حوارق شيق مع خدمة العملاء لينك

[mahmoud717]

مأساه و الله العظيم حاجة تقرف
الأول السلام عليكم و رحمة الله و بركاته
أنا هحكيلكم حوار شيق جدا حصل بينى و بين خدمة العملاء فى لينك علشان أى حد بيستفسر أشترك دى أس ال تبع شركة مين يلغى لينك دى من حساباته خالص
أنا عندى المفروض السرعة 512 و لكن عمرى كده ما نزلت بأكتر من 28 كيلو بايت فشكيت فى الشركة انهم بيدونى 256قلت أتصل بيهم و اسأل
أتصلت بخدمة الزفت و رد عليا واحد و سألته بكل بساطة لوسمحت أنا الشركة بتدينى سرعة كام
سألنى على رقم التليفون إللى عليه الخدمة و قال لى 512 يا أفندم شفتوا الادب قلت له طيب ليه ما بنزلش باكتر من 28
قال لى حضرتك بس يمكن بتنزل من مواقع بطيئة او بتنزل و فى ناس تانية معاك فى النت ورك بينزلوا
قلت له و دى الحقيقة أنى مشترك فى موقع تورينت دامدج http://www.torrent-damage.net
وهو لمن لا يعرف أسرع تراكر تورينت فى الدنيا و السرعة منه لا تقل ابدا عن 70 كيلو و الأشتراك فيه صعب جدا جدا
و أكدت له انى لما كان عندى العرض الخاص بتاع ال 1 ميجا كنت بنزل منه ب 60 و ب 70 ساعات
فاجأنى بقى بسلامته بايه ؟
أن السرعة عندى من 19 إلى 64 طالما أنا فى الرنج ده أبقى بيدونى حقى!!!!!!!!
يعنى أدفع 512 و يدونى 19 حاجت تقرف و الله العظيم
قلت له طيب انا ليه دائما فى الحد الأدنى المفروض أبقى فى المتوسط يعنى 45 مثلا
قال لى علشان يقفل فى وشى من الاخر هحط لحضرتك الخط على السكرين و نراقبة و تتصل بينا كمان يومين
قلت خليك و را الكداب لحد بابا الدار
بعد يومين السرعة زى ما هيه و بعدين
أتصلت قلت له السرعة فى الواطى قال لى حضرتك هو الشير باند ودث بتاعك فى السنترال كده و حضرتك بتأخذ حقك
كته كسر حقه بضم الحاء و طالما ما قلتش عن 19 مقدرش اعمل لك حاجة قلت له واضح انكم بتحملوا السبان فى السنترال بكثافة اكتر من المفروض يشيلها قال لى أزاى بقى ده لو كده منقدرش نعمل خدمة الدى أس ال ماكس بتاعت أنك تشترى ساعات بضعف السرعة قفلت مع بسلامته و شغلت خدمة الماكس دى هم 40 دقيقة بضعف السرعه و إللى هية أصلا 28 يعنى برده اقل من 512 و فصلت الخدمة و طلعت لى رسالة تقول لى أن الخدمة لا تصلح فى الوقت الحالى
يبقى معناها أيه دى مش انهم بيحملوا السبان فعلا أكتر مما يمكن ان يشيله قلت فرصة اتصل بيه دلوقتى و أواجهه
رد عليا هو هو طبعا نكر نفسه و قال أنه واحد تانى و أمعانا فى التمويه طلب نمرة التليفون
و شغل لى موسيقى هادية و قال لى هشوف لحضرتك المشكلة راح غاب ورجع قال لى أعمل ريستارت للروتر عملت 4 مرات
و أفصل الروتر إلخ إلخ عارفين طبعا الحركات دى و فى الأخر قال لى العيب من السنترال طبعا انا كده أتسبتت رحت قلت له طيب سنترال الجيزة ده كله على سبان واحد و لا ممكن تنقلونى على سبان تانية غير دى رد عليا و قال لى و الله ما أعرفش بيقسموها ازاى فى السنترال و فى محاولة اخيرة منى قلت له طيب امتى اقدر انزل بالحد الأعلى 64 كيلو يعنى قال لى الساعة 6 صباحا و حتى 6 و نصف صباحا غير كده مش ممكن
يا جماعة أنا هستعير قول جحاالشهير
لعن الله رجلا تزوج قبلى و لم ينصحنى و لعن الله رجلا تزوج بعدى و لم يسالنى النصيحة
بس بقى بدل الزواج انتوا عارفين ........................
حار و نار فى جتتهم ال250 جنية و هغير الشركة دى أن شاء الله فى أقرب فرصة و السلام عليكم و رحمة الله و بركاته
محمود

[ahmed_fantastic]

للأمانه فقط
عن تجربه وربنا يشهد
انا كنت ارسلت اكثر من شكوى لشركة لينك بخصوص موضوع معين لا مجال لذكره الان
الشكوى ارسلتها من موقع link0777
على خدمة العملاء
بصراحة كانو هم اللى بيتصلو بيا احيانا فى نفس اليوم اللى ارسلت فيه الشكوى
واحيانا تانى يوم بالكتير وكانو بيكونو فى قمة الادب وكانو كمان بيتصلو على الموبيل
ده بالنسبة لخدمة العملاء - لكن بالنسبة لخدمة النت بحد ذاتها - فليس لدى تعليق
بس حبيت اضيف - للأمانه فقط مش اكتر

[mahmoud717]

لا هم من ناحية الادب مؤدبين جدا لكن فى الخدمة زى الزفت أنا اصلا كنت أشتركت تبع الشركة دى لما الناس قالوا لى أن خدمة العملاء عندهم كويسة لكن الشركة دى حرامية و ربنا يخرب بيوتهم
محمود

[amrjordan]

يا باشا الحل Tedata
وشكرا

[dodo700]

اخى الكريم مشكلتك اللى حكيتها نفس اللى حصل معايا بس انا كنت مشترك بسرعه 256 ويقلى باليل هتتحسن وكلام فارغ كده
وهنحطك على المونيتور والكلام ده شهرين وانا صابر عليهم لحد ما خدت القرار وكنسلت الخدمه واشتركت فى تى اى داتا وصدقنى والله الفرق رهيب مع انى كنت خايف برضه من الشركه دى لكن فعلا شركه محترمه واحسن حاجه عندهم ان السرعه طول اليوم واحده وثابته يعنى بالنهار زى باليل وانصحك بيها وانا تبع سنترال الاوبرا بس فعلا لينك دى شركه وهم على الفاضى

[ashraf 1]

انا معاك ان الشركه د فعلا حرميه ومبتدش الواحد حقه في الدون لود
يعن مثلا الساعه دلوقت 4:30 الفجر ومفيش حد معايا في الشبكه وبعمل دون لود ب 10 kb/s
رغم ان انا مشترك ب سرعه 256 والمفروض ان الدون لود يكون بين 30 و 32
بس تعمل ايه فعلا شركه حرميه وان شاء الله اغيرها

[محمود فوزي]

والله والله والله نفس اللي حصل معايا رغم اني مشترك في 256 لوحدي وسرعتياقل من10 كيلو ومن موقع yahoo games بالكتير 16 يوم ميكون ربنا راضي علينا
يا ريت حد ينصحني بشركه بنت حلال

[moganet]

يا جماعه كلنا بنعانى من لينك
انا ليا واحد صحبى بعدى بخمسين متر مشترك فى رايه الداون لود ما بيقلش عن 60
وهو مشترك 512
اللعنه على لينك انا 256
اعلى حاجه 10

[m__saad]

أنا كمان بضم صوتي لصوتكم
أنا فعلا بعاني منها كتير جدا و عندي أصحابي كمان بيعانو منها
بس ان شاء الله هغيرها قريب
و فعلا الناس بتقول TEdata كويسه و عندي أصحابي تانيين مشتركين فيها بيقولو كويسه
و حسبي الله و نعم الوكيل في لينك

[mohamadika]

بصراحه يا شباب انا مجربتش لينك بس سمعت عنها كلام مش كويس كتير وبالنسبه لشركة تى داتا فهى برضه شركه مش تمام فى السرعه بتاعتها انا جربتها بنفسى وخدمة العملا وحشه ده اذا ردوا عليا اساسا
كل ما اتصل بيهم الكمبيوتر بيرد عليا ويسبنى كتييييييييييييير وساعات محدش يرد من خدمة العملا
انا دلوقتى مشترك تبع شركة رايه بصراحه شركه زى الفل مالهاش حل فى السرعه بتاعتها وفى الدونلود وخدمة العملا انصحكم بيها وشكراااااااااااا

[zarad_egypt]

egynet الحل انا عندي سرعه 256 والدون بي40 الو 30

[samor1111]

tedata is the best i was using Raia but the custmer service of them is soo bad ans soooooo slow

[oggo]

يا اخي والله انت سردت قصة نصب لينك بكل سهوله ويسر وشكررا ليك وبرده انا على سنترالالجيزه ونفس المشكله بس انا واخد وصله من سيبر 1 ميجا و السرعه عندك اسرع من عندي واحنا 5 على الوصله ومفيشي حد بيعمل داونلوود والمشكله برده شغاله واتصلت بيهم ونفس الموضوع اللي انت حكيته ومن الاخر شركات النت المصريه لسه موصلتشي للحد الادامي مش الحد العالمي

[ledo1971]

يا اخى والله ان دل يدل على جهلنا بالامور وعدم رغبتنا فى المعرفة
يعنى لو فيه حد فاهم اتكلم مع الناس دول هيعرفهم انه بياخد اسواء خدمه باعلى سعر
المهم اعمل زى غيرك وكبر دماغك وغير الشركه من غير متعرف ايه اللى حاصل
غير تى داتا ولما يحصل مشكله معاها ابقى غير لشركه تانيه .. وشركه تالته ..... وهكذا
والله دا حرام احنا نستحق معامله احسن من كدا خاصه انهم بيكسبوا من ورانا مليارات ليه مستكترين الخدمه المحترمه علينا
يمكن لاننا احنا لا نستحق الاحترام لا سمح الله ... او لاننا فعلنا كما قال الحكيم
هانت علينا انفسنا ... فهنا على غيرنا
حسبى الله ونعم الوكيل فى كل من استحل مال لا يستحقه وكل من تكسب بالعلم بغير حق ...

[dark_fear2003]

انا كنت تى داتا وكنت فعلأ السرعه ثابته بالليل زى الصبح وواحد زن فى ودنى قالى لينك بتنزل عروض حلوه وطلعت زى الزفت والسرعه مقرفه صراحه

[deyago]

اخى العزيز
معك اخوك محمد من الاسكندرية
انا قرأت مأساتك وبنصحك بتغيير الشلاكة حالا حالا
فى شركة حلوة وانا مجربها , شركة Te Data
الشركة دى حلوة اوى بس سعرها اغلى شويه , بس سرعة ال 512 بتوصل ل 70 وفى ادنى الحالات لانى مش لوحدى على الشبكة بتوصل 30
انا بقولك اللى انا مجربه
وده رقم تليفون الشركة عشان متدورش : 19777

[zelekhaaa]

هههههة واللة يابنى العيب مننا احنا احنا شعب سلبى

لابد ان يكون هناك وقفة

[tarek_fox]

tedata
مفيش غيرها

[funkystar]

انا بس عايز اقولك اني عديت برده بنفس المشكلة بس التحميل بطئ في التورنت و برده زهقت ورا الشركة و الراوتر في الاخر اكتشفت ان التحميل بيبقي كويس لما اظبط الابلود علي علي اقل حاجة 3 ك/ب و اتحلت المشكلة و ياريت تتحل معاك ان شاء الله

[hany_elkashef]

نصيحة للجميع الغوا التعاقد مع لينك فهى شركة زبالةوعن تجربة

[mesho mo]

[السلام عليكم ياشباب مينفعش اننا نعيب فى سمعت الشركات اوع تفكر انى مسترك معاهم بس ماينفعش نعيب فيهم ماشى اتمس لاخيك المسلم بضع وسبعون عذر
ان كان نفذ فدا حققك
انا مسترك مع noor ممكن يكون محدش سمع عنها بس بجد مجرم بمعنى الكلمة الدون لودبيعمل 90:118
عندى وانا واخد منهم شغل فى المنوفيه بجد الناس اللى معايه مبسوطين جدااااااااااااااااااااااا
وناس فى قمه الاحترام
على العموم الميل mayso2010@yahoo.com
اى خدمة!!!!!!!!!!!!!!!!!!!!!!!!!!!!!!!!!!!!!!!!!!

[mesho mo]

:dunno000: :idea0000: :icon3100: :qright5: :icon2600:

[™Hessein]

نفس المشكله كانت عندي ولكن سرعتي ( المفروض ) 256 كيلوبايت ولكن في حياتي لم أعمل داونلود بأكثر من 10 كيلوبايت وبعد تغيير الشركه لتي داتا مع مجموعه كبيره من أصحابي أشترينا سرعه 1 ميجا والداونلود عندي ساعات بيوصل ل 750 كيلوبايت في الثانيه .

أقول لكم ما هي مشكله شركه لينك . بعد أن تشترك فيها تظل لمده معينه وهي حوالي شهر أو شهرين سرعتك جميله ومتميزه ولكن بعد ذلك يقسموا سرعتك على عده شبكات وبذلك تقل سرعتك جدا .

فأفضل الحلول هو الأشتراك من السايبر .

وشكرا على الموضوع المهم .

[wowo11231]

الحل مع تى داتا
و كلامك دة انا سمعتة بدل المرة 100 من اكتر من واحد و ربنا يديك الصبر

[walidh2004]

اخى الكريم لو غيرت الشركه ولاقيت الفرق كبير فى السرعه والتحميل قولنا برضه فى مشاكل مع الشركه دي

[timoo317]

يا باشا الحل Tedata
وشكرا
بس كدا
هوا دا الحل
و مفيش حل تاني
انا طالع عيني بردو مع بتوع لينك دول دا غير الغلط في الحساب كمان
من الاخر سيبك منهم

[mdk1500]

يا جماعه انا ليه ردود كتيره جدا عن شركة لينك فى مواضيع كتيره فى المنتدى وصلوا تقريبا لاكتر من 8 صفحات

و مخلصتش اللي عندى
ملخص حكيتب مع لينك هو انى عندى خطين تليفون فى البيت واحد 256من te data و واحد 512من Link

يعنى مجرب الاتنين

te data 29.4 طول اليوم مبتتغيرش لمدة 8 شهور
link 12-13 ده لو مقطعتش بعد دقتقتين

جولى فى البيت 3 مرات ومصرين ان العيب فى السلك اللى جاى من البكس كل مره اغيره

لغايط مبدلته بالسللك اللى ماشى فبه خط te data مفيش اى فرق نفس السرعة الزباله

اتصلات بخدمة العملاء وقلت أذاى يكون العيب من السلك ردوا عليه وقالولى
ان احنا بنرفع على 3 ميجا "فعلا الروتر بيقول كده" و Te بترفع على 256 علشان كده لازم السلك يكون تمام!!!!!!!!!

ياجماهة انا طالب فى 2 اتصالات هندسة القاهره وحتى الان مشفتش حاجه ذى كده لو حد عنده تفسير يقولى

طاب ذهئت افصلوا وربنا يعوض عليه فى اشتراك اول شهر اللى جه بعد شهرين ونصف من التقديم

الشركه المحصلة تتصل بيه عيزين الاشتراك واقولهم افصلوا يقولوا ماشى حنفصل ويتصلوا بكل بجاحه الشهر اللي بعديه
عيزين الاشتراك

رحت للشركه وقالوا انت السبب مجتش عندنا ليه هم ما قلوش حاجه
مليت ال cancelation form
جم برده الشهر اللى بعديه برده عيزين الاشتراك طاب اعمل ايه يا جماعه للشركه ده علشان تفصل
اروح لشيخ من بتوع الاعمال علشان يصرفها

انا زهئت منها و كبرت لها ومش عارف حترسى على ايه وعليه ليهم شهرين حار ونار فى جدتهم ولسه العداد عمال يعد

ملاحظه : التورنت مهما كان ميعتبرش مقياس للتحميل مع انى عارف و متأكد ان السرعه عندك وحشه وانا مجرب

[emadmad]

لنك دوت نت اوسخ شركة في النت وعن تجربة

[vengada2010]

السلام عليكم
هقول رايي بكل حياد بس محدش يفتكر اني شغال في لينك لا سمح الله
طبعا لينك شركة مش تمام وعن تجربة لاني عميل فيها بس انا مشترك 256 والداونلود بيوصل عندي الي 27 كيلو بايت بالتورنت !!!
اللي بيفرق في حوار السرعة ده يا جماعة مش الشركة بالعكس السنترال هوا العامل الاساسي في تحديد السرعة
وكمان الاسلاك
اما عن خدمة العملاء بتاعتهم تحس انهم بيستغبونا يعني مرة كان خط النت داخل ع خط التليفون والتليفون كان دايما بيصفر اتصلت بيهم قعد يرغي شوية وطبعا نفضتله وفي الاخر بيقنعني اني اوصل التليفون من السلك الرئيسي مش من المحول الصغير ده مش فاكر اسمه طبعا غصب عنه خليته بعت واحد صلح العطل ده في السنترال واكدوا معايا ان العطل اتصلح والحمد لله
من الاخر ادي بتوع لينك دول بالجزمة لانهم مش بييجوا غير كده
مجرد رايي
احمد

[welzghost]

ملحوظه شركة رايه السرعه فيها مش تمام وشركة لينك برضه مش تمام انا جربت الاثنين وكله فوق ان السرعه مش تمام النت بيقطع كتير بس انا حاليا مشترك تى اى داتا السرعه زى الفل 256 على 4 اشخاص فى الشبكه المشكله الوحيده فى خدمة العملا لانها مش بترد لان عليها ضغط كتير بس خدمة العمله بتديك الفائده انا النت علق عندى وكان فاصل اتصلت وقالى شوية حاجات عملتها النت وصل فى الحال المهم ان خدمة العملاء فى تى اى داتا شغاله 24 ساعه يعنى لما تحب تتصل بيهم اتصل بالليل عشان يردو عليك اللهم بلغت اللهم فشهد تى اى داتا هى الحل