طلبين1:ازاي اقدر اقسم السرعة علي الشبكة 2:ازاي امنع مواقع معينه من علي الشبكه

[courser]

السلام عليكم

يا جماعه انا محتاج ضروري لواحد صاحبي عندو سايبر اولاً محتاج يقسم سرعة الشبكه لإن في ناس مديلهم وصله ومبهدلين النت دون لود ومش راضي يفصل عليهم

تاني حاجه عايز يمنع المواقع اياها خالص من علي الشبكه يعني الي ياخد وصلة متتفتحش عندو المواقع دي ويبقي جزاكم الله خيرا

اخوكم محمد

[courser]

UP ويا رب حد يرد مش زي موضوع الباور بوينت

UP

[amryano]

موضوع تقسيم السرعة دة انا لا انصحك بة بتاتاً لسبب بسيط وهو افرض مثلاً ان صاحبك سرعتة واحد ميجا يعنى يقدر يعمل داونلوود بسرعة 100 كيلو تقريباً لو هو معاة 20 مشترك شاملين اجهزة السايبر بتاعتو طبعاً حيكون نصيب كل واحد منهم 5 كيلو دة طبعاً كلام مرفوض لانة كدة مش بيوزع نت دة بيوزع حرق دم على مشتركينو و غير انة حيبقى حرام علية كمان لان الناس التى اشتركت لدية اشتركت على اساس واحد ميجا مش 5 كيلو وبكدة يبقى نصب عليهم

[courser]

شكراً يا عمرو علي ردك بس المشكله ان في واحد قارفو دونلود وده الي عايز يقسملو السرعة للإنو كلمو كتير وهوه مش راضي يبطل وفي نفس الوقت مش عارف يطلعو من الشبكة عشان قرايب (حط نفسك مكانو) وسألني وانا معرفش قولت يمكن انتو تكونو عارفين (شوفت الموضوع بسيط ازاي)

وشكراً علي مرورك وردك ويا ريت الاقي حد عارف

محمد

[ledo1971]

شوف يا جميل فيه اكتر من طريقه بس كلها معتمده على ان صاحب السيبر يكون عامل سرفر فى المحل مش شرط يكون الجهاز نفسه سرفر بس على الاقل النت يكون متاخد من جهاز مش من الروتر على طول ازاى اشرح ليك
1- برنامج بينزل على احد اجهزة السيبر وعلشان الشرح يبقى سهل هنسميه سرفر مثلا
2- الجهاز السرفر دا لازم يكون فيه عدد 2 كرت شبكه متصل بيه
3- يتم توصيل الكرت رقم (1) بالروتر مباشرة والكرت رقم (2) بالسوتش الذى سوف يتم توزيع خدمه النت منه
واخيرا يتبقى ليك تحديد اسم البرنامج اللى انت هتشتغل بيه وانا شخصيا برشح ليك برنامج CCProxy انا رافعه فى الموضوع الخاص بى وشارح البرنامج على قد مقدر فيه المهم كدا تبقى انت عملت الازم كهارد وير اما باقى السوفت وير فدا يعتمد على البرنامج اللى انت هتشتغل بيه يعنى البرنامج اللى انا رشحته ليك ممكن تحدد منه سرعة الدون لود عند كل مشترك وممكن تحدد عدد الصفحات اللى يقد كل مشترك يفتحها فقط مش كدا بس ممكن كمان تقدر تمنع صفحات معينه من انها تفتح على المشتركين زى صفحة الدون لود او اى موقع مزيكا او خلافه من المواقع اللى بتنزل افلام ..
يعنى صاحب السيبر من الاخر ممكن يعمل اللى هو عاوزه بس فى اغلب الاحيان بيسيب الليله ماشيه زى مهى وبيتفق مع المشتركين عدم الدون لود حتى ميعاد معين وبعد الميعاد دا ياكشى يكلوا بعض ملهوش دعوه يعمل دون لود طول الليل ميعملش المشترك هو ميلزمهوش طول مهو قافل والسرعة عنده فى المحل مش هتتأثر

[courser]

الف الف الف شكر اخي الكريم ledo1971

والله مش عارف اقولك ايه انت راجل ميه ميه الف شكر يا جميل وانا هقولو علي الطريقة بس سؤال هي مش هتأثر علي سرعة الشبكه يعني وهما بيلعبو Game بما ان في كارت لان داخل فيه النت وكارت لان طالع للسوتش ده مش هيأثر علي اي لعبه نت ورك

ومستني ردك ومعلش تاعبك معايه

والف شكر ليك تاني

محمد

[ledo1971]

شوف يا باشا اتصال الاجهزه ببعضها بيتم عن طريق السوتشات اللى موجوده فى الشبكه بتاعتك اما اتصال الاجهزه بالانترنت فعن طريق السوتش يوصل الاجهزه للجهاز السرفر ومن السرفر للروتر ومن الروتر للموقع (سرفر الموقع) اللى انت طالبه ....
يعنى اتصال الاجهزة داخل الشبكه ملهوش علاقة بالسرفر اللى انتا عاملله

[shaaban777]

الاخ الكريم ledo 1971
الحل اللى حضرتك قلته جميل جدا ومثالى فى هذه الحاله ولكن هناك مشكله ح تقابل المشتركين وهى ان الvioce فى الياهو مش حيشتغل لانه مش بيشتغل عن طريق البروكسى وفى مواقع ايضا مش بتفتح تحت البروكسى

[M@hmoud]

بس انا معنديش سرفيس

[cute devil]

الحل بسيط جدا جدا ومفيش فيه اي مشاكل وانا عامل النظام ده لشركات كبيرة متخصصه في مجال الانترنت والشبكات عموما
اللي هو موضوع تقسم سرعات المشتركين من خلال الماك ادريس بتاع كارت اللان مش من خلال الاي بي
لانه ببساطه لو انت قسمت من خلال الاي بي ممكن بسهولة جدا اي يوزر على الشبكه يغير الاي بي ويسحب السرعه كلها تاني وترجع انت تدور تاني على الاي بي اللي عامل المشكله دي وتفضل تلعب كده طول الليل انت وهو
وكمان موضوع غلق بعض المواقع كالمواقع الاباحية وغيرها وكمان بيديك تقرير مفصل يومي عن الشبكه كل واحد سحب كام وفتح مواقع ايه واشتغل من الساعة كام للساعة كام وهكذا وتقدر كمان من خلاله انك تطبع التقرير ده على ورق بحيث يكون كل شئ بالبينه .... والقطنة مابتكدبش lol
الحل ....
هو جهاز كمبيوتر بمواصفات عادية جدا بمراعاه انه لايقل عن 512 ميجا رامات
والباقي عادي جدا
وبتعمل سيرفر والمطلوب هو
Windows 2003 server
isa server 2004
sql database
super scott web blocker
bandwidth manager
+ 2 كارت لان
وكان الله بالسر عليم
من خلال الحاجات دي تقدر تحكم الشبكة بتاعتك بقبضه من حديد وتقدر كمان تحدد لكل يوزر اي بي معين مايقدرش يغيره ولو غيره بمزاجه ماياخدش نت اوتوماتيكي
وكمان بيمنع حاجه اسمها NetCut اللي واجع دماغ البشر كلها
ومميزات تانيه كتير

انا كده قلت المطلوب بس معلش سامحوني دلوقتي مش هقدر اشرح بالتفصيل لاني مشغول شويه اليومين دول ولكن اوعدكم انه هيكون فيه شرح مفصل بالصور للحوار ده كله وانا تحت امركم في اي استفسار ولو فيه حد عارف طريقة الشغل على الحاجات اللي انا قلتها ياريت يتفضل ويشرح الطريقه نيابه عني لو كان متفرغ انه يشرحها قبل مانتهي انا من المشاغل اللي عندي واقدر اوفي بوعدي
وانا اسف مرة تانيه

[hamoka]

ألف شكر يا رجاله على المعلومات الجميله