بماذا تنصحوني في دايو-ليجانزا

[shiko206]

معروضة علي سيارة دايو - ليجانزا و لانني جديد في عالم السيارات لذا اريد ان اعرف هل هى سيارة جيدة ام لا؟
و ما هو سعرها الان علما بأن المعروضة علي مو 2002
و هل سوف يؤثر افلاس شركة دايو على قطع الغيار مستقبلا؟
و ارجو بيان سعرها في الحالة فبريقة؟
و متوسط السعر اذا كانت غير ذلك؟؟؟
ولكم جزيل الشكر........

[bmya]

ياباشا العربيه الليجانزا دي انضف عربيه دايو عملتها ومش هتعمل زيها طبعا

وانا بكلم عن تجربه والله بس موديل 99
العربيه ماشاء الله 2000 سي سي عاليه وعفشتها جامده وكمان ثابته وتمام علي الطريق ده غير انها واااااااااااااسعه من جوه ومريحه جدا وطبعا شكلها جامد
وبالنسبه لسعرها انا ابن خالتي كان شاريها من كام شهر كده تقريبا ب77 الف جنيه وهي كامله اتوماتيك وكانت ماشيه 99 الف كيلو وبدهان المصنع وعربيه نضيفه جدا
اعتقد بقي ان موديل 2002 ممكن يبقي مثلا 85 والله اعلم
بس العربيه والله جامده

[shiko206]

شكرا يا باشا على العموم مطلوب فيها 66 الف اعتقد انه سعر اقل بكثير من المتوقع
يعني اعتقد انه فيها حاجة . ولا اية يا مان؟

[bebena]

ياعم باين انه محدش في الموقع ده معاه العربية دي باين كلهم اخرهم سيات 133 بس

[bmya]

ينهار ابييييييييييييييييض 66 الف بس !!!
ازاي يعني انا عربيتي لانسر 99 وجايلي 62 الف يبقي ازاي ليجانزا 2002 تكون ب 66 الف

مش هي كامله يعني ياباشا اتوماتيك وفول اوبشن

بوص ياباشا العربيه دي حاجه من اتنين ممكن تكون فعلا فيها حاجه او عامله حادثه مثلا قبل كده
او ان صاحبها مزنوق في فلوس مثلا وعايز يبيعها باي سعر

لكن ان العربيه تكون سليمه ومفيش فيها حاجه وكمان صاحبها عقله سليم ويبيعها بالسعر ده تبقي لقطه طبعا

وعشان كده انت تروح وتاخد معاك ميكانيكي نضيف ووسكري نضيف يبوصلك علي العربيه وطبعا تروح ترفعها في اي بنزينه وتبوص عليها من تحت ممكن يكون الشاسيه مثلا من تحت في لحام او حاجه

وابقي قولي عملت ايه ياباشا

[hanyelkady]

باشا العربية شديدة و واسعة و مريحة و انضف نوع دايو عرفته الاسواق المصرية

66 الف ؟ ازاى ؟

العربية دى احسن من اللانترا اللى موديل 2004 منها ب 85 الف يبقى ازاى الليجنزا بالسعر ده حرااام انا اللى اعرفه انها ب 90 موديل 99 والله زى ما بقولك

ارفعها فى بنزينة و بلاش ميكانيكى لان الشاسية الميكانيكى مش هيعرف حاجة فيه لان الميكانيكى هيكشف على الماتور بس