المساعد الشخصي الرقمي

مشاهدة النسخة كاملة : ياريت واحد فاهم فى اشتراك Dsl

Newstar
28-10-2004, 12:24 AM
انا عاوز ادخل Dsl بسرعه 256 وكنت عاوز اعرف التكلفه حتكون كام لانى محتاج اشترك ضرورى
لانى دلوقتى مش بستغنى عن النت ..

مع العلم انا حوصل لوحدى بدون اى زميل معى

وفى حاجه كمان انا سمعت انى كل 3 شهور لازم ادفع للسنترال 300 جنيه ده غير اشتراك الشركه والكلام ده سد نفسى خالص فهل ده صحيح ولا لا

وارجوا الشرح بالتفصيل واخبارى بكل التكلفه اللى حتواجهنى
walid26
28-10-2004, 01:49 AM
أخي ( newstar ) تجد لإجابة عن جميع تساؤلاتك علي هذا الرابط

http://www.dvd4arab.com/forums/showthread.php?t=22976
islamnasr22
28-04-2005, 09:18 PM
بص لو في سايبر جمبك ممكن يديك ب 40 جنيه وممكن لو 512 يبقي ب خمسين جنيه في الشهر وسريع جدا بس مش من السنترال من انترنت كافيه اوك
مع تحيات إسلام نصر
hero525252@yahoo.co.uk
smsm061274
07-05-2005, 09:31 PM
الراجل بيسأل على اشتراك لوحده يا اخ اسلام نصر وأكيد هو عارف موضوع السيبر ده
بس يا باشا الموضوع بتاعك مينفعهش عشان التكلفه المبدئيه عاليه راورتر +اشتراك 3شهور مقدم
REDCAR
08-05-2005, 06:13 PM
هو السيبر مش حيديك سرعة كويسة علشان متوزعة علي الاجهزة كلها - ممكن لو انتا من مصر الشركة المصرية للا تصلات بتوصل لغاية 2 ميجابايت
hkeem_3000
17-05-2005, 02:41 PM
السلام عليكم يا اخى انتا علشان تشترك فى خدمة ال Dsl لازم الاول تشوف انتا تبع سنترال اية و اى شركة شغالة على السنترال دة ممكن تكون اكتر من شركة وممكن مفيش لكن لو فى فى المنطقة بتعتك سيبرات اكيد فى شركة تكون شغالة تبع السنترال
اما بالنسبة لقيمة الاشتراكات بالنسبة للسرعة 256 فهى 150 جنية بالشهر + 20 ايجار لجهاز الروتر و بكدة يكون التكلفة الاجمالية 170 جنية بالشهر و مفيش حاجة اسمها تدفع للسنترال انتا ملكش دعوة بحاجة من دية
ملحوظة
انتا هتدفع عند التعاقد بالاضافة الى ال 170 جنية 100 جنية تركيب فقط لكن بعد كدة هتدفع ال 170 جنية فقط
واى خدمة يا ريساخوك كيمو
spider31
15-07-2005, 04:40 PM
انا 265 وبدفع كل شهر 165 ودفعت في الاول 300
ahmedms45
21-07-2005, 12:43 AM
كل بلد و تكلفتها مختلفه و كل محافظه مختلفه بل و كل شارع مختلف فى الاسعار
ROMIO_1000
23-03-2008, 05:25 AM
السلام عليكم ورحمة الله وبركاته
انا صاحب شبكتين نت
واقدر افيد حضرتك فى الرد
اولا اللى حضرتك بتقوله دا كلام مش صحيح موضوع تدفع للسنترال 300 اشتراك كل شهر
اولا شوف اى شركة بتقدم خدمة Dsl وروحلها
المطلوب كالأتى :
1- رقم خط تليفون
2- أخر فاتورة للرقم دا وصورة البطاقة لصاحب رقم التليفون
3- علشان خط التليفون يشتغل عليه الخدمة بعد 15 يوم وبتدفع الاشتراك مقدم حسب السرعة
لو اشتراكك هيكون 256 هتدفع 95 جنيه
وهتحتاج انك تشترى روتر وسويتش او راوتر فيه خرج 4 بورت
وهتحتاج اسبايتر علشان تفصل خط التليفون عن Dsl

واتمتع
اتمنى انى اكون قدرت اوصلت اللى حضرتك محتاجه
السلام عليكم ورحمة الله وبركاته
hany177
23-03-2008, 06:15 AM
كلام صحيح يا اخى
وانصحك بالتوجه te data
لانها اكثر استقرارا وخدمتها مميزه