$$$ حوار مهم علي الماسينجر $$$

[هشام زيدان]

السلام عليكم ورحمه الله وبركاته




ده حوار بيني وبين صديق لي علي الماسينجر ... هو طويل شوية بس إقراه ...

وحتفهم قصدي وليه حطيته ...

انا حذفت جميع الأسماء فيه من إسم صاحبي إلي إسم الواد اللي صاحبي كلمه ..


صاحبي says:
ازيك يا باشا
هشام زيدان says:
الحمد لله تمام
صاحبي says:
وعامل ايه في المزكره يا ريس
هشام زيدان says
الحمد لله تمام


كلام عن المذاكرة والإمتحانات مالهوش لازمة

صاحبي says:
انشاء الله حنخلص اهي كلها ايام يا زيدان

صاحبي says:
سمعت علي الديناه الجديده الي طلعت دي

هشام زيدان says:
ديانه ؟؟

صاحبي says:
ايوه ديانه جديده وبيقلك نبي جديد جي وبتاع

صاحبي says:
اسمها البهائيه

هشام زيدان says:
اه
هشام زيدان says:
عارفها

هشام زيدان says:
والديانة دي قديمة علي فكرة مش جديدة

صاحبي says:
ده ايه الموضوع ده

كلام كتيييييييييير عن البهائية ... مالهوش دعوة بموضوعي

صاحبي says:
عارف يا زيدان

هشام زيدان says:
عارف إيه ؟؟

صاحبي says:
حقلك حاجه بس مش هزار والله

هشام زيدان says:
قول

صاحبي says:
ايه يبني ساكت ليه

هشام زيدان says:
إنت مش قلت حقولك حاجة

هشام زيدان says:
بقولك قول

صاحبي says:
هو كلامي موصلش

هشام زيدان says:
لأ

صاحبي just sent you a Nudge!

You have just sent a Nudge!

صاحبي says:
بقلك زمان كده كنت بقعد أسأل نفسي ايه الي يأكدلي ان الاسلام هو الدين الصح منا كنت ممكن اتولد مسيحي او يهودي واهلي كانو حيعرفوني ان الدين بتاعي ده هو الصح وحكون متأكد منه

صاحبي says:
ايه الي يخلي المسلم متأكد من دينه

هشام زيدان says:
أه

صاحبي says:
ولما حد يساله يعرف يجاوب عليه

هشام زيدان says:
وعرفت

صاحبي says:
عرفت ايه

هشام زيدان says:
وعرفت إجابة سؤالك

صاحبي says:
انا عارف يا زيدان بس عايز أتاكد

هشام زيدان says:
اولاً انا واثق إنك متأكد

هشام زيدان says:
ثانياً إعرف إن دي وسوسة شيطان

هشام زيدان says:
لإنك وقتها بتكون بعيد عن القرآن

هشام زيدان says:
ثالثاً

هشام زيدان says:
إيه المرجع للثقة التي تكون عندك ؟

هشام زيدان says:
من ثقتك بدينك

هشام زيدان says:
وإنه الحق من عند الله

هشام زيدان says:
وماعداه باطل

هشام زيدان says:
يا واد إنت معايا ولا نمت

صاحبي says:
معاك

صاحبي says:
بس بسمعك

هشام زيدان says:
طيــــــــب كويس

هشام زيدان says:
المهم وصلت لفين أنا

هشام زيدان says:
اه

هشام زيدان says:
إيه المرجع للثقة دي

صاحبي says:
وماعداه باطل

هشام زيدان says:
او الادلة التي تستند إليها

هشام زيدان says:
الأسئلة دي مش بدور في ذهنك إنت بس

هشام زيدان says:
لأ دي بتدور في ذهن الكثير

هشام زيدان says:
ولكن للأسف ومتقولش لأ

هشام زيدان says:
بتكون نتيجة بعد عن ربنا ..

هشام زيدان says:
ونتيجة البعد ده بتكون الأسئلة دي

هشام زيدان says:
كان مرة سألوا واحد عن الدليل في وجود الله عز وجل

هشام زيدان says:
قالهم

هشام زيدان says:
وهل تحتاج الشمس إلي دليل

هشام زيدان says:
لماذا لإن قربه من ربنا قوي فأحس بوجوده سبحانه وتعالي فعلاً

هشام زيدان says:
يعني تعرف حاجة انا أخدت بالي منها

هشام زيدان says:
إنك لما تدعي ربنا بدعاء وإنت واثق من إن الدعاء ده مستجاب

هشام زيدان says:
إن شاء الله يستجاب

هشام زيدان says:
بس الشيطان بيخليك تنسي إنك دعيت الدعاء ده علشان ميخلكش تحمد ربنا علي الإستجابة

هشام زيدان says:
وفعلاً بتنسي

هشام زيدان says:
والإستجابة دي دليل علي وجود الله عز وجل

هشام زيدان says:
وأقولك حاجة يا سيدي

هشام زيدان says:
إقرا قرآن

هشام زيدان says:
وحتكون متاكد تماماً ولن تمر علي ذهنك أسئلة إلا وستجد أمامها الإجابة

هشام زيدان says:
طيب إنت تعرف مشاري راشد

هشام زيدان says:
يا دي النيلة إنت نمت

صاحبي says:
ايوه عندي القران كله بتلواته

هشام زيدان says:
طيب

هشام زيدان says:
كويس

هشام زيدان says:
إسمع قرائته

صاحبي says:
لا معاك بس الكلام بيوصل متاخر

هشام زيدان says:
بس ركز معاه

هشام زيدان says:
وحاول تفهم كلمات مش تستمتع بالصوت


هشام زيدان says:
الصوت بيوضحلك الكلمات أكتر

هشام زيدان says:
فهو وسيلة

هشام زيدان says:
والغاية الفهم

هشام زيدان says:
حتفهم وحيكون عندك يقين

هشام زيدان says:
صدقني لن يتزحزح

هشام زيدان says:
ماهو إيه الفرق بينا وبين الصحابة مثلاً أو التابعين

هشام زيدان says:
هم كان عندهم يقين

هشام زيدان says:
طيب جالهم منين هم شافوا ربنا سبحانه وتعالي

هشام زيدان says:
لأ

هشام زيدان says:
طيب منين

هشام زيدان says:
عرفوا القرآن

هشام زيدان says:
وفهموه كويس أوي

هشام زيدان says:
وأطمئنوا إليه
هشام زيدان says:
وإتعلموا دينهم

هشام زيدان says:
لذا تربي فيهم اليقين

هشام زيدان says:
المشكلة إن اليومين دول تسمع كل شوية عن دين جديد

هشام زيدان says:
وطبعاً كل واحد في الدين الجديد طلعله صوت

هشام زيدان says:
وعايز يضم اتباع ليه

هشام زيدان says:
ده غير القناة بتاعة النصاري اللي فاتحة

هشام زيدان says:
وبتشتم في الإسلام وفي النبي صلي الله عليه وسلم

هشام زيدان says:
صليت علي النبي يا واد

صاحبي says:
طبعا يا باشا والله

هشام زيدان says:
طيـــــــــــب بحسب

صاحبي says:
انت عارف

صاحبي says:
من كام يوم

صاحبي says:
كنت قاعد مع واحد مسيحي

صاحبي says:
وقلتله بص يا " إسم الواد النصراني " انا عايز اعرف كل حاجه عن دينكم

صاحبي says:
بس مش عشان واثق فيه والله

صاحبي says:
لا انا كنت عايز اعرف بيفكروا ازاي

هشام زيدان says:
" إسم الواد النصراني" بتاعنا

صاحبي says:
ايوا هوا

صاحبي says:
" إسم الواد النصراني " متدين

هشام زيدان says:
كمل

صاحبي says:
وايوه قسيس وبتاع

هشام زيدان says:
عارف
صاحبي says:
المهم حبيت اعرف الاسلام بالنسبة لهم ايه

هشام زيدان says:
قالولي

هشام زيدان says:
قول يا خويا قول

صاحبي says:
قلتله انتم بتعتبرو سيدنا محمد ايه

صاحبي says:
قلي بلاش الكلمه تقيله

صاحبي says:
قلتله لا قول انا بس بحب اعرف تفكركم ايه

صاحبي says:
قلي احنا مش بنعتبر بوجود سيدنا محمد

صاحبي says:
قلتله يعني انتو بتنكرو وجود القران

هشام زيدان says:
...................................

هشام زيدان says:
يعني مش بيعترفوا بوجود النبي صلي الله عليه وسلم

هشام زيدان says:
حيعترفوا بالقرآن إنت كمان


You have just sent a Nudge!

صاحبي says:
قلي لا

صاحبي says:
قلته امال ايه

صاحبي says:
قلي القران مش من عند ربنا

صاحبي says:
قلتله يا " إسم الواد النصراني " المفروض ان الواحد يكون عنده تقيم

صاحبي says:
استحاله القران يكون مكتوب علي ايد بشر

صاحبي says:
افتحه واقراه

صاحبي says:
حتلاقي انه مستحيل يتكدب من ايد بشر


هشام زيدان says:
يخربيته

صاحبي says:
هو انت اول مره تعرف ان المسحين مش معترفين بسيدنا محمد

هشام زيدان says:
أعرف طبعاً بس مش بيقولوها صراحة

صاحبي says:
؟

هشام زيدان says:
شكله حاسس إن فيك أمل

صاحبي says:
انت عبيط يلا ولا ايه

هشام زيدان says:
ههههههههههه

صاحبي says:
لا طبعا

هشام زيدان says:
متزعلش

هشام زيدان says:
بس أمال قالك بصراحة كده ليه

صاحبي says:
انا يبني لو مكنتش واثق انك حتفهمني صح مكنتش كلمتك

هشام زيدان says:
انا عارف

صاحبي says:
بس اي واحد من حقه يتاكد

هشام زيدان says:
المهم

صاحبي says:
ولازم السؤال ده يخطر علي بال اي حد

صاحبي says:
اصل ده مصير حياه ابديه

صاحبي says:
مش كلام

هشام زيدان says:
صح

هشام زيدان says:
قلتله إيه

صاحبي says:
قلته يعني مجربتش تقرا المصحف

صاحبي says:
لو قريته حتلاقي ان ده استحاله يكون كلام بشر

صاحبي says:
قلي انا درست الاسلام تلات سنين وحافظ من القرآن

صاحبي says:
قلتله كتك خيبه

هشام زيدان says:
!!!!!!!!!!!!!!

هشام زيدان says:
هو اللي حافظ من القرآن

هشام زيدان says:
وإنت لأ !!!

هشام زيدان says:
يا فرحة أبلة طاظا فيا

هشام زيدان says:
طيب وبعدين

صاحبي says:
صورة واحد مكسوف

هشام زيدان says:
هه هه هه هه

صاحبي says:
ولا قبلين يا معلم مردتش افتح معاه عشان انت عارف القفش الي بين المسلمين والمسحين الايام دي

هشام زيدان says:
بعد كل اللي قلته ده ومردتش تفتح معاه

هشام زيدان says:
أمال لو فتحت حتقولوا إيه ؟؟

صاحبي says:
حقله انت انتم غلط وبتاع

صاحبي says:
وحفتح مع امه خناقه وكده

هشام زيدان says:
هه هه هه هه

هشام زيدان says:
والله إنت مشكلة

هشام زيدان says:
طيب مش علشان تقوله إنت غلط لازم تعرف هو غلط في إيه

هشام زيدان says:
ولازم تعرف ليه هو غلط

صاحبي says:
طيب وانا اعرف مينين

صاحبي says:
انا عارف قصة نبيهم عيسي

هشام زيدان says:
من القرآن يا إسم صاحبي هشام زيدان says:
الموضوع مش موضوع قصة سيدنا عيسي

هشام زيدان says:
سيدنا عيسي عليه وعلي نبينا الصلاة والسلام

هشام زيدان says:
نبي من عند الله

هشام زيدان says:
يجب أن نؤمن به

هشام زيدان says:
وبموسي

هشام زيدان says:
وبكل نبي أنزله الله عز وجل

هشام زيدان says:
ليه لإنه من عند ربنا

هشام زيدان says:
وربنا أمرنا بكده

صاحبي says:
والله يا زيدان انا متشكر علي طولة بالك معايا

هشام زيدان says:
{آمَنَ الرَّسُولُ بِمَا أُنزِلَ إِلَيْهِ مِن رَّبِّهِ وَالْمُؤْمِنُونَ كُلٌّ آمَنَ بِاللّهِ وَمَلآئِكَتِهِ وَكُتُبِهِ وَرُسُلِهِ لاَ نُفَرِّقُ بَيْنَ أَحَدٍ مِّن رُّسُلِهِ وَقَالُواْ سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ }البقرة285

هشام زيدان says:
إقرا

صاحبي says:
وانت فتحت عيني لحاجه انا كنت مش واخد بالي منها

صاحبي says:
اني عمري مقريت صفحه في القرآن وفهمتها " قف هنا و تأمل " تعليقي

هشام زيدان says:
ربنا أمرك هنا إنك تؤمن بكل الرسل

هشام زيدان says:
لإنك قريتها مش بحب

هشام زيدان says:
قريتها وإنت حاسس إنك مش حتفهمها

هشام زيدان says:
لو قريتها وإنت حاسس إنك حتفهمها

هشام زيدان says:
وإن الكلام ده سهل

هشام زيدان says:
حتفهم وتحس بيه

هشام زيدان says:
يعني الآية اللي فوق دي

هشام زيدان says:
فيها حاجة صعبة مش فاهمها

هشام زيدان says:
ربنا سبحانه وتعالي

صاحبي says:
لا الحمد له فهمتها كلها

هشام زيدان says:
طيب شفت

هشام زيدان says:
سهلة مش صعبة

هشام زيدان says:
طيب إسمع

هشام زيدان says:
{لَّقَدْ كَفَرَ الَّذِينَ قَالُواْ إِنَّ اللّهَ ثَالِثُ ثَلاَثَةٍ وَمَا مِنْ إِلَـهٍ إِلاَّ إِلَـهٌ وَاحِدٌ وَإِن لَّمْ يَنتَهُواْ عَمَّا يَقُولُونَ لَيَمَسَّنَّ الَّذِينَ كَفَرُواْ مِنْهُمْ عَذَابٌ أَلِيمٌ }المائدة73

هشام زيدان says:
فهمت دي

هشام زيدان says:
ربنا سبحانه وتعالي

هشام زيدان says:
قال إن من قال إن الله ثلاثة كفر

هشام زيدان says:
ولو لم يتنتهوا عن اللي بيقولوه ربنا سيعذبهم عذاب أليم

هشام زيدان says:
{لَقَدْ كَفَرَ الَّذِينَ قَالُواْ إِنَّ اللّهَ هُوَ الْمَسِيحُ ابْنُ مَرْيَمَ وَقَالَ الْمَسِيحُ يَا بَنِي إِسْرَائِيلَ اعْبُدُواْ اللّهَ رَبِّي وَرَبَّكُمْ إِنَّهُ مَن يُشْرِكْ بِاللّهِ فَقَدْ حَرَّمَ اللّهُ عَلَيهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنصَارٍ }المائدة72

صاحبي says:
يعني ايه ثالث ثلاثة

هشام زيدان says:
يعني هم ثلاثة

هشام زيدان says:
وربنا الثالث

هشام زيدان says:
يعني مثلاً لو قلنا إن هشام ثالث واحد ييجي

هشام زيدان says:
فهمت إيه ؟؟

هشام زيدان says:
إن فيه ثلاثة جم

هشام زيدان says:
هشام الثالث صح

هشام زيدان says:
يعني بيشركوا مع الله عز وجل إثنين كمان

صاحبي says:
ايوه يعني معناها ان ربنا هو رب كل الرسل الي جت

هشام زيدان says:
لأ طبعاً

صاحبي says:
من اول ادم لسيدنا محمد

هشام زيدان says:
يا بني هل ده معني ثالث ثلاثة

هشام زيدان says:
لأ طبعاً

هشام زيدان says:
يقصدوا

هشام زيدان says:
إن هناك ثلاث ألهة

هشام زيدان says:
منهم ربنا

هشام زيدان says:
والعياذ بالله

صاحبي says:
ومين الي بيقول كده

صاحبي says:
؟

هشام زيدان says:
النصاري

هشام زيدان says:
مين بيقول يعني إن المسيح وأمه إلهين

هشام زيدان says:
غيرهم

هشام زيدان says:
وده تفسير الآية

هشام زيدان says:
قد كفر الذين قالوا إن الله ثالث) آلهة (ثلاثة) أي أحدها والآخران عيسى وأمه وهم فرقة من النصاى (وما من إله إلا إله واحد وإن لم ينتهوا عما يقولون) من التثليث ويوحدوا (ليمسن الذين كفروا) أي ثبتوا على الكفر (منهم عذاب أليم) مؤلم وهو النار

صاحبي says:
ولله يا باشا انت 100 100

هشام زيدان says:
يا عم أنا عايزك ترضي ربنا

هشام زيدان says:
وتدخل الجنة إن شاء الله

هشام زيدان says:
لإن زي ما إنت قلت

هشام زيدان says:
اصل ده مصير حياه ابديه

صاحبي says:
والله يا زيدان انا بيجي عليا وقت بكون قريب اوي

هشام زيدان says:
مش إنت قلت كده

هشام زيدان says:
طيب

صاحبي says:
انت عارف يا زيدان ان انا حلمت بالرسول

هشام زيدان says:
خير بس كان زعلان منك

هشام زيدان says:
ولا مبسوط بيك

صاحبي says:
لا يا زيدان مكنش زعلان ولا مبسوط

هشام زيدان says:
أمال

صاحبي says:
هو كده واداني سيف وقلي انت حتحارب معايا

صاحبي says:
اقسم بالله مش بكدب عليك

صاحبي says:
اقسم بالله

هشام زيدان says:
أقسم أنا بالله إني مصدقك

هشام زيدان says:
مش من عادتي اكذب كلام حد

هشام زيدان says:
طيب إنت طبعاً عارف إيه اللي خلاك بعيد عن ربنا

هشام زيدان says:
صح

صاحبي says:
الصلاة

هشام زيدان says:
طيب

هشام زيدان says:
أدي نقطة كويسة

هشام زيدان says:
بردو حاجة كمان أقولهالك علشان أكون خلصت ضميري


صاحبي says:
قول

صاحبي says:
قول

هشام زيدان says:
إنت مقصر في موضوع الصلاة

هشام زيدان says:
صح

صاحبي says:
ايوه

هشام زيدان says:
طيب أكيد بتعمل حاجة غلط هي اللي بتبعدك كمان عن الصلاة

صاحبي says:
الحمد لله عمري مزنيت ولا ناوي ازني انشاء الله والمخدرات كلها مبطلها والخمره محصلتش غير مرتين ومش حتحصل تاني انشاء الله

صاحبي says:
مفيش غير العاده السريه

صاحبي says:
صورة واحد مكسوف

هشام زيدان says:
طيب

هشام زيدان says:
بس ؟؟

صاحبي says:
ايوه بس

هشام زيدان says:
لأ

هشام زيدان says:
اكيد في حاجة تاني

صاحبي says:
زي ايه يعني

هشام زيدان says:
فكر

صاحبي says:
قول انت هما دول اكتر حجات ممكن تبعدني

صاحبي says:
في حاجه تنيه في دماغك

هشام زيدان says:
طيب إيه أخبار البنات

صاحبي says:
ماشي الحال " مش عارف أقوله إيه "
هشام زيدان says:
صورة واحد مندهش

هشام زيدان says:
بص يا " إسم صاحبي " أنا أعرف إنك من عائلة طيبة

صاحبي says:
الحمد لله


صاحبي says:
انا حنزل اجيب .............. وجي تاني

هشام زيدان says:
ماشي يا سيدي .

وتم الإتفاق علي غداً للحوار

إيه رأيك ما واجبي نحوه ياريت كل واحد يقول إبه واجبي نحو صاحبي أو ما يمكن أن أقوله له ..
وإعلم إن مثله كثير
شاب في سن 22 سنة لا يعلم شئ عن القرآن لا يعلم شئ عن دينه كل ما يربطه بدينه هو إنتمائه له وإنه ولد مسلماً وإنه يحب دينه .
وعلي فكره فعلاً عائلته عائلة طيبة ومعروفة وهذا الشاب طيب فعلاً .. أرجو منكم أولاً الدعاء له بالصلاح في صلواتكم .... لا تنسوا ..
أرجو منكم النصح لي بما أقوله له ..
أرجو منكم ان تساهموا في الدعوة إلي دين الله عز وجل بأن تقول ما تعرفه من دين إلي غيرك وتعلم عسي الله أن يفتح بك قلوب أقواماً ..

علي فكرة ياجماعة والله من هنا نجاة هذه الأمة من الدعوة إلي الله و التمسك بالدين والسنة ..

أظن إن أمر هذا الشاب أهم عندي من مليون موضوع سياسي ...

إحنا جربنا جميع أنواع الإصلاح ....

السياسي والإجتماعي والإقتصادي ..

مرة بقه من نفسي نجرب الإصلاح الديني .. أو بمعني أصح التوعية الدينية ..

وإن شاء الله منتظر أشوف نتيجة أكثر مما انا منتظر إني أشوف رد ...

[™SH@FT]

أشكرك لفتحك لهذا الموضوع يا هشام

فكلنا لنا أصدقاء (بعيد عن ربنا)

إما لا يصلي أو بيمشي مع بنات أو ميعرفش حاجة عن دينه

و لازم نعرف ممكن الواحد ينصحهم ازاي

و أرجو أن ينضم لنا أحد الأخوة من المنتدى الإسلامي.... لما لهم من خبرة في هذا المجال

لأهمية هذا الموضوع

فمن المعروف أن النصيحة لو كانت بطريقة غير صحيحة ستؤدي إلى نتائج عكسية

و انا رأيي

اولا حثه على الالتزام بالصلاة (قدر المستطاع) في الأول

ثم حثه على عدم ترك أي فريضة

ثم بعد ذلك الإكثار من قراءة القرآن

و لو عندك كتاب تفسير بسيط (سهل ) .... ممكن تديهوله

أعتقد انه لو بدأ بالخطوتين دول ... بعد شوية هيبطل أي ذنب كان بيعمله

وأنصحك تخليك معاه أول بأول ... و تشجعه على الاستمرار ... ولا تقسو عليه في الأول حتى لا يمل

حتى لا يعود لما كان فيه



أرجو أني أكون أفدتك... و مستني رأي باقي الأعضاء

[lion_drak]

اخي الكريم ( هشام زيدان ) ..
فعلاً موضوع جميل و رائع , و لا يعيبه الا الخط الصغير الذي كاد يصيبني بالعمى ..
ندخل في الموضوع ..
صديقك هنا سأل سؤال :

بقلك زمان كده كنت بقعد أسأل نفسي ايه الي يأكدلي ان الاسلام هو الدين الصح منا كنت ممكن اتولد مسيحي او يهودي واهلي كانو حيعرفوني ان الدين بتاعي ده هو الصح وحكون متأكد منه

ثم اجاب عليه بدون ان يدري :

صاحبي says:
قلتله انتم بتعتبرو سيدنا محمد ايه

صاحبي says:
قلي بلاش الكلمه تقيله

صاحبي says:
قلتله لا قول انا بس بحب اعرف تفكركم ايه

صاحبي says:
قلي احنا مش بنعتبر بوجود سيدنا محمد

هل لاحظت ؟
لو اردنا ان نتكلم بالمنطق .. فهذا هو الدليل على ان ديننا هو الدين الحق , و دين جميع الرسل ..
لو كان اليهود و النصارى يؤمنون بديننا , ربما يحق التساؤل في هذه الحالة ..
و لكنهم لا يؤمنون .. و هذا يدل على نقطتين مهمتين ..
الاولى / ان الاسلام يؤمن بجميع الاديان , و هذا يدل على انه دين صحيح , غير محرف و غير مشوه , لأن هذه هي النتيجة المنطقية لدين يكون هو آخر الاديان ..

الثانية / ان الاديان الاخرى لا تذكر الدين الاسلامي من اي ناحية , و لم تذكر اي شيء عن النبي محمد ( عليه الصلاة و السلام ) , و هذا يدل على ان هذه الاديان محرفة , و بالتالي يكون هذا ايضاً سبباً منطقياً لوجود الدين الاسلامي ..

و بالمناسبة , لقد قرأت الانجيل بالكامل , و اقتنعت 100% بأن هذا الكلام محرف , لأنك لو جربت و قرأت الانجيل , ستجد فرقاً كبيراً في الاسلوب بينه و بين القرآن , و التحريف واضح و بيّن ..
و طبعاً جميعنا نعلم الاسلوب الذي كتب به القرآن , و المستحيل ان يكون كتب بيد بشر , حتى في ايام الرسول ( عليه الصلاة و السلام ) , عندما اتهموه الكفار بأنه شاعر و انه من يؤلف هذا الكلام ( بالرغم من انه اُمي ) , تحداهم الرسول ان يأتوا بمثله , فلم يستطيعوا ..
و طبعاً , النقطة الاساسية هي الايمان بالقلب , و القرب من الله ( عزّ و جلّ ) .. و لكني هنا اذكر هذا الكلام لمن يحب التفكير بالمنطق مثل صديقك ..

نأتي هنا للشطر الآخر من الموضوع ..

صاحبي says:
مفيش غير العاده السريه

صديقك يريد ان يهتدي , و هو مؤمن بقلبه و يطبق تعاليم الاسلام بدون ان يشعر , و تنقصه الصلاة فقط ..
و لكنه بالطبع يشعر انه يغضب الله ( سبحانه و تعالى ) بالعادة المرذولة , و لذلك هو بعيد حالياً عن الصلاة ..
بالمناسبة يا ( هشام ) , هذه مشكلة الكثير من الشباب تاركي الصلاة .. العادة السرية .. و هذا كله بسبب تأخر سن الزواج في مجتمعنا بسبب الظروف الاقتصادية ..
نصيحة واحدة الى صديقك .. لا تجعله يقرب الصلاة قبل ان يبتعد عن العادة السرية تماماً , لأنه لو بدأ بالصلاة و هو لم يقطع العادة السرية , فسيترك الصلاة مرة اخرى و يزيد من ذنوبه ..
انصحة اولاً بالابتعاد عن هذه العادة .. و لو اردت نصيحتي , فاوصيه بالتمارين الرياضية الشاقة , و خصوصاً في المساء قبل النوم .. و تدريجياً سيجد نفسه قد انقطع عن العادة السريه ..
و اوصيه ايضاً بأن يكثر من الاستحمام بالماء البارد , و ان يحاول ان لا يفرط في الطعام ..
و بعد ان يترك هذه العادة المرذولة تماماً , يمكنه ان يبدأ بالصلاة .. و اطمئن .. لن يتركها بعد ذلك .. لأن له قلب مؤمن ..
و عموماً .. هذه فترة مؤقته و ستنتهي بالزواج ان شاء الله ..

إحنا جربنا جميع أنواع الإصلاح ....
السياسي والإجتماعي والإقتصادي ..
مرة بقه من نفسي نجرب الإصلاح الديني .. أو بمعني أصح التوعية الدينية ..

صدقني يا اخي , لو نجحنا في الاصلاح الديني , فسنكون نجحنا في الاصلاح السياسي و الاجتماعي و الاقتصادي ..
لن يكون هناك نهب لثروات البلد , لن يكون هناك ضعف و تخاذل في المجتمع , لن يكون هناك فساد و انحراف في الاخلاق ..
بأختصار .. سنكون نجحنا في جميع المجالات ..

و اخيراً .. اشكرك فعلاً على موضوعك الجديد و المهم ( فعلاً ) .. و جزاك الله كل خير لمحبتك لأخيك المسلم و محاولتك هدايته ..
و اتمنى له الهداية من كل قلبي , اجلاً ام عاجلاً ..
اعتذر عن الاطالة .. و تحياتي اليك ..

[hammi127]

تعرف يا هشام الولد ده فعلا كويس...يكفي انه فكر..
وبعد كلام lion-dark مافيش كلام بالفعل كل ماذكره قد يجعل صديقك هذا يتغير للافضل في علاقته بربه ...
جازاكما الله عنه خيرا..

[حسن الجناينى]

ما واجبي نحوه ياريت كل واحد يقول إبه واجبي نحو صاحبي أو ما يمكن أن أقوله له ..
وإعلم إن مثله كثير
هشام واجبك نحو صاحبك كثير جدا
اولا انت الملزم اولا واخيرا ان تاخذ بيده الى الطريق المستقيم
كلنا هنا نتكلم وانت الوحيد الذى تعرفه
ويقول الرسول صلى الله عليه وسلم
حدثنا ‏ ‏قتيبة بن سعيد ‏ ‏حدثنا ‏ ‏يعقوب بن عبد الرحمن ‏ ‏عن ‏ ‏أبي حازم ‏ ‏أخبرني ‏ ‏سهل بن سعد ‏
‏أن رسول الله ‏ ‏صلى الله عليه وسلم ‏ ‏قال يوم ‏ ‏خيبر ‏ ‏لأعطين هذه الراية غدا رجلا يفتح الله على يديه يحب الله ورسوله ويحبه الله ورسوله قال فبات الناس ‏ ‏يدوكون ‏ ‏ليلتهم أيهم يعطاها فلما أصبح الناس ‏ ‏غدوا ‏ ‏على رسول الله ‏ ‏صلى الله عليه وسلم ‏ ‏كلهم يرجو أن يعطاها فقال أين ‏ ‏علي بن أبي طالب ‏ ‏فقال هو يا رسول الله ‏ ‏يشتكي ‏ ‏عينيه قال فأرسلوا إليه فأتي به فبصق رسول الله ‏ ‏صلى الله عليه وسلم ‏ ‏في عينيه ودعا له ‏ ‏فبرأ ‏ ‏حتى كأن لم يكن به وجع فأعطاه الراية فقال ‏ ‏علي ‏ ‏يا رسول الله أقاتلهم حتى يكونوا مثلنا فقال ‏ ‏انفذ ‏ ‏على رسلك حتى تنزل بساحتهم ثم ادعهم إلى الإسلام وأخبرهم بما يجب عليهم من حق الله فيه فوالله لأن يهدي الله بك رجلا واحدا خير لك من أن يكون لك حمر النعم
فاجعله فكاكك من النار
مرة بقه من نفسي نجرب الإصلاح الديني .. أو بمعني أصح التوعية الدينية ..
باخى اصلح نفسك وانا اصلح نفسى ينصلح امر الدين
هذا هو الاصلاح الحقيقى للدين
وهقول لك حاجه غريبه
قول لصاحبك صلى ومارس العده زى ما انت عايز
صدقنى الصلاه هتخليه يبطل لوحده
الصلاه كافيه لاصلا ح القلوب

[Amr Fawzi]

هشام زيدان says:
{آمَنَ الرَّسُولُ بِمَا أُنزِلَ إِلَيْهِ مِن رَّبِّهِ وَالْمُؤْمِنُونَ كُلٌّ آمَنَ بِاللّهِ وَمَلآئِكَتِهِ وَكُتُبِهِ وَرُسُلِهِ لاَ نُفَرِّقُ بَيْنَ أَحَدٍ مِّن رُّسُلِهِ وَقَالُواْ سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ }البقرة285


هشام زيدان says:
{لَّقَدْ كَفَرَ الَّذِينَ قَالُواْ إِنَّ اللّهَ ثَالِثُ ثَلاَثَةٍ وَمَا مِنْ إِلَـهٍ إِلاَّ إِلَـهٌ وَاحِدٌ وَإِن لَّمْ يَنتَهُواْ عَمَّا يَقُولُونَ لَيَمَسَّنَّ الَّذِينَ كَفَرُواْ مِنْهُمْ عَذَابٌ أَلِيمٌ }المائدة73

هشام زيدان says:
{لَقَدْ كَفَرَ الَّذِينَ قَالُواْ إِنَّ اللّهَ هُوَ الْمَسِيحُ ابْنُ مَرْيَمَ وَقَالَ الْمَسِيحُ يَا بَنِي إِسْرَائِيلَ اعْبُدُواْ اللّهَ رَبِّي وَرَبَّكُمْ إِنَّهُ مَن يُشْرِكْ بِاللّهِ فَقَدْ حَرَّمَ اللّهُ عَلَيهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنصَارٍ }المائدة72


...

المهم يا اخ هشام المفروض تقوله كمان الايه ديه
فى اول سوره الكهف سوره جميله جدا و قوله يقراها حيتعلم كثير اوى
(الحمد لله الذي أنزل على عبده الكتاب و لم يجعل له عوجا* قيما لينذر بأسا شديدا من لدنه و يبشر المؤمنين الذين يعملون الصالحات أن لهم أجرا حسنا*ماكثين فيه أبدا *و ينذر الذين قالوا اتخذ الله ولدا*مالهم به من علم و لا لأبائهم كبرت كلمة تخرج من أفواههم إن يقولون إلا كذبا*فلعلك باخع نفسك على ءاثارهم إن لم يؤمنوا بهذا الحديث أسفا*)
و شكرا و مش حقولك بصراحه نصائح ثانيه علشان الناس اللى راده ديه مجمعين كثير اوى من النصائح

[koko1148]

هشام انا مش هقدر اقراه دلوقت بس الموضوع شكله كويس انا قريت نص الموضوع

[nova2006]

اخى الكريم يوجد من امثال صديقك الكثير والكثير من الشباب الذين لا يعرفون اى شىء يتعلق بالدين غير انه يسمى الدين الاسلامى ولا يعرفون اى شىء عن انبياء الله تخيل ان لدى صديقه سألتنى فى يوم هل الفراعنه كانوا موجودين فى الاول ام سيدنا أدم الاول لك ان تتصور مدى الضيع الذى عليه جيلنا حتى ابسط الاشياء التى هى بديهيه لا يعرفون عنها شىء ولكن من واجبك ان تنصح صديقك بالاقتراب من الله اكثر وحاول ان تبسط له المعلومات الدينيه وتفهمها له بشكل مبسط وليس فيه تعقيد لان اكثر ما يبعد الشباب اليوم عن الدين هو وجود من يدعو الى الالتزام ولكن بشكل متعصب ومتشدد واسلوبه هذا يجعل من حوله ينفر من مجرد الاستماع له فأدعو صديقك للتقرب من الله باللين وكن معه دائما لعل وجودك بجانبه يكون فيه خيرا له وسيجزيك الله عنه كل الخير .

[™Mo7aMMad FaDl]

السلام عليكم ورحمة الله

موضوع حيوى وهام للكثير والكثير من شباب أمتنا!

على الرغم من قصر المحادثة -كمحتوى- إلا أنها تدلنا على فئة غالبة فى مجتمعنا من الشباب الذى لا يعرف عن دينه سوى القليل ومشغول بما حوله من متاع الدنيا ولا يشغله غيره!

وهنا .. السؤال هو : كيف نصل إلى عقول هؤلاء الشباب ومن أين نبدأ؟!

النقطة الأولى : الاقتناع بكونه مسلم عقلا وقلباً
وهى نقطة البداية بالفعل ... فلو اقتنع هذا الشاب بدينه عقلاً لكانت كل الأمور فيما بعد أيسر بكثير!

هنا نأتى لسؤال آخر : كيف أصل إلى عقل شاب كل تفكيره فى البنات والمخدرات وأغانى الميتال؟!

بالتأكيد يجب أن نصل إليه بهدوء وبأسلوب يسير ... أولها اثارته بالأسئلة العكسية .. وعلى سبيل المثال .. لما أنت مسلم؟ .. ما هو دليلك على عدم اقتناعك بالمسيحية؟ ... ودليلك على اقتناعك بالاسلام؟!!
ولكن يجب أن تأتى تلك الأسئلة من صديق .. يعرف أنه لن يتركه عند تلك النقطة خاصة ان لم يتلقى الاجابة!

تلك الأسئلة ستثير نفسه .. ويبدأ مرحلة التفكير .. ولا داعى للقلق فالاقتناع بالاسلام يسير للغاية .. ومن الممكن أن نبدأ مع هذا الشاب بوسيلة أعتقد أنها من أيسر الوسائل وأعظمها فى نفس الوقت .. وهى سلسلة الاعجاز فى القران الكريم .. سواء الحلقات المصورة للأستاذ زغلول النجار أو الكتب الخاص بالشيخ محمد متولى الشعراوى -والذى اهتم بأن يضع كتاب الاعجاز فى القرآن الكريم قبل تفسير القرآن وله فى ذلك حكمة عظيمة فكيف يفسر القران بمن لم يقتنع به أولا؟!!-

بعد سلسلة الاعجاز فى القرآن واستمرار فى التيسير من الممكن الاطلاع على قصص اسلام العديد من على غير ملة الاسلام وهذه مجموعة رائعة من القصص تحت عنوان لماذا أسلمــــــت؟

حمل من هنا (http://www.filegone.com/pztu)

بعدها سيكون الاطلاع على كتب ومناظرات شيخنا الجليل أحمد ديدات أمرا يسيرا وسيكون الاطلاع على هذا الدين بأكمله أيسر ما يكون..

وهنا نتغلب على نقطة الاقتناع بدينى أولا وبأسلوب يسير فى اعتقادى! ... وبعدها يكون الالتزام بالصلاة وبفروض هذا الدين عن اقتناع وليس عن ممارسة فقط!

=================

أما عن نقطة العادة السرية ... فهى عادة منتشرة بين العديد من الشباب بسبب تأخر سن الزواج كما ذكر الأخ العزيز ليون دارك علاوة على أسلوب اثارة الشباب المستفز من وسائل الاعلام أو الشارع!
وحتى تقنع شخصاً بالاقلاع عن تلك العادة وجب استخدام أسلوب الترهيب والترغيب .. وهنا قد يؤدى الدور الطبى هذا الأمر ... الترهيب من أضرار تلك العادة سواء على المدى القريب أو البعيد بعد الزواج .. فليس من يمارسها كمن لا يمارسها!
والترغيب فى أنه عند الاقلاع عن هذه العادة تختفى أضرارها على ما اعتقد! ... وبعد عملية الترهيب والترغيب يأتى دور وضع برنامج عملى للتقليل من تلك العادة ومن ثم الاقلاع عنها .. يبدأ من التمسك بالصلاة -واختلف مع أخى ليون دارك هنا واتفق مع الأخ باسبرتو فى هذا- والتى تساعده فى الابتعاد عن ما يثير غريزته الجنسية من وسائل اعلامية أو شارع! ..
ومن أهم اسباب هذه العادة هى الفراغ! ... لذا يجب شغل الفراغ سواء بعمل خارج المنزل لوقت طويل أو ممارسة رياضة شاقة كما ذكر الأخ العزيز ليون.

وهذا موضوع بالمنتدى الطبى جيد جدا قد يفيد هذه النقطة


العادة السرية ( مضارها وكيفية التخلص منها ) (http://www.dvd4arab.com/forums/showthread.php?t=43682)

================

وعن نقطة الاصلاح الدينى .. فهى نقطة لا يهتم لها ملوك ورؤساءالدول العربية كثيرا!
لأنها ستكون نقطة البداية لكل اصلاح لما هو فاسد!

الأخ العزيز هشام
موضوع هام .. نتمنى أن نخرج منه جميعا بالفائدة

وتم تثبيت الموضوع

[هشام زيدان]

مشكور يا جماعة والله علي إفادتكم ...

ويكفي مجهودكم في قراءة الموضوع ... ثم محاولة النصح ... وحقيقي إنتم بتحسسوني إن لسه في خير ..

عامة ..

أخي shaft500
أنا بحاول أحسسه غن أهم شئ الاول الصلاة وإنه يعرف في دينه أكتر ...وواحدة واحدة ...
وأهم واجب في نظري ناحيته ..

الدعــــــــــــــــــــــــــــــــــــاء

فإدعيله إنت كمان ..


أخي lion_drak


صدقني يا اخي , لو نجحنا في الاصلاح الديني , فسنكون نجحنا في الاصلاح السياسي و الاجتماعي و الاقتصادي ..
لن يكون هناك نهب لثروات البلد , لن يكون هناك ضعف و تخاذل في المجتمع , لن يكون هناك فساد و انحراف في الاخلاق ..
بأختصار .. سنكون نجحنا في جميع المجالات ..


أه والله أخي أنا بقول كده ..

ونفسي ننجح في كده ....

وبردة أخي أطلب منك طلب ..

الدعــــــــــــــــــــــــــــــــــــاء


أخي hammi127

هو مش كويس بس فيه أمل فعلاً فيه ...

وأطلب منك أخي ما طلبته من الإخوة


الدعــــــــــــــــــــــــــــــــــــاء

متنساش ... خلاص ..


أخي حسن الجناينى

جزاك الله خيراً ...

باخى اصلح نفسك وانا اصلح نفسى ينصلح امر الدين
هذا هو الاصلاح الحقيقى للدين


كلامك مظبوط وأنا بشوف ناس كتير بتتكلم عن الخير والإصلاح وأفعالها تخالف ذلك تماماً ..
يمكن مش عارفه إن اللي بتعمله غلط ..مش عارف بس المهم إن كلامك صح ..

قول لصاحبك صلى ومارس العاده زى ما انت عايز


مش حقدر أقوله طبعاً زي ما إنت عايز طبعاً .. إنما حقدر أقوله إن السبيل إنك تبطلها هو الصلاة ..أنا فاهم قصدك ..

صدقنى الصلاه هتخليه يبطل لوحده
الصلاه كافيه لاصلا ح القلوب


صح كده ... جزاك الله مرة أخري أخي ..

[هشام زيدان]

ربنا يكرمك يا amrfawzi ويجزيك خير ..

ومتنساش ...

الدعــــــــــــــــــــــــــــــــــــاء

يا koko1148

أي وقت ياباشا ..

بس بردو متنساش أهم حاجة ...

الدعــــــــــــــــــــــــــــــــــــاء

أخي pasparto

مستني رايك والله وقد أمتعني بالفعل ..

وموضوع الحلام ده نبقي نشوفه بعدين ..

مشكورليك وجزاك الله خيراً ....
ومتنساش

الدعــــــــــــــــــــــــــــــــــــاء

أختي العزيزة nova2006

مشكورة لرأيك ونصيحتك ليا ..

زمتنسيش

الدعــــــــــــــــــــــــــــــــــــاء

[love4u]

جماعه الموضوع دا مهم و انا عندى فكره كويسه احنا ممكن نتبادل الاميل مع بعض و نتكلم فى الدين و اى استفسارات و ننصح بعض و نا حاطط اميلى للى عاوز يضفنى و ممكن فى المستقبل باذن لله نتفق على مواعيد ندخل فيها كلنا
elbasha_ya@yahoo.com رجاء من الاخوه اضافتى للتكلم

[samah samy]

السلام عليكم جميعا .................

العضو العزيز ... لم تتح لى فرصة الرد على هذا الموضوع الجميل ليلا بعد قرأته التى اخذت منى الكثير من الوقفات امام ما يحمله الموضوع من مفأجات بالنسبة لى ...........

العضو العزيز ... اتخيل شكل هذه المحادثة اذا كان الطرف الاخر بدلا منك شخص سئ الخلق أو ضعيف الايمان ....... ولكن الحمد لله ...........

فانت ومن خلال المحادثة ارى انك تستطيع التاثير على صديقك واقناعه بالحجة والمنطق والهدوء ....
اللهم اهده فيمن هديت وجميع شباب المسلمين ........

[TheXman]

موضوع جميل جدا جدا
وبيدق ناقوس خطر عظيم
واي كلام هكتبه دلوقتي مش هيوفيه حقه ابدأ ...
مشكلتين من اعوص المشاكل اللي مع الشباب اليومين دول
بارك الله فيك ونفعنا وكل الاخوة الي معانا في الموضوع

[هشام زيدان]

علي فكرة باسبورتو ..

ردك أفادني كتيييييييييييييييييييير أوي ..

جزاك الله خيراً ..


وكل شوية برجعله فعلاً. .

[هشام زيدان]

ردك رائع ومنظم جداً كالعادة يا رومانسي

وعلي فكرة المرفقات لديه الأن بالفعل وهو مبسوط بيها ....

وموضوع العادة السرية مفتحتوش معاه لسه ...

وإن شاء الله حناقشه بعد العمل بنصيحتك إنت والأخ باسبورتو والأخ حسن ..

لإني إقتنعت بيها أكثر ... وأظنها صحيحة ..

ومن أهم اسباب هذه العادة هى الفراغ!

صدقت ....


متنساش أخي

الدعـــــــــــــــــــــــــــــــــاء
أخ love4u

ياريت تنفيذ إقتراحك وأنا بكون موجود علي ماسينجر الهوت ميل أكثر من الياهو .

وعامة انا ماسينجر الهوت ميل hesham_zidan@hotmail.com

وبردو متنساش

الدعــــــــــــــــــــــــــاء


أخيتي samah samy

مشكورة علي ردك ... وأأسف علي المفاجآت ولكنها كانت مفاجآت بالنسبة لي أيضاً ..

وجزاك الله خيراً علي

الدعـــــــــــــــــــــــــــاء

[abdalh]

الموضوع فعلا خطير وكبير ولكن من الواضح ان صديقك لديه رغبة حقيقية في الاستقامة والعودة الي الله ممكن تدعوه الي تامل الكون وقراءة القران حتي يعرف الله حق معرفة ويعرف عظمة الله وهذه هي البداية بجانب حثه المستمر علي الصلاة في وقتها طبعا وتطلب منه ان يقرا سيرة الرسول عليه الصلااة والسلام ويعرف معاناته من اجل نشر الدعوة حتي يزداد يقينا بانه علي الدين الحق وقراءة سير الصحابة والتابعين لما فيها من عظات ودروس هو ونحن في حاجة شديدة لقرائتها ومنك ومن كل اعضاء المنتدي اطلب الدعاء له ولكل المسلمين

[هشام زيدان]

والله يا TheXman

ربنا يكرمك أخي ...

بس متنساش ..

الدعـــــــــــــــــــــــــــــــــاء



أخ abdalh
مشكور أخي علي نصيحتك وربنا يعينه علي طاعته يارب ..

وفعلاً اخي الدعاء هو أسهل وأفضل وسيلة فلا نبخل بها ..

جزاك الله خيراً ...

[mohhamed111]

{وَإِذَا قِيلَ لَهُمُ اتَّبِعُوا مَا أَنزَلَ اللّهُ قَالُواْ بَلْ نَتَّبِعُ مَا أَلْفَيْنَا عَلَيْهِ آبَاءنَا أَوَلَوْ كَانَ آبَاؤُهُمْ لاَ يَعْقِلُونَ شَيْئاً وَلاَ يَهْتَدُونَ }البقرة170

صحيح أن الإنسان يولد على دين أبويه لكن الله ترك للإنسان التفكر في خلقه ليهتدي إلى الحق عن اقتناع و تفكير

{وَكَذَلِكَ أَوْحَيْنَا إِلَيْكَ رُوحاً مِّنْ أَمْرِنَا مَا كُنتَ تَدْرِي مَا الْكِتَابُ وَلَا الْإِيمَانُ وَلَكِن جَعَلْنَاهُ نُوراً نَّهْدِي بِهِ مَنْ نَّشَاء مِنْ عِبَادِنَا وَإِنَّكَ لَتَهْدِي إِلَى صِرَاطٍ مُّسْتَقِيمٍ }الشورى 52

إنني لست مفسرا للقرآن و لا ادعي العلم لكن من حقي أن أتدبر فيما أقرأه فهذه الآية قد تعطي في نصفها الأول ان الله لم يترك خيارا للإنسان حيث يهدي من يشاء .. طيب و ماذا عن الذين لم يرد الله هدايتهم ؟ .. لكن النصف الثاني يجيب أنه هو الذي يهدي إلى الصراط المستقيم و الخيار للإنسان إما ان يهتدي او يبقى على غيه


يعني هناك إشارات كثيرة في القرآن تتناول هذا الموضوع

لكن من حق الإنسان ان يفكر و يتساءل دون ان يتعرض لأقوال مثل إيمانه مشتت فقد يكون كذلك فعلا فيجد آراء صادمة تجعله يتشتت اكثر فأكثر

كذلك هناك نقطة غاية في الأهمية وهي من يقول لماذا يسخر المسلمون من غيرهم الذين يتبعون ملة آبائهم و اجدادهم و معظم المسلمين اليوم بالوراثة .. وهذا قول حق يراد به باطل فليس لأنك ولدت من أبوين مسلمين انك قد أصبحت مسلما بشكل تلقائي و لكن انت ولدت كشخص مستقل له عقل و قلب مستقل لذلك فأنت مطالب بالاهتداء للحق بنفسك بغض النظر عن وراثتك لدينك فإذا اكتفيت باللقب فقط فثق تماما إنك في الأوراق الرسمية مسلم و لكنك غير مؤمن و هناك فرق كبير بين كلمة مسلم و كلمة مؤمن .. وأساس الاعتقاد بدين ما هي الإيمان بتعاليم هذا الدين .. فالمسيحي مثلا متعلق بدينه إما وراثة و إما إيمانا و الله ترك لنا الخيار عن طريق كتبه السماوية لنهتدي إلى الحق .. وعلى كل إنسان ان يسأل و يحصل على إجابات لأن نتيجة عدم وجود إجابات نتيجة مؤسفة للغاية لن تمنعها تهديدات أو موانع أو اتهام بالجهل .. أنا مؤمن بعقيدتي إذا ليس من حقي التشكيك في إيمان الآخرين بعقيدتهم و لكن أشرح لهم لماذا انا مؤمن بعقيدتي و عليه فهم لهم الخيار ان يؤمنوا بما أؤمن أو يظلوا على إيمانهم بما يؤمنون .. فهمتوا حاجة ؟

[هشام زيدان]

نتيجة عدم وجود إجابات نتيجة مؤسفة للغاية لن تمنعها تهديدات أو موانع أو اتهام بالجهل

من قال بعدم وجود إجابات .... الإجابات موجودة بالفعل ..ولكن المشكلة فيمن لم يبحث عنها ..

أنا أتاسف علي شخص مثله وأنا أحبه علي فكرة .... لم يقرأ القرآن ..ولو قرأه لا يعيه ..

هذه هي المشكلة ..

هناك فرق كبير بين كلمة مسلم و كلمة مؤمن

بالفعل هناك فرق كبير بينهما ..

وتعرف شخص واحد فقط في الصحابة نعته الرسول صلي الله عليه وسلم بالإيمان أول ما أسلم هو عمرو بن العاص ..

قال صلي الله عليه وسلم ..

" أسلم الناس وأمن عمرو بن العاص "

فإسلامك ثم بإجتهادك وتقربك إلي الله بالطاعات وإخلاصك النيه له سبحانه يولد الإيمان في قلبك .
ثم تبدأ بتقويته بتزكية النفس عن كل ما يشوبها من حسد وغل وبغض فتقترب من الله خطوة بخطوة ..
فتحس باليقين ومدي قرب الله منك حقيقة فتطمئن حقيقة ... وتشعر في قلبك براحة لا تفارقك أبداًُ راحة المتعب
العطشان الذي وجد المأوي والماء وناااااام .... راحة كإن قلبك كان يجري وإستراح ... راحة وكإن قلبك كان ملئ
ثم أصبح خالياً فجأة ...
وكونك ولدت مسلماً نعمة من نعم الله عليك .... وكون الإيمان يولد في قلبك هي من نعمة أخري .. ندعو الله عز وجل
أن يرزقنا بها ..

وليس كون النصراني ولد من أبوين غير مسلمين قد ظلم ... لا بل إن الله عادل سبحانه يوزع الأرزاق ..
وتأكد إن الله عز وجل لن يظلمه ففرص هدايته متوفرة له ... ولكنه يأبي .. والله أعلم بعباده ..

أنا مؤمن بعقيدتي إذا ليس من حقي التشكيك في إيمان الآخرين بعقيدتهم

لست أنا من شكك في عقيدتهم ... ولا اشكك أصلاً ...... فعقيدتهم باطلة ...
ومن قال هذا ... الله عز وجل ... ليس احد فالقرآن واضح وصريح ..

هذا غير إن لا أحد من المسلمين يناقش هذا الموضوع أصلاً ... لإنه أصل في الإعتقاد ...
ومن يستخدم هذا الإسلوب هم أنفسهم حين يشككوا في عقيدة الإسلام ...
هنا فقط نحن ملزمون بالرد عليهم تشكيكاً في عقيدتهم وتوضيحاً لعقيدتنا ....
أما الأصل فإننا نعلم بطلان عقيدتهم لتصريح القرآن بذلك ... ونحن مؤمنون بالقرآن .
وبم إنهم غير مؤمنون بالقرآن نستخدم إسلوبهم للرد عليهم ....

لكن أشرح لهم لماذا انا مؤمن بعقيدتي و عليه فهم لهم الخيار
هذا حق .....أؤيدك فيه ..

من يقول لماذا يسخر المسلمون من غيرهم الذين يتبعون ملة آبائهم و اجدادهم و معظم المسلمين اليوم بالوراثة
مش عارف من يسخر حقاُ ولكن إن سخر أحد فهو مخطئ ....
إن الذين يتبعون الملل المنحرفة ..... لهم علينا حق الدعوة ... والتوضيح ... لا السخرية والإستهزاء ..
الله ترك لنا الخيار عن طريق كتبه السماوية لنهتدي إلى الحق
أأسف أخي ولكن ما أراه إن الله عز وجل أمرنا بإتباع الحق الذي أنزله علي نبيه صلي الله عليه وسلم ..
لا الإختيار ....

وبالنسبة لتفسر الآية فها هو منقول ...
وكما أوحينا إلى الأنبياء من قبلك -أيها النبي- أوحينا إليك قرآنًا من عندنا، ما كنت تدري قبله ما الكتب السابقة ولا الإيمان ولا الشرائع الإلهية؟ ولكن جعلنا القرآن ضياء للناس نهدي به مَن نشاء مِن عبادنا إلى الصراط المستقيم. وإنك -أيها الرسول- لَتَدُلُّ وَتُرْشِدُ بإذن الله إلى صراط مستقيم- وهو الإسلام-

جزاك الله خيراً مشاركاتك تثير العقل بالفعل ..

[هشام زيدان]

متنسوش

الدعـــــــــــــــــــــــــــــــــــــــــاء

[cody]

ربنا يكرمك يا هشام لان اعتقد ان الراجل ده لو اهتدى هايبقى نصيبك من اجره كبير جدا
واعتقد ان ده للاسف حال كتير من الشباب دلوقتى
وربنا يهدينا جميعا
شكراا

[cody]

اهه
على فكره انا متفق 100% مع راى الاخ lion dark

[هشام زيدان]

واعتقد ان ده للاسف حال كتير من الشباب دلوقتى

للأسف ....

ربنا يهدينا جميعاً ...

[voodoo_mojoo]

تعرف يا هشام ان الواحد كان ممكن تيجي عليه لحظات وكان يفكر زي صاحبك
الواحد لما يبقى بعيد عن ربنا وتفكير الدنيا يجرفه معاه ممكن يفكر انيل من كده,وانا شخصيا دار في تفكيري العديد من هذه الاشياء ولكن الثبات والتربية الدينية هما النجاح...
فاكر يا هشام تفجيرات الحسين؟؟
اللي عمل الموضوع ده كان شاب زينا وله افكاره برضه,ولما سالوا والدته عن احواله بل العملية قالتلهم:الولد كان بينزل يصلي في الجامع من غير ما يقوللنا........!!زاحنا نصحناه بس ماكنش بيسمع الكلام.......!!
شفت البلوى اللي احنا فيها...
الواحد ممكن بكل سهولة-نتيجة العوامل المحيطة بالبلد-ينجرف ويضيع يااما للجانب السيئ يا للاسوأ..
الموضوع طويل جدا ياهشام وانا اشكرك عليه واحب كالعادة اسجل اعجابي بمستوى تفكيرك......

[هشام زيدان]

الولد كان بينزل يصلي في الجامع من غير ما يقوللنا........!!زاحنا نصحناه بس ماكنش بيسمع الكلام.......!!


مش عارف أضحك ولا ابكي أخي ...

صدقني شعوري غريب جداً لم أمر به من قبل ...

يصلحب ذلك غيظ شديد و أسف ..


الموضوع طويل جدا ياهشام

أأسف أخي والله بس أنا حبيت أشارككم أفكاري .... كلها ... إستحملوني ..

أخي مشكور لمجاملتك ..

مشكور لردك وأرائك وصراحتك ..

ونسأل الله عز وجل أن يهدينا للحق ولما يحب ويرضي ...

ويثبتنا علي ذلك ...


ونموت علي ذلك ...

[walid_2020]

بسم الله الرحمن الرحيم
والصلاة والسلام على محمد ابن عبد الله خاتم الانبياء والمرسلين
اخى فى الله هشام والله الموضوع مهم جدا جدا لكل مسلم خصوصا هذه الايام التى كثرت فيها الفتن والابتلاءات وايضا ردود الاخوة الرائعة ولايملك الانسان غير قول الحمد لله الذى هدنا لهذا وما كنا للنهتدى لولا ان هدنا الله .
وأسال الله ان يجعل هذا الموضوع فى ميزان حسناتك .
الحمد لله على نعمة الاسلام وكفى بها نعمة

[voodoo_mojoo]

امين اخي هشام وبالتوفيق ان شاء الله

[هشام زيدان]

جزاك الله خيراً علي مشاركتك الجميلة walid_2020

وانا يكفيني من الردود العمل والله ...

أنا نفسي يكون علي الأقل إن الاعضاء اللي ردوا يكون لهم فعل إيجابي يحاولوا التغيير به ..

وجزانا الله وأياكم خيراً إن شاء الله

[هشام زيدان]

أخي voodoo_mojoo

ربنا يبارك فيك وإن شاء الله ربنا يوفق لما فيه الخير ..

[shahmedzaki]

السلام عليكم ورحمة الله وبركاتة
بجد فعلا موضوع مثير وجميل جدا جدا
اخي زيدان هوة فعلا معاة حق انة ميفهمش القران من الاول لازم مثلا جزء جزء ولو مفهموش يقراءة تاني جزء جزء يعني ربع جزء كدة بعد كل صلاة مثلا ...
واحسن وقت قولة كدة انت هوة يقوم الساعة 6 الصبح وبعد كدة يتوضا ويصلي ثم يقراء القران بالذات سورة مريم علشان يعرف الفرق بين المسلم والمسيحي ....
ثاني حاجة لازم يكون نام كويس ودماغة مش مشغولة بحاجة خالص يعني وهوة بيقراء تكون دماغة مشغولة بالقراءة فقط وبص لو برضة مش فاهم قولة اقرائة زي كانك بتنصح حد يعني مثلا لو عملت كدة يحصلك كدة ودة تلاقية دايما في كل صورة وخلية مش يقراءة كأنة بيختم القراءن لا يفهمة يعني مثلا (( ان الله على اية ويطول في كلمة ايةةةة على كل شيء قدير )) (( ومثلا حسب تذكري للاية .. ان الله لا يغير قوما ههههههههه حتى يغيروا مااااااااااااااا يطول فيها ب اية بأنفسهممممممم )) فاهم ازاي زي كأنة بيشرح لحد ولعلمك الحكاية دية مفيدة جدا وسهلة في الحفظ ...
بعد كدة تحاول تجبلة دلائل من القراءن يعني مثلا اللي قال لوالد الرسول علية الصلاة والسلام انة حيقبى رسول _ وكمان تقولة حكاية سيدنا عيسى ودية فهمتها من القراءن لكن للاسف مش فاكر السورة وهي ان كان مريم عليها السلام كانت تؤمن بالله عز وجل بعد كدة ربنا رزقها بطفل وقالت لة طفل ولكني لا يلمسني رجل قال لها الله ان الله على كل شيء قدير فهنا بقى تم التحريف في الانجيل لان الله رزق مريم عليها السلام بطفل من غير ما يلمسها رجل ولكن لكي يبين الله لها ان من يحمد يرزق وان شكرتم لازيدنكم ...
وفية كمان في صورة البقرة حاجتين .. الاولي ان في يوم القيامة اليهود تقول ليست النصارى على شيء والنصارى يقولون ليست اليهود النصارى على شيء يعني شايف الخلاف اللي بيحصل بالذات قولة ان المانيا اهية بتكرهة اليهود ..
الثاني وهوة ان الله قال ان شعب اليهود فضلهم الله على العالمين لكن همة مفيش فايدة برضة معاندين ... مش كدة يبقى القرأن اهتم باليهود والنصارى .... وقولة انت شايف اههههة الامريكان بيعملوا اية في دينهم في الافلام من تأليس وحاجات استغفر الله العظيم
وثالثا ودية اهم حاجة الناس اللي بتزور في الايات ويشترون بيها ثمنا قليلا مش برضة ذكرت في القران ....
ثم انة حلم بسيدنا محمد علية الصلاة والسلام وفي الحلم بيدعوة لمحاربة الاديان الاخرى ودة فعلا استفسار الحلم نحن داخلين على الحرب الان ....
وقولة كمان سيبك من الدش والوصلة بلاش فرج افلام اتفسح احسن شوف ناس ثانية روح زور اصحابك الطيبين اللي بيخافوا عليك .... لان والله العظيم انا كان واحد صاحبي كدة وسبحان الله في الهداية التي هداها الله له وفعلا كمان عمرة ما زنى ودية احلى حاجة في الواحد ولعلمك العادة السرية دية هروب من الزنا .. واحسن حاجة انة يحاول يدخل البرنامج اللي بيمنع المواقع الجنسية من اشكالها .... وكدة يقدر بقدر الامكان الابعاد عنها لكن حقيقي المهم هوة انة يقراء ويفهم القراءن ويبعد عن العادة بعد كدة ...
وحقيقي اخي هشام موضوع مثير وجميل فعلا وكويس انة بيفكر .... وخلية يحاول يبص للدنيا من حولية قولة على زلازال اندونيسيا هل بعدية انحرفة عن الدين لا دة ابتلاء وغفران من الله عز وجل من اللي حيحصل بعد كدة وبالذات ان النصارى عمرهم طويل ....
وانا معلش اضيفتك لايميلي علشان نتكلم اكثر .... وانا اسمي احمد زكي ....
والسلام عليكم ورحمة الله وبركاتة

[هشام زيدان]

وعليكم السلام ورحمه الله وبركاته ..

أخي أحمد ..

نصيحتك غالية والله ..

جزاك الله خيراً لنصيحتك وسأحاول إن شاء الله " ربنا ييسر الأمر " إني أنبهه علي النقاط التي تفضلت بذكرها .

وحقيقة ردك أثري الموضوع ...

ولكن الآية نصها ...

إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ في الآية11 سورة الرعد .

وانا ضيفتك بردو علي الماسينجر ..وبإنتظار تواجدك إن شاء الله ..

[shahmedzaki]

جزاك الله خيرا يا استاذ هشام وان شاء الله حاله يكون احسن بأذن الله وسوف ادعي لة ان شاء الله ويصلح جميع المسلمين يارب العالمين ...
وشكرا لك على اضافتك لي في ايميلك وانا اقدر لك كل ما تبذلة من نجاح لهذا القسم والله ولي التوفيق لك بأذن الله اخي العزيز ...
والسلام عليكم ورحمة الله وبركاتة .. وانا في انتظارك وشكرا لك على الاية الكريمة بس انا كنت بوضحها فقط ....

[هشام زيدان]

وأياكم يا أحمد ....

بس إيه حكاية أستاذ هشام دي ... هه .


وانا طالب منكم الدعـــاء والله ..

دي من أهم النقاط ....

ومشكور أخي ...

[pedo7000]

حوار جامد والله

[a_a_m_h_b]

السلام عليكم و رحمة الله و بركاته

ربنا يهدى صحبك و يهدينا جميعا و يثبتنا على ديننا مهما حدث حولنا

اعتقد ان صحبك بيمر بظروف نفسية من فراغ و بعد عن الله و غيرها و لذلك سوف يتاثر كثيرا بكل من حوله ولذلك لابد ان يبتعد عن اى صديق سوء او حتى هؤلاء الذين يفكرون فى امور الغيبيات لانه سيتاثر سلبيا بهم و ارجو ان تقرأ كتاب الشيخ الشعراوى "أدلة مادية فى وجود الله " وهذا الكتاب كان يدرس فى الثانوى العام فى مصر لدفعة ما قبل 2002
اى حد تعرفه خريج 2002 و ما قبلها ممكن يكون محتفظ بالكتاب لانه اكثر من رائع.غير انه مكتوب بطريقة تخاطب العقل مهما حدث فيه من خلل سوف يرده ان شاء الله .

[هشام زيدان]

مشكور يا pedo7000

وكتنساش تدعي ..

[هشام زيدان]

................................

[هشام زيدان]

مشكور يا a_a_m_h_bعلي ردك الإيجابي .

وعلي نصيحتك ححاول أنفذ ..

بس أنا كنت عايز أثبت عنده القرآن وغن فيه الدلائل علي كل كلامه .

فقد يضعف إيمانه لو تم النقاش علي القعل فحسب ... أما لو كانت دلائله وقرائنه من القرآن وكلام النبي صلي الله عليه وسلم .

لكانت اوثق وأقوي ...

ولكن طبعاً أكيد الكتاب مفيد ححاول اجيبهوله ...

وعلي فكرة انا ألتقيت بيه بعديها وكلمته ... الحمد لله بيصلي دلوقتي ..

[Sa3eedi]

أنا بجد قلت أدخل أقوللك المفروض تعمل معاه إيه صاحبك ده...........
لقيت الأعضاء الله يكرمهم كتبوا كل حاجه في بالي.......
مبقاش قدامي إلا إني أقوللك اقف جنب صاحبك ومتسيبوش خالص في الفتره دي لأنه أكيد محتاجلك......
ربنا يخليك من فاعلي الخير ويوفقك يا هشام........

[هشام زيدان]

جزاك الله خيراً ...

وإدعيلي بالتوفيق اخي ..

ومتنساش تدعيله ..

[t0o0ta14]

جزاك الله خيرا
الموضوع عجبنى جدا والله
واكيد كتير مننا فكر ولو مره زى صاحبك
لان دا وسواس شيطان فعلا
ولكن ربنا يثبتنا على دين الاسلام
ويعينكم على فعل الخير دائما والامر بالمعورف والنهى عنا المنكر
ونسألكم الدعاء بالهدايه والتوفيق

[ttiittoo1]

بجد حوار جميل
ورائي انك متقولوش سيب العاده السريه
لاكن حاول علي قد ما تقدر تقربه من الصلاه والقراءن
فالصلاه كالدرع والقراءن كالسف