واخيرا..شركة المحمول الثالثة !!

[The Blue Heaven]

توقعت مصادر معرض القاهرة الدولى العاشر لتكنولوجيا المعلومات والاتصالات أن يتم الاعلان عن طرح الشبكة الثالثة للمحمول فى مصر خلال أيام المعرض والمؤتمر الذى يقام خلال الفترة من الخامس إلى الثامن من شهر فبراير الجارى فى مركز القاهرة للمؤتمرات ويفتتحه الدكتور طارق كامل وزير الاتصالات بحضور عدد من الوزراء

وأوضحت مصادر المعرض أن المنافسة محتدمة بين كل من شركات :
1 - إتصالات "الإماراتية"
2 - "إم تى سى" الكويتية
3 - "بتلكو" البحرينية
4 - "تليكوم إيطاليا"
5 - إضافة إلى الشركة المصرية للاتصالات

* على الفوز بالشبكة الثالثة للمحمول فى مصر حسبما ذكرت وكالة انباء الشرق الاوسط

[ghost_2283978]

الف شكر يا باشا على المعلومه بس اسالك سؤال هى الشركه دى اللى هى شركه موبايلى ؟
و لا شركه تانيه فى مصر

[moodyy25]

شكرا على الخبر واحنا فى الانتظار

[nossir2]

يا رب تكون اتصالات الاماراتية

أصل انا كنت عايش في الامارات وبصراحة الشركة دي ممتازة في كل حاجة

وكل الخدمات الجديدة بتدخلها وبأسعار رخيصة جدا

[gemy_000]

هههههههههههههههههههههههههههههههههههههههههههه

[®Martindale]

شكرا على الخبر واحنا فى الانتظار

[مُحب الرحمن ورسول الله]

اتمنى معاك بس ازاى ممكن؟!.
وشكراًَ على الخبر يا اكرم

[The Blue Heaven]

اتمنى معاك بس ازاى ممكن؟!.
وشكراًَ على الخبر يا اكرم

يا باشمهندس الموضوع فعلا جارى التنفيذ

ويقال ايضا ان هناك شركة روسية عملاقة سوف تنضم للمناقصة

و على فكرة كمان انضمام الشركة الثالثة اتأخر

لانة كان المفورض من السنة اللى فاتت

[hamada_hassan_e]

مشكووووووور على الخبر

[mazzikaa2]

الف شكر علي المعلومات الجامدة دي ياجميل
انت فعلا جامد

[stohe]

اتمنى معاك بس ازاى ممكن؟!.
وشكراًَ على الخبر يا اكرم

يا باشا تم فتح باب شراء كراسة الشروط من اليوم أمام الشركات المتنافسة .

يعنى الموضوع فى خلال أسابيع حيكون متحدد الشركة الثالثة أن شاء الله

[Mouhab]

شكراًاًاًاًاًاًاًاًاًاًاًاًاًاًاًاًاًاًاًاًاً

[مُحب الرحمن ورسول الله]

يا باشا تم فتح باب شراء كراسة الشروط من اليوم أمام الشركات المتنافسة .

يعنى الموضوع فى خلال أسابيع حيكون متحدد الشركة الثالثة أن شاء الله
انا اتمنى انا اكره يعنى يا ريت والله هتكون نقله كبيرة جداً وشكراً للاضافة

[مُحب الرحمن ورسول الله]

يا باشمهندس الموضوع فعلا جارى التنفيذ

ويقال ايضا ان هناك شركة روسية عملاقة سوف تنضم للمناقصة

و على فكرة كمان انضمام الشركة الثالثة اتأخر

لانة كان المفورض من السنة اللى فاتت
وروسيا كمان يا أكرم هههه يا ريت والله زى مقولت هتبى اضافة وكفاية احتقار بأة
ويا خوفى انها نسخة مكررة من الشركتين حالياً ربنا يستر وشكراً للخبر مرة تانية يا اكرم

[businessteam86]

يارب تبقي الشركه المصريه والله لو حصل لاشترك فيها وزي ما تكون كفايه انها مصريه في زمن بئت كل حاجه فيها صيني ومتشكرين علي الاخبار

[mohamad_saeed90]

يا ريت يكون كلامك صح ونخلص من حالة إحتكار السوق اللى عاملاها الشركتين بتوع المحمول و متكونش شركة الإتصالات هى اللى تفوز لأنهم حرامية أصلا فى التليفون الأرضى و يجعله عامر :harhar10:

[the genius]

ياريت واللهى اى شركه خلى الاحتكار دا يخلص من علينا ونكون زى بقيت دول العالم فى الاسعار...

[حـسـام عـلـي]

شكرا علي الخبر
انا بتمني تكون شركه عربيه مائه في المائه

[shapharma]

ربنا يكرم
ولو الشركة الثالثة حاتعرض اسعار وتكلفة منخفضة ( وهذا المتوقع )
اظن ان الشعب حايحولها

بس ربنا يستر ووزير الاتصالات مايحطش حد ادنى لتخفيض التكلفة
وبكده يبقى كان حاجة ماحصلتش

[Totti_37]

شكرا على الخبر وياريت بقى يحصل علشان نخلص من الاحتكار الموجود

[The Blue Heaven]

يا باشا تم فتح باب شراء كراسة الشروط من اليوم أمام الشركات المتنافسة .

يعنى الموضوع فى خلال أسابيع حيكون متحدد الشركة الثالثة أن شاء الله

يارب خلينا نخبص بقا من الاحتكار

بس ياريت تبقا اى شركة ميعرفوش يتفاهمو معاها علشان ميتفقوش علينا :busted_r:

[eshtayaba]

شكرا على الخبر :)

[ahmed2005coco]

وليه متكنش المصريه للاتصالات هى الشركه التالته للمحمول

[samo_92000]

وليه متكنش المصريه للاتصالات هى الشركه التالته للمحمول
يا باشا الكل عارف ليه
انت مبتسمعشي عن ارتفاع الفواتير في الفترات الأخيرة ؟

[DBA_3etman]

على فكرة
ما تنتظروش أخبار قريبة تاني عن الموضوع دة , لان فتح المظاريف و أعلان أسم الفائز بالرخصة هايكون في نضف أبريل 2006

يعني لسة كتير على ما نتكلم في الموضوع دة
و ياريت الحماسة ما تاخدش الكتير مننا و نتعاطف مع الشركات المصرية
دخول أستثمارات اجنبية جديدة في المجال دة افضل من ان الموضوع يقتصر على المصريين لأن دة بيوفر فرص عمل جديدة بدون التأثير على الموارد المتاحة حاليا
و ربنا يقدم اللي فية الخير

[hamadayousry]

شكرا علي الخبر

[hossen58]

يا ريت يبقي الخبر ده صح

[mkg1211]

first alsalm alikom
second sorry for writing in english as arabic now is not aviliable
I am workinh in vodafone , we think that Itesalat will win this copetition
بس ربنا يستر ووزير الاتصالات مايحطش حد ادنى لتخفيض التكلفة
وبكده يبقى كان حاجة ماحصلتش
for sorry it is really , that Nazeef put minimum charge for mint 30 pt
and by the way el masraya leletsalat (i think) will not take the license
cus it had a license but vodafone and mobinil paid it a good amount of money and vodafone sign a partnership with it
for any more information do not hesitate to contact me

[abdo_barody]

شكرا

أخيرا أصلى اتخنقت من موبينيل وفودافون :crazy000: :crazy000:


خلينا نغير حبه شويه:clap0000: :clap0000: :clap0000:





:sly00000:


و ياترى اسمها ايه:msn-wink:

[ThunderHeart]

انا نفسى طبعا تكون الشركة الثالثة شركة عربية
بس انا موافق الاخ shapharma فى قلقه ، لأن لو الوزير حط حد ادنى للتكلفة هيبقى مفيش اى حاجة حصلت

[urheart]

انا سمعت عن كده برضه والكلام ده جه فى النشرة البيومية وحددو ميعاد طرح الاسهم من حوالى شهر والبدا فى خدماتها هيكون فى أواخر 2007
ربنا يديكو طولة العمرش

[kim0o0]

اي شركة
غير الجماعة الاستغلاليين بتوع مصردول
ده افترى
مصر فيها اغلى مكالمة موبايل ف العالم..........................ازاااااااااااااااي
احنا لاقيين ناكل
ربنا هيفرجها ان شاء الله

[lolobest_lolo]

الف شكر ع المعلومات الجامده دى .. وياريت بقى ينجزوا عشان الواحد اتخنق من الشركتين اللى شغالين دلوقتى

ويارب تكون الشركه الجديده احسن من الموجود حاليا ...

بالتوفيق ان شاء الله ...

[القلب الأسود]

مشعارف أخرت كده ليه بس يا ريت تكون حلوة والشبكة بتاعتها جامدة
مش بتقع كتير


وشكرااااااااااا على الخبر

[Eng.3mrlizm]

يا رب تكون اتصالات الاماراتية

أصل انا كنت عايش في الامارات وبصراحة الشركة دي ممتازة في كل حاجة

وكل الخدمات الجديدة بتدخلها وبأسعار رخيصة جدا

فعلاً أنا قلبي بيتفتح لأي حاجة من الإمارات كأنها يعني مصرية مش هنقول لأ

العالم دول حسبوها صح

و شوفوا بقي دلوقتي بقم عاملين دلوقتي إزاي في عالم التكنولوجيا

بس عندي حاجة عايز أستفسر عنها

هل شركة موبايلي مالهاش كرسي في المنافسة دي ؟

بسأل ليه السؤال ده !! علشان من كام يوم شفت إعلان فيه واحد بيكلم أمه و يقولها أنا في جدة
و مش عرف جابو سيرة الكشري ليه :msn-wink:

و بعدها جابو واحد بيتكلم إنجليزي

و باين جابو كمان واحد بس مش فاكره

و بعدها كلمة موبايلي في وسط الشاشة

و تحتها شوية أسعار

فأنا ما فهمتش الإعلان ده لأني ما إستوعبتوش كويس

فلو سمحتو أي حد شاف الإعلان يقوللي هما يقصدو إن شركة موبايلي هتخش مصر ؟؟

إنما شركة المصرية للإتصالات

حسبي الله و نعم الوكيل فيها و في كل مليم حرام خدته مننا

دول عالم جشعة

و الله عالم جــــــــــــشــــــــــــعـــــــــــة

يعني إيه علشان تتصل علي موبايل بــ 700 جنيه بالحق

و في الفاتورة اللي بعدها تيجي الموبايل 400 بالباطل
و أتحدي إن أنا مااتصلتش علي موبايل دقيقة واحدة علي بعضها في الفاتورة التانية دي

يبقي خانة الموبايل دي إتملأت إزاي :sly00000: حسبي الله و نعم الوكيل

و كان حلي الوحيد لإيقاف المهزلة دي
إني رحت شيلت كل الخواص و سيبت المحلي

و الله يا جماعة ما بيصدقو يعلموا علي الفواتير علشان تفضل تيجي بنفس المعدل في كل فاتورة

و أنصح أي واحد فاتورته جالها إنــــتـــفــــاخ :fruits_c:

يروح يوقف كل الخواص و يخليه يدوب محلي و ID و خلاص لمدة شهرين و لا 3

و أتحداه إنه مش هيقدر ما يدعيليش

و المفروض بقي يا مشترك يا مصري

أنك تطالب بأن الشركة تنزل أسعار محددة لكل الخدمات و تكون معلنة

و أظن الكلام ده نتمناه كلنا

و الله ممكن ينفع معاهم موضوع المقاطعة ده

يعني نقاطعهم لمدة شهر واحد و نخرب بيوتهم

و نستخدم في الشهر ده الموبايلات

و بعدها أكيد إن شاء الله هيعاملو المشتركين معاملة مثالية

و طبعاً ده تحت شعار

المصرية للإتصالات ..... بـــــــــتــفــلــســنــا كلنا

قال بتوحدنا قال

[shapharma]

ههههه
مضبوط يا عمرو صبري

وعلى فكرة
انا ممن يعتقد ويؤمن بأنه عندما تأتي الشركة الثالثة ( هذا ان اتت )

بأنه لن يكون هناك فرق ....لماذا ..؟؟؟

لأن الشركتين الموجودتين سيبذلان المستحيل لمجاراة الشركة الجديدة والا ستفلسان

[ZerOo_CodE]

أنا قريت الخبر دا فى الجرايد بس مش متأكد من صحته
إنتوا عارفين جرايدنا
ثقة ثقة يعنى

[The Blue Heaven]

شكرا ياجماعة على الردود

والله هو اى شركة ان شا الله شركة (الفنكوش للاتصالات)

هنشترك فيها برضو