انه احسن يا شباب (اللانسر أو الصني)

[aldeeb_egy]

انه افضل يا شباب المتسوبيشي لانسر ولا النيسان صني و ياريت الرد بسرعة

[thehawk]

الانسر طبعا ياباشا جااااامدة جداااااااااااا وعن تجربة شخصية لان انا معيا العربية الانسر 2006 والصراحة عربية ممتازة من كل حاجة شكل وموتور وعفشة جاامدة جدااا دا وكما ميزة المتسوبيشى انة ماسك نفسة يعنى اصبر كدة هليها سنتين ثلاثة وهتلاقى ان سعرهل لسة متماسك وكمان الانسر قطع غيارها ارخص من النيسان والانسر بياعة فى اى وقت عكس النيسلن متعبة شوية فى بيعها واسعار قطع غيارها

[aldeeb_egy]

انا شاكر ليك على ردك انا عايز كمان المواصفات بتاعت المتور والقوة بتاعتو عشان انا مرة اجرت لانسر 2005 1300cc لقيتها في سحبها ضعيف اوي ... الفيات الاونو كانت اقوى

[hanyelkady]

ايوة يا باشا انا كمان عندى متسوبيشى لانسر 2005 العربية فعلا رائعة و ممتازة و محترمة و سحبها فاجر و شركة متسوبيشى ليها مبيعات فى مصر اكتر من نيسان

بعيدا عن النيسان
ـــــــــــــــــــــــــ

نخشس فى الصنى عربية فخمة و عريضة و ليها ثقلها و الصراحة اذا كانت اللانسر ماسكة سعرها فى الصنى ماسكة سعرها و بقوة و انا مركبتش الصنى بس الصراحة باين انها عربية ليها وزنها و محترمة و برضه خد راي بااقى الاعضاء بس هتلاقى الباقى كله بيقولك لانسر هههههههههههه بجد اللانسر محبوبة جدا و انتشرت بطريقة غريبة على العموم اسال برضه ناس تانية غيرنا و قرر فى الاخر

[bmya]

بوص ياباشا بصراحه انت بتقارن بين عربيتين جامدين اوي والمقارنه صعبه بس انا هقولك حاجه

اولا اللانسر دي عربيه تحفه بجميع موديلتها وانا معايا لانسر 99 وسحبها جامد وانت بتقول جربت لانسر 2005 وسحبها وحش تبقي كانت تعبانه وبعدين لانسر دي عربيه شبابيه من الدرجه الاولي وكمان شييك اوي وشكلها مميز جدا وكمان موتورها جامد ده غير ان سعرها حلو وقطع غيارها كويسه برده وكمان اللانسر الجديد عفشته جامده وعاليه علي عكس لانسر اللي معايا اللي عيبها انها واطيه وعفشتها مش جامده يعني من الاخر عربيه تحفه ولو عايز تركب لانسر صح وغاوي جري وشد وغرز وكده يععني
تبقي تجيب لانسر سبورت 1600 سي سي مانوال عربيه جامده جدا واحد صاحبي جايب بيها 200 كم وثابتها معقول وفراملabs جامده وجنوط 15 وعلوها معقول
بالنسبه للصني طبعا برده دي عربيه ليها اسمها ومحدش يقدر يتكلم عليها عربيه فخمه وشيك وواسعه واسمع عنها كلام كويس لاني بامانه مجربيتهاش بس بصراحه هي عربيه عواجيزي شويه يعني متنفعش للشباب لان شكلها كده عايزه راجل كبير ومتنفعش تعمل فيها اي حاجه حتي الجنو مش بتليق عليها
يعني انت لو شاب وغاوي جري وشد تبقي لانسر طبعاااااااا
عايز عربيه فخمه وعوجيزي تبقي صني

[bmya]

حاجه تانيه ياباشا بالنسبه للعربيات المتاجره معظم شركات التاجير بتقفل العربيات بمعني انها بتلعب في الموتور بتاع العربيات عشات تقلل قوته وبالتالي متشجعش علي الجري يعني عشان يحافظ عليها وكده

وانا برده قبل كده كان واحد قريبي ماجر دايو نوبيرا هي صحيح عربيه تعبانه لكن مش لدرجه ان اخرها 120 كم
العربيه النوبيرا اللي كان مأجرها كان اخرها 120 كم وكانت برده 2005 ازاي معرفش وكانت مبترداش تامرك ولا تفوت ازاي مش عارف برده

المهم يعني ان اللي بياجروا العربيات بيلعبوا في الموتور زي مابقولك عشان متجريش بيها
لكن تقولي فيات اونو احسن من لانسر ازااااااااااااي يعني!!!!؟

[hanyelkady]

بص يا شريف االصنى بالنسبة للانسر عواجيزى انما هى كعربية عادية فى الشكل مش شبابية و مش عواجيزى دى بيبقى اسمها عائلية بس خلاص


على فكرة انا ممكن اعد اسبوع من غير ما ادخل على النت تقريبا عشان الامتحانات ادعيلى

[bmya]

عارف ياباشا انها عائليه وهو ده اللي انا اقصده بالظبط بالاضافه الي انها متنفعش تتروش خاااااااالص لان شكلها كده مينفعش

وبالنسبه للاماتحانات انا كمان متنيل علي عيني في الامتحانات وربنا يوفقك ويوفقنا كلنا
أأأأأأأأأأأأأأأأأأأأأأأأأأأأأأمين يارب

[hanyelkady]

كويس انا هدخل على فترات قليلة بدل ما كنت مادخلش خالص هههههههه

فعلا يا عم انت بتختار بين عربيتين جامدين جدا هقولك حاجة :

الصنى : الفخامة و الراحة

اللانسر : الشبابية و الجمال و راحة البال

[thehawk]

اية يا استاذ دة اية اللى جاب الاونو للانسر دى حاجة ودى حاجة تانية خاااااااااااااااااااااااالص وزى الاخ bmya ما قلك
ومفيش كلام اقدر اقولة بعد اللى هو قالة
يارب خلصنا من الامتحانات على خير

[hanyelkady]

الاووووووووووووونوووووووو مين و الناس نايميييييييييييين

هههههههههههههههههههههههههههههههههههههههههه

هى دى اصلا لو فيها ماتور يبقى عربية تمام جدا

[aldeeb_egy]

معلش بقى يبقى انت مسقتش الاونو وركبتها و شديت بيها الاونو صحيح 1000 cc بس مجرمة الفبات الميزة الجامدة فيه اوي acceleration بتاعو عالي جدا

[aldeeb_egy]

معلش بقى يبقى انت مسقتش الاونو وركبتها و شديت بيها الاونو صحيح 1000 cc بس مجرمة الفبات الميزة الجامدة فيه اوي acceleration بتاعو عالي جدا

[bmya]

ماشي ياباشا وانت برده تبقي ماسوقتش لانسر قبل كده لان لانسر معروف انها من اشد العربيات في السحب بتاعها وانا معايا لانسر 99 والاخ hanyelkady معاه لانسر 2005 وكمان الاخ thehawk معاه لانسر 2006
يعني من الاخر كلنا بنتكلم عن تجربه مش عن سمع وقلتلك ان العربيات المتاجره بيبقي ملعوب فيها عشان متجريييش قوي
عشان انت عارف بقي الواحد لما بيركب عربيه متاجره بيطلع عينها

[aldeeb_egy]

لا والله يا اخ Byma انا سوقت اللانسر موديل 2005 وانا كنت مأجرها في السعودية مش مصر و لقيت سحبها صعب طبعا انا كنت مشغل التكييف واخد بالك المشكلة اني لقيت استجبتها ضعيفة فأنا كنت عايز اعرف هي كده مزبزطة و لا ايه و على فكرة كنت مأجرها و كانت عامله 36000 كيلو

[bmya]

طيب ياباشا لو انت بتكلم علي لانسر 1300 ممكن اقولك ماشي لانك مشغل التكييف وطبعا ده بيكون حمل زياده علي الموتور ولازم طبعا سحب العربيه يقل لكن جربها من غيير التكييف وانت هتعرف الفرق

لكن لو عايز لانسر صح وتشغل التكييف كمان يبقي 1600
وعلي فكره اي عربيه السحب بتاعها بيقل مع التكيف مش لانسر بسس

[hanyelkady]

يا رجالة انا انهاردة كنت مسافر اسكندرية و لسة راجع بجد والله العظيم كنت ماشى 140 و هى اللى بتجرى انا مش بجريها خاااااالص و كانت ثابته جدا جدا جدا والله بجد تحفة

[bmya]

ههههههههههههههه

ياعم احمد حرام عليك 140 دانتا مفتري علي العربيه يبني دووووووس شويه

[hanyelkady]

كويس ان اننا عديت ال 110 اصلا هههههههههه انا بخاف اسرع و خصوصا انى بخاف جدا على العربية بس انا بقول بس لصاحب الموضوع انها ناعمة جدا و ثابتة برضه و اخدت اسكندرية فى ساعتين بالظبط

[bmya]

انت عندك حق بس 110 شويه اوي علي العربيه وكده الموتور هيقفل منك ولو حبيت تجري بعد كده هتلاقيها مش بتجري اكتر من السرعه اللي انت معودها عليها وخصوصا انها اتوماتيك مش مانوال

فحاول تبقي تزود شويه ولو مره كده عشان خاطر الموتور

[hanyelkady]

انا مش هوات الجرى يا عم شريف انا اول اعملها فى حياتى كانت 140 باللانسر دى بس ممكن اشد مع ابن عمى اللى عنده 405 و انا كان عندى اكسل و شديت معاه اكتسحنى ههههههه و هو فى السعودية دلوقتى و انا مستنيه بفارغ الصبر هههههههههههههه