المساعد الشخصي الرقمي

مشاهدة النسخة كاملة : وزير العدل يطلب رفع الحصانة عن ممدوح إسماعيل وابراهيم نافع

hemo1983
18-03-2006, 01:01 PM
طلب المستشار محمود أبو الليل وزير العدل المصري يوم الجمعة من صفوت الشريف رئيس مجلس الشورى رفع الحصانة البرلمانية عن كل من المهندس ممدوح إسماعيل صاحب الشركة المالكة للعبارة الغارقة "السلام 98" وابراهيم نافع رئيس مجلس إدارة ورئيس تحرير الأهرام السابق.

وأكد الوزير في طلبه إلى الشريف على رفع الحصانة عن العضوين حتى يتسنى للمستشار ماهر عبد الواحد النائب العام الاستماع إلى اقوالهما في عدد من القضايا التي تشغل الرأى العام المصري ، وذلك في إشارة إلى ملابسات حدوث كارثة غرق العبارة والاتهامات الموجهه إلى نافع بالضلوع في ارتكاب مخالفات واعمال فساد خلال فترة قيادته لمؤسسة الأهرام.

جدير بالذكر أن إسماعيل غير موجود في القاهرة حاليا حيث سافر إلى العاصمة البريطانية لندن منذ نحو أسبوع ، ولم يصدر ضده أى قرار بمنعه من السفر.:in_love0: :in_love0:





©2006 FilBalad.com.
tony safari
19-03-2006, 12:17 PM
اخيرا الحكومة صحت من النوم ولكن بعد اية...الاولانى ممدوح اسماعيل هرب الى لندن بعد الكارثة....والثانى بعد اكثرمن عشرين سنة نهب جية الحكومة تحسبة بعد ما رايحة الفساد طلعت منة..واشاءاللة ابراهيم نافع هيحصل صاحب العبارة وهيعدوا مع بعض فى نفس الفندق و يطلعولنا لسناهم من عاصمة الضباب...
وعلى هذا المنوال الحكومة ستصرف تعويضات ضحايا العبارة فى سنة 3000
و حسبنا اللة ونعم الوكيل...
hemo1983
19-03-2006, 02:02 PM
أولاً إنتا مش واخد بالك
إحنا كده حرمناهم من مية النيل يعني اللي هرب منهم مش حيقدر يجيي مصر عشان ما يتسجنش و أظن ده عقاب كفاية قوي قوي قوي و خليهم يشربوا مية معدنية في لندن أما بتوع العبارة فالمهم إنهم يأخدوا التعويضات مش مهم إمتي و اهو لو صرفوها عام 3000 حتبقي الفلوس اللي حيأخدوها أثرية و أهو يبيعوها و يبقوا أغنياء
بجد الحكومة بتفكر تفكير عالي قوي أعلي من تفكير الشعب الغلبان ده
ربنا يخليها لنا و يأخدنا
tony safari
19-03-2006, 02:25 PM
هم لو كانوا شربوا من مية النيل يا اخى كانوا عملوا كدة.....يا اخى من يشرب من مية النيل لا يمكن ان يحتل الجشع قلبة...دول اكيد بشربوا مية معدنية..هم معقول يشربوا من مية النيل و الحنفيات الملوثة....المية الملوثة والاكل المسرطن لنا نحن الشعب الغلابة....وعجبى
DeMoN
19-03-2006, 02:34 PM
إيه يا عم الحلاوه دي
و على فكرة أنا موافق بشدة على حوار حرمان المتهمين من مياه النيل
دول أكيد بيتعذبوا دلوقتي من المياه المعدنية النضيفة
الله يكون في عونهم
figo_amr
19-03-2006, 02:44 PM
يارب صبر الحكومه على الشعب ذو العقل المتاخر
يا جماعه افهموا الاول و بعدين اتكلموا
و ياريت لما تفهموا ابقوا فهمونى عشان انا من الشعب المتخلف
شكرا يا جميل على الاخبار الى زى الفل
fastmant
19-03-2006, 04:09 PM
لسه فاكر ، فيه الخير
اكيد اطمن انه زبط اوضاعه في لندن الاول و مش راجع تاني