سؤال في البلو جرامي و الجوبي

[spictor]

السلام عليكم

دلوقتي انا عندي سؤالين

اولا: اشتريت 2 بلو جرامي و مكنتش اعرف نوعهم ايه بعد يومين لونهم اغمق و كل شويه يزيد و بطنهم اتنفخت فا واحد قالي ان دول اناث و لازم ذكرين علشان ينزلو البيض لانه ممكن البيض يحجر في بطنهم و يموتهم فا اشتريت ذكرين كمان و حطيت كل ذكر مع انثي في حوض لاحظت ان الالوان ابتدت تخف تاني. معلش طولت اووي بس انا عاوز اعرف اعمل ايه معاهم و دول بيفرخوا ازاي ؟ اصل دي اول مره افرخ سمك بيبيض.

ثانيا: الجوبي عندي بقي بيموت بالاربعه و الخمسه يوميا مع ان الحوض غير مزدحم و المياه نقيه و خاليه من اي مرض و السمك مافيهوش اي اعراض غريبه تبقي الواحده بتعوم عادي و فجأه تنقلب و تموت. هل ده طبيعي مع العلم ان في في الحوض سمك انجل عايش و ماتأثرش بأي حاجه؟ حاليا وقفت حالات الوفاه و فاضل عندي حوالي 4 اناث جوبي ( علي فكره الجوبي عمره كله واحد (ولده واحده)).


رجاء سرعه الرد

و الف شكر مقدما

مع تحياتي

[mirooodj]

بص يا سيدي بالنسبة للبلو جرامي عشان يفرخو اول شىء لازم يوضع كل زوج لوحدة في حوض معقول مثل 50*30*25 مثلا وتوضع المياة بارتفاع من10 الي15 سم ويوضع الزكر اولا كي يبني العش لسهولة بناء العش ضع لة قطع من الفين فوق سطح الياه او اشجار بلاستيكية عائمة ثم اتركة لمدة من 3 الي 5 ايام كي يبني عشة ثم ضع الانثي المحملة بالبيض و بعد ذلك ستلاحظ اقتراب الذكر من الانثى وعصر بطنها لكي ينزل البيض ثم ياخز البيض ليثبتة بالعش وبعد من حوالي يوم او يومان يفقس البيض ويظهر الضغار عائمين يفضل فصل الانثى في هذا الوقت ثم الذكر تدريجيا


وبالنسبة للجوبي لا اعتقد انهم يموتون من تلقاء نفسهم راجع المياه جيدا ويفضل تغيرها تدريحيا

[مسترموسى]

بص يا سيدي بالنسبة للبلو جرامي عشان يفرخو اول شىء لازم يوضع كل زوج لوحدة في حوض معقول مثل 50*30*25 مثلا وتوضع المياة بارتفاع من10 الي15 سم ويوضع الزكر اولا كي يبني العش لسهولة بناء العش ضع لة قطع من الفين فوق سطح الياه او اشجار بلاستيكية عائمة ثم اتركة لمدة من 3 الي 5 ايام كي يبني عشة ثم ضع الانثي المحملة بالبيض و بعد ذلك ستلاحظ اقتراب الذكر من الانثى وعصر بطنها لكي ينزل البيض ثم ياخز البيض ليثبتة بالعش وبعد من حوالي يوم او يومان يفقس البيض ويظهر الضغار عائمين يفضل فصل الانثى في هذا الوقت ثم الذكر تدريجيا


وبالنسبة للجوبي لا اعتقد انهم يموتون من تلقاء نفسهم راجع المياه جيدا ويفضل تغيرها تدريحيا

كلام ميرو سليم يا سبكتور وتغيير جزء من الماء قد يفيد الجوبى باذن الله وتقريبا فيه جرثومه اصابه الجهاز الهضمى بتاع الجوبى (بتحصل للجوبى والسورد).

بالنسبه لتفريخ الفايتر فكما تفضل ميرو وقاللك و التفاصيل موجوده فى توقيعى (نفس طريقه تفريخ الفايتر)

السلام عليكم

دلوقتي انا عندي سؤالين

اولا: اشتريت 2 بلو جرامي و مكنتش اعرف نوعهم ايه بعد يومين لونهم اغمق و كل شويه يزيد و بطنهم اتنفخت فا واحد قالي ان دول اناث و لازم ذكرين علشان ينزلو البيض لانه ممكن البيض يحجر في بطنهم و يموتهم

غمقان لون الجورامى معناه استقرار وراحه نفسيه وتحوله الى الافتح او البهتان معناه قلق وتوتر.
اما تحجر البيض داخل الاناث فا بيحصل بس مابيموتش ويومين مش كفايه لتكون البيض! الا اذا كانوا حوامل اصلا, بص عليهم من فوق لو لاقيت ان بطنهم منفوخه اوى وفيه جنب بارز اكتر من التانى يبقى حوامل, انصحك بعدم التسرع لان العلقه اللى بتاخدها الانثى بتكون قاسيه جدا

[spictor]

انا عندي في الحوض 4 سورد تيل ما تأثرش بأي حاجه

و بالنسبه للجورامي انا جبت امبارح ذكرين و ناوي افرخ ان شاء الرحمن


و الف شكر ليك يا ميرو و مليون شكر ليك يا مستر موسي

مع تحياتي

[mirooodj]

العفو يا اخي وورنا يخليك لينا يا مستر موسى وماشي ياعم انا اجاوب على السؤال واخد الف شكر وانت تعقب وتاخد مليون كلة بثوابة هاهاهاهاهاهاه

[spictor]

معلش يا ميدو ده كل الشكر اللي معايا لغايه اخر الشهر

هههههههههههه

مليون شكر إلا الف ليك يا ميدو و الحساب يجمع

مع تحياتي

[مسترموسى]

مالراجل كريم اهه !! :icon30:

[mirooodj]

كدة واصلني منك مليون باقي عليك 30 الف ولا ناوي تجيبهم شكك الشكك ممنوع والزعل مرفوع هااهاهاه وعلى فكرة ميرووو مش ميدو انا اسمي امير

[spictor]

طيب معلش يا عم امير بس بتوع ايه ال 30 ال دول؟؟؟؟

[mirooodj]

دول بلطجة قصدي بتوع المعلومات الي مستر موسى ادههالك اصلي شغال المحاسب الخاص بتاعة هاهاهاهاه

[desprado2005]

السلام عليكم



الجوبي عندي بقي بيموت بالاربعه و الخمسه يوميا مع ان الحوض غير مزدحم و المياه نقيه و خاليه من اي مرض و السمك مافيهوش اي اعراض غريبه تبقي الواحده بتعوم عادي و فجأه تنقلب و تموت. هل ده طبيعي مع العلم ان في في الحوض سمك انجل عايش و ماتأثرش بأي حاجه؟ حاليا وقفت حالات الوفاه و فاضل عندي حوالي 4 اناث جوبي ( علي فكره الجوبي عمره كله واحد (ولده واحده)).






اعتقد ان ممكن يكون اللي مات عندك دول ذكور لان ساعات بيبقي في تنافس علي الاناث

[spictor]

لا يا desprado ذكور و اناث بدون تفريق

و ماشي يا امير انا حاستني قانون منع التنطيط قصدي منع البلطجه قبل ما احط اي شكر

مع تحياتي

[spictor]

طيب سؤال ثاني يامستر موسي انا عملت كل حاجه للبلوجورامي زي ما في طريقه الفايتر تمام بس الذكر بقي له 3 ايام في الحضانه و مش بيبني العش و لونه فاتح اوووي اعمل ايه؟ و هل لازم ارفع درجه الحراره الي 28 ولا ممكن اخليها علي 25؟

[مسترموسى]

طيب سؤال ثاني يامستر موسي انا عملت كل حاجه للبلوجورامي زي ما في طريقه الفايتر تمام بس الذكر بقي له 3 ايام في الحضانه و مش بيبني العش و لونه فاتح اوووي اعمل ايه؟ و هل لازم ارفع درجه الحراره الي 28 ولا ممكن اخليها علي 25؟

لا 25 مش بطاله ظلم 3 جهات من الحوض علشان يركز وبلاش الاضائه وحط نباتات طافيه او اى حاجه تساعده يبنى عليها, وبلاش الاكل الجاف حطله شويت دود فى الارضيه بس يكن دود بقاله كام يوم عندك علشان تضمن ان بطنه مافيهاش ميكروبات بقدر المستطاع. ولو لاقيته مش بيبنى برده حطله النتايه بحيث يكون شايفها بس مش معاه يعنى فى حوض ملاسق له او بينهما فاصل زجاجى.

خد شويت الصور دول اتصبر بيهم على ماالاقى وقت وبازن الله اعملك موضوع مخصوص عن تفريخ اغلب انواع الجورامى

ادى الذكر
http://img146.imageshack.us/img146/3043/malegourami5vc.jpg


وادى الانثى(شايف البيض؟؟)
http://img60.imageshack.us/img60/4667/femalegourami0cd.jpg


التعصير
http://img78.imageshack.us/img78/8119/5384dw.jpg


العش من فوق وبه البيض
http://img60.imageshack.us/img60/1764/5089ts.jpg


العش لحظه الفقس
http://img60.imageshack.us/img60/5909/5397dc.jpg


ودى الولده
http://img60.imageshack.us/img60/1667/5407kw.jpg

[mirooodj]

اية الحلاوة دي يا مستر موسى صور روعة وهنيالك يا عم سبيكتور ب مستر موسى لاقيت حد ميتنططش عليك هااهاهاهاه

[spictor]

و الله مش عارف اشكرك ازاي يا مستر موسي فعلا الانثي عندي بطنها منفوخه كده تمام
اما الذكر فا محطوط له دود بقاله يومين زي ما قلت
حاضلم الحوض و اجرب (ليلته سوده الذكر ده)
و كمان حاططله زرع عائم و قطعه فلين عائمه علي السطح

يا رب يتحمس و يخلي عنده دم و يبني


الف شكر يا مستر موسي و بلاش الملايين علشان في ناس بتقر