبيره من النيتريت المسبب لاصفرار الماء.

spictor

29-05-2006, 05:29 PM

يعني سبب الاصفرار ده الجولد و زبالته (كان قلبي حاسس) خلاص ابقي اغير جزء كل اسبوع و انا لسه مغير من يومين المياه راقت شويه و النهارده رجعت صفره تاني.

طيب هو الفلتر البيولوجي ده هو ال Uv و لا حاجه تانيه؟ و سعره حوالي كام ؟

و كان الله في عونك علي الشغل و سنينه

مع تحياتي

مسترموسى

29-05-2006, 09:37 PM

احسن جهاز ضبط للماء هو من انتاج شركه سيرا الامانيه وكمان مقياس للماء ويمكنك الاطلاع على كيفيه اختبار الماء ومتتطلبات كل سمكه(حسب موطنها) بالتفصيل على الانترنت فى موقع معمل سيرا الالمانيه

بالنسبه للاسعار فحقيقى مش عارف لانى مش باشترى من هنا بقالى فتره بس مش رخيص انا جايب واحد من سنتين ب حوالى 400 جنيه

لمعرفه المزيد من التفاصيل برجاء الضغط على الصوره

http://www4.sera.de/site/homeimages/novelty_12_en.jpg (http://www4.sera.de/lab_quick/index.php?lang=en)

spictor

30-05-2006, 02:16 PM

الف شكر يا مستر موسي علي افادتك ليا في الموضوع ده

مع تحياتي