معلومة أزاي تعمل كود في البورصة وتبدأ الجد

[chiccooo]

بسم الله

أولا تصور البطاقه الشخصية الخاصة بيك وبعد كده تروح لأي شركة سمسره تتعامل في البورصه والأوراق الماليه وتطلب انهم يعملولك كود في البورصه وتديهم صوره البطاقه وممكن ياخدوا منك رسوم رمزيه 5 او 10 جنيه في الغالب يعني وبعدين هيطلعلك الكود خلال 3 ايام لأسبوع ( الكود ده مهم ولازم يتعمل في الأول ينفع عربيه تمشي من غير نمر اهوه الكود هوه نمر العربيه)


ثانيا بعد 3 ايام او اسبوع تروح تاخد الكود بتاعك من الشركه وتطلع علي اي بنك وتروح الي قسم الأوراق الماليه فيه عشان تعمل عقد حفظ الأوراق الماليه الخاصه بالمحفظه بتاعتك وانا انصح رأي شخصي بالبنك المصري الأمريكي ولازم ساعتها يكون معاك الكود بتاعك


ثالثا تروح بعد كده لشركه السمسره او اي شركه سمسره تحب انك تتعامل معاها وتعنا عقد وياهم عشان يعرفوا يعملوا اوامر البيع والشراء الخاصه بيك ويتم ايداع المبلغ الذي سوف يتم استثماروا عندهم وبكده يا حلو تكون جاهز للأستثمار في عالم البورصه

:bye10000: :bye10000: :bye10000:

[محدود الدخل]

شكرا على موضوعك ولكن هناك بعض التوضيحات الضروريه....

1/ هناك بعض شركات السمسرع تشترط حد أدنى للتعامل فمثل شركة أي أف جي هيرمس تشترط مبلغ 500 الف جنيه
المصريه الأمريكيه تشترط 250 ألف جنيه وهذا كمثل وهناك شركات لا تشترط حد ادنى مثل شركة النصر وشركة ستارز.

2/أي شركه هتطلعلك كود هتمضي معاها عقد أنك تتعامل فيها...........
(ممكن بعد كده تسحب كودك من اي شركه تانيه تحب تتعامل فيها)

3/ أي شركه هتتعاقد معاها هتبعتك لأمين الحفظ بتاعها (بنك) وبيكون محدد مش بمزاجك وبتختلف من شركه لشركه.

ملحوظه :الي أنت قلته ده يعتبر أخر خطوه في عملية الأستعداد لدخول عالم البورصه..فمن يرغب بدخول البورصه عليه ان يتابع ويتعلم ويحاول يفهم عشان لما يخش يعرف هو بيعمل ايه

وسوف اقوم بوضع موضوع فيه اغلب شركات السمسره في مصر أن شاء الله في القريب العاجل

شكرا على موضوعك الحيوي..

[chiccooo]

شكرا ياباشا علي ردكم الكريم بس انا عاوز اوضحلك معلومه ان مش كل الشركات بتجبرك انك تروح للبنك اللي هي بتتعامل معاه عشان تعملك الحفظ والدليل اني انا لما عملت كده لم تلزمني الشركه ببنك معين او غيروا وكمان لما عملت الكود عن طريقها لم تلزمني ايضا بعمل العقد وياها اما بالنسبه للحد الأدني فأنا معاك لك ده بيكون كويس عشان الشركه تقدم افضل خدماتها الي عدد العملاء الخاصه بيها واللي فاهمين البورصه ماشيه ازاي وكمان تقدر تعمل سمعه كويسه عن خدماتها وده بالنسبه للشركات اللي بتشترط حد ادني كبير للتعامل معاها


اما بالنسبه لان الموضوع ده اخر او اول خطوه انا معاك انها اخر خطوه ولازم الدراسه والبحث وراء الأستثمار في البورصه وخباياها ومخاطرها والتدرب علي هذا الاستثمار قبل الدخول الفعلي لكن وددت ان اضع تلك المعلومات لتكون المرجع لكل رواد هذا المنتدي العظيم لكي يتعرفوا علي هذه الخطوات بعد التدرب واكتباب الخبره

ولكم مني كل التقدير :bye10000: :bye10000:



ياباشا انت تأمر بس

[R O M I O]

تمام اوي البداية دي
بس احب اضيف
ان في شركات تفرض عليك انها مع الكود تعمل معاك عقد وفي شركات لا
---------------------------------------------------------------------------------------------------------------
إن شاء اللة المنتدي يزدهر بنشاطكم معنا