سؤال للأستاذ Ayman XP وكل محترفى ويندوز xp

[midosito]

السلام عليكم

أنا عندى مشكلة غريبة جدا

أنا معايا لاب توب توشيبا لما بأنزله ويندوز اكس بى بألاقى فونتات الكلام مش واضحة أو بمعنى أصح مش زى لما بأنزله على أى جهاز عادى

سألت واحد قاللى أصل اللاب توب بتاعك معمول علشان ويندوز 2003 وعشان أصلح الموضوع ده لازم أحط فونتات الأكس بى فى فولدر إسمه System32

طب أنا مش عارف أجيب الفونتات منين و أحطها إزاى

حد يقدر يساعدنى؟؟؟؟؟

أكون شاكر جدا

[hamada222]

أخى العزيز

موضوع الفونت انك تنقله جواه ملف السيستم مسمعتش عنه بصراحة

بس هقلك على حاجة تتاكد منها عشان الفونت يطلع مظبوط معاك

بعد ما تنزل الويندوز تخش جوه control panel

وبعد كده تفتح ايقونة regional and language options

وتختار الكلمة اللى فى النص فوق languages

وتتاكد انك معلم علامة صح فى البوكسين اللى عندك بعد ما تعلمهم هدوس apply وتكون اسطوانة الويندوز موجودة عشان هياخد منها فيلات الفونت

بعد كده هتختار من فوق regional options وتختار arabic (egypt ودوس apply

وأخر خطوة هتختار من فوق advanced وتفتح الشريط اللى عندك برضه وتختار arabic (egypt
تدوس اوكيه وتعمل ريستارت للجهاز وأن شاء الله يكون العربى سليم فى الويندوز

:clap0000: :icon30:

[ahmed14_khh]

يا باشا أنا عامل الكلام ده كله وأنا بأعمل الويندوز فأنا مش محتاج إنى أعملها تانى

أنا عامل الحاجات دى كلها فى خطوة إختيار اللغة فى تنزيل الويندوز

وشكرا على مساعدتك و مستنى ردود أكثر إفادة

[midosito]

يا مسهل لسة مستنى أى إفادة

[midosito]

لسة مستنى يا رب يا مسهل

[Ayman Xp]

فقط أخبرينى بموديل الجهاز لاحدد لك الحل و هو بسيط إن شاء الله

[midosito]

بصراحة أنا ماعرفش نوع الموديل لكن الراجل صاحب الجهاز فى السعودية دلوقتى وهو اللى قاللى على موضوع الفونتات دى و إن الجهاز متوافق مع ويندوز 2003

انا اللى شايفه انه توشيبا و لاب توب و الهارد 7 جيجا تقربا او أقل

ومتشكر لإهتمامك و مستنى ردك

[midosito]

أستاذنا العزيز أيمن إكس بى
أنا مقدر مشغولياتك و مستنى منك الحل بفارغ الصبر

[إسلام شكر]

السلام عليكم ورحمة الله

أخى الفاضل عندى طريقة ممكن تكون هى الحل إن شاء الله تعالى


1_كليك يمين من على سطح المكتب وإختار (Properties)

2_(APPearance) ومنها إختار(Effects)

3_ضع علامة أمام(Use the Following )

4_ثم إختر (Clear Type) ثم أوكى وأبلاى

بس كدة
ولو نفعت معاك إدعيلى
ومستنى ردك

[Ayman Xp]

إذا لم ينفع معك الخيار الأخير و هو فى رأى ليس بحل
لابد من معرفه الموديل لاعلم جودة الشاشه و وقة كارت الشاشه لاضبط لك الاعدادت و يكون الخط بالحجم الطبيعى