اللى خبراء صيانة الاجهزة

[therock223]

نوع الجاز >> بانتيوم 4
الويندوز اللى موجود >>> اكس بي بروفيشيونال عادية
الرامات >> 256
كارت الشاشة >> جى بي فورس 4 64
البوردة >>asus
الهارد >> 80
المشكلة >> الجهاز ما بينزلش علية اى نسخة اكس بي Sp1 ولا Sp2 مفيش غير النسخة العادية بس
مع العلم انى فرمطت الهارد كذا مرة عشان انز علية الوينوز وبأكتر من برنامج بردة ما بينزلش الويندوز يا ريت حد يرد علية بسرعة لو سمحت

[hariedy]

انا الاجهزة عندى نسخة مطابقة لجهازك وبنزل عليها سرفس 2 وكمان 3
حاول تصطب نسخة بروفيشنال وبعدين صطب عليها ملفات السيرفس باك
وممكن يكون فى مشكلة فى السى دى الى بتصطب منه

[DIDO_AHMED1979]

جرب تغير الcd
وبعد كده لو منزلتش غير الرامه

[amryano]

لو بتظهرلك الشاشة الكحلى يبقى الرامة بتاعتك htl حقيرة حاول تشترى رامة باص 400 بجد مش مكتوب عليها وخلاص

[therock223]

اولا شكرا على ردودكو كلكو للعلم انا غيرت الرامة عند مهندس الكمبيوتر اللى وديتلو الجهاز وبردة ما بترضاش تنزل عليها اى نسخة لكن انا هغير السيدى روم واشوف اية اللى هيحصل
ملحوظة >> لما بنزل السرفس باك 2 او 1 الملفات بتنزل وكل حاجة وبعد ما يتسطب الويندوز الاقي ييجى الجهاز عشان يفتح يفضل مهنج على كلمة windows xp اعلامة التحميل اللى تحتها تفضل شغالة شوية وبعدين تقف والاقي الجهاز فضل واقف ما بيشتغلش

[therock223]

يا ريت سرعة الرد لو سمحت يا جماعة

[therock223]

يا جماعة بجد يا ريت حد يرد عليا لان فعلا الجهاز بتاعى بدأيخرف اوى وانا عايز حل سريع لية

[amryano]

معروف عن الاكس بى انة حساس اوى فى موضوع الرامات دة وموضوع الرامات دة موضوع كبير مش بينتهى بمجرد قراءة كلة pc400 على الرامة ممكن يكون المكتوب حاجة والحقيقة حاجة تانية
استلف رامة kingston من واحد صاحبك وحاول تنزل بيها سيستم ورجعهالوا تانى بعد المحاولة
مكانتش رامة مع انى شبة متأكد اشترى انبوبة akai واغسل البوردة والبروسيسور والرام ونشفهم كويس ونظف الكيس وشيل اى حاجة من تحت البوردة عشان متسخنش منك وبص على سرعة دوران فانة البروسيور فى شاشة السيتأب
كل دة فى حركة واحدة طبعاً :)
ومتقلقش بسيطة انشاء الله مادام البروفيشنال الفاضى بينزل معاك عادى

[therock223]

اولا الف شكر ليك يا باشا على ردك جدا
ثانيا انا فعلا غيرت الرامة وبردة مش راضي ينزل الويندوز ومروحة الفانا لسة جديدة وسرعتها كويسة جدا وبعدين كمان احنا في الشتا استحالة البوردة تسخن كمان
انا اديتة لمهندس كمبيوتر قالي واللة انا مش عارف العيب اية دا بعد ما اعد الجهاز عندة اسبوع في المحاولات معاة

[therock223]

بس انا ان شاء اللة هحاول انضف البوردة كويس دا الامل الوحيد واشوف
على فكرة انا البروسيسور عندى 2.4

[shuma]

أقفل البيوس في البوردة وجرب تنزل الويندوز لو منفعش أعمل updateللبيوس بتاع البوردة

[beik]

اخي الفاضل اتصل بي علي 0106880704 وانا مستعد للمجئ اليك في القاهرة وتقديم المساعدة مجاناً .
احمد عبد الحكيم

[NouR KaDsH]

فى حل حلو

ممكن تنزل ويندز 98 وتعمل من الاكس بى ابجريد ل98

على السى

واكيد حيشتغل معاك

ودة انا مجربه كذا مرة

فى بعض الاجهزة اللى شبيهه بجهازك

[therock223]

شكرا ليكو وللردود يا جماعة
وشكرا للاخ Beik بس بجد انا مش عايز اتعبك عموما انا هقفل البيوس واشوف وان شاء اللة هرد عليكو
وشكرا ليكو يا جماعة على تقديم المساعدة لية

[NASSERMOHAMED]

المشكله فى البورده وغالبا بسب ال usb وللتاكد اقفل مسارات الusb , serial port , lpt ,parll port وجرب وان شاء الله تشتغل اخوك فى الله .

[spik1010]

ممكن يكون السبب من كارت الشاشه شوف كده كارت الشاشه اذا كان بيسخن وحاول تجرب كارت تاني وشوف اما تحلتش المشكله دي جرب هارد تاني
بس غالبا بكون المشكله دي من البرده

[Biggerboy]

جزاك الله خيرا

[محمد المرغنى]

اقفل البيوس بتاع البردة وان شاء الله النسخة تنزل وبعديين الموضوع ده بيحصل بسبب الرمات وانت بتقول مغيرها شوف البيوس وان شاء الله خير

[ISLAM_PC]

على فكرة المشكله فى البردة
لانى عانيت كتير اوى من الحكايه دى وكانت اسوس

[samirgad]

اولا البردة الاسوس ما تقلقش منها
ثانيا انصحك بفك كل الكروت من البردة خاصة الفاكس ما عدا الفيجا طبعا
ثم حاول انزال الويندوز فربما كانت المشكلة فى احد الكروت