طلب عاجل بانشاء فريق للقسم للشروحات [الأرشيف] - موقع الدي في دي العربي

المساعد الشخصي الرقمي

مشاهدة النسخة كاملة : طلب عاجل بانشاء فريق للقسم للشروحات

incubus

04-01-2006, 01:31 PM

incubus

06-01-2006, 05:20 AM

طيب وبعدين؟
محدش ال اي حاجه
زي ميكون مش اقتراح
عموما اي كلمه اعرف رايكم وخلاص انشالله ارمي كلمه لا وامشي

modyyy55

06-01-2006, 06:41 AM

عزيزى إنك

أنا من رأيى إن إقتراحك هايل

لإن فعلا الواحد تايه فى قسم البرمجة

و ممكن تبعت رسالة للأستاذ
ِ

Ayman XP

تقول له على إقتراحك

ده رأيى

سلام يا غالى

alahlawy

06-01-2006, 08:10 AM

بسم الله الرحمن الرحيم
اخى الفاضل اقتراح جميل جدا و صدقنى احنا والله مشغولين بس بالامتحانات مش اكتر عشان كده مابندخلش على المنتدى كتير
و اوعدك اننا ( مشرفين البرمجه ) ان شاء الله نفكر فى الموضوع بجدية لان بصراحه انا والله كان نفسى فى حاجه زى كده و على العموم خلينا نشوف ردود افعال الناس و اقتراحاتهم عشان اما نعمل حاجه زى كده نعملها بالشكل اللائق ان شاء الله و اوعدك انى اكون اول المنضمين لفريق الشرح و صدقنى بالنسبة لحوار التوهان فالمشكله فى اللى بيسأل نفسه مش فى اللى بيجاوب :)
لان مثلا انا فاتح موضوع لل c sharp تلاقى واحد سألنى فى ال c plus plus ولا تلاقى واحد فى منتدى البرمجة فاتح موضوع جديد عشان يطلب برنامج ولا كراك لبرنامج طب يعنى هو منتدى البرمجه اتعمل لكده :)
ماعلينا
ربنا يوفقنا ان شاء الله و انا بقولك انى و كل مشرفين منتدى البرمجة معاك فى الفكرة دى و ربنا يجازيك كل خير عليها و ان شاء الله نشوف اقتراحات المشاركين فى المنتدى و نظبطها بطريقة احسن من كده

incubus

06-01-2006, 06:19 PM

يامسهل يا اخ اهلاوي لاني بنادي في الفكره دي من زمان وابتديت من غير ميساعدني اي حد في موضوع شرح الفيجوال بيسك 6 اي نعم هو مش صعب قوي بس برضه اراء اي حد تاني في الموضوع تساعد زي مثلا زود هنا حاجه او البرنامج ده صعب او كذا او كذا انت فاهم يعني
وعموما انا بتمنى ان القسم هنا يضاهي المنتديات المتخصصه بره من غير ذكر اي اسماء
والله يوفقنا كلنا
والسلام ختام
وكل عام وانتم بخير

alahlawy

08-01-2006, 01:45 AM

بسم الله الرحمن الرحيم
ان شاء الله يا رياسه ربنا يحقق فكرتك و زى ما انت قولت انت و غيرك شغالين فى الموضوع ده و بادئين فى الفكرة من زمان فيعنى ماهياش صعبة العمليه و صدقنى على فكرة فى ناس كتير و الحمد لله طبعا اتحمسوا من غير مانطلب منهم و اما شافوا ان فى ناس بتشارك و بتسأل و ناس بتجاوب و كده ابتدوا يساهموا زى ما انت وضحت و لو بحاجه صغيرة و ده شئ كويس جدا و هو ده المطلوب ان كله يشارك و ان شاء الله القسم هنا يبقى ليه شأن كبير بس ربنا يسهل بس و نخلص ع الاقل من امتاحانات التيرم ده :)
و كل عام و انت كمان بخير :)

dr_waleed

09-01-2006, 06:40 AM

ارجوا وضع اسس لاختيار فريق عمل للنهوض بقسم البرمجه وضبطه على اسس وقواعد سليمه
فمن الملاحظ في الاونه الاخيره ان الكل متخبط فالكل يسال عن اي شئ في كل مكان ولا يوجد ضوابط محدده للاسئله حتى تعم الفائده فلا من سال استفاد ولا من قراء السؤال افاد واختلط الحابل بالنابل
لذا اقترح انشاء ركن او قسم لكل لغه برمجه كالفيجوال بيسك دوت نت والسي والسي شارب والسي بلسبلس
كما اقترح انشاء فريق عمل يتكون من اعضاء متخصصين في لغات البرمجه المختلفه ليتعاونوا كل في قسمه لكي ينهضوا بالمنتى لينافس مثيليه في هذا القسم
ارجوا من المشرف عمل اعلان في المنتدى لكل من يستطيع متابعه شرح لغه برمجه ان ينضم للفريق وتقسم المهام بين كل مجموعه لغه برمجه واحده
وشكرا لكم
اخوكم
incubus

انا اضم صوتي لصوتك بشدة في الموضوع ده
واكبر مثال على كده منتدى التطوير .. الواحد دخل وهوة مش فاهم حاجة خالص وخرج منه عامل موقع ومنتدى وهاكات وستيلات وحاجات كتير كنا فاكرينها الغاز
جزاهم الله كل خير ما بخلوش علينا في حاجة
اتمنى اني ادخل منتدى البرمجة واخرج منه برده ان شاء الله مبرمج
وجزاهم الله كل خير برده

ياريت كل واحد فاهم في لغة محددة يعمل دروس او كورسات في موضوع واحد وجزاكم الله كل خير

والسلام

mohsh12

13-01-2006, 09:57 AM

mahamedopo

13-01-2006, 10:17 PM

السلام عليكم ورحمة الله وبركاته
والله الفكرة هايلة والكلام دة مطبق فعلاًُ فى منتديات برمجة كبيرة جداً على مستوى العالم وياريت نطبق النظام دة هنا كمان
على الأقل لما حد يجى يسأل يبقى عارف هيسأل مين وفين بالضبط
واربنا يوفقنا جميعاً ونخلى المنتدى من أكبر المنتديات البرمجية المعروفة علشان نشرف Dvd4arab

mohsh12

15-01-2006, 05:56 AM

مساء الخير :::.....

انا معاك يا باشا في الكلام المهم دة ....؟؟؟؟ لان انا بدخل قسم البرمجة مش بحس انة قسم برمجة بحس انة قسم ...............

وانا مع اقتراحك يا باشا وربنا يوفاك بما هو خير والمنفعة العامة للناس .....

محمد شريف

ولك تحياتي .....

مساء الخير :::.....

علي فكرة يا اسامة انتا لو القيت نظرة في المنتدي كلة ودخلت في الاقسام بتاعته ......................... والقيت نظرة على القسم بتاع البرمجة ..؟؟؟؟

؟؟؟؟؟؟ كنت عرفت معني كلامي

incubus

16-01-2006, 02:27 AM

جميل اني لقيت حد يعبر ....... المهم , ياريت توصلوا اصواتي للمشرفين هنا وخصوصا قسم البرمجه اللي منفضنلي على الاخر
بس هنعمل ايه؟؟

alahlawy

16-01-2006, 04:00 AM

بسم الله الرحمن الرحيم
ايه ياعم incubus هو انا مش عاجبك ولا ايه :)
والله ياعم انا مشرف منتدى البرمجة انا و احمد السيد و انا كلمت الراجل و هو ماعندوش اى اعتراض بس طبعا بعد الامتحانات :) :)
ايه ياعمى حلمك علينا شوية :)
منفضنلك فين بس ياعم الحج
المهم انا بفتح باب التطوع هنا فى الموضوع ده و كل واحد يقدر يشرح حاجه معينة او شايف انه كويس فى حاجه معينة و ماعندوش مشاكل يتطوع فيها و يقول عن الجزء اللى هيقدر يشرحه و انا عن نفسى بتطوع بعمل كورس كامل لل c sharp ان شاء الله
و بقول انى مستعد اشرح MS-Sql , Com plus Applications , Xml web services , Asp.Net , Ado.Net , Oracle 10g , sql plus and pl sql
Assembly language و أظن كفاية كده :)
هو انا ماقولتش هشرح دول كلهم بس طبعا حسب اللى الناس عايزاه اكتر و مايمنعش انى برحب بأى سؤال فى أى حاجه تتعلق بالمواضيع دى بس بلاش اسئلة تقيلة فى ال assembly :)
المهم انت شوف هتقدر تشرح ايه و هل مستعد تشرحه من الالف للياء زى ما انا قررت ان شاء الله انى اعمل كورس مكثف لل c sharp و ربنا يقدرنى و يقدم اللى مافيه الخير لينا كلنا
اتمنى اشوف متطوعين للشرح و مايمنعش ان الاسئلة شغالة برضه و اى حد عنده سؤال فى اى حاجه يسأل و ان شاء الله العملية دى ننظمها اكتر بعد الامتحانات و نعمل جزء خاص لكل لغة بحيث اللى عايز يسأل يسأل فى الموضوع الخاص بكل لغة ان شاء الله
شد حيلك بئة و هاتلى متطوعين :)

incubus

17-01-2006, 07:34 AM

جميل ان في ناس يا استاذ اهلاوي لسه بيدورو على مصلحه الناس التانين اليومين دول
زي الدكتر وليد اللي مستعدين يضحوا بشويه من وقتهم من غير ميعود عليهم باي فايده بالعكس دول ممكن يكونو مضرورين
انا بشكرهم من كل قلبي
اما موضوع انك مش عاجبني كمشرف والكلام ده فانا مقلتش حاجه لكن انا ملاحظ ان القسم متبهدل (بصراحه ومن غير زعل) ومش كلامي لوحدي
اما موضوع انك وراك امتحانات فبصراحه من ساعه اما دخلت القسم وهو اقل اقسم في المنتدى كله من ناحيه التنظيم (مع انه برمجه يعني مبني على المنطق والتنظيمن) يعني من قبل الامتحانات بكتير
دي حاجه الحاجه التانيه
لو في خطه للتطوير للقسم ياريت تخصص ركن لكل لغه برمجه واي موضوع متعلق بلغه برمجه تانيه يا يتنقل للقسم بتاعه يا يتحذف علشان يكون في ترتيب
وياريت المواضيع المكرره تحذف لان في ناس بصراحه عاملينها ميغه في القسم وكل واحد مردش على سؤاله حد بيعمل موضوع جديد وهكذا غير كده في ناس ملهاش في البرمجه ولا حتى في(الامؤاخذه الكوسه) بتخش القسم وتكتب موضوع عن انها عايزه نظام اكس بي او عايزين برنامج لازاله مش عارف والسؤال اللي بيطرح نفسه هناهل لده علاقه بالبرمجه؟؟؟؟؟؟؟؟؟؟؟؟؟؟؟؟؟؟؟
بالاضافه الى في حاجات كتير حلوه تستاهل التثبيت ومبتتثبتش وفي حاجات ممكن تتثيت لفتره طويله مع ان اللي مثبت الموضوع كاتب عليه لفتره؟؟؟؟؟؟؟
في النهايه انا بعتت لاستاذ ايمن اكس بي (ومش عارف بصراحه هل هو مشرف في قسم البرمجه ولا لا) لاني بعتله رساله خاصه ومردش عليه خالص ولا كاني بعتله رساله (بس تحت اسمه مكتوب انه مشرف هنا؟؟)
والرساله كانت طلب تثبيت موضوعي البرمجه بالفيجوال بيسك 6

واخيرا وليس باخر اشكرك يا سيدي الفاضل لسعه صدرك وارجوا ان يكون نقدي بناء وليس هداما وارجحوا ان يوفقنا واياكم العلي القدير لما يحب ويرضى
والسلام عليكم ورحمه الله

alahlawy

17-01-2006, 10:56 AM

بسم الله الرحمن الرحيم
سيدى الفاضل انا لم أقل ان منتدى البرمجة فى مستوى لائق و لكن يكفينى فخرا أن من يطلب شئ يجده و هذا المراد
و بالنسبة للمشاركات الغير متعلقة بالبرمجة فالهدف من تركها هو قضاء الحاجه لصاحبها
أولا معظم من يكتب مشاركات ليس لها علاقة بالبرمجة يكون من الاعضاء الجدد الذين ليس لهم خبرة فى التعامل مع منتدى الدى فى دى نفسه ولا يعرفوا اركانه جيدا
ثانيا العديد ممن طلب برامج او خلافه مما ليس له علاقة بالبرمجة تم الرد عليه من الاعضاء نفسهم و هذا هو المراد
مساعدة الناس ليس الا
يعنى من الاخر المهم ان اللى يعوز حاجه يلاقيها
و ده كان الهدف فى الفترة اللى فاتت قبل حوار التنظيم و كده
و ثانيا بالنسبة لانك بتقول ان المنتدى حاله وحش من قبل الامتحانات فانا احب اقولك ان اصلا ماكنش فى حاجه اسمها منتدى برمجة و كان قسم فى منتدى الشبكات
و اما بئة منتدى مستقل لم يتم تعيينى انا و احمد السيد مشرفين الا من حوالى اسبوعين على اكثر تقدير و اظن الامتحانات مبتدئة قبل هذا الموعد
و احب اقولك ان احنا السنة دى بس كان مطلوب منا خمس مشاريع و دى اصعب سنة فى كليتنا معروفة يعنى
بالنسبة للمواضيع المكررة انا لم اقوم بحذفها فى السابق كما اوضحت اليك انه الهدف ان يجد السائل غايته ليس الا
علما بأننى لا احبذ عدم التنظيم ولكن كما قلت لك "المصلحة العامه"
و على العموم عشان تريح نفسك
انا و احمد متفقين ان شاء الله فى الاجازه نحذف جزء كبير من المواضيع و هنعمل حاجات لزيزة و منها اننا نحدد قوانين بان مثلا اللى يسأل سؤال معين فى حاجه لو تم الرد عليه سيتم حذف الموضوع بعد حوالى 10 ايام و اذا لم يتم الرد عليه سيتم ترك الموضوع لمدة عشرين يوم ثم يتم حذفه
طبعا ماهو ماحدش هيقعد عشرين يوم عايز سؤال فى حاجه و لسه ما جبش اجابتها
و بالنسبة لاستاذ ايمن اكس بى فهو مشرف عام فى المنتدى يعنى مشرف على كل المنتديات و منها منتدى البرمجة و الراجل مش نفضلك و لا حاجه لكنه مشغول جدا اليومين دول و هو طبعا لمكانته و مساهماته الوفيرة فأنا و احمد السيد نعتبره المشرف الحقيقى لمنتدى البرمجه و بالنسبة لتثبيت الموضوع ياسيدى ولا تزعل نفسك هثبتهولك انا
و على فكرة انا عمرى ماثبت ولا موضوع و خصوصا مواضيعى و اللى مثبت اى موضوع يخصنى هو ايمن نفسه لو شاف انه موضوع ليه لزمه و على فكرة فى مواضيع مهمه طرحتها و ماكنش عليها اقبال فلم يتم تثبيتها من ضمن ايمن لانه شاف ان طلاما ماعليهاش اقبال يبقى مافيش ناس كتير محتاجاها و ده المقياس فى تثبيت المواضيع
ايضا الاخ تيميه فهو كان مشرف منتدى البرمجه قبل فصله و قام بمجهودات وفيرة و أظن مواضيعه اللى طرحها هنا خير دليل و مساهماته كلها واضحه و ماهياش من نوع مشكووووووووووووووور و كتر الف خيرك و الحوارات دى :)
المهم يعنى انا اتمنى اشوف اقتراحات من الناس اكتر من كده عشان ماحدش يقول نظمنا المنتدى على مزاجنا و صدقنى كلمك احنا واخدينه بعين الاعتبار و اقتراحاتك و اقتراحات جميع الاعضاء تمت مناقشتها و ان شاء الله فى جديد
و شكرا لاهتمامك بس مافيش داعى النيل من القسم نفسه و قول انه "متبهدل" او كده ولا انه اقل قسم من ناحية التنظيم لان انا فى الفترة اللى فاتت كان همى اللى عايز حاجه يلاقيها و كنت بتضايق جدا اما الاقى واحد طارح موضوع مالوش علاقة بالبرمجة
و الحمد لله مافيش حد احتاج حاجه و مارديناش عليه و ربنا يكرم الجميع و يهدينا و اياك لما يحب و يرضى
و عليكم السلام و رحمة الله و بركاته

incubus

18-01-2006, 08:48 AM

السلام عليكم ورحمه الله
اولا انا بشكرك على تثبيت موضوعي بس الفكره مش فكره اني بسعى للتثبيت لمجرد يبقى موضوعي متثبت لا انا بسعى لكده لسببين الاول اني تعبت فيه بجد وعلى ما اعتقد انك شفت الموضوع من اوله فاذا كان اللي بيخش القسم يطلب موضوع عن اي حاجه تانيه غير البرمجه او يخش القسم علشان يكتب طلبه مرتين وثلاثه اديته عنايتك وقلت انه يطلب علشان ياخد اللي هو عايزه علشان الفايده تعم فالمفروض انا اولى باعتباري من الاعضاء اللي بيقدموا جهد في القسم بشكل واضح!!!!!!
ثانيا بسعى للتثبيت لان ممكن اللي يخش على القسم مخيبصش فيه غير على الصفحه الاولى او يبص على المواضيع المثبته وانت عارف انه مع الوقت ممكن الموضوع يروح تاني او تالت صفحه فممكن الفايده تكون اقل وموضوع ان مفيش تفاعل مع الموضوع مش ذنبي اتن الكل بيخش يطبق ويخرج من غير كلمه شكر واحده

الحاجه التانيه انا مكنتش اعرف انك لسه ماسك القسم حديثا لان موضوع الاشراف ده مواله كبير فانا بعتذر عن حته ان القسم متبهدل من قبل الامتحانات ( ولو اني كنت عايز القسم افضل من كده)
الحاجه التالته ياريت موضوع العشرين يوم والعشر ايام بتاعه المواضيع تعيد حساباتك فيها وياريت تفكر في انشاء اركان كل ركن بلغه برمجه واحده يعني مثلا ركن السي يلم كل لغه السي من اول السي شارب (مثلا) لحد السي العاديه والدوت نت وكذلك البيسك من اول البيسك العادي (ده لو فيه حد عايز يطرح مواضيع فيه يشرحه او يسال) لحد الدوت نت وهكذا او التقسيم اللي يريحك باعتبارك مشرفنا
في حاجه اخيره وياريت تاخدها بصدر رحب من اخ ليك
موضوع انك ماثبتش اي موضوع ومواضيعك كان بيثبتها الاستاذ اكس بي يعتبر قصور من سيادتك لان المفروض الموضوع اللي يتثبت لازم يكون فيه معايير ثابته يتفق عليها مسبقا من المشرفين اللي ماسكين القسم (وكل قسم يكون لوحده في المعايير دي يحطها بمزاجه لان كل قسم بيحمل سمه مميزه له) فاذا انطبقت المعايير انطبق التثبيت
وفي النهايه احب افكرك بخطبه ابو بكر لما طلع على المنبر وقال (ايهاالناس اني قد وليت عليكم ولست بخيركم ....الخ) مع انه كان افضلهم!!!!
اخي الفاضل ارجوا منك انك متكونش زعلت لكلامي الصريح معاك وارجوا ان القسم تحت الاشراف الجديد ليك انت والاخ الفاضل احمد السيد يكون في ابهى حالاته
وشكرا ليك مجددا
اخوكم
Incubus

alahlawy

18-01-2006, 03:07 PM

بسم الله الرحمن الرحيم
أولا أنا بشكرك على رأيك الصريح
و أنا فعلا مش مثبت الموضوع بتاعك عشان انت قولتلى ثبته بس صراحة ده كان أول مرة ادخله و انا فى العادى مش بقرأ حاجات ال vb لأنى زى ماقولتلك ماليش فيه و ماكنتش لسه اتعينت مشرف عشان اهتم بالمواضيع كلها مش اللى يخصنى بس و اللى بفهم فيه بس فعشان كده اما قرأته لقيته فعلا يستاهل التثبيت و ده السبب الرئيسى انى ثبته و اظن دى حاجه تبسطك :)
و حوار انى مش بثبت مواضيع لانى كما وضحت لك العملية مش عملية الموضوع مستاهل او معايير العملية عملية ان يكون فعلا الناس محتاجينه و حتى لو انا تعبت فيه و انا ما احبش عشان معايا صلاحية يبقى اثبت موضوع ليا انا شايفه مهم فى حال ان الناس كلها شايفه مالوش لزمه
لكن لو موضوع يخص غيرى و تعب فيه هثبته حتى لو مافيش اقبال اوى عليه المهم انه تعب فيه و ع الاقل نثبته لفترة
بس صدقنى فى مشكلة كمان فى اللى بيطرح موضوع نفسه
تلاقى خمس او اربع مواضيع عن ال vb.net طب واللى عايز سؤال يخش فى انهى واحد
دى حاجه
و بعدين اظنك لاحظت عدد الصفح قل ازاى
انا مسكت المنتدى امبارح قضيت عليه اصلا :)
المهم ان شاء الله هفكر برضه فى كلامك وبالنسبة لحوار الاركان فده مش من اختصاصى ولا صلاحياتى دى اللى يقدر يعملها المشرف العام و ربنا يسهل و اتكلم معاه في الموضوع ده

Ayman Xp

20-01-2006, 09:40 PM

موضوع جميل صعب التحقيق
أولا نقوم بإنشاء الأقسام بناء على امرين
1- توفر المواضيع لهذا القسم فلن أقوم بإنشاء قسم خالى من المواضيع و انتظر ان يقوم الأعضاء بإنشاء المواضيع فيه لابد من ان تكون موجودة مسبقها
2-أن يكون عليه إقبالا من الأعضاء
قد نقوم بإنشاء قسم خاص c# لان عليها إقبالا من الأعضاء و مواضيعها كثيرة أيضا ال sql لكن غير ذللك لا أظن فى لوقت الحالى وفر لى المواضيع أولا و انا اقوم بإنشاء القسم ثانيا غير ذلك لا أستطيع فلا أستطيع المجازفه بقسم لا يوجد إقبالا عليه
كما أن منتدى البرمجه جديد و المشرفين أيضا جدد فلا تنتظر نتيجه الان و لكن بعض فترة و عندما يزيد الأقبال على القسم سوف توضح الصورة اكثر و بناء عليها نقرر إعادة هيكله القسم

incubus

20-01-2006, 09:57 PM

جميل يا استاذ ايمن انت المشرف هنا ونحن بالتاكيد نحترم رايك
ولكني اريد من سيادتك شئ واحد :المواضيع التي لاتخص القسم من قريب او بعيد ياما تحذف او تنقل الى قسمها
فلا اسوا من قسم البرمجه غير منظم الا قسم البرمجه فيه سؤال عن كيفيه الكتابه بالعربي في الاكس بي!!!!!!!!!!!
وشكرا لك ولو اني كان في رايي ان الاركان تكون مجمعه بشكل تاني ( مع الاحتفاظ بالراي الاول والاخير لك واللي كلنا هنحترموا بالتاكيد) ان كل ركن برمجه يكون لامم لغات متشابهه اسميا يعني ركن البرمجه بالسي مثلا يكون لامم السي والسي ++ والسي # اما (لو انشئ) ركن البيسك يلم فيه البيسك العادي والفيجوال بيسك والفيجوال دوت نت
وبس
وشكرا ليك على اهتمامك بالموضوع

Ayman Xp

21-01-2006, 01:59 AM

بخصوص تنظيم المواضيع فقد يسقط منا موضوع سهوا شأن جميع المنتديات فاى مشرف لايكون متفرغا للمنتدى و لذلك لا يكفى الوقت لمراجعه المواضيع و فى نفس الوقت ترتيب المواضيع
والصحيح إنه عندما يجد عضو موضوع مخالف أن يراسل المشرف لسرعه التصرف لكن لا نتتظر من المشرف أن يقوم بكل شئ
بخصوص هيكله المنتدى سوف نراجع المواضيع المطروحه ثم نقرر مالذى سوف نقوم بيه إن شاء الله

mansatan

21-01-2006, 08:42 PM

أنا بقرح التقسيم التالى
قسم لل C# لوحدها
قسم للC,C++
قسم للVb Basic
قسم للSql,Oracle
قسم لباقى اللغات واللى يكبر ممكن يبقى قسم مستقل
قسم لطلبات الأعضاء
قسم أرشيف يعنى الحاجات القديمة يمكن حد يحتاج منها حاجة بدل ماتتحذف
وأنا مستعد أشارك فى C#,C++,C على أد ماأقدر
اذا عضو خالف الترتيب فى وضع مواضيعه يتحذرويتنقل الموضوع ولو أستمر يتحذف الموضوع المخالف و ممكن وقف عضويته