مميزات وعيوب فيفا 2006

[فتوح]

انا ملاحظ ان مفيش حد عمل الموضوع دا رغم ان اللعبة دى عليها كلام كتير فى ناس تقولك انها حلوة وناس تقول زبالة انا حقولكم مميزاتها وعيوبها
المميزات :
1_اللعبة اصبحت واقعية اكتر شوية
2_اللعبة جرافكها كويس والملاعب تقريبا شبة حقيقية
3_مهاراتها زادت
العيوب ودى اكتر منها ما فيش
1_اللعبة مساحتها 7 جيجا دا ان لم تكن عاملها موضوع الكراك
2_اللعبة صعبة جدااا جداااا واستحالة تفوز بسهولة
3_ضغط من الخصم رهيب جداااا لدرجة انك ممكن ما تلعبش غير مدافع فى الماتش
4_بطء شديد جداااا فى حال اللعب فى الشبكة مع جهاز اخر
5_صعوبة احراز اهداف من على بعد
6_لو عايز تفوز يبقى مش معاك الا الاجنحة لو اعتمدت على الاجنحة حتكسب
7_اللعبة تعبانة من ناحية المهارات
8_صعوبة المهارات يعنى لو حتعمل اى حركة مهارية صدقنى الكرة حتتخطف منك
9_اللعبة صعبة جداااا فى الضربات الثابتة ومش اى حد يجيبها
10_اللعبة دى بتفكرنى بفيفا 98
11_انا اكتر واحد بيكرة اللعبة دى انا اول مرة لعبتها لعب نص الشوط الاول وطلعت لانها ما دخلتش دماغى
12_اللعبة لم تحقق اسعاد الجماهير واظن ان معظم الناس فى السيبرات بيلعبوا 2005 لانها جميلة بجد
13_اللعبة زبالة جداااااا
معلش طولت عليكم

[فتوح]

لو فى اى حد شايف ان فى مميزات او عيوب زيادة يكتبها ويقولنا

[ErroR]

اولا انا مختلف معاك في اللعبة وفي شوية نقط
1- النقطة رقم 5 مش صح لان انا لما بعلب في اجوان كتيرة بجبها من بر ال18
2- مفيش ضغط رهيب ولا حاجة مجرد ضغط علدي وانت ممكن تعملة علي الكمبيوتر بس ترجع للخطة اللي بتلعب بيها
3- اللعبة مش صعبة هي واقعية جدااا وانت في الواقع لما بتعلب في الواقع استحالة تكسب بسهولة
4- الضربات الحرة مش صعبة هي بس الواحد مش متعود عليها زي 2005 في الاول
5- الناس اللي في السيبرات مش متعودين عليها بس في ناس بدءت تتعود عيلها وتطلب تلعبها

وانا مرحب باي وجهة نظر تانية انت عاوز تشرحها وانا شايف انها من اقوي الالعاب في مجال الفيفا واقوي من 2005
وشكراااا علي رايك

[فتوح]

والله دا رايك وانا احترمة والف شكر

[voodoox]

والله انا بلعب pro ولا فيفا ولا كلام فارغ

[الفهد الابيض]

برو احلى من الفيفا بكتير
بس بالنسبه للمميزات والعيوب
فانا شايف ان اكبر عيب فيها انها تحس الكترونيه الاجوان بتيجى زى بعض بعكس لعبه برو اللى ممكن تعمل اى حاجه فى الكورة وتجيب اجوان مختلفه
تانى حاجه ان المهارات فيها مينفعش تتعمل يعنى صعب جدا جدا انك ترقص واحد وتعدى منه
وتالت حاجه بالنسبه للخطه مش بتعرف تحرك اللاعيبه ان تقدم واحد وترجع واحد او تخلى واحد يهاجم وواحد يدافع ميهاجمش
لسه الفيفا مش هتبقى فى مستوى البلاى استيشن ...

[youcef307]

انا بصراحة افضل الفيفا 2006 على البرو او الويننج خاصة في الجرافيزم لو لاحظتم عند تسجيل هدف في الفيفا طريقة الفرحة ووجوه اللاعبين تبدو حقيقية اما في البرو نفس الطريقة في جميع الاهداف تقريبا ووجوه اللاعبين سيئة للغاية وافضل مثال لاحظ شكل رونالدينيو في الفيفا وقارنه بالبرو طبعا لا مجال للمقارنة وليس هذا فقط طريقة اللعب وتصديات الحراس في الفيفا اروع وانا معك في ان البرو اقرب للواقع فعلا في اللعب
وهناك نقطة اخرى تتفوق فيها الفيفا في manager mode لما تبدأ التدريب تأتيك عروض من اندية صغيرة وعروض رعاية من شركات صغيرة ايضا مثلا انا اردت اللعب بالبارسا فاضطررت لان ابدا بريال سوسيداد ثم اشبيلية ثم موسمين مع ريال سرقوسة ثم موسمين مع فياريال واخيرا جاء عرض البارسا ولما اردت تغيير التشكيل صدمت باعتزال كل من لارسون وماركيز وجيو وادمي وسيلفينيو وبيليتي اضافة الى رحيل رونالدينيو وموتا و انييستا يعني وكانها مرت 6 سنوات حقا هذا مثال فقط عن الاختلاف يعني في البرو 5 لو عملت manager راح تبدأ مباشرة بالبارسا اذا اردت وكل المواسم بنفس التشكيل

[PEPSI110m]

أنا وأعوزو بالله من كلمة أنا ........ أعرفك بنفسي أنا مصطفي PEPSI عـــــــــــــاش الفيفا الاول في العالم
أنا معاك في شويات حجات وحجات كثيرة لا
1-أقوة أصدار من أصدارات الفيفا حتي الان اللي انا مقتنع بيها هي 2002و2006وهم من أقوة الاصدارت حتي الاني وتدخل معاهم الكنك الاول علي الاطلاق FIFA WORLD CUP 2006 وهي علي حق من أقوي وأحسن الاصدارات
دة في الاول بعرفك علي الاصدارات الكويسة.
أما اللعبة بجد بتعيشك في جو تاني جوة الملاعب بجد وتحس دة في فيفا كأس العالم ألمانيا
أما مميازات العبة
1-الجرافك العالي جداً
2-الملاعب ودرجة المسداقية العالية في المحاكة للطيبعة الاصلية
3-المؤثرات أي الجماهير وأروع ما في الجماهير هتافاتهم و أغانيهم اللي تعيشك بجد
4-المستوي العالي اللي بيظهر بية اللعيبة في التصويب والمهارات ويعني علي المهارات اللي يبقدموها
5-أوبشن اللعبة العالي بجد
6-الفيفا 2006 يعني حاجة واحدة المستوي الجيد اللي بيظهر بية المدرب اللي بيكون في النهاية أنت أو أنا وأنا علي العموم حاصل في الفيفا علي 15 دوري با البطولات الخاصة بها ولعبت في كل الاندية يعني أعرف كل كبيرة وصغيرة
واللهي دة ما تفاخر بنفسي ولكن حتي تعرف أني بحب اللعبة دة بجــــــــــــــــــــــد
7-نزول الحكم في أرض الملعب
8-تغير العيب عند النزول


أما العيوب
1-مساحة اللعبة لا شك كبيرة جداً
2-عدم فتح منافسات كثيرة مثل اليورو 2008 أو علي الاقل كأس العالم
3-أقتناس الكثير من فيفا 2005 مثل أسطيل اللعيب عند أحراز الاهداف مثل 2005 لم يتغير اللي القليل
4-عند حصول اللعبين علي بطولة مثلاً لا يأتي مراسم التتويج وهذا اللي أنتظرية ولم يحدث
5-عدم وجود المدرب في الملعب مثلاُ عند أنهاء هجمة خطر يبين أنفعالات المدرب
6-يجيب اللعيب هوة وبيسخن علي الخط
7-يجيب اللعيب عند الاصابة وهو بيشلوة مثلاُ
هذا في رأي المتواضع
ونا أسف علي التطويل الفظيع دة ولكن أنت اللي عاوز تعرف المزاية و العيوب
بس نصيحة عاوز تبقة كويس في الفيفا ألعب المدرب أي manger
أرجو الرد وأي أستفصار راسلني علي
ma3ady_2003298@yahoo.com

[الفارس100]

الفيفا 2006 طبعا واقعية اكتر وسر الحلاوة فى الصعوبة لانك لازم تعمل خطة ولازم تنقل بسرعة بس العيب الوحيد فيها صعوبة احراز هدف من الضربات الحرة المباشرة

[Dr_Genius]

و الله يا جماعة انا مش عارف ... للاسف حاجات كتير قوى من اللى فى العيوب اللى الناس بتقولها انا مختلف تماما معاهم فيها .....
*يعنى صعوبة اللعبة .... ضغط الخصم ... انا شايفهم واقعيين جدا جدا ...
*صعوبة التسجيل من خارج المنطقة .... و الله انا من كل 10 تسديدات من خترج المنطقة عندى استعداد اجيب 7 او 8 بس الموضوع محتاج تركيز ....
*صعوبة المراوغة - و دى نقطة خلاف بينى و بين الجميع تقريبا - فأنا شايف ان لازم متكونش القدرة على الترقيص رهيبة و كل كورة فى الماتش يكون فيها مهارة جامدة قوى - يعنى لازم تكون مهارتك على الكيبورد عالية زى اللعيب اللى مهارته على الكورة عالية ....انما - و عن خبرة شخصية - الفيفا المراوغات فيها جميلة جدا وواقعية جدا
*الضربات الحرة ... برضه مش حقول حاجة غير ان كل 10 ضربات ممكن اضيع واحدة او اتنين بالكتير .. يبقى ازاى نقول انها صعبة !!!!!!
*و صعوبة تسجيل اهداف ..... انا شايفها برضه غاية فى الواقعية .... بل بالعكس كمان انا ساعات بحس ان ممكن تجيب اهداف اكثر من اللازم .... يعنى انا فى ماتشات 4 دقائق و بروفيشنال مخلصها 9 او 10

انما بالنسبة لعيوب اللعبة اللى انا شايفها فالاخ PEPSI لخص معظمها فى رده الجميل ... لكن بحب اضيف عليها حركة حارس المرمى ... ساعات بحس انه ملزوق فى الجون و بكون منفرد تماما و مع كدة ميتحركش و يفضل مستنى فى مرماه ... و فى اوقات تانية بحس ان اللى واقف فى الجون ده "سوبرمان" ههه يعنى ابقى ملموم عليه باربع لاعيبة عمالين يشوطوا و هو ينزل عليه روح "رعد" بتاع "كابتن ماجد"ههه و يطير على الكورة و يصدها و بعديت يعكس اتجاهه قبل ما ينزل على الارض و يطير فى الاتجاه المعاكس علشان يصد المتابعة هههه ....
و فى حاجة كمان مهمة قوى ... اللعبة مش مراعية خطوط الملعب قوى .. يعنى ساعات فى لاعيب بيخرج بالكورة و مش بيتحسب حاجة .... و فى كور حارس المرمى بيمسكها و يقع بيها جوة الجون و برضه بتعدى .. بس الحمد لله الجزء ده اتصلح فى world cup الجديدة

و على رأى عمنا PEPSI - اللى انا حبيته علشان بيحب الفيفا ههههه - آسف على الاطالة الفظيييعة هههههه


ملحوظة : استشهادى بنفسى فى اللعب مش غرور ... لكن انا بقول خبراتى الشخصية فى اللعبة

[فتوح]

مهما اتكلمتوا 2006 زبالة

[ccemgm]

انا راى ان fifa2006 جامدة موت
1- بالنسبة للصعوبة فالصعوبة دى بتخلليها احلى فى راى.
2- بالنسبة للمهارات فالعبة فيها مهارات عالية بس لازم تتعود ازاى تعملها زى التفويت والترقيص والون تو وغيرها.
3-بالنسبة للخطة فى امكانية انك تخلى الفرق يلعب:-
اولا الدفاع:- zone defence, presurre,offside trap ,feed back والاخير يخلى فريقك يهاجم و يرتد للدفاع اول ما الطورة تنقطع.
ثانيا:- الهجوم:-
1- counter attck
2-wing play
3-box over loading
4-3rd man marking
كما ان الفيفا بتعيشك جو الادارة والمعيشة للفريق والمشاكل عكس البرو.


الحرية لايمن نور

[فتوح]

مهما اتكلمتوا 2006 زبالة

[الفارس100]

طيب ممكن حد يشرح بالتفصيل ازاى اشوط ضربة حرة

[hopa102]

اللعبة حلوه بس عيوبة أظن ان احنا متفقين عليها
و أن كانت بتختلف من شخص للأخر