سؤال مهم عن نقل السمك

[aahmed19901]

انا قرات في كذا موضوع عن نقل السمك لاول مرة للحوض لكن عايز اعرف الطريقة بضبط
و كمان اكل السمك بعد اد اه من نقله و هل يفضل اغلاق الموتور و الفلتر قبل النقل و لمدة حتى اسقرار السمك
وعند غسل الحوض بالكامل او مثلا نقل الانثى لحضانة منفصلة فهل يجب اتباع نفس الخطوات
و حاجة كمان بنسبة لمزيل الكلور اد ايه الكمية المطلوبة منه لحوض 60 *30 اذا كان صلب او سائل
و انا قرات في موضوع ان المفروض يترك الحوض لمدة نصف يوم بعد اضافة مزيل الكلور قبل وضع السمك
انا لما سالت الراجل صاحب محل السمك قال 10 دقائق كافية جدا
و هل عند تغير ربع مياه الحوض كل اسبوع يجب اضافي مزيل الكلور للماء المضاف
حاجة كمان انا قرات ان يفضل تغير كوب مياه من مياه الحضانة كل يوم فلو صح طيب ازاى احط مزيل الكلور

[مسترموسى]

انا قرات في كذا موضوع عن نقل السمك لاول مرة للحوض لكن عايز اعرف الطريقة بضبط

اختلاف درجه الحراره قد يكون قاتل للسمك لان الاختلاف الكبير ممكن يسبب صدمه للسمك واحنا كمان على فكره يعنى الانسان لو فى مكان دافىء وطلع مره واحده فى البرد ممكن تحصله حاجات كتير والعياز بالله, علشان كده لازم السمك يتساب فى الكيس بتاعه فتره كلفيه لان يكتسب مياه الكيس نفس درجه الحراره بتاعت الحوض والفتره دى قد ايه حاقولك نسبيه لان درجه الحراره فى بيتك غير بيتى وعند البياع بتاعك غير البياع بتاعى والشارع والبلد .....الخ الخ بس اعتقد 10 او 15 دقيقه كافيه جدا.
(شويت اسئله من عندى علشان المعلومه تكمل )
طب والكيس ناس تقول تسيبه مقفول زى ماهو وناس تقول افتحه وعلقه بدبوس مشبك (بتاع الغسيل)
ارد واقول ماتقرقش لو المكان اللى انت جايبه منه مش بعيد سيب الكيس مقفول انما لو حاسس ان السمك كتير فى الكيس او المشوار كان بعيد افتح الكيس.

طيب احط من ميه الحوض جوا الكيس.اه لو السمك مخنوق او مفرهد(تعبان من النقل) ولو عاوز الحراره تتعادل بسرعه)

طيب وافضى السمك فى الحوض بميته
يفضل ان انت تنزل سمكه واحده بس الاول وتراقبها لو لاقيتها تمام نزل باقى السمك على بركه الله اما الميه فا ابعد عن الشر وغنيله مش حاقول غير كده حتى لو انا اللى مديلك السمك.

و كمان اكل السمك بعد اد اه من نقله
لو انت ناقل السمك من حوض لحوض ولا من عند جارك ولا من مسافه قصيره مافيش مشكله اكله براحتك.
انما لو ناقله من مسافه كبيره ومواصلات والسمك اتمرمط
او السمك بيتنقل على حوض جديد ان شالله ما حوض لحوض جوا البيت يمنع الاكل تماما 24 ساعة وفى الا24ساعه التاليه ياكلوا كمات بسيطه وعلى فترات متباعده علشان مافيش بكتريا لسه تمنع التعفن والتسمم.

و هل يفضل اغلاق الموتور و الفلتر قبل النقل و لمدة حتى اسقرار السمك
يفترض ان انت ماعندكش تيارات قويه ممكن تخوف وبالتالى فلا داعى لاغلاق الهواء ولاكن اغلاق النور ضرورى لتهدئه اعصاب السمك وتقليل توتره.
واهم حاجه عند النقل تجنب الرجرجه والتعرض للصدمات بقدر الامكان ووضع السمك فى كيس خارجى اسود لتوفير اكبر قدر من هدوء الاعصاب وعدم التوتر للسمك اثناء النقل

وعند غسل الحوض بالكامل او مثلا نقل الانثى لحضانة منفصلة فهل يجب اتباع نفس الخطوات
لو بتتكلم عن اقلمه درجه الحراره لا مافيش داعى طالما جوا البيت فالحرارة واحده ولو بتتكلم على الاكل لو المياه جديده (نعم يجب تصويم السمك واقلمه الحراره).

و حاجة كمان بنسبة لمزيل الكلور اد ايه الكمية المطلوبة منه لحوض 60 *30 اذا كان صلب او سائل
و انا قرات في موضوع ان المفروض يترك الحوض لمدة نصف يوم بعد اضافة مزيل الكلور قبل وضع السمك
انا لما سالت الراجل صاحب محل السمك قال 10 دقائق كافية جدا
الكلام اللى فى الموضوع مش مظبوط وكلام البائع 100% غير سليم واى كلام يتقال فى الموضوع عشوائى....؟؟؟ يعنى ايه اقولك.......مزيل الكولور ده عباره عن ماده تضاف فتتفاعل مع الكلور اللى بيتحط لتطهير الماء طب وهل الساده اللى بيعبوه بيراعوا النسب والمقادير لا طبعا والافاضل اللى فى شركه الماء اللى بيطهروا الماء بيشتغلوا بنسب ومقادير ؟؟ طبعا لا وكل من يفرخ الانجل يحكيلك عن كوارث حصلتله لمجرد ان الاخ اللى فى شركه الميه شغال بالبركه.
فانت تحط مزيل الكلور وتجرب فى سمكه وتشوف لو سليمه وبتتحرك تمام وبتتنفس تمام خلاص حط الباقى.

انا شخصيا مابستعملش المزيل خالص باخزن ماء لمده 24 ساعه وبعدين استعمله لاكن مش كل الناس عندهم مكلن يخزنوا فيه ماء.

و هل عند تغير ربع مياه الحوض كل اسبوع يجب اضافي مزيل الكلور للماء المضاف
1/4 الماء كل اسبوع كتير اوى يا ابوحميد كفايه 1/8 الماء وده مش محتاج مزيل انما لو 1/4 الماء فا اقل القليل من المزيل لن يضر.

حاجة كمان انا قرات ان يفضل تغير كوب مياه من مياه الحضانة كل يوم فلو صح طيب ازاى احط مزيل الكلور
كوبايه مش مشكله انما لو الحضانه صغيره اوى والكوبايه تمثل كميه كبيره ممكن تستعمل ازازه او جيركن (لم يوضع به مواد منظفه ابدا" لان البلاستيك بيمتص المواد ويعيد اخراجها) المهم تحط الماء فى الزجاجه او الجيركن لمده 24 ساعه وتستعمله بدون اى مزيل
بعض الناس يسخن الماء فيتخلص من الكلور ولاكن الاكسجين كمان بيطلع مع الكلور.

[aahmed19901]

اختلاف درجه الحراره قد يكون قاتل للسمك لان الاختلاف الكبير ممكن يسبب صدمه للسمك واحنا كمان على فكره يعنى الانسان لو فى مكان دافىء وطلع مره واحده فى البرد ممكن تحصله حاجات كتير والعياز بالله, علشان كده لازم السمك يتساب فى الكيس بتاعه فتره كلفيه لان يكتسب مياه الكيس نفس درجه الحراره بتاعت الحوض والفتره دى قد ايه حاقولك نسبيه لان درجه الحراره فى بيتك غير بيتى وعند البياع بتاعك غير البياع بتاعى والشارع والبلد .....الخ الخ بس اعتقد 10 او 15 دقيقه كافيه جدا.
الراجل قالى ان بعد ربع ساعة ادخل للكيس دفعات من مية الحوض كل 20 ثانية
طيب احط من ميه الحوض جوا الكيس.اه لو السمك مخنوق او مفرهد(تعبان من النقل) ولو عاوز الحراره تتعادل بسرعه)
بس انا فهمت منه ان حكاية ال 20 ثانية دي عشان مكونات المية مختلفة من منطقة لمنطقة و ان ممكن السمك يجيلوا صدمة لو اتنقل على طول
هو الكلام ده صح و غلط

[الحق]

السلام عليكم
شكرا مستر موسى على الرد
-----------
الراجل قالى ان بعد ربع ساعة ادخل للكيس دفعات من مية الحوض كل 20 ثانية
طبعا تضع الكيس ل10 ألة 15 دقيقة للأكثر أمانا وأطمانانا!
أنا على سبيل المثال لااضع الكيس هكذا الا اذا اذا كنت مشغول أو مالي مزاج
أهم حاجة موازانة درجو الحرارة
فأنا دئما استخدم طريقة وضع أكثر من كمية من الماءفي كيس الاسماك الجديدة لتتعادل دركة الحرارة

مميزات طريقة النقل الأولي:
وهي وضع الكيس مدة 15-10 دقائق
هي لمعادلة درجة اللحرارة وتعرف السمك للبيئة الجديدة (الحوض) قبل الذهاب لها

ومميزات االطريقة الثانية:
معادلة درجة الحرارة بصورة أسرع وتبين للسمك الجديد مواصفات الحوض الجديد

وايضا ينصح بأن لاتدفع السمك من الكيس بل وضع الكيس مفتوح بالحوض وخروج السمك من الكيس بذاته
-----------
ان ممكن السمك يجيلوا صدمة لو اتنقل على طول
هو الكلام ده صح و غلط
ليست دائما ، وربما الصدمة المقصودة هي اختباء السمك وما شابه
أعمل ب وايضا ينصح بأن لاتدفع السمك من الكيس بل وضع الكيس مفتوح بالحوض وخروج السمك من الكيس بذاته


والسلام عليكم

[aahmed19901]

الراجل قالى ان بعد ربع ساعة ادخل للكيس دفعات من مية الحوض كل 20 ثانية

انا اقصد بعد الربع ساعة الى في الاول الى هية لمعدلة الحرارة

طبعا تضع الكيس ل10 ألة 15 دقيقة للأكثر أمانا وأطمانانا!

شكرا على ردك

[مسترموسى]

بس انا فهمت منه ان حكاية ال 20 ثانية دي عشان مكونات المية مختلفة من منطقة لمنطقة و ان ممكن السمك يجيلوا صدمة لو اتنقل على طول
هو الكلام ده صح و غلط

اختلاف تركيبه الماء لن يسبب موت فورى الا اذا كان اختلاف شديد وده ماهما عملت 20 ثانيه او 20 سنه مش حاتفرق!
المشكله فى اختلاف درجه الحراره وكلام الراجل مظبوط بس انا كازلت ضد افراغ الكيس بعد تدريج درجه الحراره فى الحوض كما نصح البائع وكما يفعل الحق لاننا يجب نضمن ان يكون الماء خالى من الامراض او المشاكل والوقايه دائما خير من العلاج....والهاوى الحريص يكون عنده حوض لاستقبال الاسماك الجديده وفحصها جيدا قبل وضعها مع اسماكه.

[aahmed19901]

شكرا يا جماعة كدة الصورة وضحت
1 - ترك المياه لمدة 24 ساعة قبل وضع السمك افضل من استخدام مزيل الكلور

اانا شخصيا مابستعملش المزيل خالص باخزن ماء لمده 24 ساعه وبعدين استعمله لاكن مش كل الناس عندهم مكلن يخزنوا فيه ماء.

2 - عند استخدام مزيل الكلور يجب ترك المياه مدة كافية ( يصعب تحديدها حتى الان ) يفضل وضع سمكة واحدة اولا و ملحظتها لتاكد من صالحية المياه

يعنى ايه اقولك.......مزيل الكولور ده عباره عن ماده تضاف فتتفاعل مع الكلور اللى بيتحط لتطهير الماء طب وهل الساده اللى بيعبوه بيراعوا النسب والمقادير لا طبعا والافاضل اللى فى شركه الماء اللى بيطهروا الماء بيشتغلوا بنسب ومقادير ؟؟ طبعا لا وكل من يفرخ الانجل يحكيلك عن كوارث حصلتله لمجرد ان الاخ اللى فى شركه الميه شغال بالبركه.

3 - عند وضع السمك لاول مرة يجب ترك الكيس في الحوض لمدة ربع ساعة حتي تتساوي حرارة المياه في الكيس مع حرارة مياه الحوض ( لا يوجد اختلاف كبير بين فتح الكيس او تركه مغلق )

علشان كده لازم السمك يتساب فى الكيس بتاعه فتره كلفيه لان يكتسب مياه الكيس نفس درجه الحراره بتاعت الحوض والفتره دى قد ايه حاقولك نسبيه لان درجه الحراره فى بيتك غير بيتى وعند البياع بتاعك غير البياع بتاعى والشارع والبلد .....الخ الخ بس اعتقد 10 او 15 دقيقه كافيه جدا.

4 - يجب الا نفرغ مياه الكيس في الحوض لعدم تاكدنا من خلوها من الامراض

كلام الراجل مظبوط بس انا لازلت ضد افراغ الكيس بعد تدريج درجه الحراره فى الحوض كما نصح البائع وكما يفعل الحق لاننا يجب نضمن ان يكون الماء خالى من الامراض او المشاكل والوقايه دائما خير من العلاج

5 - يفضل وجود حوض لاستقبال الاسماك الجديدة و فحصها جيدا لتاكد من خلوها من اى مرض قبل نقلها الى الحوض الاساسي

والهاوى الحريص يكون عنده حوض لاستقبال الاسماك الجديده وفحصها جيدا قبل وضعها مع اسماكه.

[shaina]

السلام عليكم ورحمة الله وبركاته
ما شاء الله
الموضوع اصبح مفيد جدا ومليء بالمعلومات
وتحول الى مرجع مهم لكل من يسأل عن نقل السمك
نشكر الأخ aahmed على سؤاله والأخ (الحق) على اهتمامه
وشكر خاص لأخينا الموسوعه ( مستر موسى )
الذى حول السؤال البسيط الى مرجع كبير
والسلام عليكم ورحمة الله وبركاته